االصفحه الرسميه لمكتب الأستاذ / محمد حماد "المحامى"

02/10/2026

26/09/2026

#الخدمات التي سوف يتم ايقافها ضد الصادر ضدهم احكام جنائية اعتباراً من ٢٠٢٦/١٠/١

25/09/2026

وراء كل جلسة هادئة… قضايا تحتاج عقلًا لا يهدأ، وحقوقًا تستحق من يدافع عنها حتى النهاية. ⚖️
المحاماة ليست مجرد مهنة… إنها رسالة، وشرف، ومسؤولية.

18/09/2026

#معلومة قانونية في دقيقة
معلومة تهم كل بيت

🚨 من 1 أكتوبر 2026… قانون الإجراءات الجنائية الجديد يدخل حيز التنفيذ.

❓ يعني إيه الكلام ده بالنسبة للمواطن العادي؟

من أبرز المستحدثات: إتاحة الإعلان القضائي بوسائل إلكترونية، ومنها الهاتف المحمول والرسائل النصية والبريد الإلكتروني، وفق الضوابط التي حددها القانون، مع استمرار وسائل الإعلان التقليدية عند تعذر الإعلان بالوسائل المستحدثة. (رئاسة الجمهورية⁠)

📱 يعني ببساطة:
متستهونش برسالة أو إخطار قضائي يصلك على وسيلة إلكترونية، ولا تعتبر إن «أنا ما استلمتش ورقة من المحضر» معناها إن الموضوع انتهى.

⚠️ الإهمال في متابعة الإعلانات قد يؤدي إلى فوات مواعيد قانونية مهمة.

📌 خليك واعي… القانون بيتغير، وطريقة التعامل مع القضايا كمان بتتطور.

⚖️ تابع سلسلة «معلومة قانونية في دقيقة»
من مكتب محمد حماد للمحاماة
ا. والاستشارات القانونية

15/09/2026

#معلومة قانونية في دقيقة ….

🚨 هل تعلم أن تحريات الشرطة وحدها لا تكفي لإدانة المتهم؟

❗ نعم… التحريات وحدها لا تصلح دليلًا مستقلًا وكافيًا للإدانة.

فقد قررت محكمة النقض أن التحريات يجوز أن تكون قرينة تعزز أدلة أخرى، لكنها لا تصلح بمفردها دليلًا كافيًا على ثبوت الاتهام.
الطعن رقم 2252 لسنة 92 قضائية – جلسة 2/10/2023

📌 يعني ببساطة:
مجرد أن يقول محضر التحريات إن «التحريات السرية دلت على ارتكاب المتهم للواقعة» لا يغني وحده عن وجود أدلة أخرى تطرح أمام المحكمة وتخضع لتقديرها.

⚖️ التحريات بداية للاستدلال… وليست وحدها نهاية القضية.

#مكتب _محمد حماد للمحاماة
والاستشارات القانونية
القانون معرفة… والمعرفة حماية.

👇 هل كنت تعرف المعلومة دي؟ شاركها مع غيرك، يمكن تكون سبب في إن شخص يعرف حقه

12/09/2026

️ #معلومة قانونية في دقيقة

❓ هل توقيعك على عقد أو إيصال يعني إنك مش هتقدر تعترض عليه بعد كده؟

❌ مش دائمًا!

التوقيع له قيمة قانونية مهمة، لكن قد توجد حالات قانونية يمكن فيها الطعن على المحرر أو مناقشة حجيته بحسب ظروف الواقعة وطبيعة المستند وسبب الطعن.

📌 علشان كده: متستهونش بأي ورقة بتمضي عليها، وفي نفس الوقت متفتكرش إن كل ورقة موقعة أصبحت بمنأى عن الطعن.

⚖️ قبل ما تمضي… اسأل. وبعد ما تمضي… اعرف حقك.

مكتب محمد حماد للمحاماة والاستشارات القانونية
القانون معرفة… والمعرفة حماية.

👇 شارك المعلومة… يمكن تكون سبب في حماية حق شخص

11/09/2026

#هاااااام جداااا
#كل- ما يخص العفو والافراج الشرطى

( العفو الرئاسى وعفو نصف وثلث المدة :
ركزوا معايا يعني أيه الاستعلام عن تاريخ الإفراج لمسجون؟
يعني حضرتك تروح السجن اللى تابع له المسجون وتقوله عايز أعمل استعلام رسمى عن تاريخ افراجه ، الاستعلام بيكون مكتوب فيه تاريخ دخول المسجون وتاريخ خروج المسجون وميعاد العفو اللى هيتعرض فيه ، وكمان إيه الورق الناقص من الملف والمفروض يكمل اد إيه عشان العفو ، بدل ما تقعد تسأل المادة دى بكام شهر؟
الاستعلام ده هيوضحلك كل حاجة.

س طريقة تقديم طلب العفو الرئاسة :-

١- التقديم في لجنة العفو الرئاسي :-
العنوان / ٥٧ شارع مصدق الدور السادس
هتقول عاوز اقدم في العفو ، هيديلك استماره تملاها وتمشي.
● مش مطلوب أى ورق خالص.
● خد معاك رقم القضية فقط.
عن طريق مترو الانفاق اتجاه الجيزة او التحرير :-
● أنزل محطة مترو البحوث .
● واسأل عن شارع مصدق.
وفي شارع مصدق اسأل عن رقم ٥٧
● واطلع الدور السادس.
٢- التقديم للمحكوم عليهم حضوري فقط:-
التحقيق ممكن ياخد افراج في أى وقت.
الغيابى بمجرد ما يعمل إعادة إجراءات بيلغى الحكم.
المختفى لا هو محكوم عليه ياخد عفو ولا هو تحقيق مستني افراج ، ده منتظر رحمة ربنا بيه وبأهله، او ترفع قضية في مجلس الدولة، ربنا يرده سالم لبيته.
٣- المحبوس احتياطي ميقدمش ، لان البيانات بتنزل علي السيستم، ولو رحت تقدم قبل الحكم هيرفض ياخد منك الطلب ، خليك بعد الحكم افضل.
والسجناء السياسيين ليهم وضع خاص ولجنة خاصة.
٤- لا يشترط قضاء مده معينة من العقوبة حتى تتقدم بطلب عفو.
٥- لا يشترط وجود صفه في تقديم طلب العفو .
٦- التقديم بيتم مره واحده فقط.
٧- لكل من قدّم في العفو الرئاسي ولم يحظي به، ووجد بالكشف من في ذاته موقفه أو أسوأ من موقفه، أن يتظلم لرئيس الجمهورية، ويطعن أمام مجلس الدولة.
(أسئلة متعلقة بالعفو عن المسجونين:)

س/ هو انا لازم اقدم على العفو ولا السجن بيراجع من نفسه؟
ج/ بيتم تشكيل لجنة قانونية من الإدارة العامة لمصلحة السجون، تقوم بفحص ملفات نزلاء السجون، في إطار قانون لتحديد مستحقي الإفراج بالعفو عن باقي مدة العقوبة، أو الإفراج الشرطي
س/ يعني ايه؟
ج/ يعني السجون بتراجع ملفات النزلاء وبترسل ملفات من يستحقون العفو لمصلحة السجون للبت في امرهم، لكن للسرعه وعشان عدد المسجونين مش قليل " يفضل " تسعى بنفسك وتقدم طلب العفو بنفسك.
س / العفو بعد اد ايه؟
ج / العفو بعد تلت المدة لو حكمك سنه، العفو بعد ٤ شهور ولو حكمك ٥ سنين، العفو بعد ٢٠ شهر.
س / يعني ايه نص المدة ؟
ج / نص المدة اسمها الافراج الشرطي يعني تقضي نص المدة مسجون، والنص التاني بتخرج بتروح تمضي في قسم الشرطه مرة كل اسبوع.
س / مش فاهم قصدك؟
ج/ حاضر هفهمك
لو مسجون حكمه ١٠ سنين وهيخرج نص المدة " افراج شرطي " يبقى هيقضي ه سنين كوامل يعني ٦٠ شهر محبوس، وبعدها يخرج ويروح القسم كل اسبوع يمضي مرة.
س/ العفو والافراج الشرطي لاي حد؟
ج / لأي حد لكن فيه شروط حسن السير والسلوك وموافقة الامن على خروجه.
س / ايه شروط العفو ؟
ج / الشروط الواجبة لتنفيذ قرارات العفو، سواء عن تلت المدة أو الافراج الشرطى هى: يجب أن يتوافر فى النزيل شرط إتمام تلت المدة " للعفو "
و شرط اتمام نصف المدة " للإفراج الشرطي " فى يوم تنفيذ العفو بالإضافة إلى حسن السير والسلوك. بالاضافة لسداده لكافة الالتزامات الماليه الوارة على الحكم زى التعويضات والمصاريف الجنائية
س / بس بيقولو فيه قضايا ملهاش عفو ؟
ج / صح فيه قضايا ملهاش عفو بس لها افراج شرطي
س / يعني ايه ملهاش عفو بس ليها افراج شرطي ؟
ج / يعني تخرج باذن الله بعد نص المدة بدلا من تلت المدة
س / زي ايه القضايا دي ؟
ج / زي قضايا الاتجار فى السلاح
و قضايا المخدرات بضبطيات أكثر من ١٠ كيلو جرام
و قضايا " الهيروين" و قضايا الثأر
س/ هو حكم المؤبد ؟ او الأحكام المتعددة لشخص واحد ليهم عفو ؟
ج / أيوه ليهم عفو
1 . الحكم المؤبد العفو عنه بعد ٢٠ سنه
2 . إذا تعددت الأحكام يكون العفو بعد تلت المدة " من مجموع الأحكام "
س / هو ملف العفو اللى بيرجع من مصلحة السجون لازم يقعد ٦ شهور عشان يرجع تاني ؟
ج/ لا مش لازم ...مصلحة السجون بتكون محدده تاريخ رجوعه للفحص مرة اخري
ممكن بعد شهرين أو ٣ شهور و ممكن بعد ٦ شهور و ممكن اكتر من كده
س / هو العفو و الإفراج الشرطي لهم وقت محدد ؟
ج/ أيوه لهم وقت محدد في المناسبات الرسمية
س / ايه هي المناسبات الرسمية اللي فيها عفو ؟
ج/
( عفو ٢٥ يناير)
(عفو ٢٤ ابريل)
( عفو عيد الفطر)
(عفو عيد الأضحي)
(عفو ٣٠ يونيه)
( عفو ٢٣ يوليو)
(عفو ٦ اكتوبر)
س / اقدم طلب العفو فين؟
ج / تقديم طلب العفو بيكون ف جهات كتير
ف مصلحة السجون
أو فى قصر عابدين بوابة رقم ٥
أو في مجلس النواب
أو فى مجلس الوزراء
ودى غير لجنة العفو الرئاسى الموجودة بالعنوان ٥٧ شارع مصدق محطة البحوث الجيزة بالدور السادس ودى خاصة بالعفو الرئاسى فقط غير العفو بتلت المدة ونص المدة
س / بس انا من محافظة بعيدة وصعب اروح القاهرة ؟
ج / ابعت طلب عفو با التلغراف أو بالفاكس
س / ابعت تلغراف او فاكس لمين بالظبط ؟
ج / الجهات التي يرسل إليها تظلم العفو عن مسجون
1- السيد / رئيس الجمهورية
2-السيد / النائب العام
3-السيد / رئيس مجلس الوزراء
4- السيد/ وزير الداخلية
5- السيد/ مدير مصلحة السجون
6- السيد / رئيس لجنة حقوق الانسان
7-السيد/ مدير إدارة الشكاوي بمجلس النواب
حضرتك هتروح سنترال كبير في محافظتك وهما عارفين الفاكسات والعناوين
حضرتك هتروح سنترال كبير في محافظتك وهما عارفين الفاكسات
📠 أرقام مصلحة السجون
بيردوا علي أى استفسار أو سؤال يخص المسجونين من 8 صباحا حتي 3 مساءا
0225741871
٠٢٢٥٧٥٧٤٧٤
0225741871
0225742493
س / انا مش عارف اكتب صيغة للعفو عشان ابعتها
ج / اكتب اي صيغه مفيش صيغة محددة
س / طيب قول لي صيغه الطلب يكرمك ربنا ؟
ج / حاضر
بـــــســــم الـــــلَّٰـــــه الًـــرحــــمـــــٰـن الـــــــرحـــــــيــــم
معالى سيادة رئيس الجمهورية / ................
السيد رئيس الوزراء / دكتور مصطفى مدبولي
السيد وزير الداخلية / اللواء محمود توفيق
بعد اسمي آيات الاحترام والتقدير
نطلب من سيادتكم العفو عن
السجين / ........
الموجود بسجن / ................
والمحكوم عليه في قضية رقم ........ جنايات ..........
قسم ......... رقم ........ كلي .......
حيث حُكم عليه بقضاء .......... سنوات وقضى منها أكثر من نصف المدة .
وحيث أن سنه قد تجاوز ال ....... ، ويعاني من أمراض الشيخوخة وارتفاع ضغط الدم وضعف الجهاز المناعي وعدم القدرة على القيام بالأعمال البسيطة وبقاؤه في الحبس يشكل خطرا على حياته نظراً لتدهور حالته الصحية ، ولأن تكدس المساجين يعد صورة من صور التجمعات والزحام والذي يؤدي لتفشي ڤيروس كورونا المستجد والذي يودي بحياة كبار السن واصحاب المناعة الضعيفة
وإستمراراً لتطبيق أطر السياسة العقابية بمفهومها الحديث ، وتوفير أوجه الرعاية المختلفة لنزلاء السجون ، وتفعيل الدور التنفيذى لأساليب الإفراج عن المحكوم عليهم الذين تم تأهيلهم للإنخراط فى المجتمع.
( لذا........ نرجوا منكم النظر بعين الرأفة والرحمة )واتخاذ القرار اللازم نحو العفو عن باقى المدة المحكوم عليه بها
وتفضلوا بقبول فائق الاحترام والتقدير
ولسيادتكم جزيل الشكر .
س/ هو اللي ورقه " لا قدر الله " بيترفض فى العفو بيرجع يتعرض تانى أمتي ؟
س / هو صحيح اللي ورقه " لا قدر الله " بيترفض ف العفو لازم يستني ٦ شهور كمان عشان يتعرض مره تانية ؟
ج/ اللي ورقه بيترفض فى اي عفو بيتكتبله فى الملف بتاعه تاريخ العرض التاني بيكون امتي
س/ يعني ايه ؟
ج/ يعني حضرتك تسأل فى السجن بتاعه هيقولك تاريخ سفر ملفه للعرض تاني مره
مش لازم يستني ٦ شهور عادي جدا ينزل تاني العفو اللي بعده كل المطلوب من حضرتك تعرف سبب الرفض وتحاول تعالجه وتعرف تاريخ العرض التاني امتي وده بيبقى ثابت فى الملف بتاعه فى السجن .

11/09/2026

#معلومة قانونية في دقيقة

❓ هل يجوز للشرطة أن تدخل منزلك وتفتشه لمجرد الاشتباه؟

⚠️ ليس لمجرد الاشتباه وحده.

تفتيش المساكن له ضوابط وإجراءات قانونية، والأصل أن للمسكن حُرمة لا يجوز المساس بها إلا في الأحوال التي يجيزها القانون.

📌 ولو حصل تفتيش بالمخالفة للقانون، فقد يثور نزاع حول مشروعية الإجراء وما ترتب عليه من أدلة.

⚖️ اعرف حقوقك… لأن الجهل بالقانون قد يكلفك الكثير

10/09/2026

#معلومة قانونية في دقيقة

❓ هل التوقيع على إيصال أمانة على بياض ممكن يسبب لك مشكلة؟

نعم، وقد يترتب عليه نزاع قانوني خطير.

📌 نصيحتنا: لا توقّع على أي ورقة خالية من البيانات، ولا تسلّم توقيعك على بياض لأي شخص مهما كانت درجة ثقتك فيه.

احفظ حقك قبل ما تحتاج تدافع عنه.

09/09/2026

#معلومة- قانونية
3️⃣ هل يجوز تصوير شخص بدون علمه؟ 📱

الموضوع مش بهذه البساطة.

التصوير أو التسجيل قد يرتب مسؤولية قانونية بحسب مكان التصوير وطريقة الحصول على التسجيل وكيفية استخدامه.

⚠️ لذلك لا تفترض أن «الموبايل بتاعي أعمل بيه اللي أنا عايزه»