مكتب المستشار سلامه الورواري للمحاماه والاستشارات القانونيه

27/04/2026

⚖️ الحق مش بيضيع… اللي بيضيع هو اللي ما يعرفش يثبته

📌 كتير من الناس بتقولي:
"أنا معايا حق بس مش عارف أثبته"
والحقيقة إن أغلب القضايا بتضيع مش عشان الحق ضعيف،
لكن عشان الإجراء القانوني الصح ما اتاخدش في وقته.

🔍 أول خطوة تحميك قانونيًا
محضر إثبات الحالة
هو أول وأهم إجراء لازم يتعمل بمجرد حدوث أي مشكلة.

📌 لأنه ببساطة:
بيثبت الواقعة في وقتها
بيحفظ تفاصيل الحدث قبل ما تتغير
بيقفل باب الإنكار قدام الطرف التاني
🧾 أمثلة لحالات لازم فيها محضر إثبات حالة:

✔️ زوجة تركت منزل الزوجية
✔️ امتناع عن التسليم أو الدفع
✔️ تعدي بالضرب أو السب
✔️ تلفيات أو كسر أو إتلاف
✔️ تهديد أو مضايقات
✔️ خلافات الشركاء
✔️ أي واقعة محتاج تثبتها رسميًا

⚠️ خطأ قانوني شائع
ناس كتير بتسيب الموضوع
وتقول "نحلها ودي"
وبعدها يفاجأوا إن
لا دليل ولا إثبات.
الصلح كويس ✔️
بس الإثبات الأول ✔️✔️

📚 هل المحضر ده ليه قيمة قدام المحكمة؟
✔️ أيوه
محضر إثبات الحالة ليه حجية
وبيُستأنس بيه في الإثبات
وبيكون عنصر قوي جدًا مع باقي الأدلة.

📝 الفرق بينه وبين المحضر الجنائي:

محضر إثبات حالة ➝ توثيق فقط
محضر جنائي ➝ اتهام وتحقيق
كل واحد ليه وقته وليه استخدامه.

🧠 نصيحة قانونية:
لو مش متأكد تبدأ بإيه
ابدأ بالإثبات
لأن اللي اتكتب رسمي
صعب يتشال بعد كده.

✍️ الخلاصة:

قبل ما المشكلة تكبر
وقبل ما الحق يضيع
اثبت حقك الأول… وبعدين تحرك قانونيًا.

10/12/2025

04/11/2025

الحمد لله بعد توفيق من الله صدر حكم لصالح موكلي بالزام المدعي عليه بان يؤدي للمدعي مبلغ مائه وتسعون الف جنيه قيمه ايصال الامانه سند الدعوي

03/11/2025

الحمد لله لقد وفقنا الله امام محكمه جنح ابو حماد في اظهار برءه المتهمين من الاتهام المنسوب اليهم في القضيه رقم10347 لسنه ٢٠٢٥ جنح ابوحماد بعد ان قضت المحكمه غيابيا بحبس المتهمين وتم عمل المعارضه وحدد له جلسه 2.11.2025وبعد المرافعه قضت المحكمه بقبول المعارضه شكلاه والقضاء مجددا ببرءه المتهمين من الاتهام المنسوب اليهم

08/04/2024

ومع نهاية شهر رمضان
اود ان اذكر نفسي واذكركم ان رب رمضان هو رب الشهور جميعا
فإياك ان تنتظر نهاية الشهر لتعود لمعاصيك وتغرق في ذنوبك فوالله ليس هناك اجمل من القرب إلى الله
جعلني الله وإياكم من المقربين
والله المستعان

10/03/2024

كل عام وانتم بخير بحلول شهر رمضان المبارك اعاده الله علينا وعليكم بالخير واليمن والبركات

رمضان كريم 🌙

23/02/2024

📌📌 الفرق بين رفض الدعوى و عدم قبول الدعوى :-
"معلومة بسيطة ومهم جدا ⚖️"
————————————————

1- رفض الدعوى⬅️ أي عدم أحقية المدعي في دعواه كما لا يمكن فتح القضية من جديد لسبق الفصل فيها.

2- عدم قبول الدعوى ⬅️ أي أن المحكمة لم تنظر في موضوع الدعوى ويحق للمدعي فتح القضية من جديد.

🔹عدم قبول الدعوى::: يعد دفع من الدفوع الشكلية و يجب أن يدفع به المدعى عليه قبل إبداؤه للدفوع الموضوعية وإلا سقط حق المدعى عليه في طرحة أمام المحكمة
⬅️⬅️ والحكم بعدم قبول الدعوى تعنى عدم نظر المحكمة لموضوع الدعوى من الأساس .

🔹رفض الدعوى::: يعنى أن المحكمة بحثت في موضوع الدعوى وتبين عدم أحقيه المدعى في ادعائه أي لم يثبت حقه في الدعوى و لم يستطيع المدعى أثبات دعواه .
⬅️⬅️ والحكم برفض الدعوى يعتبر حكما فى الموضوع لا يجوز معه رفع ذات الدعوى بذات الطلبات وإلا دفع فيها بعدم جواز نظر الدعوى لسابقة الفصل فيها .
وليس أمامك فيها إلا استئناف الحكم إذا كانت المدة تسمح..

✅ كمان لازم تكون عارف ان الحكم بعدم قبول الدعوى هو حكم شكلى غير فاصل فى الموضوع غالبا ما يكون متعلق بمخالفة الإجراءات ويجوز رفع الدعوى مرة أخرى إذا لم تكن متعلقة بمواعيد لرفعها .
أما فى حالة عدم تقديم مستندات أو أدلة ف يحكم برفض الدعوى وليس بعدم قبولها .

23/02/2024

نحيط علم سيادتكم

بداية التقديم علي التصالح علي البناء المخالف

ابتداء من يوم الأحد الموافق ٢٥ / ٢ فبراير ٢٠٢٤م

رسوم التصالح علي مخالفات البناء
حتي تاريخ التصوير الجوي الذي أجري بتاريخ ١٥ / ١٠ اكتوبر ٢٠٢٣م

صور
هذا ل العلم والاحاطة تحياتي