محامي ومكتب محاماه

محامي ومكتب محاماه العدل دستور الحياه فإن غفي هرعت حشود الظلام بالويلات ⚖️🖤

19/06/2025

منظر ينشرح له القلب ❤️

19/06/2025

مزيكه ❤️

19/06/2025

أكبر ضربة في تاريخ إسرائيل :: ما هذا

يعني إيه "حبس مع إيقاف التنفيذ"؟ هو القاضي بيهزر؟ ما يدي براءة وخلاص؟بص يا سيدي، لما القاضي يحكم عليك بالحبس مع الإيقاف،...
18/06/2025

يعني إيه "حبس مع إيقاف التنفيذ"؟ هو القاضي بيهزر؟ ما يدي براءة وخلاص؟

بص يا سيدي، لما القاضي يحكم عليك بالحبس مع الإيقاف، ده معناه إنك مدان فعلاً بس المحكمة شايفة إنك مش مجرم خطر... يعني شافت إن أخلاقك كويسة، أو سنك صغير، أو ظروفك تستاهل فرصة.

فبتقولك:
هحبسك… بس مش دلوقتي، لو عدّت 3 سنين من غير ما تغلط تاني، الحكم ده كأنه ما حصلش!

لكن لو غلطت في التلات سنين دول، وارتكبت جريمة تانية، المحكمة بتفعّل الحكم القديم فوق الجديد!

يعني إيه؟
يعني هتاخد العقوبتين سوا!

فاهم ليه بقى الحكم ده مش براءة؟
البراءة = براءة
لكن الإيقاف = فرصة أخيرة!

لو شايف إن دي معلومة مهمة، شير البوست
وتابع صفحتي

22/05/2025

"القاضي سألك سؤال بسيط… والمحامي اتلخبط!"
قاله: حضرتك، عقد الإيجار ده انتهى إمتى؟
والمحامي بدأ يقلب في الملف، ووشه بيحمر… وموكله بيبص له باستغراب!

المشهد ده مش تمثيل… دي لحظة بتحصل في الجلسات كل يوم.
والفرق بين محامي جاهز… وآخر مهزوز، هو التحضير… والتحضير بس!

ودي أهم 5 نصائح لازم تخلّيهم دايمًا في دماغك كمحامي مدني:

📌 1 - افهم الدعوى قبل ما تحفظها!
اعرف الوقائع، والمستندات، والطلبات، والدفوع المتوقعة… مش مجرد تحفظ كلام المحضر.

📂 2 - ماتدخلش الجلسة من غير Sheet مُبسّط للقضية
يكون مكتوب فيه: تاريخ العقد – أطرافه – الطلبات – أهم النقاط – العقبات المحتملة – موقف الخصم.

⚖️ 3 - القاضي بيسألك أحيانًا مش عشان يعرف… لكن عشان "يشوفك فاهم ولا لأ"
خليك دايمًا جاهز ترد بثقة وهدوء… المصداقية مش بس في الورق، دي في أداءك كمان.

📄 4 - متقفزش لرفع الدعوى قبل ما تذاكر الحالة قانونيًا كويس
الفرق بين دعوى طرد وفسخ، أو دعوى صحة توقيع وصحة ونفاذ… بيغير مصير القضية بالكامل.

🧠 5 - الملف المدني مش ورق بس… ده مشهد كامل لازم تبقى مخرج بارع له
افهم أدوار الخصوم، وسيناريوهات الردود، وتوقعات القاضي… وكل ده يبدأ من التحضير.

18/04/2025

س:ماهي الاوراق المطلوبة للحصول على الولاية التعليمية للام قبل الطلاق؟

ج:لابد من احضار :

١-قسيمة الزواج (وفى حالة الطلاق يتم احضار قسيمة الطلاق).

٢-شهادة ميلاد الاطفال ويرفق صورة منها مع الطلب.

٣-صورة بطاقة الام.

٤-بيان قيد بالمدرسة .

٥-اى احكام داله على وجود خلافات زوجية .⚖️

" ‏لما المحامي موبايله يرن وميردش "🇱🇷 ربما يكون نائما🇸🇦 يبدو أنه متعب بسبب العمل🇦🇨 سأتصل به في وقت لاحق🇪🇬 رن عليه من رقم...
08/04/2025

" ‏لما المحامي موبايله يرن وميردش "

🇱🇷 ربما يكون نائما
🇸🇦 يبدو أنه متعب بسبب العمل
🇦🇨 سأتصل به في وقت لاحق

🇪🇬 رن عليه من رقم غريب
🇪🇬 إدخله واتس
🇪🇬 شوفه كدا اونلاين عالفيس
🇪🇬 ابعتله عالماسنجر
🇪🇬 من تواضع لله رفعه
🇪🇬 شكرا اوي علي ذوقك
مكنش العشم يا مستشار 🇪🇬
🇪🇬 المحامي باعني

22/03/2025

✍️هل التزوير ..جناية أم جنحة ؟
هقولك ..التزوير زي السرقة قد يكون جنحة وقد يكون جناية ويحدد ذلك طبيعة المستند المزور.
1--متي يكون التزوير جناية:
إذا كان التزوير فى مستند رسمي فهو جناية تزوير، كتزوير حكم محكمة أو شهادة ميلاد أو قسيمة زواج وغيرها من المستندات التى تحمل الصفة الرسمية.
2-متى يكون التزوير جنحة :
أما بقى التزوير فى مستند عرفى فهو جنحة، كتزوير إيصال أمانة محرر بين طرفين أو تزوير عقد إيجار أو قائمة منقولات..⚖️

20/03/2025

✍️معلومه ع الماشي 👇
1-لو ضربت حد وردلك الضر..ب...
تقدر ترفع عليه قضية ضر..ب حتى لو انت اللي بدأت!
"المحكمة بتحكم على كل واقعة لوحدها"
2- لو ساكن إيجار قديم واتأخرت في دفع الإيجار...
المالك من حقه يطردك بس لاازم يبعتلك إنذار رسمي الاول على عنوان الشقة أنك تدفع خلال 15 يوم...
✍️ لو دفعت في المهلة بتكمل عادي.
✍️ لو مدفعتش... من حقه يرفع عليك قضية طرد، والمحكمة بتحكم بالإخلاء على طول!
3- فيزا المشتريات ضاعت؟
بلغ البنك فورًا، ولو حصل أي معاملات بعد البلاغ... البنك هو اللي بيتحمل، مش أنت!
4-لو حد شتمك على فيسبوك.. من حقك ترفع عليه قضيه القانون بيعاقب على السب والقذف الإلكتروني بغرامة من 50 ألف لـ 100 ألف جنيه أو الحبس سنتين.
5- أحقية الزوجة في الشقة بعد الطلاق؟
✍️ لو في أطفال أقل من 15 سنة، الزوجة ليها حق في السكن طول فترة الحضانة.
✍️ لو مفيش أطفال... الشقة بترجع للزوج إلا لو مكتوبة باسم الزوجة.
6- لو اشتريت حاجة أونلاين وطلعت مغشوشة أو مخالفه للمواصفات من حقك ترجعها خلال 14 يوم بدون أي سبب بس لازم يكون معاك فاتورة "طبقًا لقانون حماية المستهلك"
7- لو صاحب الشقة طردك فجأة بدون حكم محكمة...ممكن يدخل السجن!
"اسمه تمكين بالقوة وعقوبته بتوصل للحبس" ⚖️

Address

Cairo

Website

Alerts

Be the first to know and let us send you an email when محامي ومكتب محاماه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category