Wael Elemam Law Firm

20/12/2025

لو المباحث قبضت على حد من أهلك..
اتصرّف فورًا بالطريقة دي، لأنها ممكن تكون سبب في البراءة بإذن الله.

أول خطوة:
تتوجّه لأقرب سنترال وتعمل حاجة اسمها (تليغراف) موجّه إلى النائب العام ووزير الداخلية، وتوضّح فيه وقت وتاريخ ومكان القبض على المتهم سواء كان من أهلك أو أقاربك.

طيب إيه فايدة التليغراف ده؟
هدفه الأساسي هو إثبات وقت القبض الحقيقي.

وده مهم جدًا لأن لو الضابط استخرج إذن النيابة بعد القبض
(وده بيحصل في حالات كتير)،
يبقى الإجراء قانونيًا باطل، وبالتالي بطلان إجراءات الضبط وما ترتّب عليها،
وما بُني على باطل فهو باطل.

معلومة قانونية مهمة:
التليغراف وثيقة رسمية وقانونية مُعترف بيها،
وبيكون لها دور مهم وأساسي في دفاع المتهم داخل القضية.

صيغة كتابة التليغراف بالتفصيل:

السيد المستشار / النائب العام
السيد / وزير الداخلية

تحية طيبة وبعد،،

نفيد سيادتكم علمًا بأنه قامت قوة من أفراد الشرطة بزي (مدني / عسكري) باقتحام منزلنا واعتقال
السيد / ………………………………………
(يُذكر اسم المقبوض عليه ويُفضّل ذكر الرقم القومي)

وذلك دون إبلاغنا بأي اتهامات منسوبة إليه، أو بيان الجهة التي يتبعها القائمون بالقبض.

وقد تم ذلك في تمام الساعة …………… (صباحًا / مساءً)
وذلك بتاريخ ……… / ……… / ………
بالعنوان: ………………………………………………………
(يُذكر عنوان مكان القبض بالتفصيل).

وتفضلوا بقبول فائق الاحترام،،

اسم أحد أفراد الأسرة: …………………………………
التوقيع: ………………………………

04/11/2025

07/10/2025

ازاي تملا بيانات ايصال الامانة ؟

موضوع بسيط جدااا لكن بعض الناس بتغلط فيه للاسف ، فحبيت اوضحه في نقاط ، بايجاز شديد.

✳ فيه دفاتر بتتباع في المكتبات ، فيها ايصالات مطبوعه ( زي اللي في الصوره ) ، وتقدر برضه تكتبه في ورقه عاديه لو مكنش معاك ايصال مطبوع.

ونقدر نحدد اهم العناصر وفق الترقيم اللي في الصوره كما يلي :-

✳ خانه ( ١ ) بتكتب فيها اسم الشخص اللي انت هتمضيه على ايصال الامانه ، يعني الشخص اللي خد منك الفلوس.

✳ خانه ( ٢ ) بتكتب فيها عنوانه بالتفصيل من واقع بطاقة الرقم القومي بتاعته.

✳ خانه ( ٣ ) بتكتب فيها رقم بطاقته بالكامل ( ١٤ رقم ).

✳ خانه ( ٤ ) بتكتب فيها تاريخ صدور البطاقه ، وده بيكون في اعلى اليسار في خلفيه البطاقه ، عباره عن الشهر والسنه.

✳ خانه ( ٥ ) بتكتب فيها اسم حضرتك.

✳ خانه ( ٦ ) بتكتب فيها المبلغ بالارقام ثم بالحروف.

✳ خانه ( ٧ ) بتكتب فيها اسم الشخص التابع ليك ، اللي المفروض هيستلم الفلوس من الشخص الموقع علي الايصال.

✳ خانه ( ٨ ) توقيع الشخص رقم ١ اللي استلم منك الفلوس.

✳ خانه ( ٩ ) البصمة بتاعت نفس الشخص اللي استلم الفلوس ، رقم ١.

✳ الخطوط الحمراء دي المكان اللي بتقطع منه اصل الايصال عن كعب الايصال رقم ( ١٠ ) وده المفترض انه بيكون موجود في دفتر ايصالات الامانه ، زي الشيكات كدا.
.......

✴ ملحوظات هامه :-

👈 الافضل ان الايصال كله يحرر بخط من وقعه.

👈 ضروري جداا ان الايصال كله يتملي في ذات لحظة كتابته ، وبنفس القلم ، يعني متمضيهوش ايصال على بياض وتيجي انت تكتب الصُلب بعدها بشهور.

👈 ضروري تحتفظ بصورة بطاقة الرقم القومي لشخص الموقع علي الايصال.

👈 متكتبش تاريخ على الايصال ، لانك لو كتبت تاريخ ومر عليه ثلاث سنوات لم ترفع الايصال خلالها ، هتكون الدعوى سقطت بالتقادم ، وانا عارف ان فيه رأي فقهي بيقول ان العبره بتاريخ الامتناع عن تسليم المبلغ وليس بتاريخ تسلمه شبيه بقايمه المنقولات كدا ، لكن الاتجاه المضطرد في المحاكم انه بعد ثلاث سنوات من تاريخ الايصال المحكمه بتحكم بانقضاء الدعوي ، فالافضل عدم كتابة تاريخ بدلا من الدخول في جدل فقهي.

👈 لو مفيش واقعة تسليم حقيقيه لفلوس ، وكان الايصال مجرد ضمان لأي معامله ، فخلي بالك من حاجتين :-

اولا : المبلغ اللي انت هتكتبه يكون متناسب مع الواقع بقدر الامكان ، يعني متكتبش ارقام مبالغ فيها وغير منطقيه ، يعني مثلا مينفعش راجل عاطل لا يعمل وحالته فقيره يكتب انه سلم شخص مبلغ اتنين مليون عشان يوصلهم لحد ، لان الفكره مش منطقيه.

ثانيا : الشخص في الخانه رقم ( ٧ ) ، لازم يكون من المنطقي انك ترسله الفلوس عن طريق شخص الموقع علي الايصال ، يعني مينفعش تكتب ان زيد استلم منك خمسين الف عشان يوصلهم لزوجتك المقيمه معاك في نفس المنزل ، لانها فكره غير منطقيه.
....

هتقولي هو طالما وقع انه استلم يبقى خلاص ؟

هقولك لأ مش شرط ، لان فيه دفع ديما المتهم بيدفع بيه وهو ( انتفاء ركن التسليم ) وده معناه انه بينكر انه استلم منك الفلوس اصلا - حتي لو كان وقع علي الايصال - وهيقول ان الايصال ده كان ضمان لأي معامله اخري ، وهيعزز هذا الدفع - ضمن ما يعززه - بالمنطق ، زي مثلا انه من غير المنطقي ان المتهم اللي من مكان بعيد يستلم منك فلوس عشان يسلمها لزوجتك او ابنك المقيمين معاك في نفس المنزل.

وفيه دفوع تانيه ممكن المتهم يدفع بيها التهمه عن نفسه ، والمحكمه تحكم ببراءته حتي لو كان الايصال مذيل بتوقيعه.

✴ وموضوع خيانة الامانه ده فيها كتب ومجلدات ، لا يتسع المقام لشرح كل تفاصيلها ، لكن حبيت استعرض الطريقه المثلي لملأ بيانات الايصال لغير المتخصصين.
....

✴ والجريمه بتحكمها الماده ٣٤١ عقوبات ، والتي حددت لها عقوبه الحبس ( بشكل مطلق ) ، فيكون طبقا لحده الادني ٢٤ ساعه وحده الاقصي ثلاث سنوات.

27/08/2025

🛑لو عربيتك اتسرقت
في خطوتين مهمين لازم نعملهم بعد ما تعمل المحضر في القسم --
اولهم-- انك تاخد رقم محضر السرقه ال عملته وتطلع بيه علي مباحث المرور تعمل حاجه اسمها-- إشارة نشر-- ودي معناها انك بتنشر علي كل أجهزه الحاسب الالي في مصر ان عربيتك ال نمرها كذا مسروقه ودي ليها ميزه ان لو العربيه وقفت في اي كمين وفحصو النمر بالجهاز ال مع ظباط المرور هيتعرف ان العربيه دي مسروقه وان ال مبلغ بالسرقه هو فلان وعنوانه المكان الفلاني او لو العربيه حد لاقاها وراحت اي قسم علي مستوي مصر هيقدرو يوصلولك والمفروض ان ده إجراء تلقائي بيتعمل بعد المحضر بس محدش بيعمله
--تاني حاجه-- انك تروح النيابه وتطلب من وكيل النيابه يديك جواب للمرور ال عربيتك تابعه ليه بوقف التعامل علي العربيه بأي شكل --وده ميزته-- ان لو انته ناسي الرخص جوا العربيه وقت السرقه ممكن الحرامي يضرب توكيل ويبيع العربيه لمشتري حسن النيه ساعتها انته بتدخل نفسك في دوامه لانه ممكن يروح ينقل مليكه ومحدش يفحص التوكيل ال معاه ويطلع رخصه بإسمه وساعتها انته دخلت في دوامه --لكن -- لو في موجود في ملف العربيه جواب بوقف التعامل عليها ساعتها اي حد يروح يعمل رخصه هيتمسك والعربيه هيتم التحفظ عليها ويقدرو يوصلوك برقم المحضر.... ملحوظه اخيره .... خليك حريص وانته بتعمل اي محضر انك تسيب رقم تليفونك في المحضر نفسه عشان يقدرو يوصلولك.

04/08/2025

تصديق رئيس الجمهورية على تعديلات قانون الإيجار القديم وتم نشر القانون اليوم 2025/8/4 بالجريدة الرسمية كما صدر تعديل بعض أحكام القانون رقم 4 لسنة ١٩٩٦ بشأن سريان أحكام القانون المدنى على الأماكن التي لم يسبق تأجيرها والأماكن التي انتهت أو تنتهى عقود إيجارها دون أن يكون لأحد حق البقاء فيها... بجعل الاختصاص فيها لقاضي الأمور الوقتيه ... و يتم العمل بالقانون من صباح الغد 2025/8/5

04/08/2025

02/07/2025

وافق مجلس النواب نهائيا على مشروع قانون الحكومة بشأن تنظيم العلاقة بين المؤجر والمستأجر، والمعروف بـ«قانون الإيجار القديم».

المادة (1)
تسري أحكام هذا القانون على الأماكن المؤجرة لغرض السكنى، والأماكن المؤجرة للأشخاص الطبيعيين لغير غرض السكنى، وفقا لأحكام القانونين رقمي 49 لسنة 1977 و136 لسنة 1981.

المادة (2)
تنتهي عقود إيجار الأماكن الخاضعة لهذا القانون لغرض السكنى بانتهاء مدة سبع سنوات من تاريخ العمل به، وتنتهي عقود الإيجار للأشخاص الطبيعيين لغير غرض السكنى بانتهاء مدة خمس سنوات من تاريخ العمل به، ما لم يتم التراضي على الإنهاء قبل ذلك.

المادة (3)
تشكل بقرار من المحافظ المختص لجان حصر في نطاق كل محافظة لتقسيم المناطق إلى:

▪️مناطق متميزة
▪️مناطق متوسطة
▪️مناطق اقتصادية

مع مراعاة المعايير التالية:
1️⃣ الموقع الجغرافي وطبيعة المنطقة
2️⃣ مستوى البناء ونوعية المواد
3️⃣ المرافق (مياه، كهرباء، غاز، تليفونات)
4️⃣ شبكة الطرق والخدمات
5️⃣ القيمة الإيجارية السنوية للعقارات

وتنتهي هذه اللجان من أعمالها خلال 3 شهور، ويجوز تمديدها مرة واحدة بقرار من رئيس الوزراء، ويصدر قرار المحافظ بنتائج أعمالها وينشر في الوقائع المصرية ويعلن بوحدات الإدارة المحلية.

المادة (4)
اعتبارًا من استحقاق الأجرة التالية لتاريخ العمل بالقانون:
▪️ المناطق المتميزة: 20 ضعف القيمة الحالية، بحد أدنى 1000 جنيه
▪️ المناطق المتوسطة: 10 أضعاف، بحد أدنى 400 جنيه
▪️ المناطق الاقتصادية: 10 أضعاف، بحد أدنى 250 جنيه

وحتى انتهاء عمل اللجان، يلتزم المستأجر بسداد 250 جنيه شهريا لحين صدور قرار المحافظ بقيم الأجرة الجديدة.

المادة (5)
بالنسبة للأماكن المؤجرة للأشخاص الطبيعيين لغير غرض السكنى، تصبح الأجرة 5 أضعاف القيمة الإيجارية السارية من تاريخ استحقاق الأجرة التالية لتاريخ العمل بالقانون.

المادة (6)
تزداد القيمة الإيجارية المحددة وفق المادتين 4 و5 بنسبة 15% سنويًا بصفة دورية.

المادة (7)
يلتزم المستأجر أو من امتد إليه عقد الإيجار بإخلاء المكان في نهاية المدد المحددة بالمادة (2) أو في الحالات التالية:
1️⃣ ترك المكان مغلقًا أكثر من سنة دون مبرر
2️⃣ امتلاك المستأجر أو من امتد إليه العقد وحدة صالحة للاستعمال بذات الغرض

ويجوز لقاضي الأمور الوقتية إصدار أمر بالطرد مباشرة دون الإخلال بالتعويض، ويحق للمستأجر رفع دعوى موضوعية دون وقف قرار الطرد.

المادة (8)
يحق لكل مستأجر أو من امتد إليه العقد، قبل انتهاء مدة السبع سنوات، التقدم بطلب لتخصيص وحدة بديلة (سكنية أو غير سكنية) بالإيجار أو التمليك من الوحدات التابعة للدولة، مع إعطاء الأولوية للفئات الأولى بالرعاية وعلى رأسهم المستأجر الأصلي وزوجه ووالديه.

ويصدر رئيس الوزراء قرارا ينظم إجراءات التخصيص وترتيب الأولويات خلال 30 يومًا من بدء العمل بالقانون، على أن يتم توفير الوحدة البديلة قبل عام من انتهاء مدة العقد.

المادة (9)
تلغى القوانين التالية اعتبارًا من اليوم التالي لانتهاء مدة الـ7 سنوات:
▪️ القانون 49 لسنة 1977
▪️ القانون 136 لسنة 1981
▪️ القانون 6 لسنة 1997
▪️ وأي نص يخالف أحكام هذا القانون

المادة (10)
ينشر هذا القانون في الجريدة الرسمية ويعمل به من اليوم التالي لتاريخ نشره.

23/05/2025

ما هي شروط الإفراج في القانون المصري ؟
ينقسم الإفراج الي ثلاثه اقسام الإفراج الشرطي والإفراج الصحي والافراج بالعفو الرئاسي
اولا الإفراج الشرطي:
قضاء نصف المدة المحكوم بها:
يجب أن يكون المحكوم عليه قد أمضى نصف المدة المحكوم بها في السجن وشروطه هي: -
حسن السلوك:
يجب أن يكون سلوك المحكوم عليه أثناء السجن يدعو إلى الثقة في قدرته على تقويم نفسه.
عدم الإخلال بالأمن العام:
يجب أن لا يكون الإفراج عنه يشكل خطرًا على الأمن العام.
لا تقل مدة العقوبة التي قضاها بالسجن عن ستة أشهر:
هناك شرط أيضًا بأن لا تقل مدة العقوبة التي قضاها المحكوم عليه بالسجن عن ستة أشهر.
لا يشمل بعض الجرائم:
بعض الجرائم مستثناة من الإفراج الشرطي، مثل جرائم الإرهاب والتجمهر وغسيل الأموال.
ثانيا الإفراج الصحي شروطه: -
إصابة بمرض يهدد الحياة:
يجب أن يكون المحكوم عليه مصابًا بمرض يهدد حياته.
تقرير طبي:
يجب أن يكون هناك تقرير طبي من لجنة طبية في السجن يؤكد على خطورة حالته الصحية.
موافقة النائب العام:
يجب الحصول على موافقة النائب العام على الإفراج الصحي.
ثالثا الافراج بالعفو الرئاسي:
الإفراج بالعفو هو قرار يتم اتخاذه من قبل رئيس الجمهورية.
لا يخضع لشروط محددة:
لا يخضع قرار العفو الرئاسي لشروط أو قواعد محددة.
اعتبارات سيادية أو إنسانية:
يمكن أن يكون العفو بناءً على اعتبارات سيادية أو إنسانية أو اجتماعية.

16/05/2025

📎 الفرق بين مباحث الإنترنت و مباحث الإتصالات :

أولا : مباحث الإنترنت تختص بكافة الجرائم التي تقع من خلال مواقع وبرامج الإنترنت والسوشيال ميديا.

مثل تطبيق واتساب أو الفيس بوك أو تويتر او إنستجرام وغيرهم من تطبيقات التواصل الاجتماعي

ولابد من أن يكون التهديد أو السب والقذف وارد على الحساب الخاص بالشاكى أو الشاكية.

ويُعد جريمة كل قول أو فعل أو إشارة تحمل عبارات مسيئة.

ثانيا : مباحث الإتصالات تختص بجميع الجرائم التي تقع من خلال الرسائل النصية على الهاتف أو المكالمات التيلفونية المسجلة.

ويقع مقر مباحث الإتصالات فى كل سنترال عمومي بالمحافظات.

وتختص بنظر مثل هذه الدعاوى " المحكمة الاقتصادية.

15/05/2025

★★★ الفرق بين الشيك المسطر والشيك المظهر
١- الشيك المُسطر، فإنه أحد أنواع الشيكات التي تتميز بوضع خطان متوازيان على طرفي الشيك، وتحديداً بجانب التاريخ وفى تلك الحالة، فإن الشيك المسطر يصرف في تاريخ استحقاقه، بالإضافة إلى أنه لا يُصرف نقدًا ولكن يقوم البنك بتحويل قيمة الشيك على حساب المستفيد.

وينقسم الشيك المسطر إلى شقين: التسطير العام، وهو ترك الفراغ بين الخطين، وفى تلك الحالة يمكن صرف الشيك من أي بنك.

أما التسطير الخاص، عبارة عن تحديد اسم البنك بين الخطين الموضوعين على طرفي الشيك، وبذلك لا يتم صرفه إلا من خلال اسم البنك المُدون على الشيك.

٢- الشيك المظهر : بالنسبة لتظهير الشيك تحدث عند وضع اسم شخص بعينه على ظهر الشيك وبذلك فإن له القدرة على صرفه، وهى عملية قانونية لا خلاف عليها ولكن قد يكون لها تَبعات سيئة، في حالة وقوع الشيك مع شخص اخر عند فقدانه، حيث يمكن وضع اسمه عليه والاستفادة منه.

وببساطة، فإن حل المشكلة يكمن فى قفل الشيك من خلال طباعة بعض العبارات على الشيك مثل لا يصرف إلا للمستفيد الأول- غير قابل للتداول- وغير قابل للتظهير.