Egyptian Lawyers

Egyptian Lawyers استشارات قانونيه

مكتب المحامون المصريون للمحاماة والاستشارات القانونية يهني الامه الاسلاميه وجميع موكلين المكتب بقدوم شهر رمضان المبارك 🌙...
17/02/2026

مكتب المحامون المصريون للمحاماة والاستشارات القانونية يهني الامه الاسلاميه وجميع موكلين المكتب بقدوم شهر رمضان المبارك
🌙كل سنه وانتم طيبين 🌙

عاجل :الدولة هتربط الرقم القومي بتاعك بكل حاجة:النيابة – المحكمة – الداخلية – التموين – الجوازات – الاتصالات…يعني أي تحر...
08/02/2026

عاجل :
الدولة هتربط الرقم القومي بتاعك بكل حاجة:
النيابة – المحكمة – الداخلية – التموين – الجوازات – الاتصالات…
يعني أي تحرك ليك هيتسجل، وأي قضية عليك هتظهر فورًا!
لو عندك قضية واحدة بس… حياتك الرسمية هتقف كلها!

مش هتعرف تعمل:
بطاقة شخصية
بدل فاقد أو تالف
تجديد باسبور
القيد العائلي
بطاقة التموين
أي ورقة من أي جهة حكومية
تأجيل أو إعفاء الجيش
استخراج رخصة
أي خدمة حكومية… حرفيًا!
لحد ما تنضف موقفك القانوني بالكامل.
المصيبة الأكبر:
هيجيلك رسالة نصية بأي قرار في أي قضية باسمك:
– جنحة
– قضية أسرة
– حكم غيابي
– مدني
– تبديد
حتى لو محضر بسيط متسجل عليك!
يعني مفيش حاجة هتستخبى.
الحل؟ تظبط نفسك قبل شهر أكتوبر 2026
1️⃣ راجِع كل القضايا القديمة والجديدة
2️⃣ شوف هل عليك أحكام غيابية أو محاضر مفتوحة
3️⃣ اعمل تصالحات اذا كان يجوز
4️⃣ المحامون يضبطون أوضعاكم القانونية
قبل ما النظام الجديد يقفلك حياتك كلها

الفرق بين حقوق المطلقة وحقوق المختلعة:يُعد الطلاق والخلع من المسائل الشرعية والقانونية التي تترتب عليها حقوق والتزامات ت...
08/02/2026

الفرق بين حقوق المطلقة وحقوق المختلعة:
يُعد الطلاق والخلع من المسائل الشرعية والقانونية التي تترتب عليها حقوق والتزامات تختلف باختلاف طريقة إنهاء العلاقة الزوجية. لذلك، من الضروري فهم الفروق بين حقوق المرأة المطلقة وحقوق المرأة التي تطلب الخلع، لضمان معرفة كل طرف بحقوقه وواجباته.
أولًا: حقوق المطلقة
في حالة الطلاق، تحتفظ الزوجة بحقوقها الشرعية والقانونية التي تشمل:
1. مؤخر الصداق :
وهو المبلغ المدوَّن في وثيقة الزواج، ويستحق عند الطلاق أو وفاة الزوج.
2. نفقة المتعة :
تُقدَّر بما يعادل نفقة الزوجة الشهرية لمدة تتراوح بين سنتين إلى خمس سنوات، وفقًا لتقدير القاضي وحالة الزوج المالية.
3. نفقة العدة :
تُدفع لمدة ثلاثة أشهر (مدة العدة الشرعية)، وتُحسب بناءً على النفقة الشهرية المستحقة للزوجة.
4. قائمة المنقولات الزوجية :
تُعتبر عقد أمانة يُحاسب عليه الزوج جنائيًا، ولا يسقط بالطلاق أو الخلع، ويحق للزوجة المطالبة به قانونيا .
ثانيًا: حقوق المختلعة
عند طلب الزوجة الخلع، تتنازل عن بعض حقوقها المالية ولكن تحتفظ بحقوق أخرى، وتتمثل حقوقها في:
1. التنازل عن مؤخر الصداق :
لا يحق لها المطالبة به، كما تُلزم برد مقدم الصداق الذي حصلت عليه عند الزواج.
2. عدم استحقاق نفقة المتعة :
لا تحصل المختلعة على نفقة المتعة التي تستحقها المطلقة.
3. عدم استحقاق نفقة العدة :
لا يحق لها الحصول على نفقة العدة، حيث إن الخلع يُعد فراقًا نهائيًا بائنًا بينونة صغرى.
4. الاحتفاظ بحقوقها المتعلقة بالأبناء :
حضانة الأطفال: تظل الحضانة للأم وفقًا للقانون، ولا يجوز الاتفاق على ما يخالف ذلك.
مسكن الحضانة: تحتفظ به طوال فترة حضانتها للأطفال.
الولاية التعليمية: يحق لها الإشراف على تعليم الأبناء واتخاذ القرارات التعليمية المتعلقة بهم.
نفقة الأطفال: تظل مسؤولية الأب، ويلتزم بدفعها وفقًا للقانون.
أهم الأسئلة الشائعة حول الخلع ؟
❖ هل تصبح الزوجة "ناشزًا" عند رفع دعوى الخلع؟
✦ لا، لا تُعتبر الزوجة ناشزًا بمجرد رفع دعوى الخلع، وبمجرد صدور الحكم النهائي تُصبح مطلقة، ولا يوجد نشوز بعد الطلاق.
❖ هل يمكن للزوج الطعن على حكم الخلع أو استئنافه؟
✦ لا، حكم الخلع نهائي وبائن، ولا يمكن الطعن عليه بأي من طرق الطعن القانونية.
❖ هل يمكن للزوج إرجاع زوجته بعد الخلع؟
✦ لا يجوز للزوج إرجاع المختلعة إلا بعقد ومهر جديدين، وبموافقتها التامة، لأن الخلع يُعتبر طلاقًا
الخلاصة
الخلع والطلاق طريقتان لإنهاء الزواج، لكن لكل منهما آثاره القانونية المختلفة. في الطلاق، تحتفظ الزوجة بكامل حقوقها المالية، بينما في الخلع، تتنازل عن بعض الحقوق لكنها تحتفظ بحقوقها المتعلقة بالأطفال. لذلك، من المهم استشارة محامٍ مختص لفهم الحقوق والالتزامات وفقًا للقانون الساري في كل دولة.

للتواصل/
‏‪٠١١٤٩٤٩٧٧٩٠
٠١٠٢٧١٣٤٥٦٠

جرائم النصب الإلكترونية… جريمة العصر الخفيّة في زمن بقى فيه الموبايل في إيد كل شخص، ظهرت جريمة أخطر من النصب التقليدي…إن...
06/02/2026

جرائم النصب الإلكترونية… جريمة العصر الخفيّة
في زمن بقى فيه الموبايل في إيد كل شخص، ظهرت جريمة أخطر من النصب التقليدي…
إنها جريمة النصب الإلكتروني.
يعني إيه نصب إلكتروني؟
هو استخدام وسائل التكنولوجيا (فيسبوك – واتساب – مواقع – تطبيقات – إيميلات)
للاستيلاء على أموال الغير بالاحتيال والخداع.
أشهر صور النصب الإلكتروني
1️⃣ صفحات وهمية للبيع والشراء (سعر مغري – اختفاء بعد التحويل)
2️⃣ رسائل فوز بجائزة أو ميراث وهمي
3️⃣ انتحال صفة شخص أو شركة أو بنك
4️⃣ روابط مزيفة لسرقة البيانات 💳
5️⃣ عروض استثمار وهمية (أرباح سريعة – بدون مخاطر)
الأركان القانونية لجريمة النصب الإلكتروني
الركن المادي
استعمال طرق احتيالية من شأنها خداع المجني عليه ودفعه لتسليم المال.
الركن المعنوي
توافر القصد الجنائي (نية الاستيلاء على المال).
علاقة السببية
أن يكون تسليم المال نتيجة مباشرة للخداع.
العقوبة
يعاقب مرتكب النصب الإلكتروني وفقًا لـ
🔹 قانون العقوبات
🔹 قانون مكافحة جرائم تقنية المعلومات
وتصل العقوبة إلى الحبس والغرامة، وقد تُشدد إذا اقترنت بانتحال صفة أو تنظيم عصابي.
كيف تكون المرافعة في قضايا النصب الإلكتروني؟
أولًا – إثبات الواقعة
رسائل
تسجيلات
تحويلات مالية
لقطات شاشة
تقارير فنية
ثانيًا – إثبات الركن الاحتيالي
إظهار أن المتهم استخدم وسائل خداع ممنهجة، وليس مجرد خلاف مدني.
ثالثًا – الرد على دفوع المتهم
❌ ليس نزاعًا مدنيًا
❌ ليس وعدًا تجاريًا
✔ بل جريمة نصب مكتملة الأركان
رابعًا – الطلبات
توقيع أقصى عقوبة
إلزام المتهم برد المبلغ
التعويض المدني
رسالة قانونية مهمة
مش كل نصب إلكتروني “خلاف مدني”
مش كل تحويل فلوس “حُسن نية”
القانون بيعاقب على الخداع قبل النتيجة
القانون لا يحمي المغفل… لكنه يعاقب المحتال
اعرف حقك… واحمي نفسك… واستشير محامي قبل فوات الأوان ⚖️
مكتب المحامون المصريون للمحاماة والاستشارات القانونية خير من يمثلكم وينوب عنكم
@أبرز المعجبين

مكتب المحامون المصريون للمحاماة والإستشارات القانونيه بكافة أنواعها (ش.م.م – مساهمة – فردية – فروع شركات أجنبية).تعديل...
04/02/2026

مكتب المحامون المصريون للمحاماة والإستشارات القانونيه
بكافة أنواعها (ش.م.م – مساهمة – فردية – فروع شركات أجنبية).
تعديل وتحديث بيانات الشركات (زيادة رأس المال – تغيير النشاط – دخول/خروج شركاء).
صياغة ومراجعة العقود التجارية:
عقود شراكة – وكالة – توريد – مقاولات – عقود خدمات – عقود عمل .
الدورية للشركات (Legal Retainer).
إدارة اجتماعات مجالس الإدارة والجمعيات العمومية.
الامتثال القانوني للشركات (Compliance).
متابعة ملفات السجل التجاري والسجل الصناعي ورخص التشغيل ورخص التصدير والاستيراد
التعامل مع جميع الهيئات الحكوميه وأجهزة المدن والشهر العقاري والتوثيق .
للتواصل :
القاهره :منيل الروضه - شارع عبد العزيز آل سعود - عماره رقم ٣١ - مكتب .
واتساب : ٠١١٤٩٤٩٧٧٩٠

الملكية الشائعة (الشيوع) – شرح قانوني مبسّطأولًا: تعريف الملكية الشائعةالملكية الشائعة هي أن يملك شخصان أو أكثر مالًا وا...
30/01/2026

الملكية الشائعة (الشيوع) – شرح قانوني مبسّط
أولًا: تعريف الملكية الشائعة
الملكية الشائعة هي أن يملك شخصان أو أكثر مالًا واحدًا غير مُفرز، بحيث يكون نصيب كل شريك حصة شائعة (نسبة مئوية أو كسر) في كل المال لا في جزء محدد منه.
مثال: عقار مملوك لثلاثة أشخاص على الشيوع؛ لكل واحد منهم ⅓ من العقار كله، وليس شقة بعينها.
ثانيًا: أسباب نشوء الملكية الشائعة
الميراث: تركة لم تُقسم بعد.
الشراء المشترك: شراء عدة أشخاص مالًا واحدًا معًا.
الهبة أو الوصية لأكثر من شخص دون فرز الأنصبة.
اختلاط الأموال على نحو لا يمكن معه التمييز.
ثالثًا: خصائص الملكية الشائعة
لكل شريك حصة شائعة في كل ذرة من المال.
لا يجوز لأي شريك الانفراد بجزء مُفرز دون قسمة.
القرارات المتعلقة بالإدارة تخضع لقواعد الأغلبية أو الاتفاق.
رابعًا: حقوق الشركاء في الملكية الشائعة
حق الاستعمال والانتفاع: بما لا يضر بحقوق باقي الشركاء.
حق التصرف في الحصة الشائعة: بيعها، رهنها، التنازل عنها (ولا ينفذ في حق الباقين إلا في حدود الحصة).
حق طلب القسمة: وهو حق أصيل، ولا يُمنع إلا باتفاق مؤقت أو لسبب قانوني.
خامسًا: التزامات الشركاء
المساهمة في نفقات الحفظ والصيانة كلٌ بنسبة حصته.
عدم إحداث تغييرات تضر بالمال الشائع أو بحقوق الآخرين.
سادسًا: إدارة المال الشائع
الإدارة المعتادة: تكون بالأغلبية (بحسب الحصص).
أعمال التصرف الجسيم (كالبيع الكلي): تتطلب إجماع الشركاء.
سابعًا: انتهاء الشيوع (القسمة)
تنتهي الملكية الشائعة بـ:
القسمة الرضائية: باتفاق الشركاء.
القسمة القضائية: عند الخلاف.
قسمة عينية إن أمكن دون ضرر.
قسمة بطريق البيع إذا تعذرت القسمة العينية، ويُوزَّع الثمن حسب الأنصبة.
ملاحظة مهمة: لا يجوز إجبار شريك على البقاء في الشيوع إلا لسبب مؤقت يقرره القانون أو باتفاق محدد المدة.
ثامنًا: تمييز مهم
الملكية الشائعة ≠ الملكية المفرزة
الشائعة: الحصة في كل المال.
المفرزة: جزء محدد بذاته.

10 كبسولات: أهم مبادئ قانون الأحوال الشخصية (آخر التحديثات) ⚖️1. حجية البصمة الوراثية (DNA)المبدأ: محكمة النقض أيدت أن ...
09/12/2025

10 كبسولات: أهم مبادئ قانون الأحوال الشخصية
(آخر التحديثات) ⚖️
1. حجية البصمة الوراثية (DNA)
المبدأ: محكمة النقض أيدت أن البصمة الوراثية (DNA) هي دليل علمي قاطع وحاسم في إثبات النسب، ووجوب الأخذ به متى توافرت الضمانات الفنية المطلوبة لإجرائه.
2. تقدير نفقة المتعة
التحديد: تم التأكيد على أن نفقة المتعة تُقدر بما لا يقل عن نفقة سنتين، وأن تقديرها يجب أن يراعي حالة الزوج المادية وقت الطلاق، وليس فقط وقت رفع الدعوى.
3. حق الحضانة والاستضافة
التنفيذ: الفصل بين حكم الحضانة (الإقامة) وحكم الاستضافة (الرؤية الموسعة)، مع التأكيد على أن الحاضن لا يجوز له السفر بالصغير للخارج دون إذن، وأن الامتناع عن تنفيذ حكم الاستضافة يوجب توقيع غرامات أو تدابير قانونية.
4. شروط صحة "مؤخر الصداق"
الإثبات: لا يُعد مؤخر الصداق ديناً عادياً، ويجب إثباته أمام المحكمة بـورقة رسمية أو بـشهادة شهود صريحة في حالة النزاع، ويُستحق المؤخر بأقرب الأجلين (الطلاق أو الوفاة).
5. سكن الزوجية المؤقت
التمكين: حق الزوجة في التمكين من مسكن الزوجية يظل مؤقتاً لحين الفصل في دعوى الحضانة، ولا يترتب عليه ملكية، ولا يجوز للزوجة استغلاله في غير الغرض السكني.
6. إثبات دخل الزوج (النفقة)
الضمانة: في قضايا النفقات، للمحامي حق طلب تحريات مفصلة عن جميع مصادر دخل الزوج (العمل، الاستثمارات، الإيجارات)، وللقاضي سلطة استخدام قرينة التقتير إذا لم يقدم الزوج ما يثبت دخله.
7. التخارج من الوقف الخيري
التصرف: يمكن لأصحاب الوقف الخيري (الذري) أن يتخارجوا من حصصهم الموقوفة إلى ورثة آخرين أو يتصرفوا فيها للغير، بشرط موافقة جميع المستحقين وبموجب إجراءات رسمية معتمدة.
8. الطلاق للضرر (الشقاق)
الإجراء: في حالة الطلاق للضرر، أكدت المبادئ الحديثة على وجوب إحالة الدعوى للتحكيم بين الزوجين، ويكون تقرير الحكمين ملزماً للقاضي إذا توافرت فيه الشروط الشكلية والقانونية.
9. إسقاط الحضانة لسوء السلوك
الحماية: يُمكن للمحكمة إسقاط حق الحضانة عن الأم أو الأب إذا ثبت سوء السلوك أو عدم الأمانة على الصغير، وهذا يتم بتقدير المحكمة وفقاً لتقرير الخبراء ومصلحة الصغير الفضلى.
10. التزوير في وثائق الزواج
البطلان: يُعتبر التزوير في وثائق الزواج (مثل تغيير السن أو الحالة الاجتماعية) سبباً لـبطلان العقد إذا ثبت أن هذا التزوير أثر على رضا أحد الطرفين بالعقد

أحد تعديلات قانون الإجراءات الجنائية الجديد ألغي المعارضه الاستئنافيه المادة ٤١١إذا كان الاستئناف مرفوعاً من المحكوم علي...
17/11/2025

أحد تعديلات قانون الإجراءات الجنائية الجديد ألغي المعارضه الاستئنافيه
المادة ٤١١
إذا كان الاستئناف مرفوعاً من المحكوم عليه وتخلف،هو او وكيله الخاص عن الحضور في الجلسة المحددة لنظر الاستئناف أو في أي جلسة تالية تؤجل نظر الاستئناف لمرة واحدة وإذا تخلف هو أو وكيله الخاص عن الحضور تندب له المحكمة محامياً للدفاع عنه وتفصل في الاستئناف بحكم لا يقبل إعادة المحاكمة، ويسري في شأنه حكم المادة ٣٦٦ من هذا القانون

معلومة تهمك🫵ناس كتير فاكرة إن السرقة يعني لازم الحرامي ينجح وياخد الحاجة ويمشي بيهالكن ف الواقع إن الشروع في السرقة وحده...
17/11/2025

معلومة تهمك🫵
ناس كتير فاكرة إن السرقة يعني لازم الحرامي ينجح وياخد الحاجة ويمشي بيها
لكن ف الواقع إن الشروع في السرقة وحده ممكن يخلي المتهم يتحاكم ويتعاقب كأنه سرق فعلًا!
القانون المصري (المادة ٤٥ من قانون العقوبات) بيقول إن الشروع هو البدء في تنفيذ الجريمة بقصد إتمامها، إذا أوقف أو خاب أثرها لسبب لا دخل لإرادة الفاعل فيه.
يعني لو حد حاول يفتح باب شقة أو كسر شنطة عربية بس ملحقش ياخد حاجة، ده اسمه “شروع في سرقة” والنيابة بتوجهله تهمة كاملة.
بالنسبة للعقوبة!!
القانون بيخففها درجة واحدة عن السرقة التامة،
يعني لو السرقة عقوبتها ٣ سنين، الشروع فيها ممكن يبقى سنتين مثلًا،
بس لو كانت السرقة فيها ظرف مشدد (زي كسر حرز أو بالليل أو تحت تهديد)، ف حتى الشروع فيها ممكن يخلي العقوبة توصل لحد السجن المشدد!
يعني ببساطة مش لازم تسرق عشان تبقى“سارق” في نظر القانون، مجرد نيتك الواضحة ومحاولتك كفاية تخليك متهم رسمي.

ليس مجرد ورقة توقع عليها،بل هو التزام قانوني له أركان أساسية لا يصح العقد إلا بها. فإذا اختل أحد هذه الأركان،يصبح العق...
16/11/2025

ليس مجرد ورقة توقع عليها،بل هو التزام قانوني له أركان أساسية لا يصح العقد إلا بها.
فإذا اختل أحد هذه الأركان،يصبح العقد باطلاً أو قابلاً للإبطال.

١٠ نقط هيفهموك كل حاجة عن :1️⃣ يعني إيه "قايمة منقولات"؟القائمة دي ببساطة هي ورقة فيها كل حاجة تخص العفش أو الأجهزة أو...
16/11/2025

١٠ نقط هيفهموك كل حاجة عن :
1️⃣ يعني إيه "قايمة منقولات"؟
القائمة دي ببساطة هي ورقة فيها كل حاجة تخص العفش أو الأجهزة أو الدهب أو أي حاجة تخص بيت الجواز والزوج بيكون مضى إنه استلم الحاجات دي.
يعني قانونًا دي زي إيصال استلام، واللي مضى عليه لازم يرجّع الحاجات زي ما استلمها وقت الطلب أو وقت الانفصال.
2️⃣ القانون بيقول إيه؟
الأصل إن اللي استلم المنقولات يرجّع الحاجة نفسها مش فلوسها.
لكن لو الحاجة ضاعت أو اتكسرت أو مش موجودة خلاص، في الحالة دي بيرجع قيمتها المادية ولو جزء منها ناقص، بيرجع قيمة الجزء الناقص بس، وبيتحدد ده عن طريق خبير من المحكمة.
3️⃣ أخطاء ناس كتير بتقع فيها وبتضرّهم جدًا :
متزودويش ولا كلمة بعد التوقيع، حتى لو في سطر فاضي. اللي يقولك "تعالي نكمّل أو نزود حاجات"، قولي له (لأ). ده ممكن يتحسب تزوير!
ماتضيفيش دهب أو حاجات جديدة بعد التوقيع. ماينفعش حد يوقّع بدالك ولا بخطك. متسمعيش لأي حد يقولك "اعملي كذا"، حتى لو صاحبتك أو محامي بيجرب.
(أي تعديل في القايمة بعد التوقيع ممكن يودّي في داهية.)
4️⃣ لو حاجاتك اتاخدت أو اتسرقت تعملي إيه؟
1. تروحي تعملي محضر سرقة أو تبديد في القسم اللي تابع ليه بيت الزوجية.
2. اكتبي في المحضر الحاجات اللي اتسرقت أو اختفت بالتفصيل، بس متذكريش القايمة كلها
3. النيابة بعد كده بتتابع، ولو طلع الموضوع جنحة تبديد، المحامي بيكمل بإجراءات الادعاء المدني.
4. ممكن كمان ترفعي دعوى استرداد منقولات زوجية في محكمة الأسرة لو الموضوع محتاج كده.
5. لو الزوج عرضلك حاجات بديلة مش بتاعتك، من حقك ترفضي وتطلبي خبير يحدد قيمتها الحقيقية.
5️⃣ نصايح مهمة للبنات والسيدات
اكتبي كل حاجة بالتفصيل: الاسم + العدد + السعر أو القيمة.
لو في دهب، اكتبيه بالجرام مش بكلمة "دهب" وخلاص.
خليه يوقّع قدام شهود، والأفضل قدام محامي أو وكيل.
ماتسيبيش حد يزوّد أو يعدّل بعد ما مضى.
خدي نسخة من القايمة معاكي، واحتفظي بيها كويس.
6️⃣ نصايح للشباب اللي داخلين على جواز
خلي بالك
لما بتمضي قايمة مكتوب فيها "على سبيل الأمانة" دي زي إيصال أمانة، وممكن تودّيك السجن لو حصل خلاف.
الحل بسيط جدًا
خلي القايمة تتكتب في عقد الجواز إنها المهر، مش "أمانة".
يعني تقول للمأذون يكتب إن المهر هو المنقولات اللي في القايمة.
كده لو حصل خلع، الزوجة لازم ترد القايمة أو قيمتها،
مش تاخد الخلع والقايمة كمان
وبلاش تكتب في القسيمة "مؤخر ١ جنيه"، اكتب المهر الحقيقي أو اذكر فيه القايمة عشان تحمي نفسك.
7️⃣ لو اتهموك بتبديد قايمة تعمل إيه؟
أول حاجة متخافش، روح لمحامي يفهمك إزاي ترد قانونيًا.
حاول تثبت إنك عرضت القايمة على مراتك بطريقة قانونية (يعني عرض رسمي بمحضر)
لو هي رفضت الاستلام من غير سبب، ده بيتحسب تعسف منها وده في صالحك.
المهم إن العرض يكون رسمي ومحضر، عشان تبقى في أمان قانوني.
8️⃣ أهم نصيحة:
قبل ما تمضي على أي ورقة أو قايمة، اقرأها كويس واسأل محامي محترم، ومتخليش حد يضيف أو يشطب بعدها.
9️⃣ شوية أسئلة ناس كتير بتسألها
هل الراجل لازم يرد فلوس القايمة؟
لأ، القانون بيقول لازم يرد الحاجات نفسها، إلا لو ضاعت أو اتكسرت.
الزوجة في الخلع بتتنازل عن القايمة؟
لأ، إلا لو مكتوب في القايمة إنها مهر.
لو القايمة من غير أسعار؟
المحكمة بتجيب خبير يقدّر القيمة.
🔟 في الآخر:
الست: ما تزوديش حاجة بعد التوقيع، ولا تمضي على حاجة مش فاهمها
الراجل: خليك واعي، وما تمضيش على قايمة فيها كلمة "أمانة" كده على عماك.
الاتنين: القايمة عقد أمانة مش هزار، وغلطتها ممكن تكلفك سنين تعب ومشاكل.
لمزيد من الاستفسارات التواصل معنا عبر الاتصال علي الارقام التاليه:
011 49497790
01149497790
01027134560
أو زيارة مكتبنا بالعنوان التالي :
٣١ شارع عبد العزيز آل سعود الروضه المنيل القاهره.
#الحضور بموعد مسبق

Address

٣١ شارع عبد العزيز ال سعود/منيل الروضه/القاهره
Cairo

Telephone

+201223450658

Website

Alerts

Be the first to know and let us send you an email when Egyptian Lawyers posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Egyptian Lawyers:

Shortcuts

Share

Category