01/05/2025
لكل الناس اللي بتسأل: “ليه الناني ومديرة المدرسة ما اتحاسبوش لحد دلوقتي؟ أو عقابهم هيكون ايه؟"
فأحب أطمنكم… لسه في حساب، ولسه في عدالة بتتكتب.
المتحرش اتحكم عليه بالمؤبد، ودي أهم خطوة في طريق الحق.
أما الناني ومديرة المدرسة ، لسه القانون هيقول كلمته فيهم.
وده لأن القانون واضح، وبيحاسب مش بس اللي ارتكب الجريمة بإيده، لكن كمان كل من شارك فيها أو سهل وقوعها.
والمواد القانونية اللي بتأكد ده من قانون العقوبات المصري وهي :-
• المادة (38) عقوبات تنص على: “الفاعل الاصلي في الجريمة هو من يقوم بارتكاب أحد مكونات الركن المادي فيها وحده او مع غيره.”
• المادة (39) عقوبات بتنص على : “تطبيق نفس العقوبة على المساهمين الأصليين في الجريمة .”
يعني القانون هنا بيأكد إن المساهمين في الجريمة مش شركاء بس، دول فاعلين أصليين في نظر العدالة.
• المادة (43) عقوبات تنص على : " كل من اشترك في جريمة فعليه عقوبتها ولو كانت غير التي تعمد ارتكابها متى كانت الجريمة التي وقعت بالفعل كنتيجة محتملة للتحريض او الاتفاق او المساعده التي حصلت "
• ووفقاً لقضاء محكمه النقض المصرية أن تقابل اراده كل مساهم مع الأخر تكفي لتحقيق حالة المساهمة .
• والمادة 116 مكرر (د) من قانون الطفل: بتغلظ العقوبة على كل شخص مؤتمن على طفل وسبب له ضررًا، سواء بالفعل أو بالإهمال
يعني بالعربي كده اللي خانوا الأمانة مش هيفلتوا، واللي سابوا ياسين لوحده في مواجهة الخطر هيتحاسبوا زيه زي اللي اعتدى عليه.
العدالة بتاخد حق كل مظلوم.
خلي صوتك مع الحق، وخلي وجودك أمان لكل طفل بيتكلم ومش لاقي حد يسمعه.
