مكتب العدالة للمحاماه والاستشارات القانونية

13/03/2025

خدوا بالك وانت بتبيع سيارة يفضل تبيعها بعقد مسجل لنقل الملكية ولو مش حتنقل الملكية يبقي توكيل بالبيع للنفس فقط بلاش للنفس وللغير 👌🏻 لانه للغير ممكن يفضل يبيع بية من شخص لشخص وتفضل العربية يأسمك في المرور ودة معناة مسؤليتك القانونية عن السيارة 🙈 التوكيل بالبيع للنفس فقط علشان تجبر اللي أشتري منك علي نقل الملكية 💪🏻💪🏻

23/02/2025

التعرض للابتزاز
هاتعمل ايه
لو وقعتي في مشكلة وحد معاه صورك وبيبتزك هاقولك نصائح تعمليهم أول ما يحصلك حاجة شبيهة لدي علطول مترديش عليه نهائيًا وسبيه زي ما هو عايز.
هتتوجهي لأقرب مديرية أمن ليكي وتروحي على جهاز تكنولوجيا المعلومات التابع للمديرية وتحرري محضر إلكتروني ضد الشخص ده.
ولو ما تعرفيش اسمه، اذكري اسم ملفه الشخصي فقط، ولو كنتِ تعرفيه، اكتبي اسمه وصفته.
أما السؤال المهم اللي دايما بيتسأل هل في حد من أهلي هيعرف حاجة، الإجابة لا، مفيش حد من أهلك هيعرف حاجة، والمحضر بتاعك هيتصدر للنيابة في سرية تامة لأن النوع دا من القضايا بيبقى حساس واحنا فاهمين الكلام ده.
وهناك عدة طرق للتواصل مع مباحث الإنترنت والإبلاغ عن الجرائم الإلكترونية ويمكن لصاحب البلاغ التواصل مع مباحث الإنترنت بالعباسية مقر وحدة تلقي بلاغات المنطقة المركزية بميدان العباسية بمعهد التنمية البشرية أو عن طريق الإدارة العامة لتكنولوجيا المعلومات ش طه حسين التجمع الأول.
وفي حالة كنت في محافظة أخرى غير القاهرة، فيمكن تقديم البلاغات بكافة مديريات الأمن على مستوى الجمهورية، من خلال الحضور بشكل شخصي إلى المقر لتحرير المحضر أو يمكن التواصل هاتفيا من خلال الأرقام التالية والخاصة بإدارة مكافحة جرائم المعلومات:0224065052 -02240650.
كما يمكن إبلاغ مباحث الإنترنت عن طريق الاتصال بالخط الساخن المختص بإدارة مكافحة جرائم الإنترنت على رقم 10 وهو خط مخصص للإبلاغ عن الجرائم الإلكترونية وجرائم الإنترنت، ويعمل على مدار 24 ساعة.

للاستشارات القانونية
01009606294

11/02/2025

لاتعد البصمة على المستند أقوى من التوقيع في الإثبات!
.هذا الاعتقاد غير صحيح ..

فكثيراً ما تصبح البصمة التي وضعت على السند في موضع اضعاف للسند وليس تقويته اذا ما اخذت بطريقة غير صحيحة .

⛔ من أمثلة الأخذ الخاطئ للبصمة على السندات:

١_ زيادة التحبير ينتج عنه بصمة مطموسة.
٢_ قلة التحبير ينتج عنه بصمة غير واضحة أو متقطعة.
٣_ تحريك الأصبع المحبر على السند ينتج عنه تداخل للخطوط.
٤_ استخدام أصبع غير معتاد التبصيم فيه.

☑️ الأفضل أن تُعزز البصمة بتوقيع صريح إملائي، في هذه الحالة البصمة تدعم التوقيع لو ضعف والتوقيع يدعم البصمة لو طُمست..

11/02/2025

02/11/2024

تنويه هام ‼️
النيابه العسكريه تعفي الهاربين من موقف التجنيد
تقوم إدارة السجلات العسكرية علي إنهاء موقف جميع المجندين الهاربين من وحداتهم العسكرية...
ممن بلغوا سن ٣٦ عام وإنهاء جميع إجراءاتهم وتسليمهم شهادة تأدية الخدمة العسكرية بدون توقيع غرامه مالية بعد تقديم المستندات الأتية...
١- فيش جنائي حديث موجه لإدارة السجلات العسكرية...
٢- عدد ٢ صورة من بطاقة الرقم القومي سارية...
٣- صورة من قسيمة الزواج الورقيه في حالة الزواج...
٤- الكارنيه والرخصة في حالة توافرهم...
٥- عدد ٢ صوره شخصية حديثة بيضاء...
٦- أصل شهادة الميلاد مميكنة وحديثة...
لذالك علي كل الأفراد الهاربين أستكمال أوراقهم والتوجة إلي إدارة السجلات العسكريه لأنهاءموقفهم التجنيدي...

02/11/2024

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق👇👌👇

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش هنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحة توقيع للعقد المحكمه لازم يكون قدامها أصل العقد وطبعا المحامى مش هيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط..

25/10/2024

قرار رئيس الوزراء رقم ٣٥٢٨ لسنه ٢٠٢٤ بمد فترة تلقي طلبات التصالح لمدة سته اشهر

03/10/2024

*" لو علم المسلمون فضل الصلاة على النبي محمدٍ ﷺ لما كفّت ألسنتهم عنها كل حين "* 🍃🤍

*اللهمَّ صلِّ وسلم على نبينا محمدٍﷺ🤲🏻🌸*

11/07/2024

"إطفاءُ شمعةِ غيرِك لن يَزيدَ في إضاءةِ شمعتِك."

الأرزاقُ مقسومة فلا تجعل عينَك ضيّقة، والعطايا مكتوبة فلا تُتعِب نفسَك..

29/06/2024

(( بسم الله الرحمن الرحيم ))

(( السن القانوني في القانون المصري ))

اولا:
السن القانوني للزواج للرجل او المرأة .. 18 عام

ثانيا:
السن القانوني لاهلية التقاضي في الاحوال .. 15 عام

ثالثا:
السن القانوني لعمل توكيل عن النفس .. 21 عام

رابعا:
السن القانوني لانتهاء الحضانة للولد او البنت .. 15 عام

خامسا:
السن القانوني للخضوع امام محكمة الاحداث من 7 الي 18

سادسا:
السن القانوني لسن الرشد للولد او للبنت .. 21 عام

سابعا:
السن القانوني للمسئولية الجنائية للطفل من 11 الي 18

ثامنآ:
السن القانوني لاصدار بطاقة رقم قومي .. 15 & 16 عام

تاسعا:
السن القانوني لاصدار رخصة قيادة .. 18 عام

عاشرا
السن القانوني للتقديم الي التجنيد 19 عام

احدي عشر:
السن القانوني لاهلية ممارسة التجارة 18 عاما
ا/ايمن فتحى. المحامى

23/06/2024

السيد العميل الفاضل
سواء كنت موكل أو طالب إستشارة قانونية،
إن طرقت بابي وإختارتني لك مُحاميًا فأرجو أن تعلم الأتي علم اليقين :-

1** لست صاحب وعود بنتيجة حتمية فلست مقاولا ملزم بتحقيق نتيجة ولكني محامي أؤدي رسالة وملزم ببذل أقصى جهد وبعناية للوصول لأفضل نتيجة.

2** لا تظن يومًا ما إني سلعة أشترى وأباع .. بل كامل الإختيار بين يدي وإختيارك لي محاميًا لا يعني قبولي رغبتك بل قد أقبل وقد أرفض الأمر يرجع لقناعتي وتقديري.

3** ثقتك في مقدمة لدي على أتعابك التي نتفق عليها واستمرارية العلاقة بيننا أساس إستمرارها الثقة قبل أن تكون الأتعاب.

4** أرفض تمامًا فكرة أن تسند ذات العمل المُسند إلي إلى زميل أخر يشاركني فيما أؤديه إليك لا لشئ سوى لمصلحتك حتى لا تضارب إجرائتنا وقراراتنا في ملفك مع مصلحتك الشخصية ف بكل صدر رحب أتقبل أن تسحب ملفك وتسنده لأي زميل.

5** كذبك علي في وقائع نزاعك سبب جوهري للتنحي عن وكالتك فور العلم بمواطن كذبك فهذا أساس لا غنى عنه من أسس الثقة المتبادلة بيننا ولا تظن أن الكذب سبيل لكسب تعاطفي.
أ/ايمن فتحي محمد. المحامى