مكتب الاستاذ /محمد السعيد عزب المحامي

  • Home
  • Egypt
  • Cairo
  • مكتب الاستاذ /محمد السعيد عزب المحامي

مكتب الاستاذ /محمد السعيد عزب المحامي مكتب المستشار /محمد السعيد عزب المحامي للمحاماه_والاستشارات_القانونيه وتأسيس الشركات
ت/01026945473

04/12/2025

⚖️تعمل أيه لو عربيتك أتسرقت لا قدر الله ؟؟

١- محضر ( تفصيلي ) بكل الواقعه في القسم التابع للمكان اللي أتسرقت منه العربيه خد رقم المحضر وسيب رقم تليفونك فيه ( مهم جدا ) واذكر رقم الشاسيه والموتور لذلك خلى ديما معاك صور للرخصه في البيت علشان يبقي معاك بيانتها .

٢- ودا الأهم جدا تطلع بيه علي مباحث المرور تديهم رقم المحضر و تطلب منهم يعملولك إشارة نشر ودي يعني أنهم ينشروا علي كل أجهزة الحاسب الالي في مصر ان عربيتك اللى نمرها كذا مسروقه ودي ليها ميزه ان لو العربية وقفت في اي كمين وفحصو النمر بالجهاز اللى مع ظباط المرور هيتعرف ان العربية دي مسروقة وان اللى مبلغ بالسرقة هو فلان وعنوانه المكان الفلاني او لو العربية حد لاقاها وراحت اي اقسم علي مستوي مصر هيقدروا يوصلولك .
٣- تروح النيابة التابع ليها وتطلب من وكيل النيابة يديك جــواب للمرور اللى عربيتك تابعه ليه بوقف التعامل علي العربية بأي شكل ليه ؟؟؟
علشان لو انت ناسي الرخص داخل العربية وقت السرقة ممكن الحرامي يضرب توكيل ويبيع العربية لمشتري حسن النية ساعتها انت بتدخل نفسك في دوامه لكن لو في موجود في ملف العربية جواب بوقف التعامل عليها ساعتها اي حد يروح يعمل رخصة هيتمسك والعربية هيتم التحفظ عليها ويقدروا يوصلولك .
مكتب الأستاذ / محمد السعيد عزب - المحامي -
العنوان/ صدناوي العاشر من رمضان
للتواصل تلفونيا أو واتس اب/ 010 26945473

25/11/2025

قانون العمل الجديد 2025
• اعتراف رسمي بالوظائف والاعمال عن بُعد، الدوام الجزئي، العمل المرن، وتقاسم الوظائف.
• إلغاء استمارة 6س ,, والفصل لا يتم إلا بحكم محكمة مختصة.
• التأمين الاجتماعي والصحي إجباري من أول يوم عمل.
• 15 يوم إجازة سنوية تبدأ من أول يوم شغل
(مش بعد 6 شهور).
• إجازة الوضع للنساء: 4 شهور مدفوعة الأجر
وتتكرر 3 مرات خلال الخدمة.
• الحد الأدنى للأجور إلزامي.. ومفيش مرتبات أقل منه.
• الحد الأقصى لساعات العمل: 8 ساعات يومياً + راحة أسبوعية 24 ساعة متواصلة
(إجمالي 48 ساعة أسبوعياً).
• تعريف واضح للتنمر والتحرش مع عقوبات منفصلة وصارمة.
• فترة الاختبار 3 شهور فقط، ويحق لأي طرف إنهاء التعاقد خلالها فوراً.
• العقد محدد المدة: لو الشركة أنهته قبل موعده..
لازم تدفع للعامل شهر عن كل سنة متبقية.
• الشركات ملزمة بحفظ أوراق الموظف 5 سنين كاملة.
• العمل في الإجازات الرسمية باختيارك فقط..
ولو اشتغلت تاخد 3 أضعاف أجر اليوم.
• مواعيد عمل السيدات بين 7 صباحاً و7 مساءً
(أي تعديل لازم يكون بموافقتها).
• ممنوع الشغل 5 ساعات متواصلة.. لازم ساعة راحة ضمن الـ 8 ساعات
• في حالات الطوارئ فقط: ممكن اليوم يوصل 10 ساعات شغل.. لكن بشرط موافقة الموظف.
مكتب الاستاذ

للمحاماة والاستشارات القانونية
العاشر من رمضان
ت/01026945473

13/11/2025

قبل ما تشتري شقه وقبل ما تكتب عقد بيع شقة…
هقولك علي ٦ خطوات لازم تعملهم

(الخطوة الأولى)
بحضر معاك معاينة الشقة للتأكد إن السعر مناسب، والمبنى سليم إنشائيًا، ومفيش عيوب خفية — بحكم خبرتي اللي أكتر من 15سنه في مجال العقارات.
كمان بنتأكد من وجود العدادات، وبنراجع الأوراق ونتفاوض في السعر.

(الخطوة التانية)
نسأل أهل المنطقة وأصحاب المحلات عن الشقة وصاحبها، ونعرف سمعة البرج، والجيران نفسهم عاملين إزاي — محترمين ومتعاونين ولا لأ.

(الخطوة التالتة)
الاستعلام من نيابة الأسرة إذا فيه قرار تمكين "مسكن زوجية"، بالإضافة إلى الكشف الجنائي عن المالك للتأكد من سلامة موقفه القانوني.

(الخطوة الرابعة)
بعد ما نطمن إن كل شيء تمام، بنستعلم عن مديونيات العدادات (كهرباء – مياه – غاز)
ونراجع العقود والأوراق في الشهر العقاري والحي.

(الخطوة الخامسة)
بعد التأكد من كل حاجة، بنبدأ في صياغة عقد البيع بشكل قانوني سليم وإتمام التوقيعات.

(الخطوة السادسة)
وأخيرًا، توثيق العقد في الشهر العقاري أو المحكمة لضمان الحقوق بالكامل.
مكتب الاستاذ

للمحاماة والاستشارات القانونية
العاشر من رمضان
ت/01026945473

13/11/2025

"انقضاء الدعوى الجنائية وسقوط العقوبة: الفروق والأسباب المؤثرة في النظام القضائي"

⚖️ انقضاء الدعوى الجنائية
المرحلة: يحدث قبل صدور حكم بات ونهائي في القضية. أي في مرحلة التحقيق أو المحاكمة الابتدائية أو الاستئنافية.
التعريف: هو انتهاء الحق في تحريك أو متابعة الدعوى الجنائية ضد المتهم من قبل النيابة العامة أو المجني عليه.
الأسباب الرئيسية:

💀 وفاة المتهم: تنقضي الدعوى بوفاة المتهم، ولا يمنع ذلك من الحكم بالمصادرة في بعض الحالات.

⏳ مرور الزمن (التقادم): مرور فترة زمنية محددة قانوناً من تاريخ وقوع الجريمة أو آخر إجراء صحيح دون اتخاذ إجراءات قانونية جديدة. تختلف المدة حسب نوع الجريمة (جناية، جنحة، مخالفة).

📜 العفو العام: العفو الشامل عن الجريمة.

🤝 التصالح أو التنازل: في بعض الجرائم التي يجيز القانون فيها ذلك (مثل جرائم الشكوى).
الأثر: يمنع الجهات المختصة من متابعة الدعوى أو إصدار أي حكم فيها، وتنقضي كل الآثار الجنائية للواقعة.

⛓️ سقوط العقوبة
المرحلة: يحدث بعد صدور حكم قضائي بات ونهائي (أي استنفد طرق الطعن العادية وغير العادية) وتصبح العقوبة واجبة التنفيذ.
التعريف: هو سقوط الحق في تنفيذ العقوبة المحكوم بها على المتهم بسبب سبب قانوني، غالباً مرور الزمن دون تنفيذ الحكم.
الأسباب الرئيسية:

⏳ مرور الزمن (التقادم): مرور مدة زمنية محددة قانوناً من تاريخ صيرورة الحكم نهائياً دون تنفيذه. تختلف المدة حسب نوع العقوبة (الإعدام، السجن، الحبس، الغرامة).

💀 وفاة المحكوم عليه: تسقط العقوبة بوفاة المحكوم عليه.

🏛️ العفو الخاص: الذي يصدر عن رئيس الدولة بإسقاط العقوبة أو تخفيفها.
الأثر: يسقط الحق في تنفيذ العقوبة المحكوم بها فقط، لكن لا يؤثر على الحكم بالإدانة نفسه، وتظل الآثار الجنائية الأخرى (مثل السوابق الجنائية) قائمة ما لم ينص القانون على خلاف ذلك.

باختصار:
انقضاء الدعوى ينهي الإجراءات قبل الحكم النهائي، بينما سقوط العقوبة يمنع تنفيذ الحكم النهائي الصادر بالفعل.
مكتب الاستاذ

ت/01026945473

الداخلية تعدل لائحة استخراج رخص القيادةالتفاصيلأعلنت وزارة الداخلية عن تعديلات جديدة في اللائحة التنفيذية لقانون المرور ...
21/09/2025

الداخلية تعدل لائحة استخراج رخص القيادة
التفاصيل

أعلنت وزارة الداخلية عن تعديلات جديدة في اللائحة التنفيذية لقانون المرور (قرار وزاري رقم 1613 لسنة 2008)، بهدف تشديد إجراءات منح وتجديد رخص القيادة وضمان السلامة المرورية.

اهم التعديلات:

إلزام المتقدمين بإثبات اللياقة الصحية عبر الكشف الطبي بالقومسيون أو المراكز المعتمدة، للتأكد من سلامة الجسم والسمع والإبصار والخلو من الأمراض المزمنة والمخدرات.

اشتراط تقديم شهادة رسمية تثبت عدم تعاطي المخدرات.

قرار الكشف الطبي يسقط بعد 90 يومًا إذا لم تُستخرج الرخصة.

إلغاء المادة 71 وأي نصوص مخالفة للقرار الجديد.

يبدأ العمل بالقرار من اليوم التالي لتاريخ نشره في الوقائع المصرية.

13/09/2025

دعوى مصاريف العلاج للصغير :ـ إعمال لنص المادة 1/1، 3 من القانون رقم 25 لسنة 1920 والمعدل بالقانون 100 لسنة 1985 أن :
"تجب النفقة للزوجة على زوجها من تاريخ العقد الصحيح إذا سلمت نفسها إليه ولو حكماً حتى لو كانت موسرة أو مختلفة معه فى الدين ؛ وتشمل النفقة الغذاء والكسوة والمسكن ومصاريف العلاج وغير ذلك بما يقضى به الشرع".
ـ دفاع الزوجة:
إذا قدمت بأوراق الدعوى فواتير وإيصالات لمصاريف الولادة والعلاج المصاحبة لفترة الولادة لها وللصغير والصادرة عن مستشفى والأطباء المعالجين فان مصاريف الولادة والعلاج للزوجة والصغير تقع على عاتق الزوج ومدى يسار الزوج وقدرته على سداد تلك المصاريف من واقع التحرى عن دخله الشهري ، والمحكمة هل تطمئن إلى الفواتير المقدمة من الزوجة سواء الصادرة عن المستشفى أو عن الأطباء المعالجين تقضى على هدى ذلك بإلزامه بأن يؤدى لها هذه المبالغ .
ـ دفاع الزوج :
ولا مقتضى لطلب الزوج بشأن استجواب المدعية في الفواتير المقدمة إذ كل منها دلل على المقابل المستحق عنها ، ولكن له طلب توجيه اليمين الحاسمة أو إحالة الدعوى للتحقيق لإثبات براءة ذمته.
ـ والسؤال هنا هل يمكن طلب فائدة قانونية على المبالغ المستحقة كمصاريف العلاج أو المدارس أو أي مصاريف أخرى ؟
أقيمت دعوى من زوجة وطالبت فيها بالفعل فائدة قانونية على المبالغ المستحقة كمصاريف العلاج أو المدارس أو أي مصاريف أخرى ورفضت المحكمة الدعوى على أساس ، أن عن طلب الفوائد القانونية فإن المادة 3/1 من مواد إصدار القانون رقم 1 لسنة 2000 أن الأحكام تصدر طبقاً لقوانين الأحوال الشخصية المعمول بها وقد خلت تلك النصوص من إدراج هذا الأمر بها ، أضف لذلك أن المادة 226 من القانون المدني والتي نصت على فوائد التأخير فإنها قد حددت هذا بالنسبة للمسائل المدنية والمسائل التجارية و خلت من اى إشارة على استحقاق فوائد في مسائل الأحوال الشخصية وهنا العلاقة بين الطرفين يحكمها قانون الأحوال الشخصية وليست علاقة مدنية أو تجارية.
____________________________________
للاستفسار .. يرجى التواصل
أ/ محمد السعيد عزب المحامي
ت/01026945473
العنوان:العاشر من رمضان

28/08/2025

📌 ينفع البنت تاخد معاش والدها المتوفي ؟ ايوه
- طيب لو كانت موظفه ينفع برضه؟ ايوه
- حتي لو كانت متزوجه ؟ لا لازم تكون انسه أو مطلقه او ارمله بس .

📌طيب الموظفه دي بتاخد مرتب ازاي هتاخد مرتب ومعاش مع بعض ؟ الإجابة
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ . . . افهمك الإجابة
يعني لو مرتبها مثلا 1000 جنيه ومعاش والدها 2000 جنيه مش هتصرف المعاش كله لكن هتصرف منه 1000 جنيه بس اللي هو الفرق بين مرتبها ومعاش والدها .

📌 طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
📌 طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه

طب ازاي؟ الإجابة
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق
📌طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .

📌طيب لو الموظفه دي علي المعاش اصلا وبتاخد معاش من شغلها ينفع تاخد مرتب والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .

📌طيب المطلقه طلاق رجعي بتستحق معاش والدها؟ لا لازم يكون الطلاق بائن
- يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن

📌طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
📌 طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا

📌طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .

- طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
📌طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ الإجابة 👇
لو البنت دي لوحدها مفيش غيرها بتاخد ثلثين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
📌 طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق

📌 طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده.
تحياتي لكم دمتم فى حفظ الله
مكـــــــــــــــتب
المحامي
للتواصل 01026945473

08/08/2025

كيفية الإستعلام عن حسابات المتوفي فى جميع البنوك
⬅️قد يتوفي أحد الناس ولا يعلم ورثته عما اذا كان له حسابات بالبنوك من عدمه وعلشان يتم التعرف على ارقام الحسابات البنكية فلازم نتقدم بطلب للبنك المركزى المصرى بوسط البلد بين مترو العتبة و احمد عرابى و جمال عبدالناصر المحطات كلها قريبة والطلب ده ممكن يتقدم من احد الورثة أو وكيلهم بتوكيل يبيح التعامل مع البنك المركزى المصرى للاستعلام عن حسابات متوفى
⚖️ طيب ايه هى المستندات المطلوبة مع الطلب :
🔹١ - صورة من اعلام وراثة المتوفي مع احضار الاصل للاطلاع عليه .
🔹٢ - صورة شهادة الوفاة .
🔹٣ - صورة بطاقة الرقم القومى لمقدم الطلب مع اخضار الاصل للإطلاع عليها .
🔹٤ - صورة بطاقة الرقم القومى للمتوفي او توافر الرقم القومى فقط على الاقل .
📌 بعد تقديم الطلب مرفق به المستندات السابقة وسداد الرسوم للبنك المركزى سيتم إصدار شهادة بالحسابات البنكية خلال ساعة تقريبا
____________________________________
للاستفسار .. والتواصل
أ/ أحمد محمد زهرى
01026945473
العنوان:العاشر من رمضان
الاردنيه مول المركز العالمي بجوار بنك مصر الدور الثاني علوي مكتب ٣٤١
#محمدالسعيدعزب

06/08/2025

اجراءات التمكين من مسكن الزوجية او الحضانة
انتهاء الانتظار الطويل لحين الحصول علي قرار تمكين بمسكن الزوجية او مسكن الحضانة بسبب كثرة الاجراءات القانونية وطول الدورة المستندية لمحضر التمكين ✋⚖️
🔷🔷صدر قرار النائب العام باصدار الكتاب الدوري رقم 2 لسنة 2022 بشأن اجراءات التمكين من مسكني الزوجية والحضانة 🔷🔷
طيب ايه الاجراءات الجديدة اللي نص عليها الكتاب الدوري ✍️✍️
تقدم الطلبات الي نيابة الاسرة الكلية المختصة او النيابة الجزئية للاسرة بطلبات منازعات الحيازة في مسكني الزوجية وهيتم قيد الطلبات في دفاتر معدة لذلك وبعدها هيتم اجراء استيفا ومعاينة لمسكن الزوجية من قبل نيابة الاسرة نفسها دون طلبات تحريات من قسم الشرطة او إرسالها إلى مراكز وأقسام الشرطة لاستيفائها بل يتعين على النيابة المختصة سرعة استيفاء عناصر الحيازة والتصرف فيها .
واية الفائدة من كدة 👇👇
تقليل مدة الوقت الكبيرة اللي كانت بتضيع في الاجراءات الطويلة في محضر التمكين من بداية تحرير المحضر وحفظه وعمل تظلم علي قرار الحفظ واجراءات التحريات ومعاينة مسكني الزوجية و الحضانة ولحين اصدار القرار بالتمكين
وده كان بياخد وقت طويل جدا
طب لو تم عمل محضر في قسم الشرطة اية الحل
المحضر هيتعرض علي النيابة العامة وهيتم ارسالة مباشرة الي نيابة الاسرة المختصة بحالته لاتخاذ شئونها في المحضر ولحين صدور قرار التمكين .
وطب لو انا عملت محضر في قسم الشرطة بالتمكين ينفع اقدم طلب بالتمكين الي نيابة الاسرة
اه ينفع تحرير محضر في قسم الشرطة وتقديم طلب الي نيابة الاسرة المختصة وهيتم ضمن الطلب والمحضر والعمل علي اخر اجراء تم فيهم
____________________________________
للاستفسار و التواصل
أ/ محمد السعيد عزب المحامي
01026945473 📱
العنوان:🚦
العاشر من رمضان

26/07/2025

ليه ترفع دعوي صحه توقيع ؟
وهل صحة التوقيع لعقود البيع فقط ؟
لو حضرتك أشتريت شقه أو أرض أو محل تجارى فأنت لازم ترفع دعوى صحة التوقيع على عقد البيع لضمان كافه حقوقك
دعوي صحة التوقيع بتكون لكافة أنواع العقود والإتفاقات
عقود البيع . عقود الهبه . عقود القسمة .عقود الشراكة . عقود الاتفاق . عقود الإيجار
دعوي صحة التوقيع هى فعلا دعوى تحفظيه ملهاش علاقه ببنود العقد موضوعه يعنى لكن ليها أهمية كبيرة جدا : -
1 - تعطى عقد البيع صفة الرسمية
2 - بتضمن صحة توقيع البائع على العقد وتمنعه من الطعن بالتزوير على توقعيه
3- بتثبت تاريخ العقد وبتجعل تسلسل الملكية مترتب ترتيب قانونى صحيح
4- بتضمن عدم التعرض لصحة البيع في مواجهة كلاً من البائع أو ورثة البائع
5- هى دعوى لا غنى عنها في التقديم على كل المرافق زى الكهرباء والمياة والغاز عشان تتحصل على المرافق دى لازم يكون معاك حكم بصحة التوقيع
عشان كده بننصحك إنك تعمل صحة توقيع علي إي عقد بيع أو إتفاق أو إيجار 59 سنه طويل المده أو اي ورقة عرفية عليها توقيعات دعوى صحة
ا/محمد السعيد عزب المحامي
لتواصل هاتفياً أو واتس/01026945473

26/07/2025

لو لقدر الله ليك قريبك صديقك جارك
توفاه الله في حادث سير ع الطريق تعمل ايه
ركز معايا بقي عشان تعرف
الأول كان ورثه المتوفي عند وفاه احد بتاخد مبلغ ٤٠ الف جنيه من إجراء حوادث الطريق من المجمعه المصريه للتأمين الإجباري علي حوادث الطرق
وفي حاله الأصابة كانوا بياخدو ٢٥ الف
الكلام دا كان معمول بيه لحد قبل تاريخ 2024/7/11.
طيب وبعد التاريخ دا ايه اللي حصل
صدر قانون التامين الموحد رقم 155 لسنه 2024
والمعمول به اعتبارا من2024/7/11 واهم ما جاءبه
اولا/ الغاء قانون التامين الاجباري عن حوادث المركبات والنقل السريع رقم 72 لسنه 2007
ثانيا/ اصبحت المحاكم الاقتصاديه هي المختصه بقضايا التعويضات عن حوادث السيارات بدلا من المحاكم المدنية بنظرها وهناك بعض القضايا المقامه قبل العمل بهذا القانون واتخذ فيها اجرءات كالاحاله للطب الشرعي او محجوزه للحكم ستستمر المحاكم العاديه بنظرها
ثالثا/ زيادة قيمة مبلغ التامين في حالات الوفاة والعجز الكلي المستديم الى مائة الف جنيه بدلا من اربعين الف جنيه والاصابات لن تقل عن مبلغ 20الف جنيه
رابعا/ الغاء المواد 747 حتي 771 من القانون المدني الخاصه بعقد التامين
خامسا/ يجب اخطار الصندوق الحكومي الجديد اوشركات مجمعه التامين بالحادث خلال 15يوم من تاريخ وقوعه
سادسا / يجوز التسويه مباشره مع مجمعه التامين او الصندوق بتوكيلات خاصه
مكتب الاستاذ
#محمدالسعيدعزب المحامي
للمحاماة والاستشارات القانونية
ت/01026945473

Address

العاشر من رمضان
Cairo

Telephone

+201013106046

Website

Alerts

Be the first to know and let us send you an email when مكتب الاستاذ /محمد السعيد عزب المحامي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category