المستشار/ احمد نجاح

26/05/2026

يتقدم المكتب بخالص التهاني إلى عملائنا الكرام والأصدقاء بمناسبة عيد الأضحى المبارك 🌙✨

ونحيط سيادتكم علماً بأن إجازة المكتب تبدأ اعتباراً من يوم الإثنين الموافق 25 مايو 2026،وحتى يوم السبت الموافق 30 مايو 2026،على أن يُستأنف العمل بالمكتب يوم السبت.

وكل عام وأنتم بخير، أعاده الله عليكم بالخير واليُمن والبركات 🤍

18/03/2026

🌙✨ كل عام وأنتم بخير بمناسبة عيد الفطر المبارك ✨🌙

يتشرف مكتب المستشار أحمد نجاح للمحاماة والاستشارات القانونية بإبلاغ السادة العملاء الكرام بمواعيد إجازة العيد:

🔹 إجازة رسمية تبدأ من:الأربعاء 18 / 3 / 2026

🔹 وحتى:الإثنين 23 / 3 / 2026

📌 ويُستأنف العمل بالمكتب اعتبارًا من يوم الثلاثاء 24 / 3 / 2026

⏰ مواعيد العمل بعد الإجازة:من 7:00 مساءً حتى 10:00 مساءً📅 طوال أيام الأسبوع❌ ماعدا يوم الخميس (إجازة أسبوعية)

🌟 عيد سعيد عليكم جميعًا 🌟

07/12/2025

📌مطلوب 📌
محامي/ة جدول عام أو ابتدائي للعمل ضمن فريق المكتب.
يُفضّل من سكان مدينة 15 مايو.
للتواصل والاستفسارات:
📞 واتساب 01003199307
أو من خلال الرسائل الخاصة على الصفحة

19/11/2025

أحفظ حقك بالطرق القانونية، ولا تحول نفسك من صاحب حق لمجرم.

07/11/2025

📢 من حق المحامي يختار موكله
زي ما الموكل له الحق يختار محاميه 💼⚖️
المحاماة مش مجرد مهنة... دي رسالة ومسؤولية.
المحامي مش مطلوب منه يدافع عن الباطل،
ولا يشتغل في قضية مش مؤمن بيها أو موكل مش صادق معاه.
احترام العلاقة بين المحامي وموكله لازم يكون قائم على الثقة والوضوح والاحترام المتبادل.
مش كل قضية تتقبل… ومش كل موكل يستحق الدفاع عنه. 👍

30/10/2025

📢 تنويه هام
يُعلن مكتب المستشار أحمد نجاح للمحاماة والاستشارات القانونية عن تعديل مواعيد العمل الرسمية.
⏰ المواعيد الجديدة:
من الساعة 6:00 مساءً حتى الساعة 9:00 مساءً
بدلًا من المواعيد السابقة (7:00 إلى 10:00 مساءً).
نُقدّر تعاونكم وحرصكم على التواصل في المواعيد المحددة ✨
📞 للاستفسار: 01003199307
العنوان :https://maps.app.goo.gl/azRbpUrwwQk4syJr8
⚖️ Ahmed Nagah – Lawyer

Find local businesses, view maps and get driving directions in Google Maps.

12/09/2025

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق👇👌👇

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش هنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحة توقيع للعقد المحكمه لازم يكون قدامها أصل العقد وطبعا المحامى مش هيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط..

08/08/2025

📌 قانون رقم ١٦٤ الصادر بتاريخ ٤_٨_٢٠٢٥

بشأن بعض الأحكام المتعلقة بقوانين إيجار الأماكن وإعادة تنظيم العلاقة بين المُؤجر والمُستأجر ✅

14/07/2025

🔹 تنويه من مكتب المستشار أحمد نجاح – المحامي 🔹

حرصًا على أداء رسالتنا القانونية بما يرضي الله أولًا، ووفقًا لما نؤمن به من مبادئ أخلاقية ومهنية، يعتذر المكتب عن قبول القضايا الآتية:

✅ قضايا الخُلع
✅ قضايا السرقة
✅ قضايا الدعارة

وذلك حفاظًا على منهج واضح نلتزم به في كل أعمالنا القانونية.

🕊️ {وقل اعملوا فسيرى الله عملكم ورسوله والمؤمنون} – [التوبة: 105]

📌 مكتب المستشار أحمد نجاح للمحاماة والاستشارات القانونية

09/07/2025

بعد تعديل قانون الإيجار القديم رسميا ، نحرص على توعية المواطنين :

من الأخطاء الشائعة المنتشرة:

الخلط بين الإيجار القديم الذى تم تعديله رسميا اليوم و بين الإيجار المحدد بمدة ٥٩ عاما.
لذلك ننوه مشددا أن التعديلات التى أقرها مجلس النواب اليوم لا تسرى إلا على العقود التى أبرمت قبل ٣١ يناير ١٩٩٦ .
أما العقود التى أبرمت منذ هذا التاريخ و حتى الآن فلا شأن لها بتلك التعديلات حتى لو كانت مدتها ٥٩ عاما فتظل سارية كما هى و بالشروط المنصوص عليها فى العقد و طبقا لأحكام القانون المدنى و لن يسرى عليها الإنهاء بعد خمس سنوات أو سبع سنوات ولا أى شئ مما جاء فى تلك التعديلات التى نؤكد أنها خاصة بالعقود الإستثنائية المبرمة قبل ٣١ يناير ١٩٩٦ .