طاووس المحاميين

10/12/2025

لا تتقاتلوا على كرسي زائل ⚠️
وتضيعوا الود والمعروف والخير ✋️
لذلك اكتب ابيات من السجع من تاليفى 😆
واللى كسب من الكرسي يترك غيره يكسب🌹
مش لازم اكوش انا على كل الرزق والمكسب🌹
يمكن غيرك افضل منك 🌹
يمكن غيرك مكسب ليك🌹
اعطوا الفرصه لغيركم مره 🌹
وهنعرف الحق عليك ولا ليك🌹
وعجبى 😆
اختاروا اللى ممكن يغير واقع✋️
اختاروا اللى ممكن يكتب فكره☝️
محتاجين حصانه بجد☝️
مش مجرد صوت وعَبره☝️
وعجبى 😆
ابعدوا عن المحاسيب وشوفوا☝️
شوفوا اللى بيدى مش بياخد❣️
اللى يقف معاك فى الازمه🥀
هو ده بس اللى له ( لازمه ) ❣️
وعجبى 😆
اختاروا اللى بيقبل غيره✒️
مش بينفرد بقراره ونفسه✒️
اختاروا اللى بيدير بلا مركزيه❣️
مش ينسب نجاح غيره لنفسه 🌹
وعجبى 😆
كلمات أحمد العطار المحامى
فرعيه : جنوب بنها - جزئيه : شبرا الخيمه
رسالتى لكل فرعيات محامين مصر 😎

17/08/2025

انا جاي اقولكم الخلاصة و افضل طريق للي عايز يكمل تعليمه بجد في البلد دي

اولا من الاخر كده موضوع التعليم المفتوح او المدمج ده مش باينله ملامح ولا نعرفله ميعاد محدد ولا متاكدين اصلا اذا كان هيفتح تاني ولا لا و تضييع وقت علي الفاضي و كله بيقول اللي علي مزاجه و مفيش حاجة بتحصل
و حتي لو رجع هيرجع ب مسمي جديد اسمه التعليم المستمر و هيكون بشهادة مهنية ملهاش لازمة ولا تقارن بالبكالوريوس
فا للناس اللي ليها هدف فعلا اسمعو كده و ركزو معايا للاخر
ايا كان سنك ايه طالما مدخلتش ثانوية عامة قبل كده
يعني دخلت ثانوي صناعي أو تجاري او سياحة و فنادق او حتي خدت الاعدادية بس
هتروح تقدم ف شهر 10 علي ثانوي عام منازل
هتدرس 3 سنين ثانوي عام عادي زي اي طالب انتظام و لاكن اونلاين من البيت مفيش حضور ف المدرسة غير ايام الامتحانات بس
و اول م تخلص سنة 3 هتخش التنسيق و هيكون ليك كل الكليات زي اي طالب ثانوي عام انتظام من اول كليات القمة لحد اخر كلية
و هتدخل اللي انت عايزة طالما اجتهدت
لازم تجتهد و تحط كل طاقتك في المذاكرة

محدش يقولي لا ده انا كبير فالسن و هاخد وقت كبير و المذاكرة صعبة
انت عايز تتعلم ولا لا ؟؟
ليك هدف عايز توصله ولا لا
تعالي نحسبها بالعقل
يعني تخلص الثانوي و الكلية و تكون
30 او 35 او 40 او 50 سنه او اكبر حتي
بس اتخرجت و معاك شهادة محترمة و درست الحاجة اللي نفسك فيها و تشتغل بيها و يبقي ليك قيمتك و كيانك في المجتمع
ولا تكون وصلت لنفس السن ده و انت لسه واقف في نقطة الصفر
بنفس الدبلوم بنفس الشغل بنفس المرتب بنفس نظرة الناس ليك
فكر كويس و قرر انت عايز تبقي مين فيهم

اللي راح راح و اللي فات مش هيرجع
عايز كمان تضيع اللي جاي؟

01/07/2025

إنت مش أكتر بؤسا من مستأجر إيجار قديم الله يعينه على ظروفه وعلى دماغه.. المالك رفع البونديرة معاه لحد ما كان هيبوس على إيده علشان يقبل ٢ مليون جنيه كاش وحاضرين وقتي بس يسيب الشقة الأخيرة في عمارة مبنية من خمسينات القرن الماضي وأصبح موقعها متميز.. المهم المستأجر كل ما نكلمه يزود في السعر ولما وصلنا لحد ٢ مليون جنيه قال للمالك.. (ودول يجيبوا لي إيه.. ده ولا حتى تمن شقة في نفس المكان..)
فالمالك علشان يخلص عرض عليه مليون جنيه وشقة إيجار جديد في البرج اللى هيتبني مكان العمارة وبرضه اتعوج ومفيش حاجه عاجباه..
إمبارح إتصل بيا المستأجر علشان نتمم الصفقة بسرعة ويقفش الفلوسات ويخلع، وبما إني كنت مجلوط منه مراجعتش الموكل/ المالك ورديت عليه قولت له:
-مفيش منه الكلام ده يا برنس.. خلاص كده راحت عليك
- يعني إيه ؟
- يعني اللى إنت فاهمه وأنا فاهمه.. جنابك لما لقيت إن في قانون هيطلع يغير الوضع اللى إنت فيه قولت اللى ييجي منهم أحسن منهم، لا يا مولانا خلاص.. اللى بيحصل النهاردة في التلفزيون قدامك في مجلس النواب أنا قايلك من شهر نوفمبر اللى فات إنه هيحصل وأنت مصدقتنيش..فيبقى حلال عليك الطرد وحلال على المالك فلوسه.. والبرج اللى كان هيبنيه الحاج فلان وقالك يديلك فيه شقة وفوقها مليون جنيه وانت مرضيتش.. البرج ده يستنى عادى السبع سنين دول هيفوتوا هوا ..
- طب يا متر أنا هاخد مليون ونص وأطلع..
- على عيني والله يا أبو نسمة.. بس الحاج فلان خلاص عمل بيهم وديعة مدتها سبع سنين عقبال ما تتفك إن شاء الله نكون بنفرش في حصيرة الأساسات وتنفع المالك وهو بيطور ملكه وبيعمل برج كل دور فيه أربع شقق ع الأقل.. خلال الفترة دي إن شاء الله هكون جبت قرار إزالة للبيت لأنه آيل للسقوط وهننفذه متقلقش..
- طب يا باشا انا قاعد لكم فيها لحد ما تطربقوا البيت على دماغي.
- يا عم إقعد متقعدش براحتك.. الزمن اللى كان مستأجر زيك بيقاسم فيه المالك في ملكه انتهى، بحتة عقد قديم وأحيانا ضايع وأحياناً من غير عقد أصلا كنتم بتاخدوا ملايين ومش عاجبكم.. أشوف وشك بخير يا أبو نسمة.. وهارد لك في جوز الملايين وان شاء الله نشوفك في ظروف أحسن من كده..
انتهت المكالمة

06/06/2025

19/04/2025

كلمتين وبس
لو اللي اتحبس جدع اللي متحبسش اجدع منه
ولو اللي عمل خصومه جدع اللي عرف يلمها بالعقل وحبب الناس فيه اجدع
واللي بيتقاله سيادتك وحضرتك اجدع من اللي بيتقاله يازماله ويامطرشم ويامظبوط
عم عموم الاشقيا عموما وقف انتباه قدام وكيل النيابه بنص عمره ونام مسيف علي الارض في الحجز واتقل منه من باقي المتهمين كمان
يارجوووله الرجوله انك تحافظ علي صفحتك وتاريخك
الرجوله انك متبهدلش امك واخواتك
الرجوله انك تاكل وتصرف علي بيتك من شقاك
مش من التسول ومسكة النواصي والكارته والبلطجه
الرجوله مش حبس
الرجوله مش مشاكل وحكايات
الرجوله مش قله ادب
الرجوله مش شرب مخدرات
الرجوله لما تبقى محترم وطوب الارض بيحبك ولسانك حلو مع كل الناس وقبل كل ده عارف ربنا كويس

16/04/2025

رساله الى كل أب و كل أم : أبقوا أتركوا عيالكم على الانترنت بدون رقابه او متابعه او مراقبه ..

أدى اخره ترك الاطفال بدون راقابه على الأنترنت

04/04/2025

التاريخ يعيد نفسه ولا يسعني إلا أن أقول
لا إله إلا الله محمد رسول الله
ونتذكر يوم دخل المجرم هولاكو بغداد وق.تل الأمراء والجنود والعلماء والتجار والقضاه
ثم أمر جنوده بأن يبقوا علي "المستعصم" حياً حتى يدلهم على أماكن كنوزه
وذهب المستعصم مع الجنود ودلهم على مخابئ الذهب والفضة والنفائس وكل المقتنيات الثمينة في داخل وخارج قصوره، ومنها ما كان يستحيل أن يصل إليه المغول بدونه، حتى إنه أرشدهم إلى نهر مملوء بالذهب لا يعلم أحد بمكانة
وهنا قال له هولاكو
لو كنت أعطيت هذا المال لجنودك وشعبك، لكانوا حموك مني
ولم يبك "المستعصم" على الكنوز والأموال، ولكنه بكي حين أخذ هولاكو يستعرض الجواري الحسان وعددهن 700 زوجة وسرية وألف خادمة وأخذ "المستعصم" يتضرع إلى هولاكو ألا يمسهن
فضحك هولاكو من قول " المستعصم" وأمر جنوده أن يضعوه في شوال (من الخيش) ثم يضربوه ركلاً بالأقدام حتى الموت
ويذكر المؤرخون أن ما جمعه بنو العباس في "خمسة قرون" أخذه هولاكو في ليلة
تذكروا ما سيأخذه ترامب من دول الخليج
طلب 500 مليون دولار فوافقوا على 600 مليون دولار فطلب تريليون اى 1000 مليار دولار
والله لو انفقتم هذه الأموال على الدول العربية ما استجراء اى من حكام الغرب على التطاول عليكم
ويقول عقلاء اليوم
إن الأموال التي كانت تكفي الأمة العربية لعدة قرون تأخذها أمريكا في ليلة واحدة، كما أخذت فرنسا وإنجلترا وتركيا وإيران، من بلاد العرب
لو أنفقت تلك الأنظمة العربية هذه الأموال على مساندة "بعضها البعض" وأنفقت الجهد والمال علي العمل (لنبذ الخلاف ووحدة الصف)، وعلي الأخذ بأسباب القوة والإنفاق علي التعليم والبحث العلمي...الخ
لكانت أقوى الأمم.

" ما اشبه اليوم بالبارحة "

22/02/2025

🛑 َالهاربون من التجنيد
============
- النيابه العسكريه تعفي الهاربين من موقف التجنيد
- تقوم إدارة السجلات العسكرية علي إنهاء موقف جميع المجندين الهاربين من وحداتهم العسكرية ممن بلغوا سن ٣٦ عام وإنهاء جميع إجراءاتهم وتسليمهم شهادة تأدية الخدمة العسكرية بدون توقيع غرامه مالية بعد تقديم المستندات الأتية :-
١- فيش جنائي حديث موجه لإدارة السجلات العسكرية .
٢- عدد ٢ صورة من بطاقة الرقم القومي سارية .
٣- صورة من قسيمة الزواج الورقيه في حالة الزواج .
٤- الكارنيه والرخصة في حالة توافرهم .
٥- عدد ٢ صوره شخصية حديثة بيضاء .
٦- أصل شهادة الميلاد مميكنة وحديثة .
لذالك علي كل الأفراد الهاربين أستكمال أوراقهم والتوجة إلي إدارة السجلات العسكريه لأنها موقفهم التجنيدي .

19/02/2025

🔴 خبر هام و عاجل 🔴
إلي كل السادة الزملاء الكرام الأفاضل
المحامين بمحاكم الأسرة
تم الدفع بعدم دستورية نص المادة 20 من القانون رقم 25لسنة 1929
و المعدل بالقانون رقم 100 لسنة 1985 و المعدل بالقانون رقم 4 لسنة 2005
من كان لديه دعوي قضائية متعلقة بهذا الشأن
فله أن يطلب وقفها تعليقيا لحين الفصل في الدعوي رقم 5 لسنة 47 قضائية دستورية .....
والتي تتلخص و قائعها في الاتي
-- اثناء نظر احد الدعاوى محامى الزوج دفع بعدم دستورية سن الحضانه بالقانون لمخالفته لاراء المذاهب الفقهيه والتى لم تخرج عن7 و 9 سنوات .

-- محكمه الاسره اقتنعت بالدفع واقيمت دعوى بعدم دستوريه القانون ..............
نتقدم بخالص الشكر والتقدير و العرفان للأخ الفاضل الذي قام بإرسال تلك المعلومة
⚖️⚖️⚖️⚖️⚖️⚖️⚖️⚖️

28/01/2025

* رشدي أباظة قبل وفاته دخل في غيبوبة لمدة عام كامل صحا بعدها بأيام وفى لحظة موته جت الممرضة تلقنه الشهادة لكن لسانه مش بينطق
* ‏* الضيف أحمد بتاع فرقة ثلاثي أضواء المسرح، كان على المسرح بيعملوا بروفات مسرحية كان فيه مشهد بيقوم الحانوتي بوضع الضيف أحمد في تابوت لأخذ مبلغ التأمين على حياته ومات الضيف أحمد فى التابوت أثناء البروفات
* ‏* الفنان غريب محمود اثناء بروفات مسرحية وقع على المسرح وافتكروه مات واتصلوا بأهله يجوا يأخذه ولما فاق كمل البروفات وسقط تانى لكنه مقامش تانى ومات
* ‏* الفنان محمود المليجي أثناء تصويره أحد المشاهد فى فيلم أيوب وكان بيجسد مشهد الموت للشخصية اللي بيؤديها فى الفيلم فيموت في التصوير وهم كانوا فاكرين انه نايم
* ‏* سيد درويش مات بجرعة مخدرات نيازى مصطفى مات مشنوق المطرب طلال مداح مات وهو بيغنى صلاح ذو الفقار وإبراهيم عبدالرازق ومصطفى متولى ماتوا وهم بيمثلوا
* ‏* إسماعيل يس والنابلسى ومريم فخر الدين وعقيلة راتب وزينات صدقى وأمين هنيدى وحسن الإمام وليلى مراد وسعاد حسنى وزهرة العلا ماتوا ومش معاهم ثمن الأكل
* ‏(أى كلمة انا قولتها جت بالنص على لسان من حضروا هذه الوقائع)
* ‏وعلى الجانب الآخر :-
* ‏*الشيخ كشك فى ليلة جمعة سأل أولاده كم كان عمر النبى لما مات قالوا 63 عام قال الحمد لله لقد اتممتها الليلة ولما صحى الصبح قال لزوجته لقد رأيت فى المنام انى مت على يد النبى وعمر بن الخطاب وغسلنى النبى وتوضأ وهو يصلى ركعتين في البيت توفى وهو ساجد
* ‏* لما غرقت العبارة سالم اكسبريس كان فيها رجل وزوجته راجعين من الحج وهو بيحكى عن زوجته اللي غرقت بيقول لما سمعت الناس بتصرخ .. صرخت فيها علشان تخرج فقالت والله ما هخرج إلا لما ألبس حجابي كامل فقالها ده وقت حجاب؟ كده هنموت قالت حتى لو هموت يبقى اقابل ربنا على طاعة فلبست وخرجت مع زوجها فلما تحقق الجميع من الغرق تعلقت به وقالت: أستحلفك بالله هل أنت راضٍ عني؟ فبكى الزوج فقالت عاوزة أسمعها. قال والله إني راضٍ عنك فبكت وقالت أشهد أن لا إله إلا الله وأشهد أن محمداً رسول الله وظلت تردد الشهادة حتى غرقت
* ‏* عامر بن عبد الله بن الزبير وهو بيموت وأهله حواليه بيبكوا سمع المؤذن لصلاة المغرب قالهم خذوا بيدي قالوا إلى أين؟ قال إلى المسجد قالوا وأنت على هذه الحال؟! قال سبحان الله أسمع منادي الصلاة ولا أجيبه خذوا بيدي، فحملوه فصلى ركعة مع الإمام ثمّ مات وهو ساجد.
* ‏* عبد الله بن إدريس اشتد عليه الكرب فلما أخذ يشهق بكت ابنته فقال يا بنيتي لا تبكي فقد ختمت القرآن في هذا البيت أربعة آلاف ختمة كلها لأجل هذا المصرع
* ‏* ﺍﻟﺨﻠﻴﻔﺔ ﺍﻟﺮﺍﺷﺪ ﻋﻤﺮ ﺑﻦ ﻋﺒﺪ ﺍﻟﻌﺰﻳﺰ ﻣﺎﺕ ﻭﻫﻮ ﻳﺮﺩﺩ ﻗﻮﻟﻪ ﺗﻌﺎﻟﻰ: "ﺗﻠﻚ ﺍﻟﺪﺍﺭ ﺍﻵﺧﺮﺓ ﻧﺠﻌﻠﻬﺎ ﻟﻠﺬﻳﻦ ﻻ ﻳﺮﻳﺪﻭﻥ ﻋﻠﻮًﺍ ﻓﻲ ﺍﻷﺭﺽ ﻭ ﻻ ﻓﺴﺎﺩﺍ ﻭﺍﻟﻌﺎﻗﺒﺔ ﻟﻠﻤﺘﻘﻴﻦ."
* ‏* ﺍﺑﻦ ﺗﻴﻤﻴﺔ ﻣﺎﺕ ﻭ ﻫﻮ ﻳﺮﺩﺩ ﻗﻮﻝ ﺍﻟﻠﻪ ﺗﻌﺎﻟﻰ :"ﺇﻥ ﺍﻟﻤﺘﻘﻴﻦ ﻓﻲ ﺟﻨﺎﺕ ﻭ ﻧﻬﺮ ﻓﻲ ﻣﻘﻌﺪ ﺻﺪﻕ ﻋﻨﺪ ﻣﻠﻴﻚ ﻣﻘﺘﺪﺭ"!
* ‏ربنا يحسن خاتمتنا ويجعل آخر كلامنا لا إله إلا الله ويرزقنا الرضا ويدخلنا الجنة مع النبيين والصديقين والشهداء والصالحين وحسن أولئك رفيقاً

* ‏من عاش علي شيئاً مات عليه
* ‏اذا اتممت القراءة صلى على الحبيب
وشاركها لتفيد غيرك

13/01/2025

بفضل الله وحده تم نشر حكماً صادر لصالحنا بمعرفه الصحفى الفذ قنبله الصحافه القانونيه بمصر الاستاذ / علاء رضوان على جريدة برلمانى الالكترونيه .

وهو الحكم الفريد من نوعه الذى نصفنا فيه القضاء المصرى امام محكمه الاستئناف بالزام زوج ان يؤدى لزوجته قيمه قائمه المنقولات الزوجيه نقداً وبدون وجود قائمه منقولات .

رابط الخبر :

https://www.parlmany.com/News/2/565917/%D8%A7%D9%84%D9%82%D8%A7%D9%8A%D9%85%D8%A9-%D9%85%D8%AD%D9%81%D9%88%D8%B8%D8%A9-%D9%84%D9%84%D9%85%D8%AA%D8%B6%D8%B1%D8%B1%D8%A7%D8%AA-%D8%B2%D9%88%D8%AC-%D9%8A%D8%AA%D8%AD%D8%B5%D9%84-%D8%B9%D9%84%D9%89-%D9%82%D8%A7%D8%A6%D9%85%D8%A9-%D9%85%D9%86%D9%82%D9%88%D9%84%D8%A7%D8%AA-%D8%B2%D9%88%D8%AC%D8%AA%D9%87-%D9%88%D9%8A%D9%85%D8%B2%D9%82%D9%87%D8%A7

ونظرا لاهميه الحكم :

قامت جريده اليوم السابع الالكترونيه بعمل تنويه له :
https://m.youm7.com/story/2025/1/14/%D8%A7%D9%84%D8%A7%D8%B3%D8%AA%D8%A6%D9%86%D8%A7%D9%81-%D8%AA%D8%AA%D8%B5%D8%AF%D9%89-%D9%84%D8%A3%D8%B2%D9%85%D8%A7%D8%AA-%D8%AD%D8%B5%D9%88%D9%84-%D8%A7%D9%84%D8%A3%D8%B2%D9%88%D8%A7%D8%AC-%D8%B9%D9%84%D9%89-%D9%82%D8%A7%D8%A6%D9%85%D8%A9-%D8%A7%D9%84%D9%85%D9%86%D9%82%D9%88%D9%84%D8%A7%D8%AA-%D9%88%D8%A5%D8%AA%D9%84%D8%A7%D9%81%D9%87%D8%A7-%D8%A8%D8%B1%D9%84%D9%85%D8%A7%D9%86%D9%89/6843088

جريده اليوم السابع عمل تنويه للحكم نظرا لأهميته

12/01/2025

حكما صادر لصالح الالاف المتضررات من ضياع او اتلاف القائمه

أصدرت الدائرة الرابعة عشر، بمحكمة إشتئناف عالى طنطا، حكما نهائيا فريدا من نوعه، يهم الزوجات المتضررات من اتلاف قائمة المنقولات أو ضياعها على يد الزوج، بإلغاء حكم أ....