EILC للمحاماة والاستشارات

EILC للمحاماة والاستشارات النخبة الدولية للمحاماة والاستشارات القانونية�
خبرة قانونية… حلول موثوقة… وحقوق مصانة.
نقدم استشارات قانونية وتمثيل قضائي باحترافية داخل مصر.

🛑 شريكك مش بس شريك.. ده "وكيل" عنك وأمين على مالك!​كتير مننا بيدخل في مشاريع مع أصحاب أو قرايب بكلمة شرف، وبيفتكر إن لو ...
19/02/2026

🛑 شريكك مش بس شريك.. ده "وكيل" عنك وأمين على مالك!
​كتير مننا بيدخل في مشاريع مع أصحاب أو قرايب بكلمة شرف، وبيفتكر إن لو حد "استولى" على الفلوس يبقى الموضوع "خناقة مادية" ونروح المحكمة المدنية.. لكن الحقيقة قانوناً أخطر من كدة بكتير!
​إليك الخلاصة اللي لازم تعرفها عشان تحمي حقك (أو تعرف اللي ليك واللي عليك):
​الشريك "خائن أمانة": محكمة النقض المصرية استقرت على مبدأ مهم؛ وهو إن يد الشريك على مال الشركة هي "يد أمانة". يعني لو شريكك أخد الفلوس لنفسه واعتبرها ملكه، بيتحول فوراً من شريك لـ "مبدد" ويتحاكم بالمادة 341 عقوبات (خيانة أمانة).
​طيب هل يشترط أن يكون فيه عقد شراكة مكتوب؟
الحقيقة أنه مش لازم، متخليش حد يضحك عليك ويقولك "مافيش ورق بينا". عقد الشركة في القانون "رضائي"، يعني مجرد الاتفاق الشفهي أو الضمني كفاية لإثبات الشراكة، وإن كان طبعاً الورق بيضمن الحقوق أسرع في النزاعات.
​طيب هل الكلام دا بينطبق على اى شراكة؟
لازم نعرف ان الكلام ده بينطبق بشكل أساسي على "شركات الأعيان" والشركات البسيطة بين الأفراد (المادة 520 مدني). أما الشركات الكبيرة (مساهمة أو مسئولية محدودة) فدي ليها نظام إدارة وقوانين تانية خالص.
لكن السؤال المهم والحقيقة هو فى غاية الأهمية وبيمثل حالات كتيرة، لو اتنين ورثة مع بعض في بيت، واحد منهم باعه "بسوء نية" من ورا التاني عشان يضره.. هل دي تعتبر "خيانة أمانة" زي الشراكة ونحبسه بالمادة 341؟ ولا القانون ليه رأي تاني في موضوع "المال المشترك" والورث؟
​استنونا البوست اللي جاي عشان تعرفوا الفرق المهم بين خيانة الأمانة والتصرف في المال المشترك! ⚖️

تتقدم مؤسسة النخبة الدولية للمحاماة والاستشارات القانونية بخالص التهاني وأطيب الأمنيات إلى عملائنا الكرام بمناسبة حلول ش...
17/02/2026

تتقدم مؤسسة النخبة الدولية للمحاماة والاستشارات القانونية بخالص التهاني وأطيب الأمنيات إلى عملائنا الكرام بمناسبة حلول شهر رمضان المبارك 🌙
نسأل الله أن يعيده عليكم بالخير واليُمن والبركات، وأن يتقبل منا ومنكم صالح الأعمال.
ونحيط سيادتكم علمًا بأن مواعيد العمل خلال شهر رمضان ستكون على النحو التالي:
📅 أيام العمل: السبت – الاثنين – الأربعاء
⏰ من الساعة 9:00 مساءً حتى الساعة 11:00 مساءً
ويسعدنا دائمًا خدمتكم وتقديم الدعم القانوني الكامل لكم خلال الشهر الفضيل.
كل عام وأنتم بخير 🌙✨

شيك.. ولا إيصال أمانة؟ ⚖️💵لو بتسألني عن أضمن وسيلة تحفظ بيها حقك وتنام وأنت مطمن، الإجابة من غير تفكير هي: "اضمن حقك بشي...
12/02/2026

شيك.. ولا إيصال أمانة؟ ⚖️💵
لو بتسألني عن أضمن وسيلة تحفظ بيها حقك وتنام وأنت مطمن، الإجابة من غير تفكير هي: "اضمن حقك بشيك.. وابعد عن إيصال الأمانة".
ليه بنقول كده؟ إليك الأسباب من واقع المحاكم:
1️⃣ ثغرة "البراءة" في إيصال الأمانة:
إيصال الأمانة "عقد أمانة"، يعني لو المتهم قدر يثبت إنك مسلمتوش فلوس في إيده فعلاً (انتفاء ركن التسليم)، أو قدر يثبت إن الإيصال كان ضمان لجمعية أو معاملة تجارية (مدنية النزاع)، غالباً هياخد براءة وتتحول القضية من جناية لمدني.
2️⃣ قوة الشيك "المجردة":
الشيك في القانون هو "أداة وفاء" مش "ائتمان". المحكمة مش بتدور ورا "سبب إصداره"؛ طالما التوقيع سليم والرصيد مش كفاية، الجريمة قائمة. احتمالية البراءة في الشيك ضعيفة جداً مقارنة بالإيصال.
3️⃣ فارق "الفائدة القانونية" (النقطة الأهم):
لو اضطررت تلجأ للقضاء المدني عشان تحصل فلوسك:
في إيصال الأمانة: الفائدة القانونية "المدنية" ثابتة ولا تزيد عن 4% سنوياً.
في الشيك: باعتباره ورقة تجارية، الفائدة القانونية فيه تُحدد طبقاً لـ "السعر المقرر من البنك المركزي"، وده طبعاً فرق شاسع لصالحك في ظل الظروف الاقتصادية الحالية.
⚠️ لكن.. انتبه جيداً!
عشان "سلاح الشيك" ميرجعش عليك، لازم تلتزم بـ المواعيد القانونية (سواء مواعيد التقديم للبنك أو مواعيد رفع الدعوى)، لأن فوات المواعيد ممكن يُفقد الشيك قوته الجنائية ويحوله لمجرد "سند دين" مدني.
الخلاصة:
إيصال الأمانة فيه مخاطرة.. الشيك هو الحماية الحقيقية.
#محاماة

المحكمة الإدارية العليا تنتصر للحقوق المهنية وتلغي تعسف "الجهة الإدارية"بفضل الله، نجح مكتبنا في الحصول على حكم قضائي من...
09/02/2026

المحكمة الإدارية العليا تنتصر للحقوق المهنية وتلغي تعسف "الجهة الإدارية"
بفضل الله، نجح مكتبنا في الحصول على حكم قضائي من المحكمة الإدارية العليا، يقضي بإلغاء قرار رفض قيد أحد موظفى مصلحة الضرائب بالسجل العام للمحاسبين والمراجعين.
المحاور القانونية التي استند إليها الحكم:-
1. أن لجنة البت فى الطلبات لم تقم باستدعاء الطاعن للحضور أمامها بكتاب موصى عليه مصحوب بعلم الوصول لسماع أقواله قبل الفصل في الطلب و مناقشته في هذا السبب ولم تقدم الجهة الإدارية المطعون ضدها ما يفيد ذلك.
2. إن مجرد إتهام الطاعن في قضية جنائية لا ينهض بذاته سبباً تتحقق بموجبه إحدى حالات رفض قيده في سجل المحاسبين والمراجعين .

سمسار ولا وسيط ولا مسوّق؟ 🤔 إيه الفرق بينهم؟​ لازم تعرف إن القانون المصري (خاصة القانون رقم 21 لسنة 2022) فرق بوضوح بين ...
29/01/2026

سمسار ولا وسيط ولا مسوّق؟ 🤔 إيه الفرق بينهم؟
​ لازم تعرف إن القانون المصري (خاصة القانون رقم 21 لسنة 2022) فرق بوضوح بين 3 مصطلحات بنستخدمهم كل يوم:
​1️⃣ السمسرة العقارية (الوساطة التقليدية):
دي أبسط صورة؛ دور "السمسار" إنه يوفق راسين في الحلال (بائع ومشتري)، وتنتهي مهمته بمجرد إتمام الاتفاق.
​2️⃣ الوساطة العقارية (العمل المؤسسي):
دي الصورة الأشمل والأكثر أماناً. الوسيط مش بس بيجيب مشتري، ده بيراجع أوراق الملكية، بيجهز العقود، وبيضمن حقوق الطرفين.
✅ قانوناً: لازم يكون فيه "عقد وساطة مكتوب" بينك وبين الوسيط بيحدد عمولته وشروط البيع.
​3️⃣ التسويق العقاري (خلق الفرصة):
المسوّق مش وظيفته البيع وبس، وظيفته يخلي العقار "يتشاف". بيعمل دراسة سوق، وتصوير احترافي، وحملات إعلانية.
باختصار: المسوق بيجيب "الزبون"، والوسيط هو اللي "بيخلص البيعة".
​⚖️ نصيحة قانونية:
سواء كنت بائع أو مشتري، اتعامل دايماً مع "وسيط عقاري مرخص" ومقيد في سجل الوسطاء بهيئة الرقابة على الصادرات والواردات، عشان تضمن حقك وتتجنب أي عقوبات قانونية تتعلق بمزاولة المهنة بدون ترخيص.
​

🛑 ٩٠ ألف جنيه في حسابك بـ "غلطة".. هدية ولا مصيدة؟ 🛑​تخيّل تصحى من النوم تفتح موبايلك تلاقي رسالة بتحويل 90,000 جنيه نزل...
27/01/2026

🛑 ٩٠ ألف جنيه في حسابك بـ "غلطة".. هدية ولا مصيدة؟ 🛑
​تخيّل تصحى من النوم تفتح موبايلك تلاقي رسالة بتحويل 90,000 جنيه نزلوا في حسابك من اسم ما تعرفوش.
​بعدها بساعتين يجيلك اتصال بصوت مرتبك:
"يا أستاذي، أنا حولتلك الفلوس دي بالخطأ، دي مصاريف عملية لوالدتي.. ارجوك رجعهملي على الحساب (....) وخلي معاك 5000 جنيه حلاوتك وتعبك!"
​لو "نيتك طيبة" هترجعهم.. لكن لو فاهم وشاطر، ردك لازم يكون واحد بس: «أنا ماليش صفة أرجع تحويلات يدوية.. تواصل مع البنك وهو يصحح الخطأ» .. وتقفل السكة!
​ليه لازم تخاف من "الهدية" دي؟
​بصفتي محامي، بقولك إن السيناريو ده هو "الفخ الكامل" لعدة أسباب:
​تبييض أموال (Money Laundering): الفلوس دي غالباً ناتجة عن جريمة (سرقة حسابات أو نصب)، والمحتال عايز يستخدم حسابك كـ "مغسلة" عشان يقطع صلة الوصل بينه وبين الجريمة.
​المسؤولية الجنائية: بمجرد ما تحول الفلوس من حسابك الشخصي لحساب "المحتال"، أنت أصبحت قانوناً "شريكاً في الجريمة" أو على الأقل متهم بـ "حيازة أموال مجهولة المصدر".
​التتبع: الضحية الأصلي لما يبلغ، التحريات هتوصل لـ "حسابك أنت" مش حساب النصاب.
​الخلاصة القانونية لحماية نفسك: 👇
​✅ لا تلمس الفلوس: لا تسحب، لا تحول، ولا حتى تشتري بيهم "كارت شحن".
✅ إبراء الذمة: تواصل مع خدمة عملاء البنك فوراً وأثبت إنك تلقيت مبلغاً مجهول المصدر واطلب منهم تجميده.
✅ بلاغ رسمي: في المبالغ الكبيرة، محضر إثبات الحالة هو درعك القانوني لو الأمور وصلت للنيابة.
​القانون لا يعتد بـ "حسن النية" إذا أهملت في حماية نفسك.
​ #احذر

🚨 خد بالك قبل ما تشتغل سمسرة!قرار جديد رقم 578 لسنة 2025 نظم السمسرة العقارية رسميًا 👇✔️ مفيش سمسرة من غير قيد في سجل ال...
19/01/2026

🚨 خد بالك قبل ما تشتغل سمسرة!
قرار جديد رقم 578 لسنة 2025 نظم السمسرة العقارية رسميًا 👇
✔️ مفيش سمسرة من غير قيد في سجل السماسرة
✔️ أنواع النشاط: بيع – شراء – إيجار – سمسرة مزدوجة
✔️ ينفع تقيد أكتر من نشاط
💰 الفئات حسب قيمة العقارات:
أكتر من 100 مليون → رأس مال 1000000
من 50 لـ 100 مليون →500000
من 10 لـ 50 مليون → 50 ألف
لحد 10 مليون → 20000
الخلاصة:
اشتغل صح… علشان متتفاجئش إن شغلك كله بره القانون ⚖️

Address

شارع الميثاق/أمام سنترال 3/زهراء مدينة نصر/القاهرة
Cairo

Website

Alerts

Be the first to know and let us send you an email when EILC للمحاماة والاستشارات posts news and promotions. Your email address will not be used for any other purpose, and you can unsubscribe at any time.

Shortcuts

Share

Category