الشلقامي للاستشارات القانونيه والمحاماه

03/12/2025

صباح الخير
نصيحة للشباب اللي لسة بيدرس في حقوق أو اتخرج ولسة ما قيدش في النقابة وعاوز ينزل يتدرب في مكتب محاماة
اتفق مع الزميل صاحب المكتب انك مش هتحضر جلسات ولا هتباشر إجراء فيه إثبات صفتك عن أي موكل في المكتب
وحذاري تمضي باسمك على أي ورقة في المحكمة أو أي مصلحة حكومية أو تقدم أي طلب موقع منك او مستند عليه اسمك بصفتك محام
طيب ليه ؟!
حضرتك المحاماة هي مهنة قرر القانون وجوب الحصول على ترخيص من التنظيم النقابي بتاعها وهي ( نقابة المحامين ) لمزاولتها .. وبغير قيدك في النقابة انت مش محامي أمام القانون حتى لو معاك الليسانس وحتى لو تعلم في الشغل أكتر من محامي شغال سنين
وبناءاً عليه
هتعد مرتكب جريمة انتحال صفة وتزوير معنوي في محرر رسمي وهتتعرض لعقوبة السجن لو :-
١- حضرت جلسة وثبت اسمك في محضر الجلسة بصفتك محام حاضر عن المحامي الموكل صاحب المكتب
بالإضافة لارتكابك جريمة استعمال محرر مزور لو قدمت للمحكمة أي مستند مصبوغ بالصفة الرسمية ومكتوب فيه اسمك بصفتك محام زي ( الاعلانات - الانذارات - صحف الدعاوى )
٢- وقعت في أي دفتر رسمي بصفتك محام لاستلام أي مستند رسمي .. زي دفتر المحضرين لاستلام ( اعلان - انذار - صحيفة )
بالإضافة لارتكابك جريمة استعمال محرر مزور في حال تقديم أي من الأوراق السابقة ( متضمنة اسمك بصفتك محام بالمكتب ) للمحضرين لتنفيذها بعد مهرها بخاتم شعار الجمهورية ( خاتم النسر )
٣- تقديمك طلب لاي موظف عمومي ( عضو نيابة - قاضي - موظف ) موقع منك بصفتك محام " جريمتي تزوير محرر عرفي واستعماله ودي جنحة "

والمواد المقررة للعقوبة عن الأفعال اللي ذكرناها واردة في قانون المحاماة وقانون العقوبات

أولاً قانون المحاماة

المادة 227
نصت على أنه " مع عدم الإخلال بأية عقوبات أشد ينص عليها قانون العقوبات أو أي قانون آخر، يعاقب بالحبس لمدة لا تقل عن شهر وبغرامة لا تقل عن مائتي جنيه ولا تتجاوز ألفى جنيه او بإحدى هاتين العقوبتين ، كل من انتحل لقب محام على خلاف أحكام هذا القانون
وتكون العقوبة الغرامة التي لا تقل عن مائتي جنيه، ولا تزيد على خمسمائة جنيه لكل من زاول عملا من أعمال المحاماة، ولم يكن من المحامين المقيدين بجدول المحامين المشتغلين أو كان ممنوعًا من مزاولة المهنة "

ثانياً نصوص قانون العقوبات :-
المادة 211
كل صاحب وظيفة عمومية ارتكب في أثناء تأدية وظيفته تزويراً في أحكام صادرة أو تقارير أو محاضر أو وثائق أو سجلات أو دفاتر أو غيرها من السندات والأوراق الأميرية سواء كان ذلك بوضع إمضاءات أو أختام مزورة أو بتغيير المحررات أو الأختام أو الإمضاءات أو بزيادة كلمات أو بوضع أسماء أو صور أشخاص آخرين مزورة يعاقب بالسجن المشدد أو السجن.

المادة 212
كل شخص ليس من أرباب الوظائف العمومية ارتكب تزويراً مما هو مبين في المادة السابقة يعاقب بالسجن المشدد أو بالسجن مدة أكثرها عشر سنين.
المادة 214
من استعمل الأوراق المزورة المذكورة في المواد الثلاث السابقة وهو يعلم تزويرها يعاقب بالسجن المشدد أو بالسجن من ثلاث سنين إلى عشر.

المادة 215
كل شخص ارتكب تزويرا في محررات أحد الناس بواسطة إحدى الطرق السابق بيانها أو استعمل ورقة مزورة وهو عالم بتزويرها يعاقب بالحبس مع الشغل

فخلي بالك وأوعى تساير أي صاحب مكتب لو طلب منك تقوم بأي عمل من اللي ذكرناهم فوق لانك ممكن تلاقي نفسك قدام محكمة الجنايات ومحكوم عليك بسنين تضيع مستقبلك كله

والزملا أصحاب المكاتب .. اتقي الله فيمن قصدك ليتعلم ولا تتسبب في ضياع مستقبله .. ماتحطش اسم متدرب لسة بيدرس أو خلص ولسة ماطلعش الكارنيهه على صحيفة أو عريضة أو إعلان أو انذار أو طلب
وماتطلبش منه يتعامل مع المحضرين بالتسليم أو الاستلام
وطبعا ماتطلبش منه يحضر جلسة يثبت فيها إنه محام على خلاف الحقيقة
ولو شايف انك مش هتستفيد منه في غير الأعمال دي قوله يابني روح طلع الكارنيه وبعدها المكتب مفتوح أهلاً وسهلاً
لأني قابلت كذا شاب/بنت في المحاكم بيسألني عن إجراء أو بيطلب مني احضرله جلسة أو أقوله يقول ايه قدام المنصة وبالنقاش معاهم اعرف انهم لسة بيدرسوا أو خلصوا ولسة ما طلعوش الكارنيه واحذرهم من ده وانقذ معاهم الموقف لكن انتوا عارفين في قضاة وأعضاء نيابة بيقروا الشخص اللي قدامهم ولما بيشكوا في كونه محام أو في درجة قيده بيطلبوا منه الكارنيه .. وانتوا عارفين طبعاً ايه اللي هيترتب على ده
فراعوا جهل الشباب الصغير بالخطر ده وخلوا شغلهم معاكم مقتصر على الأعمال الإدارية اللي مابتحتاجش لمباشرتها صفة زي ماكانت شغلانة وكيل المحامي زمان

05/11/2025

لو انت موافق لايك ومشاركه انشرها ..فكرة ممتازة
شهادة ميلاد لمنع الخطف والتسول بالأطفال

31/10/2025

فيه ناس اتحبست ظلم بسبب جملة واحدة في النيابة وقالوا بعدها (ماكنتش أعرف)😢💔
لو اتقبض عليك أو على حد تبعك…
لو مظلوم لو مظلوم لو مظلوم✅
اما لو ظالم ف كده كده الكلام ده مش هينفع✌⛓️❎
تعالي بقى أقولك تتصرف صح أزاي في النيابه👌✅⚖️
لأن بعد كده هيتحقق معاكم بدون وجود محامي اصلا⛔⛔⚖️⛔⛔......................

★

➊ متتكلمش

أي كلمة تقولها ممكن تتحسب ضدك… القانون بيحميك بس لو سكت.

★★

➋ في التحقيق؟ رد بـ 3 كلمات بس

"ماحصلش – معرفش – مش فاكر"

الشرح الكتير بيورطك.

★★★

➌ غيروا الصيغة؟ متغيّرش ردك

كل تغيير في كلامك بيقوي التهمة.

★★★★

➍ لقوا حاجة؟ أنكِر العلاقة بيها فورًا

حتى لو قالوا "عليها بصمتك".

★★★★★

➎ المحقق مش صاحبك ولا عدوك

وظيفته يحقق، مش يحميك.

★★★★★★

➏ هات محامي تثق فيه من أول لحظة

المحامي مش طرف… ده درعك القانوني.

★★★★★★★

➐ خدوا منك فلوس أو موبايل؟

قول في النيابة فورًا… دي ممكن تقلب القضية لصالحك.

★★★★★★★★

➑ اتضربت؟ اتشتمت؟

اطلب عرضك على الطب الشرعي… القانون في صفك.

★★★★★★★★★

➒ اتأخروا في عرضك على النيابة؟

لو عدا 24 ساعة… القبض باطل.

★★★★★★★★★★

➊⓿ جابوا لك محامي من عندهم؟

ارفض… لازم محامي من اختيارك.

★★★★★★★★★★★

➊➊ فيه شهود نفي؟ قولهم حتى لو مش فاكر الأسامي

وجودهم ممكن يبرّئك.

★★★★★★★★★★★★

➊➋ فيه خصومة بينك وبين الضابط؟

قول للنيابة… ده يطعن في التحريات.

★★★★★★★★★★★★★

➊➌ قالك اعترف وهتخرج؟

كذب… أي اعتراف تحت ضغط باطل.

★★★★★★★★★★★★★★

➊➍ قبل ما تمضي؟ اقرا حرف حرف

لو مش زي ما قلته، ارفض التوقيع.
...........................................

الفرق بين واحد خرج براءة…

وواحد اتحبس ظلم؟

"كان عارف حقوقه."

👌✅⚖️

⛔⛔(مثال واقعي للاستدلال)⛔⛔
كنت حاضر تحقيق في قضية حيازة سلاح ناري بندقية آلية ، المتهم شاب 35 سنة واضح عليه الخوف والقلق وخاصة إنه كان معترف اعتراف تفصيلي في محضر جمع الاستدلالات دخلت التحقيق بعد ما اخدت حقي القانون في الاختلاء بالمتهم والحديث معه عن تلك التهمة وواقعة ضبطه .

فبدأنا التحقيق والمتهم بدأ يحكي واقعة الضبط وعند مقولته إن القائم بالضبط فتش السيارة علي بعد 20 متر والمتهم لم يكن حاضر عملية التفتيش وهنا رفض وكيل النيابة إثبات ذلك رفضاً قاطعاً .
وهنا وقفت واعترضت علي ذلك واكدت علي أنه يجب إثبات كل ما يتفوه به المتهم طبقا لما نص عليه القانون واعترض مرة أخري ورفض الاثبات فما كان مني إلا الانسحاب من التحقيق والتوحه لمكتب رئيس النيابة لإثبات ما حدث فما كان من السيد رئيس النيابة إلا أن استدعي وكيل النيابة وإذ فجأة وكيل النيابة استكمل التحقيق وأثبت ما قاله المتهم من أن عملية التفتيش تمت دون حضوره .

الاهم في كل دا إن من شدة خوف المتهم وانا متمسك بحقه في إثبات ما قاله المتهم كان بيتوسل لي أن اهدأ واترك وكيل النيابة يثبت ما يراه وشأنه الا أنني حفاظاً علي حق موكلي الجاهل بالقانون تمسكت وأثبت حقه وقصي في تلك القضية بعد إحالتها للمحكمة بالبراءة وإذ اتفاجأ باعتذار المتهم عن محاولته لتهدئتي ف التحقيق وترك وكيل النيابة يثبت ما يراه وشأنه.

تخيلوا لو مكنتش حاضر معاه !
تخيلوا لو كان لوحده ومكنش عارف يعمل ايه
كان هيعترف اعتراف تفصيلي بجريمة ماعملهاش بس علشان الخوف مش اكتر

⛔التعديل الاخير في قانون الاجراءات الجنائيه هيبيح التحقيق مع المتهم بدون حضور محامي.
م ن ق و ل

28/10/2025

حالة عملية تأتيني بحكم عملي
تأتيني امرأة وزوجها وتقول الزوجة يا استاذ عندنا بنتين ومعندناش اولاد والمحامي نصحنا ان ابوهم يعملهم توكيل في كل حاجة عشان لما ابوهم يموت اخواته (اعمام البنات) ميورثوش
✍️ اولا...التوكيل ده بعد ما الاب بيعمله ميقدرش يلغيه الا بحضور البنات معاه... وغالبا ده مش هيحصل لان البنت بتكون كتبت لزوجها عقد ابتدائي بالتوكيل وانتهت
✍️ثانيا... حتى لو الاب عمل التوكيل ومقلش للبنات اي بنت من حقها تروح من ورا ابوها تطلع صورة من التوكيل لان لها صفة فيه
✍️ثالثا ...فيها قطيعة رحم بين البنت وعمها ولو زوجها اخد منها الشقة وظلمها عمها بيرفض يتدخل لانه حاسس ان اخوه ظلمه وحرمه من حقه الشرعي
✍️رابعا...انت مش احن على بناتك من ربنا لما تموت سيب المال لصاحب المال سبحانه وتعالى يقسمه بحكمته
✍️خامسا...لو بنتك ماتت قبلك زوجها هيورث النصف لو مفيش طفل او الربع لو فيه طفل برضاك او غصب عنك...🤲 رب اغفر لأمي وارحمها🤲

03/09/2025

03/09/2025

أنا كمحامي شغلي إني أطبق القانون وأقف جنب اللي ليه حق.
يعني لو جالي مالك شقة، والمستأجر قافل الشقة أو مش بيدفع الإيجار، طبيعي أرفعله قضية طرد لأن القانون مديله الحق.
وفي نفس الوقت لو جالي مستأجر مرفوع عليه قضية طرد علشان متأخر في دفع الإيجار، وهو حاطط الإيجار في المحكمة أو مستعد يدفع، برضه طبيعي أدافع عنه.

الخلاصة:
أنا لا مع المالك ولا مع المستأجر، أنا مع الحق والقانون، وده شغلي و مهنتي.
منقول

01/09/2025

نصيحة محامي #للزوجات ... الساعيات الى #الطلاق
📌أنا كمحامي ليس مطلوباً مني تفصيل قانون على مقاسك ، المطلوب مني بذل المجهود والإهتمام بالقضية حتى أكون قد أديت واجبي .

📌لكن لي كلمة #للزوجات :

📌- لو حضرتك صبرتي على زوجك مثل صبرك على محاميك كان من الممكن أن لا تصلي للمحكمة.
📌- لو كل زوجة لبست حلو زي لبسها وهي نازلة على المحكمة واهتمت بنفسها وبأدق تفاصيل حياتها الزوجية مؤكد زوجها سيحترمها ويحبها.

📌- لو عاملتي زوجك بنفس الطريقة اللي بتعاملي بيها سكرتير الجلسة والقاضي والمحامي لما يعلي صوته عليكي وحضرتك غصب عنك تبقي محافظة على هدوئك لدرجة انك تنافقي .. نعم تنافقي ..لأنك رغم غيظك وقهرك منهم بتتكلمي معاهم بمنتهى الذوق،🤞وتبتسمي إبتسامة صفراء مش من قلبك عشان تخلصي مصلحتك.
📌لو كان ده رد فعلك لما زوجك اتعصب كان هيتكسف من نفسه ويحاول إرضاءك بأي شكل .

📌- لو حضرتك صبرتي على مشاكل البيت زي صبرك على بهدلتك في الشوارع ومرواح للمحكمة وانتظارك لميعاد الجلسة وبنفس الحكمة أكيد المشاكل كانت هتتحل، المرمطة في بيتك أسهل مليون مره من المرمطة في المحاكم، ومجاملتك لزوجك في البيت ليست نفاقاً كمجاملتك نفاقاً لأي شخص في المحكمة .

📌- تذكري جيداً لحظة دخول القاضي للجلسة، تلتزمي الصمت أنت وكل الموجودين في القاعة، تغلقي جوالك غصب عنك بالأمر المشدد مع أن زوجك لما يطلب منك ترك الجوال وتشوفي طلبات البيت والاطفال وطلباته تعصبي وتنكدي عليه يومه لمجرد أنه طلب منك إهتمام وقيام بواجبك الذي أنت موجودة لأجله لا لأجل التلفون والتطبيقات والصاحبات .

📌- المقصود من الكلام صبرنا على نفسنا أحسن من صبرنا في المحاكم ، بيوتنا أمانة في رقابنا.

📌- طبعاً في ستات كتير هتزعل من الكلام ..لا حضرتك ماتزعليش ، واحنا في خدمتك في المحاكم وننتظر ممارسة أعمالنا بالطريقة التي درسنا القانون لأجلها ونراها مناسبة ومربحة على حساب جيبك وجيب زوجك وضياع أطفالك وخسرانك في الدنيا والآخرة .

📌وبلاش ترشي عطر كثييييير ، رشيه لزوجك مش لموظفين المحاكم والمحامين والقضاة .
منقول