مكتب محمد شبل خطاب للمحاماة

14/06/2024

#الاشتراك في تأمينات عمال المقاولات
بيدفع مع نفسه ولنفسه وله كل المزايا
#الاشتراك فى تأمينات عمال المقاولات
وممكن تشترك للزوجة (طباخة...... عاملة عادية....... الخ ) و المهن موجودة بجدول ٦ تأمينات
واستمارة التأمينات التى توقع عليها
والإجراءات التي يجب عليه اتخاذها
#منقول من موقع الهيئة القومية للتأمين الاجتماعى
كيفية الاشتراك في تأمينات عمال المقاولات
#وصف الخدمة
#توفير التغطية التأمينية للعمال الذين يرتبط عملهم بعمليات المقاولات أو أعمال البناء مثل ( نجار – سباك – كهربائي – نقاش – عمال الحفر – عمال التركيبات ...إلخ ) وعمال
#يتقدم العامل من الفئات السابقة إلى مكتب الهيئة بطلب الإشتراك في هذا النظام، ويحرر هذا الطلب على النموذج رقم (43) :
#صورة المستند الدال علي تاريخ الميلاد مميكن صورة بطاقة الرقم القومي ) .
علي مكتب الصندوق التأمين على العامل فور تقدمه بطلب الإشتراك و تسليمه بطاقة الإشتراك وفقاً للنموذج الذي يصدر به قرار من رئيس الهيئة.
#تسليم العامل خطاباً بحالته التأمينية للتقدم به إلى وزارة القوى العاملة لتحديد مستوى مهارته.
عرض العامل على اللجنة الطبية بالهيئة المعنية بالتأمين الصحي لإجراء الفحص الطبي الإبتدائي وإثبات حالته الصحية ومدى لياقته لممارسة المهنة المطلوب الإشتراك عنها، وذلك خلال شهر من تاريخ بدء إشتراكه في التأمين و يكون للعامل #إجراء قياس مستوى المهارة والكشف الطبي الإبتدائي في أي مكتب من المكاتب أو الفروع التابعة لكل من وزارة القوى العاملة و الهيئة المعنية بالتأمين الصحي، ويتم موافاة الهيئة بالنتيجة فور إتخاذ الإجراء.
#للتواصل :
محمدشبل خطاب
#استشارات #قانونية #وضريبية #وتأمينات #اجتماعية #وعقارية #وتأسيس #الشركات.
01018880877
01227577792

29/03/2024

#معلومة تأمينية :
#افضل امتياز فى المعاشات :
#الاولاد يجمعوا بين معاش الأب والام بدون حدود
#الارملة تجمع بين معاش زوجها ودخلها او معاشها بدون حدود
وكذلك الارمل
#لذا احرصوا على ان يكون لاولادكم معاش أو أكثر.
#للتواصل :
محمدشبل خطاب
01018880877
01227577792

20/03/2024

19/03/2024

أحدث أحكام مكتبنا في محو الأحكام الجنائية من على الحاسب الآلي وكارت التسجيل الجنائي.
للتواصل :
محمدشبل خطاب
01018880877
01227577792

11/02/2024

#معاشات:
رداً علي أغلب الأسئلة الشائعة والمتداولة سنحاول الإجابة عنها بأسلوب بسيط :
* #هل ينفع البنت تاخد معاش والدها المتوفي ؟
&* ايوة طبعا
* #طيب لو كانت موظفة ينفع برضه؟
&$ ايوه
* #حتي لو كانت متزوجة ؟
&$ لا لازم تكون انسة أو مطلقة او ارملة .
* #طيب الموظفة دي بتاخد مرتب ازاي هتاخد مرتب ومعاش مع بعض ؟
&$ اقول لحضرتك
في الحالة دي بنشوف مرتب الابنة كام ونصيبها في معاش والدها كام فلو كان مرتبها اكبر او يساوى نصيبها فى معاش والدها لاتستحق معاش والدها--
أما لو مرتبها أقل من نصيبها في معاش والدها هنا هتصرف الفرق بين مرتبها وبين نصيبها فى معاش والدها ..
* #يعني ايه ؟ افهم حضرتك 👇
يعني لو مرتبها مثلا ١٠٠٠ جنيه و نصيبها في معاش والدها ٢٠٠٠جنيه مش هتصرف المعاش كله لكن هتصرف منه ١٠٠٠ جنيه بس اللي هو الفرق بين مرتبها ونصيبها في معاش والدها .
* #طيب ازاي التأمينات بتعرف المرتب بتاعي ؟
&$ بصي حضرتك لما بتروحي تقدمي علي معاش والدك بتقدمي معاه ورقة اسمها بيان مفردات مرتب بتطلع من محل (جهة العمل) عملك بيكون مكتوب فيها مرتبك بالكامل .
* #طيب لو الابنة دي موظفة وبتاخد مرتب وفي نفس الوقت ارملة
و بتاخد معاش زوجها المتوفي ينفع برده تاخد معاش والدها؟
&$ ايوه
* #طب ازاي؟
&$ اقول لحضرتك👇
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين مرتبها ونصيبها فى معاش زوجها ونشوف لو هما قد نصيبها في معاش والدها أو اكبر منه خلاص مش هتصرف معاش والدها أما لو كانوا أقل منه بتصرف الفرق بينهم بس زي ماشرحنا فوق 👆
* #طيب الارملة اللي كانت بتاخد معاش زوجها المتوفي وتزوجت مرة اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟
&$ لا للأسف مينفعش ترجع تاخد معاشه تاني بعد2020 .
* #طيب لو الموظفة دي علي المعاش اصلا وبتاخد معاش من شغلها ينفع تاخد معاش والدها ؟
&$ ايوه طبعا 👇
وبرضه بنعمل زي ماعملنا فوق بنشوف الفرق بين معاشها الشخصي وبين نصيبها فى معاش والدها ونعمل زي ماشرحنا .
* #طيب المطلقة طلاق رجعي بتستحق معاش والدها؟
& $ نعم تستحق وتقدم علي معاش والدها بس بعد مرور ١٠٠ يوم من تاريخ الطلاق .
لكن لو طلاق بائن يعني سيدة زوجها طلقها دون رجوع من حقها تقدم فى معاش والدها تانى يوم من تاريخ الطلاق
* #طيب هنا المطلقة بتصرف المعاش من تاريخ الطلاق ولا من تاريخ التقديم؟
&$ بتصرف من الشهر التالي لتاريخ الطلاق
* #طيب لو المطلقة اللي بتاخد معاش والدها وتزوجت مره اخري ؟
&$ طبعا هيتوقف صرف المعاش
* #لو اتطلقت من زوجها التاني طب ينفع ترجع تاخد معاش والدها ؟
&$ ايوه ينفع طبعا
* #طيب انا سمعت أن المطلقة بالخلع أو بالمحكمه ماينفعش تاخد معاش والدها صح الكلام ده ؟
& $ لا طبعا مش صحيح المطلقة بالخلع او بالمحكمة زيها زي المطلقة عند المأذون من حقها تاخد معاش والدها بشهادة طلاقها من المحكمة .
* #طيب ينفع الابنة تجمع بين معاش والدها ومعاش والدتها ؟
&$ ايوه مفيش مشكلة خالص وكمان بدون حد أقصي .
تجمع ال2/3 من كل معاش طالما منفردة ولايوجد لها معاش آخر عن نفسها او دخل من عمل لكن لو يوجد لها معاش آخر عن نفسها او دخل من عمل هيتم المقارنة زى ماقولنا فوق ☝️ بس هنا هنشوف مين توفاه الله الأول وهيتم المقارنه فى نصيبها وتاخد ال 2/3 كامل من اللى توفاه الله بعد كده
* #طيب نصيب الابنة دي من معاش والدها قد أيه يعني من حقها المعاش كله ولا جزء منه ؟
&$ اقول لحضرتك 👇
لو البنت دي لوحدها مفيش غيرها بتاخد تلتين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين
و الام هيكون نصيب الام النص والنص التانى يوزع على باقى الاولاد اي كان عددهم بالتساوى مع مراعاة وجود معاش اخر عن نفسهم او دخل من عمل ولو الأم مش موجودة بيتم تقسيم المعاش بين الاخوات بالتساوي ولو البنت معاها ام واخوات وجد وجدة اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجدة يشتركوا في السدس .
* #طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
&$ ينفع طبعا وليها الحق تصرف جميع الشهور السابقة كمان وبيسموه المتجمد وده بحد أقصي خمس سنين سابقة من تاريخ تقديم طلب الصرف فقط يعني بتصرف المعاش بأثر رجعي لحد خمس سنين عدت مرة واحدة مع مراعاة
((المطلقة او الأرملة. لها أثر رجعى زى ماقولت من تاريخ الترمل او الطلاق فى حالة لايوجد مستفيدين غيرها فى المعاش فى الفتره اللى فاتت او أكثر من مستفيد لكن فى وجود أكتر من مستفيد غيرها هيتم توزيع اجمالى المعاش عليهم بالكامل ولايوجد أثر رجعي لكن لو كان فى مستفيد واحد ساعتها ممكن تاخد أثر رجعى من نصيبها او الفرق زى ماوضحت فوق ☝️))
* #في حالة وجود أي مشكلة اومساعدة في التامينات والمعاشات يتم التواصل لحلها باذن الله تعالى.
للتواصل وكافة الاستفسارات :
#مكتب :
محمدشبل خطاب
01018880877
01227577792

20/12/2023

15/12/2023

#الاستعلام عن ارصدة
#المتوفي لدي
#البنوك المصرية.
للتواصل وكافة الاستفسارات :
محمدشبل خطاب
01018880877
01227577792

12/12/2023

#يسر مكتبنا تقديم بعض الخدمات الآتية :
#عمل تقييم لمعرفة القيمة الحالية السوقية لممتلكاتك سواء كانت (اراضي & عمارات & شقة & فيلا أو منقولات) للاغراض المختلفة منها :
* #تجهيز أوراق للهجرة وبحاجة الى تقييم الاصول المملوكة لك في مصر
* #توزيع التركات بين الورثة.* #تصفية الشركات و اندماجها.
* #تقييم اصول الشركات
* #تقييم الثروة العقارية .
* #تقييم العقارات والمنشأت لاغراض الضريبة العقارية.
* #تقييم العقارات للاقتراض بضمانها
* #عمل جلسات البيع بالمزاد العلني.
و ينقسم المزاد الى :
* #بيع اختيارى : بناءً على طلب البائع للوصول إلى أعلى قيمة ممكنة
* #بيع اجبارى : بناءً على حكم صادر من المحكمة المختصة.
* #تقديم الإستشارات والحلول القانونية المتكاملة .
* #إعداد وصياغة ومراجعة كافة أنواع العقود ( العقارية ــ التجارية ـــ الإستثمارية ) .
* #تسجيل وتأسيس كافة أنواع الشركات "" أشخاص ـــ أموال"" .
* #تسجيل وإشهار ملكية العقارات والأراضى .
* #تسجيل العلامات التجارية وبراءات الإختراع .
*$ #القيد بسجل المصدرين والمستوردين بالهيئة العامة للصادرات و الواردات.
* #التعامل مع كافة الجهات الحكومية و غير الحكومية.
جميع هذه الخدمات يقدمها مكتبنا بكافة انحاء الجمهورية
******************
#للتواصل وكافة الاستفسارات :
محمدشبل خطاب
01018880877
01227577792
البريد الإلكتروني :
[email protected]

24/08/2023

تحذير مهم جدا جدا جدا
و بالأخص للناس المتعلمين و اللى معاهم لغة (إنجليزى) أو حتى مش لازم بس دا المنشر حاليا.

اليومين دول فى طريقة مبتكرة و جديدة للنصب و غالبا أى حد لو إتعرضت علية هيقع فيها حتى لو كان ناصح و بينصح الناس بتجنب الحاجات اللى زى كدا.
و ناس كتير جدا فى الفترة الصغيرة اللى فاتت خسرت شقا عمرها و كل ما تملك من غير ما يحسو و وقعو للأسف فالفخ.

الموضوع بيبدأ بأن فى حد بيكلمك من رقم خارج مصر على الواتساب و غالبا بالإنجليزى و بيقول إنة من شركة دعايا و تسويق و بيعرض عليك إن فى شغل أونلاين ممكن تعملة من تليفونك جنب شغلك و مش هيكلفك أى حاجة و هو إنك هتعمل لايك لفيديو على الإنستجرام أو اليوتيب و تبعت سكرينشوت بالكلام دا و مع كل لايك هتعملها هتاخد ٢٠ جنية و ممكن يحققلك من ١٠٠٠ ل ١٥٠٠ جنية فاليوم فطبعا هتقول و مالو نجرب و نشوف مش هنخسر حاجة.
و فعلا بيبعتلك ٢ لينك لفديوهين عشان تعملهم لايك و تبعت السكرين شوت و تشوف فعلا هيبقى فى فلوس و لا أى كلام و فعلا بيقولك تمام أنت كدا ليك ٤٠ جنية و يطلب منك تضيف حد على برنامج الTelegram بيبعتلك اللينك بتاعو و هو هيتابع معاك عشان يصرفلك فلوسك.
طبعا هتضيف الشخص دا على ال Telegram و هيقولك إعمل كمان لايك واحدة لفيديو على الإنستجرام أو اليوتيوب و إبعت السكرين شوت عشان يبقو ٦٠ جنية و يعرف يحولك الفلوس و فعلا بتعمل كدا و بيطلب منك الإسم و رقم المحفظة الإلكترونية عشان يحولك الفلوس و فعلا بيحولك ال ٦٠ جنية 😳.
طبعا تبدأ تقول دا الموضوع شكلو حلو و ممكن نعمل منه فلوس حلوة و أهو أدينا بنسلى وقتنا و ٦٠ على ال ٦٠ يعملو مبلغ.
و بيبدأ يضيفك فى Channel على ال Telegram بينزلو فيها الTasks اللى بتنزل كل ٢٠ دقيقة و طبعا بتبقى إنك تتفرج على فديو و تعمل لايك و تبعت السكرين شوت و تبدأ تجمع ففلوس و تقول الدنيا هتضحكلك و فعلا كل ما تكمل ٦٠ جنية يعنى ٣ Task يحولك الفلوس.
و بين كل ٣ Task بيدخل نوع جديد من ال Tasks و هو Investment Task و دا عبارة عن إنك تعمل إيداع بمبلغ بسيط يبدا من ٣٠٠ جنية مثلا و نسبة الربح علية هتبقى ٣٠% بعد ما تعمل Task برضة بسيط كدا فطبعا فالأول هتقول لأ يا عم مش هحط فلوس من معايا أنا أية اللى يخلينى أعمل كدا أنا كدا كدا بيطلعلى ٢٠ جنية من كل لايك بعملو فمش لازم أمل كدا أنا مش ضامن المهم هو بيبدأ يقلل الفلوس اللى بقت بتطلع على كل تاسك يخليها ١٠ جنية و بعدين ٥ جنية عشان أنت مش بتشارك فى ال Investment Task فا تبدأ تقول يا عم ما نجرب دول ٣٠٠ جنية مش هنخسر كتير و أهو أنا كدا كدا بكسب من وراهم و فعلا تشارك بالمبلغ دا عن طريق إنك بتقولوهم عايز أشترك و يبعتولك رقم محفظة إلكترونية تحول علية ال ٣٠٠ جنية و بعدين يطلب منك تسجل فى موقع معين تبعهم و تعمل كذا خطوة بسيطة كدا و فعلا بتخلص كل دا و بيحولك الفلوس تانى بفايدة ٣٠% يعنى ال ٣٠٠ جنية بقو ٣٩٠ فى أقل من ١٠ دقايق هتقول أية دا هو فى كدا و تفرح و ترجع تكمل Tasks المشاهدات و اللايك و تقول ما نجرب تانى ب ٣٠٠ تانيين و أهو الدنيا شكلها جد و الموضوع حلو بس هيقولك للأسف مفيش اللى ب ٣٠٠ و فى اللى بعده ب ١٠٠٠ و برضة مكسب ٣٠% هيبقو ١٣٠٠ فهتقول و مالو ما هى جابت مرة و برضة مش هنخسر كتير و تدخل و فعلا يخليك تحط ١٠٠٠ و بعدين يقولك زود كمان ٨٠٠ و عليهم ربح ٣٠% يعنى هيبقو ١٠٤٠ يعنى الإجمالى ٢٣٤٠ هتقول ماشى و مالو مش هنخسر كتير و تحول فلوسك و فعلا يرجعولك الفلوس بالربح ٢٣٤٠ 😳.
تبدأ تقول الدنيا شكلها هتبقى حلوة و الموضوع هيحلو تكمل و تخش فى اللى بعده يقولك لأ دا مفيش غير اللى ب ٥٠٠٠ و برضة هيبقى عليهم ربح بس ٦٠% يعنى هيبقو ٨٠٠٠ هتقول تمام و يلا نكمل محنا كسبنا قبل كدا كذا مرة و الدنيا أمان.
و تبدأ بقى هنا النصباية 😭 هيقولك كمل عليه كمان ٨٠٠٠ بربح ٦٠% عشان ال Task بيبقى كذا مرحلة من ٢ ل ٣ مراحل فتقول تمام و تحط فلوس و يقولك كمان مرة عايزين فلوس أكتر عشان تاخد دول و دول بالربح بتاعهم فتبدأ تقولوهم مش معايا يقولك لازم تكمل يا هتخسر اللى حطيتة فتبدأ تحاول تتصرف و تحط اللى مطلوب عشان تكمل و تاخد فلوسك و بالربح و يبدأ يدخل فدوامةوبقى إنك كل ما تحط يقولك هات تانى و مبالغ رهيبة بقى ٤٠ ألف و ٦٠ ألف و أكتر و يقولك كمل الكام مرحلة دى و هتاخد فلوسك و أنت على أمل إنك تاخد اللى حطيتة بالأرباح الرهيبة دى أو حتى تكمل عشان بس تاخد اللى دفعتة و يفضل يطلب أكتر و أكتر و أكتر كذا مرة و أنت تحاول تتصرف و تستلف و تداين عشان بس عايز ترجع فلوسك بس حتى من غير الأرباح بس للأسف مفيش حاجة هترجع و خلاص هتقولو مش معايا هيقولك لو مكملتش المطلوب هتخسر كلة و فعلا مش هيبقى قدامك غير حل من إثنين يا تكمل سلف و تتصرف على أمل إنهم صادقين و ترجع فلوسك يا إما تستسلم و تضيع كل حاجة 😭 و فعلا بيكونو نصبو عليك و خدو كل اللى تملكه و أنت لا حول لك و لا قوة.
الشركة دى إسمها Uipath Aismartbit و للأسف فى كذا حد بلغ بأسامى مختلفة غير الإسم دا زى Poloniex و أسامى تانية كتير كلة شغال بنفس الطريق اليومين دول و ناس كتير أوى إتنصب عليهم.
و طبعا الناس اللى إتنصب عليهم بتحاول تتواصل مع الأرقام اللى حولت عليهم الفلوس بس للأسف كلة بيبقى مغلق و أرقام مجهولة و مفيش أى أمل.

أرجووووووو النشر للتوعية و حماية كل الناس من ما يحدث و نرجو تدخل السلطات لمحاولة وقف هذه المافيا.

07/05/2023

# الهروب من التجنيد او التخلف عنه يتفقا في انهما يعتبران نكولاً عن الدور والواجب الوطني و عن حماية أراضيه وشعبة.
. لكن يختلف الحكم في كلا الأمرين.. سواء بالنسبة للهروب من التجنيد او التخلف عنه فكلاهما يختلف في حكمه وآثاره

# فالتخلف عن التجنيد:
هو عدم التقدم للتجنيد في السن القانوني أو كان قد تقدم للتجنيد و لكنه لم يستكمل إجراءات التجنيد ( لم يتسلم الزي الميري و يلتحق بسلاح معين )

#و عقوبة التخلف عن التجنيد
الحبس او الغرامة و غالبا ما تكون الغرامة و تتراوح قيمتها بين 3 آلاف جنيها و 10 آلاف جنيها حسب العذر المقدم من المتخلف عن التجنيد.

# والسن القانوني للتخلف عن التجنيد يبدأ منذ بلوغ المتخلف عن التجنيد 30 سنة و يوماً واحداً.

# أما الهروب من التجنيد : هو ان يكون المجند قد استلم الزي العسكري وعرف السلاح الملتحق به.

# وعقوبة الهروب من التجنيد
هي الحبس او الغرامة , فإذا تم القبض على الهارب من التجنيد فإنه يتم حبسه و يستكمل فترة تجنيده أما إذا كان قد سلّم نفسه في السن القانوني لذلك فيتم الحكم بالغرامة .

# والسن القانوني للسير في إجراءات الهروب من التجنيد
إذا كان الهروب قد تم قبل 1/4/ 2004 فإن السن القانوني 30 سنة و يوما واحدا أما بعد هذا التاريخ السن القانوني لذلك هو 36 سنة .

#تنقضي ببلوغ المتخلف عن التجنيد 45 سنة و يوما واحدا ( فلا يتم حبسه وتغريمه في تلك الحالة )

# حالات الإعفاء النهائي
1- من لا تتوافر فيهم اللياقة الطبية لتلك الخدمة.
2- الأبن الوحيد لأبيه المتوفى أو الغير قادر نهائياً على الكسب.
3- أكبر المستحقين للتجنيد من أخوة أو أبناء المواطن الذي استشهد أو أصيب بإصابه تعجزه عن الكسب نهائياً بسبب العمليات الحربية.
4- أكبر المستحقين للتجنيد من إخوة أو أبناء الضابط أو المجند أو المتطوع الذي توفى بسبب الخدمة أو الذي أصيب بمرض أو عاهة بسبب الخدمة وكان من شأنها تجعله عاجزاً نهائياً عن الكسب.
5- من يتجاوز سن الثلاثين وهو مازال متمتعاً بسبب من أسباب الإعفاء المؤقت.

# حالات الإعفاء المؤقت من التجنيد
1- الأبن الوحيد لأبيه الحي ويعتبر فى حكم من كان إخوته غير قادرون على الكسب نهائياً.
2- العائل الوحيد لأبيه الغير قادر على الكسب وكذا العائل أخيه أو إخوته الغير قادرين على الكسب.
3- العائل الوحيد لأمه الأرملة أو المطلقة طلاقاً بائناً أو كان زوجها غير قادر على الكسب.
4- العائل الوحيد لأخته أو أخوته غير المتزوجات.
5- أكبر المستحقين للتجنيد من إخوة أو أبناء الضابط أو المجند أو المتطوع أو المواطن الذى فقد بسبب العمليات الحربية ويزول هذا الإعفاء بمجرد عودته أو ثبوت وجوده على قيد الحياة ويعامل الغائب فى العمليات الحربية معاملة المفقود ألى أن يتضح موقفه وفى جميع حالات الإعفاء المؤقت يزول الإعفاء بزوال سببه ويجب على كل من زال عنه سبب الإعفاء أن يقدم نفسه إلى منطقة التجنيد والتعبئة المختصة خلال ثلاثين يوماً من تاريخ زوال السبب لمعاملته تجنيدياً بما يستحق.
6- إذا جند أحد الأخوين أو الأخوة أو استدعى للخدمة في الإحتياط، يعفي مؤقتاً من الخدمة العسكرية الإلزامية العاملة الأخ الأخر أو أكبر الأخوة الباقين بعد استبعاد غير القادرين منهم على الكسب، ويشترط ألا يكون من بين الأخوة اي متخلف عن التجنيد أو جاوز الثلاثين أو أخ معفي من التجنيد. ويزول الإعفاء بإنتهاء خدمة المجند الإلزامية أو فترة استدعائه للخدمة في الإحتياط أو عند فراره أو زوال عدم القدرة على الكسب .

و فى جميع حالات الإعفاء المؤقت السابقة يزول الإعفاء بزوال سببه، ويجب على كل من زال عنه سبب الإعفاء أن يقدم نفسه إلى منطقة التجنيد والتعبئة التابع لها فى خلال ثلاثين يوماً من تاريخ زوال السبب