مصطفى أبوزيد المحامى

03/05/2026

أنا مش فاتح مكتب محاماة … أنا فاتح خط ساخن قانوني 😂

03/03/2026

بسم الله الرحمن الرحيم

09/12/2025

بسم الله الرحمن الرحيم

يسرّ مكتب المستشار مصطفى أبوزيد
أن يعلن عن فتح الباب مرة أخرى لاستقبال طلبات استصدار الموافقات القانونية لدخول الأشقاء السودانيين والسوريين والعراقيين إلى جمهورية مصر العربية.

ونقدّم هذه الخدمة في مدة قياسية تبدأ من ثلاثة إلى خمسة أيام بإذن الله تعالى،
مع أفضل الأسعار ومتابعة قانونية دقيقة من خلال مكتبنا حتى إنهاء الإجراءات أمام الجهات المختصة.

نلتزم بالعمل باحتراف… واحترام… وسريّة كاملة، وهدفنا دائما تسهيل وصولكم إلى مصر عبر الطرق القانونية السليمة وبأعلى درجات المصداقية.

للاستفسار والمتابعة:
تواصل مع مكتب
01111164640
واتس اب

14/07/2025

من توكل على الله سلك طريق النجاح، ومن أخلص في عمله ملك القلوب."

30/06/2025

لو عندك شقة... بيت... أو حتى عمارة لسه بتتبني
فاسمعني كويس، لأن الكلام ده يخصك شخصيًا...
مصر دخلت عصر جديد في إدارة العقارات،
وبدأ رسميًا: قانون تكويد العقارات!"

📌
"ابتداءً من مايو 2025، الدولة قالت:
مافيش حاجة اسمها عقار من غير هوية!
كل عقار في مصر، لازم يكون له كود رقمي موحد
يعني رقم سري خاص بيه، زي رقمك القومي بالضبط!"

📊
"الكود ده هيبقى فيه كل حاجة:
📍 مكان العقار
👤 اسم المالك
📐 المساحة
🏗️ نوع الاستخدام
وحتى حالته القانونية... مرخص؟ مخالف؟ متسجل؟ ولا لا؟"

⚖️
"طيب... إيه اللي هيحصل لو عقارك مش متكوّد؟
ما تقدرش تبيعه... ما تقدرش تسجله...
ولا حتى تدخل له مرافق زي كهربا أو مياه
يعني ببساطة... عقار بلا كود = عقار ميت قانونًا"

📅
"التطبيق هيبدأ تدريجيًا، محافظة محافظة،
والجهات المختصة هتنزل تحصر وتكوّد...
لكن لما يفتح باب التقديم، لازم تكون جاهز بورقك،
لأن اللي هيتأخر، هيعطّل نفسه بنفسه!"

💬
"وده مش مجرد إجراء...
ده تحول تشريعي ضخم، بيحمي الملكية
ويقفل أبواب التعدي، ويخلي السوق العقاري منضبط وواضح"

📣
"لو مش عارف تبدأ منين؟
اسأل محامي موثوق أو تواصل معانا،
واحنا نساعدك خطوة بخطوة علشان ما تضيعش فرصتك
وتضمن إن عقارك داخل في المنظومة الجديدة قبل ما يتقفل الباب!"

01111164640

26/06/2025

اللهم مع بداية عاما هجريًا ، نسألك أن تكتب لنا الخير في كل خطواتنا، وأن تصرف عنا كل سوء ..

اللهم إنه عاما جديدا قد أقبل، نسألك خيره وخير ما فيه ونعوذ بك من شره وشر ما فيه. اللهم اجعله عاما لا فقد فيه ولا ألم، عاما مليئا بالرضا والسكينة والفرج والرحمة والمغفرة ..🤲🏻
كل عام وأنتم بخير

10/06/2025

#منقول
السلام عليكم جميعًا،
أنا هرتب كلامي في كذا نقطة كده علشان اللي يقرا يفهم على طول:

أولًا:
أنا اسمي خالد الحسيني، بشتغل ظابط في مرور القاهرة بقالي حوالي ٩ سنين، اشتغلت تقريبًا في كل حتة في الإدارة:
من الدوريات الراكبة (ضباط الموتوسيكلات)، ومباحث المرور، والتخطيط والبحوث الفنية، ولحد المرور الميداني في الشارع.

ثانيًا:
أنا طبعًا عارف إني بكلم ناس أساتذة في المرور والطرق، بس حابب أفكّركم بحاجة.
ممكن أكون مُطلع شوية بحكم شغلي على حوادث مرعبة، وعندي فكرة عن أسبابها، ودايمًا بقعد أحللها علشان لما ييجي وقت زي ده أقدر أتكلم وأنبّهكم تاخدوا بالكم.

ثالثًا:
إحنا في المرور درسنا إن تحديد السرعات على الطرق بيبقى من خلال جهة واحدة بس، وهي الإدارة العامة للمرور،
حتى لو الطريق معمول من جهة تانية، لأن دي الجهة المختصة الوحيدة.

احنا بنحدد السرعة على حسب معايير دولية، وعلشان كده، لحد دلوقتي مفيش طريق في مصر سرعته أعلى من ١٢٠ كم/س، وده لأسباب كتير:

نوع طبقة الأسفلت

كمية التجهيزات اللي تحت الأسفلت (زي طبقة الخرسانة وحاجات تانية كتير)

حتى البلاك الأسود اللي بيتفرش قبل الأسفلت بيفرق

إحنا بنلاحظ الهبوط اللي بيحصل في الطرق بعد فترة، خصوصًا في الصيف لما النقل التقيل يعدي ومفيش طريق بديل.

هقولكم على سر:
السرعة الأصلية للطريق اللي بنتحددها إحنا في المرور بتكون أعلى بـ20 كم من اللي مكتوب على العلامات.
يعني مثلًا لو مكتوب ١٢٠، إحنا شايفين إنه يستحمل ١٤٠، بس بنحطك في نقطة الأمان حسب المعايير الدولية... ربنا يحفظكم.

بعد شوية:
تلاقي الطريق اللي كان نضيف بقى فيه مطبات هوائية، ودي بتأثر على المساعدين وثبات العربية.

يعني تخيل كده، إنت سايق عربية جامدة، وماشي على ملف وسرعتك ٢٠٠، وفجأة الكاوتش ضرب، هتعمل إيه؟
هتبقى نجم مصر في الدريفت، وهتفضل تدرفّت بالعربية لحد ما تقف قدّام ربنا!
وساعتها... خلاص، السباق انتهى، وانت مكنتش عامل حسابك.

أنا شفت بعيني:
راجل واقف قدام عربية ابنه وهي مولعة، لحد ما طفّيناها، بيسألنا عن أي حاجة يدفنها...
مكناش عارفين نقوله إيه.

أنا بكتب الكلام ده لله،
علشان صاحبي وأخويا النقيب عمرو صفوت، رئيس وحدة تراخيص القطامية (الله يرحمه ويغفرله ويسامحه).
كان مثال للأدب والشياكة، ومحترم لأقصى درجة، عمره ما كسر بخاطر حد.

عربيته C180 موديل 2013، ماشية 17 ألف بس، يعني زيرو،
بس نام من التعب، كان راجع مع ولاده، وبيجري علشان يلحق شغله...
نام، دخل في عربية قدامه، ومات.

الجدع مات يا رجالة، أقسم بالله.

محدش عارف مين هيدفن مين،
ربنا بس هو اللي عارف المعاد... ومش هتعرفه إمتى.

أرجوكم:

متسافروش وإنتوا نايمين

متردش على واتساب وإنت سايق

انسَ التليفون خالص، خليك شيك ورد من السماعة

الحكاية كلها أجزاء من الثانية... وبتخلص

كلنا بنجري... بس بالله عليكم، اجري براحة.
اجري براحة عشان نفسك، وولادك، وأهلك، وحبايبك.

وفي الآخر، أوصي نفسي وأوصيكم بـ:

إنك تحافظ على شغلك

وساعد الناس

وصلّي

وخلّي سيرتك حلوة دايمًا

فكرة إنك تستنى لما تكبر علشان تلتزم دي فكرة فاشلة.
محدش عارف لحظة النهاية تيجي إمتى.

انت ممكن تموت وإنت سايق، حتى لو ملكش أي ذنب، حتى لو أحسن سواق في مصر.

خد بالك من نفسك،
إنتوا ناس محترمين ، ومحدش عارف مين قاعد، ومين ماشي، ومين هيوصل مين.

ادعوله، ده كان واحد مننا، شاب زينا
كفانا الله وأياكم فواجع الأقدار

29/05/2025

بدعوة كريمة من معالي السفير الدكتور /
طلال أحمد مشلح؛ رئيس الاتحاد العربي للفنادق والسياحة لحضور الاجتماع الدوري للاتحادات العربية النوعية المتخصصة والتي تعمل في نطاق مجلس الوحدة الاقتصادية العربية
شرفت بتعييني مستشارا قانونيا للاتحاد وأحد أعضائه
فالله ندعو أن يوفقنا لما يحبه ويرضاه وأن يكون عونا لنا دائما وأبدا وأن نكون على قدر المسئولية والثقة الغالية
وأخيرا تحياتي لكل السادة أصحاب المعالي الحضور وعلى رأسهم معالي السفير / محمد خير عبد القادر
الأمين العام للاتحاد العربي للاقتصاد الرقمي

19/05/2025

18/05/2025

🔴 توصية تاريخية من هيئة مفوضي الدولة بأحقية زوجة سجين في إجراء حقن مجهري

⭕ في تقرير تاريخي وسابقة هي الأولى من نوعها، أوصت هيئة مفوضي الدولة بمحكمة القضاء الإداري، بأحقية مواطنة في الحصول على عينات وتحاليل من زوجها المحكوم عليه بالسجن المشدد لمدة 15 سنة والمودع بمركز الإصلاح والتأهيل بالمنيا، لإتمام عملية الحقن المجهري على نفقتها الخاصة.

⭕ وأوضحت الهيئة في تقريرها بشأن الدعوى رقم 41283 لسنة 79 ق، الصادر بتاريخ أبريل 2025، إن الدستور المصري نص على أن الأسرة أساس المجتمع وأن دور الدولة الحرص على تماسكها واستقرارها وترسيخ قيمها، وأنه لا جريمة ولا عقوبة إلا بناء على قانون، ولا توقع عقوبة إلا بأمر قضائي، ولا عقاب إلا على الأفعال اللاحقة لتاريخ نفاذ القانون.

⭕ وأشارت أيضا إلى أحكام سابقة للمحكمة الإدارية العليا والمحكمة الدستورية العليا بأن الحرية الشخصية للمواطن تأتي في أعلى مدارج حقوقه التي كفلها الدستور باعتبارها حقا طبيعيا، ومنها الحق في الزواج وما يتفرع منه من الحق في تكوين أسرة وتنشئة أفرادها، ومؤدى ذلك أن معاملة المواطن المحبوس أو المقيدة حريته المعاملة التي تحفظ عليه كرامة الإنسان.

⭕ واستعان التقرير بقضية “ديكسون ضد المملكة المتحدة” وهي إحدى القضايا البارزة التي نظرتها المحكمة الأوروبية لحقوق الإنسان، وتتعلق بحقوق السجناء في تكوين أسرة، حيث رأت المحكمة أن السجناء لا يفقدون حقوقهم الأساسية تلقائيًا بسبب سجنهم، وأن توفير مرافق التلقيح الصناعي لن تشكل مشكلة أمنية أو أي مطالب إدارية أو مالية كبيرة على الدولة.

⭕ وفي هذا الشأن، كان كيرك ديكسون، وهو سجين يقضي عقوبة بالسجن مدى الحياة بتهمة القتل، تقدم وزوجته لورين ديكسون، بطلب إلى السلطات البريطانية للسماح لهما بالوصول إلى خدمات التلقيح الصناعي بهدف إنجاب طفل، وهو ما رفضته السلطات، إلا أن الغرفة الكبرى للمحكمة الأوروبية لحقوق الإنسان، قضت حينها بأن رفض السلطات البريطانية السماح بالوصول إلى خدمات التلقيح الصناعي يمثل انتهاكًا للمادة 8 من الاتفاقية الأوروبية لحقوق الإنسان.

⭕ كما استعانت الهيئة في تقريرها بقواعد نيلسون مانديلا، المعروفة، التي اعتمدتها الجمعية العامة للأمم المتحدة رسميًا باسم “القواعد النموذجية الدنيا لمعاملة السجناء”، للتأكيد على مسؤولية الدولة عن توفير الرعاية الصحية للسجناء، على نفس المستوى المتاح في المجتمع، مع الحق في الحصول على الخدمات الصحية الضرورية مجانا ودون تمييز على أساس وضعهم القانوني.

⭕ واستعانت الهيئة أيضا بقرار رئيس الجمهورية رقم 536 لسنة 1981 بشأن الموافقة على الاتفاقية الدولية للحقوق المدنية والسياسية التي أقرتها في 16/12/1966، التي نصت في المادة 6 منها على أن “لكل إنسان الحق الطبيعي في الحياة، ويحمي القانون هذا الحق ولا يجوز حرمان أي فرد من حياته بشكل تعسفي”.

⭕ كما نصت المادة 9 على أنه لكل فرد الحق في الحرية والسلامة الشخصية، ولا يجوز القبض على أحد أو إيقافه بشكل تعسفي لا يجوز حرمان أحد من حريته على أساس من القانون وطبقا للإجراءات المقررة فيه، ونصت المادة 10 على أن مادة 10 على أن يعامل جميع الأشخاص المحرومين من حرياتهم معاملة إنسانية مع احترام الكرامة المتأصلة في الإنسان.

⭕ واستعانت هيئة مفوضي الدولة أيضا بنص المادة 23، التي تنص على أن العائلة هي الوحدة الاجتماعية الطبيعية والأساسية في المجتمع ولها الحق في التمتع بحماية المجتمع والدولة، ويعترف بحق الرجال والنساء الذين في سن الزواج بتكوين أسرة.

⭕ وبالإضافة إلى ذلك استعانت بالقانون رقم 396 لسنة 1956 بشأن تنظيم مراكز الإصلاح والتأهيل المجتمعي، المعدل بالقانون رقم 14 لسنة 2022، للتأكيد على حق السجين في المعاملة الإنسانية والزيارة، وحقه في الصحة، وإجراء الفحوص والتحاليل الطبية اللازمة له.

⭕ وأكدت الهيئة أن إقرار قانون تنظيم السجون الحق في الرعاية الصحية، وصولا إلى إلزام الجهات الإدارية المسؤولة عن السجين المودع لديها بإخراجه لمستشفيات خارج مركز الإصلاح والتأهيل المجتمعي المودع فيه لتلقي العلاج اللازم، فإن السماح لزوجة المسجون بعمل الإجراءات الطبية اللازمة لزوجها والحصول على العينة اللازمة لإجراء الحقن المجهري، يتماشى مع أهداف الدستور والقانون.

⭕ والمركز المصري إذ يثمن هذا التقرير التاريخي، فإنه يأمل أن تعتمد المحكمة على توصياته في حكمها في ضوء ما سرده من أسانيد وانتهي إليه من توصيات.

⬅️ لمزيد من التفاصيل 👇:
https://ecesr.org/xutl

‎