10/08/2021
نصيحة محامي للشباب و البنات
السعي ورا المشاكل و ارتكاب الاخطاء و الجرائم سهل بس النتيجة صعبة
كلمة ولا يهمك و شكرا و اسف و خليها عليا مش هتتعبك انا بقالي سنين في المحاكم انتا مش هتبقا تعبان اد ما اهلك تعبانين و مش عارفين حتي يدخلو لقسم ولا محكمة عشان يسلمو عليك و امك اولهم بتبقا بتتمنا تاخدك في حضنها بس للاسف حتي دة بيمعاد زيارة و اذن و انتظار ادام القسم ادام النيابة ادام المحكمة ادام السجن انتا مابتشوفش ربع الي هية بتشوفة علي فكرة انتا مرتاح و هية بيتقطع قلبها عليك و لف في كل مكان عشان غلطتك انتا غلطة في خناقة عشان حضرتك شربت مخدرات و مصيط نفسك انك بتجيب حشيشة حلوة و شهرتك سمعت و اتمسكت و زودولك في الحرز بتاعك اتظلمت في حاجة بس الاساس انتا الي ظلمت نفسك من الاول.
عقبال ما بتثبت براءتك بتكون خدتلك حبة حلويين في الحبس طب ماهي مش مستاهلة
#و بالنسبة للبنات هوة انتي شايفة الشخص مش مناسب عايزة تفرحي و خلاص و بعد كدة تأدي وقتك كلة في المحاكم عشان تاخدي حقك و تجيبي ولاد تمرمطيهم بينك و بين جوزك طب ما تتقي الله و الجواز مش فستان فرح و خلاص لا انتا بتجيبي اب لاولادك و حد هتفضلي معاة عمر مش تتجوزي عشان ترضي بابا و ماما طب و انتي لازم نخلي بالك لانك انتي الي هتحسبي من عمرك و حياتك
#و بالنسبة للرجالة طلامة خدت بنت من بيت اهلها صون ربنا فيها و اديها حقها و راعي ربنا فيها و لو محصلش نصيب خلاص اديها حقها و خلاص مش لازم فضايح و محاكم و سنين تلففها في المحاكم عشان تاخد حقها و تنفذ الاحكام عشان تعرف تربي اولادك
#و بالنسبة للناس الي عندها بيوت تتقي الله في الي عندها مش مدفعش شهر لا نطردة و انتا مأجر ماتلتزم و اعمل حساب الايجار لان صاحب البيت عندة التزامات ذيك مش كل واحد بيجي يقلي لا اطردة طلامة مادفعش
اتقو الله لان ربنا مايرضاش بالظلم بس انتو الي من الاول الي ظلمتو نفسكو
بقلم محمد حسني عبد الحليم المحامي
ماچيستير قانون في التجارة الدولية و القانون الخاص
