مكتب المحامية همت مصطفى

16/12/2025

عدم جواز تحصيل ضريبة التصرفات العقارية علي عقود البيع العرفية

16/12/2025

حكم صادر من محكمه النقض بان الحاضنه التي تمتلك مسكن خاص بها سواء كان ملك او ايجار او مقيمة طرف والدها لا تستحق أجر مسكن أو التمكين من شقة الزوجية .. وأن المحكمة غير مقيدة بقرارت الحيازة (التمكين) التي تصدرة النيابة العامة كونها قرارت وقتية ولا تمس الملكية ومن ثما فهي غير ملزمة بها (قرار التمكين)

ولكن الجدير بالذكر أن الواقع العملي يفرض ما يخالف ذلك.

15/02/2025

إيصال الأمانة vs الشيك البنكي: أيهما الخيار الأفضل لك ؟! ⚖️

15/02/2025

🔶 هل قيام المتهم بسداد قيمة قائمة المنقولات يعفيه من العقاب ؟
👈 طبقا لهذا الحكم و الصادر من محكمة النقض فإن سداد قيمة المنقولات لا يعفي المتهم المبدد من العقوبة الجنائية ... وخاصة إذا كانت القائمة ونصوصها لا تعطيه الحق في استبدال الرد بالقيمة .

17/09/2024

معلومات تأمينية:
✍️ ينفع البنت تاخد معاش والدها المتوفي ؟ ايوه
✍️طيب لو كانت موظفه ينفع برضه؟ ايوه
✍️حتي لو كانت متزوجه ؟ لا لازم تكون انسه أو مطلقه او ارمله بس .
✍️طيب الموظفه دي بتاخد مرتب ازاي هتاخد مرتب ومعاش مع بعض ؟ اقول لحضرتك 👇
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ افهم حضرتك 👇
يعني لو مرتبها مثلا ٥٠٠ جنيه ومعاش والدها ١٠٠٠ جنيه مش هتصرف المعاش كله لكن هتصرف منه ٥٠٠ جنيه بس اللي هو الفرق بين مرتبها ومعاش والدها .
✍️طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
✍️طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه
✍️طب ازاي؟ اقول لحضرتك
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق 👆
✍️طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .
✍️طيب لو الموظفه دي علي المعاش اصلا وبتاخد معاش من شغلها ينفع تاخد معاش والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .
✍️طيب المطلقه طلاق رجعي بتستحق معاش والدها؟ لا لازم يكون الطلاق بائن
✍️يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن
✍️طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
✍️طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا
✍️طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .
✍️طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
✍️طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ اقول لحضرتك 👇
لو البنت دي لوحدها مفيش غيرها بتاخد تلتين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
✍️طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق
✍️طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده .

13/10/2019

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق؛؛

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش هنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحة توقيع للعقد المحكمه لازم يكون قدامها أصل العقد وطبعا المحامى مش هيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط.

06/08/2019

شاهدوا حلقه الاستاذه همت مصطفى
مع الاعلاميه بيرى منصور برنامج للحياه اسرار🌷

للحياة اسرار | مع بيرى منصور .. والحديث عن أمراض الذكورة وقضايا الأسرة ================================================== تابعونا على القناة الرسمية بالضغط ع...

06/08/2019

15/06/2019

عمرك سمعت عن " المقاصه في الزنا " !!............
يعني الزوج يرتكب جريمة الزنا ، ثم الزوجه من بعده ترتكب جريمة الزنا ، فلا يستطيع الزوج ان يحرك الدعوى الجنائيه ضد زوجته ، لانه سبق وان ارتكب نفس الفعل.
يعني واحده بواحده وكدا خالصين ✋
وده طبقا لنص الماده ٣٧٣ عقوبات ، حيث تنص " لا تجوز محاكمة الزانية الا بناء على دعوى زوجها ، الا انه اذا زنى الزوج في المسكن المقيم فيه مع زوجته ، كالمبين في الماده ٢٧٧ ، لا تسمع دعواه عليها ".
وواضح ان النص اعتبر الزوج غير اهل لتقديم شكوى ضد زوجته ، باعتباره قدوة العائلة ، فلا يصح ان يشكو زوجته من فعل سبق له ارتكابه.
وعموما فيه بعض الملاحظات الدقيقه جدااا حابب اذكرها :-
* لا يشترط ان يكون قد سبق صدور حكم بالزنا ضد الزوج ، بل يكفي الزوجة وهي بصدد الدفاع عن نفسها ان تدفع بسبق ارتكاب الزوج لجريمة الزنا وعلى النيابة او المحكمة تحقيق الدفع.
* من المهم لصحة الدفع ، ان يكون الجريمتان ( زنا الزوج وزنا الزوجه ) قد تمتا في عقد زواج واحد ، بمعنى ان الزوجة لا يصح لها ان تدفع بزنا زوجها اذا كانت واقعة الزنا سابقه على زواجها منه.
* وغني طبعا عن البيان القول انه يشترط لصحة الدفع ان يكون حق الزوجه في تحريك دعوى الزنا ضد زوجها ( لو مكنش صدر ضده حكم ) لم ينقضي ، بمعنى الا يكون قد مر ثلاثة اشهر علي علم الزوجة بزنا الزوج.
* الدفع ده غير متعلق بالنظام العام ، فلا تقضي به المحكمة من تلقاء نفسها.
* الدفع ده لا يصح طرحه الا من الزوجه دون شريكها ، يعني شريكها لا يستطيع الدفع به ، لكنه طبعا سيستفيد منه تبعا للزوجة.
* لو الزوجة طرحت هذا الدفع على المحكمة ، وجب على المحكمة ايقاف الدعوى حتى تتأكد من صحته ، واذا تيقنت المحكمة من صحة الدفع ، وجب عليها الحكم بعدم جواز نظر الدعوى.
* حكم المحكمة بعدم جواز نظر الدعوى ، مقصور على الناحية الجنائية ، فيبقى للزوج ان يطالب الزوجة وشريكها امام المحكمة المدنيه بتعويض ما لحقه من ضرر.......
طب ايه وضع الزوج اللي بيتاجر بجسد زوجته ، وبيقدمه لطالبي المتعة الحرام ، هل لو حصل واختلف معاها يقدر يرفع عليها قضية زنا ؟
فيه حكم كتب بمداد من ذهب صدر من محكمة مصر الكلية في ٩ مارس سنة ١٩٤١ ، ذكر نصا " ان جريمة الزنا هي في الحقيقة والواقع جريمة في حق الزوج المثلوم شرفه ، فاذا ثبت ان الزوج لا يصح ان يعتبر زوجا حقيقةً بل هو زوج شكلاً ، لانه فرط في اهم حق من حقوقه ، وهو اختصاص الزوج بزوجته ، ومادام قد تنازل عن هذا الحق الاساسي المقرر اصلا لحفظ كيان العائلة وضبط النسب ، فلا يصح بعد ذلك ان يُعترف به كزوج ، ولا يبقى له من الزوجية سوى ورقة عقد الزواج ، اما زوجته فتعتبر في حكم غير المتزوجة ، ولا يقبل منه كزوج ان يطلب محاكمة زوجته او احد شركائها اذا زنت ، والا كان هذا الحق متروكا لاهوائه ، يتخذه وسيلة لسلب اموال الزوجة وشركائها ، كلما عنّ له ذلك بواسطة تهديدهم بالفضيحة ".
لكن من باب الامانة العلمية ، استاذنا الدكتور محمود محمود مصطفي ، علق على هذا الحكم ، قائلا " ان الصحيح ان رضا الزوج ( المجني عليه ) لا يمنع من قيام جريمة الزنا ، بمعنى ان عدم الرضا لا يعد ركنا فيها ، كذلك لا يعتبر الرضا سببا لاباحة الزنا ، لان المصلحة العامة في صيانة الحقوق الزوجية تعلو على المصلحة الخاصه للزوج المجني عليه ، اذ تتصل بصيانة الاسرة وهي نواة المجتمع ، واذا كان القانون يعلق رفع الدعوى في الزنا علي ارادة الزوج المجني عليه ، فمرد ذلك ان مصلحة الاسره نفسها قد تقتضي عدم رفع الدعوى فترك للزوج تقدير هذه المصلحة ، وليس في القانون المصري ما يحرم الزوج المجني عليه من الشكوى اذا كان قد رضي بالزنا عند وقوعه ، وتقتضي المصلحة بحرمانه من هذا الحق ، ويكون للنيابة ان ترفع الدعوى ". ....
لكن انا من وجهه نظري ان منطق حكم المحكمه - السابق ايراده - هو الاقرب للعدالة ، سيما لو اعتبرنا سبق زنا الزوج مانعا له من تحريك دعوى الزنا ضد زوجته ، فمن باب اولى ينبغي اعتبار رضا الزوج المسبق بزنا زوجته مانعا من تحريك الدعوى الجنائيه ضدها.
منقول من صفحة العراب

14/06/2019

... اجراءات المتخلفين عن التجنيد👮📢
( الخدمة العسكرية ) نص قانون التجنيد (بان سن الامتناع هو ثلاثون عاما)

الإختصاص القضائى بنظر هذه القضايا:-
👈تحدد المادة 48 من القانون رقم 127 لسنة 1980 إختصاص القضاء العسكرى دون غيره فيما يقع بالمخالفة لأحكام قانون الخدمة العسكرية والوطنية
👈تقضى المادة 49 من القانون رقم 127 لسنة 1980 بأنه يعاقب كل متخلف عن مرحلة الفحص أو التجنيد متى تجاوز سنه الثلاثين عاماً بالحبس و غرامة لا تقل عن ثلاثة آلاف جنيه ولا تزيد على عشرة ألاف جنيه أو بإحدى هاتين العقوبتين .

الاوراق المطلوبة :-
- شهادة الميلاد وشهادة التخرج
- صحيفة الحالة الجنائية
- تصوير ونسخ من كل الأوراق
- البطاقة الشخصية ( الرقم القومي)
- بطاقة 6 جند إن وجدت
(لإثبات الرقم التجنيدي الرقم الثلاثي)

الاجراءات :
الذهاب الي منطقة التجنيد باكرا
- الذهاب الي مكان انهاء معاملات تخلف التجنيد بمنطقة التجنيد
- شراء الدوسية المتعلق بتخلف التجنيد
- بداخل الدوسية المتعلق بتخلف التجنيد ورقة صفراء ( نموذج 6 جند معدل ) وورفتين لنموذج التحقيق وإيصال استلام مستندات
- وبعد ذلك يتم التوجه الي شباك تقديم الطلبات المتعلقة بتخلف التجنيد
-يتم ملأ الورقة الصفراء ( أول جزء فقط) وبعد ذلك سيطلب منك الموظف صورة البطاقة وإيصال الأستلام
- يعطيك الموظف ايصال الاستلام وبختمه ويخبرك بان تاتي للسؤال عن الطلب بعد أسبوع
( هذا الأسبوع للتحري عن المتخلف ومعرفة عما اذا كان قد تقدم للكشف الطبي من قبل ام لا ؟)

بعد مرور الأسبوع (نذهب الي منطقة التجنيد مرة أخري)

- السؤال بأيصال الاستلام
- يتم تسليم صحيفة الحالة الجنائية وصورتين منها وصورتين للبطاقة الشخصية بداخل الدوسية الذي قمت بشرائه.
- الذهاب الي مكتب الأمن لختم ورقة التحريات التي سيعطيها لك الموظف
- وبعد ذلك اللي صاحب الشأن التوجه الي مكتب التحقيقات للتحقيق معه حول تخلفة عن التجنيد
- يستلم صاحب الشان بعدها نموذج إعلان بالجلسة ويطلب منه الذهاب الي المحكمة العسكرية بعد أسبوع أخر

بعد مرور الاسبوع والذهاب الى المحكمة
- التوجه مباشرة الى مكتب النيابة العسكرية حيث يقوم المسؤل بأخذ البطاقة الشخصية لصاحب الشأن والإعلان وتحديد موعد الجلسة والتوقيع بالعلم.

يوم المحاكمة العسكرية
في يوم الجلسة ينبه الذهاب باكرا حتي وصول القاضي. وقبل دخول القاضي يتم إعلان الحاضرين لدخول القاعة والمناداه علي الأسماء (الرول) واثبات الحضور من القضايا المعروضةالغياب.
- بعد دخول القاضي يقوم فرد الأمن بمناداة الأفراد حسب الملفات ورول الجلسة
- حين سماع اسم صاحب الشأن يتم التوجه الي المنصة فيسأل القاضي عن سبب التخلف
- بعد مثول الجميع أمام القاضي
يقوم القاضي بقراءة الأسماء والحكم الذي اتخذه بالغرامة
- بعد انصراف القاضي يقوم فرد من الشرطة العسكرية بمناداة الأسماء ثانية ومن تتوفر في جيبه الغرامة أم لا حاول إن تأخذ مبلغ الغرامة ويكون متوسطة أربعة الاف جنية تقريبا
- يقوم كل من يريد الدفع بتوجيه الي الخزينة مع فرد الشرطة العسكرية
بعد الدفع يقوم المسؤل بإخبارك إن تأتي بعد خمسة عشر يوم لتأخذ صورة ضوئيه من الحكم للتوجه بها الي منطقة التجنيد لأستخراج الشهادة
بعد مرور خمسة عشر يوم
يتم الذهاب الي المحكمة العسكرية وسيقوم المسؤل بأخذ ايصالات الدفع ثم اعطائك صورة الحكم الصادر بحقك.
يتم التوجه بعدها بصورة الحكم الي منطقة التجنيد التابع لها وشراء طلب شهادة الخدمة العسكرية
- بعدها يتم الذهاب الى مكتب التحقيقات وسيقوم بختم صورة الحكم ويخبرك بالذهاب الي شباك الطلبات لتقديم الطلب
( يتم بعدها استلام 👮📢
( الخدمة العسكرية ) نص قانون التجنيد (بان سن الامتناع هو ثلاثون عاما)

الإختصاص القضائى بنظر هذه القضايا:-
👈تحدد المادة 48 من القانون رقم 127 لسنة 1980 إختصاص القضاء العسكرى دون غيره فيما يقع بالمخالفة لأحكام قانون الخدمة العسكرية والوطنية
👈تقضى المادة 49 من القانون رقم 127 لسنة 1980 بأنه يعاقب كل متخلف عن مرحلة الفحص أو التجنيد متى تجاوز سنه الثلاثين عاماً بالحبس و غرامة لا تقل عن ثلاثة آلاف جنيه ولا تزيد على عشرة ألاف جنيه أو بإحدى هاتين العقوبتين .

الاوراق المطلوبة :-
- شهادة الميلاد وشهادة التخرج
- صحيفة الحالة الجنائية
- تصوير ونسخ من كل الأوراق
- البطاقة الشخصية ( الرقم القومي)
- بطاقة 6 جند إن وجدت
(لإثبات الرقم التجنيدي الرقم الثلاثي)

الاجراءات :
الذهاب الي منطقة التجنيد باكرا
- الذهاب الي مكان انهاء معاملات تخلف التجنيد بمنطقة التجنيد
- شراء الدوسية المتعلق بتخلف التجنيد
- بداخل الدوسية المتعلق بتخلف التجنيد ورقة صفراء ( نموذج 6 جند معدل ) وورفتين لنموذج التحقيق وإيصال استلام مستندات
- وبعد ذلك يتم التوجه الي شباك تقديم الطلبات المتعلقة بتخلف التجنيد
-يتم ملأ الورقة الصفراء ( أول جزء فقط) وبعد ذلك سيطلب منك الموظف صورة البطاقة وإيصال الأستلام
- يعطيك الموظف ايصال الاستلام وبختمه ويخبرك بان تاتي للسؤال عن الطلب بعد أسبوع
( هذا الأسبوع للتحري عن المتخلف ومعرفة عما اذا كان قد تقدم للكشف الطبي من قبل ام لا ؟)

بعد مرور الأسبوع (نذهب الي منطقة التجنيد مرة أخري)

- السؤال بأيصال الاستلام
- يتم تسليم صحيفة الحالة الجنائية وصورتين منها وصورتين للبطاقة الشخصية بداخل الدوسية الذي قمت بشرائه.
- الذهاب الي مكتب الأمن لختم ورقة التحريات التي سيعطيها لك الموظف
- وبعد ذلك اللي صاحب الشأن التوجه الي مكتب التحقيقات للتحقيق معه حول تخلفة عن التجنيد
- يستلم صاحب الشان بعدها نموذج إعلان بالجلسة ويطلب منه الذهاب الي المحكمة العسكرية بعد أسبوع أخر

بعد مرور الاسبوع والذهاب الى المحكمة
- التوجه مباشرة الى مكتب النيابة العسكرية حيث يقوم المسؤل بأخذ البطاقة الشخصية لصاحب الشأن والإعلان وتحديد موعد الجلسة والتوقيع بالعلم.

يوم المحاكمة العسكرية
في يوم الجلسة ينبه الذهاب باكرا حتي وصول القاضي. وقبل دخول القاضي يتم إعلان الحاضرين لدخول القاعة والمناداه علي الأسماء (الرول) واثبات الحضور من القضايا المعروضةالغياب.
- بعد دخول القاضي يقوم فرد الأمن بمناداة الأفراد حسب الملفات ورول الجلسة
- حين سماع اسم صاحب الشأن يتم التوجه الي المنصة فيسأل القاضي عن سبب التخلف
- بعد مثول الجميع أمام القاضي
يقوم القاضي بقراءة الأسماء والحكم الذي اتخذه بالغرامة
- بعد انصراف القاضي يقوم فرد من الشرطة العسكرية بمناداة الأسماء ثانية ومن تتوفر في جيبه الغرامة أم لا حاول إن تأخذ مبلغ الغرامة ويكون متوسطة أربعة الاف جنية تقريبا
- يقوم كل من يريد الدفع بتوجيه الي الخزينة مع فرد الشرطة العسكرية
بعد الدفع يقوم المسؤل بإخبارك إن تأتي بعد خمسة عشر يوم لتأخذ صورة ضوئيه من الحكم للتوجه بها الي منطقة التجنيد لأستخراج الشهادة
بعد مرور خمسة عشر يوم
يتم الذهاب الي المحكمة العسكرية وسيقوم المسؤل بأخذ ايصالات الدفع ثم اعطائك صورة الحكم الصادر بحقك.
يتم التوجه بعدها بصورة الحكم الي منطقة التجنيد التابع لها وشراء طلب شهادة الخدمة العسكرية
- بعدها يتم الذهاب الى مكتب التحقيقات وسيقوم بختم صورة الحكم ويخبرك بالذهاب الي شباك الطلبات لتقديم الطلب
( يتم بعدها استلام الشهادة خلال 4 أيام)