19/10/2026
لما نقول براءة في قضية قتل عمد مش معناها أن المتهم قتل المجني عليه متعمد وإحنا جبنا له براءة.
لما نقول براءة في قتل عمد مع سبق الإصرار والترصد مش معناه أن كان في سبق إصرار وترصد وقتل وإحنا جبنا للمتهم براءة.
أومال إيه الكلام ده ؟!
الحكاية ببساطة أن الجريمة اسمها كده، يعني النيابة كانت موجهة للمتهم اتهام بالقتل العمد أو القتل العمد مع سبق الإصرار والترصد، ف ده هو وصف التهمة وليس معناه أن الجريمة تم ارتكابها بالفعل.
فلما نقول أخدنا براءة في قتل عمد معناه إننا كان متوجه لنا تهمة القتل العمد والمحكمة حكمت إننا أبرياء و ما قتلناش.
ولما نقول أخدنا براءة في قتل عمد مع سبق الإصرار والترصد ده معناه إننا كان متوجه لنا تهمة بالقتل العمد مع سبق الإصرار والترصد لكن المحكمة حكمت إننا أبرياء وأننا ما ارتكبناش الواقعة.
أتمنى تكون الرسالة وضحت، إحنا لا بندافع عن مجرمين ولا بنضيع حق حد، إحنا بنعمل شغلنا بما يرضي الله والحكم لله أولا وأخيرا ثم للمحكمة ولا نملك إلا جهدنا واجتهادنا.
خالص تحياتي
أ/ مصباح محمد القربة - المحامي
بالاستئناف العالي ومجلس الدولة
