مكتب الاستاذ محمد احمد سالم المحامي

02/04/2026

🔴 محضر عدم التعرض… لما يكون الأمان حق مش رفاهية

في بعض الحالات، بتضطر البنت تلجأ للقانون علشان تحمي نفسها حتى لو من أقرب الناس ليها… زي الأب أو الأخ من الأب.

📌 محضر عدم التعرض هو إجراء قانوني بتتقدم بيه المجني عليها علشان تمنع أي تهديد أو أذى أو مضايقة ممكن تتعرض لها، سواء كانت نفسية أو جسدية.

⚖️ القانون بيحمي الجميع بدون استثناء، وبيكفل لكل شخص حقه في الأمان والعيش بدون خوف… حتى لو كان الطرف الآخر من أفراد الأسرة.

💡 من حق أي بنت تتعرض لتهديد أو أذى:✔️ تحرر محضر رسمي في قسم الشرطة✔️ تثبت الواقعة بكل الوسائل المتاحة (شهود – رسائل – تسجيلات إن أمكن)✔️ تطلب اتخاذ الإجراءات القانونية اللازمة لحمايتها

🚫 السكوت مش حل… والقانون موجود علشان يحميك

📞 للاستشارات القانونية والتواصل:
01017631783
01005739393

#قانون #محامي

31/03/2026

⚖️💪

🚨 كارثة لطفل عنده 12 سنة…

مش حادث…دي جريمة بكل معنى الكلمة!

🐕 كلب متساب بدون رقابة…
⚠️ والنتيجة كانت صادمة:

💔 عاهة مستديمة بنسبة 15٪ لطفل بريء

لكن الصدمة الأكبر كانت في رد الفعل…

بدل ما يعتذر ❌قاله بكل برود:

"خليتك عاجز زي أبوك!" 😡

⚖️ القضية بدأت كـ جنحة لكن بعد تقرير الطب الشرعي 👇🔥 بقت جناية

✋ وافتكر كويس:
حق الطفل مش هيروح…والقانون أقوى من أي تهديد

📞 للتواصل وطلب المساعدة القانونية:
01005739393 _ 01017631783

#محامي #قضايا #قانون #عدالة #حوادث #الكلاب #مسؤولية #إهمال #ترند #مصر #النيابة #محكمة

23/03/2026

ناقص يقولوا أيه تانى ، أو يعملوا أيه ⁉️‼️
وقفنا على السلم - لا بقينا دولة إسلامية و لا شرقية و لا حتى مهلبية
الرقابة على المصنفات الفنية بعافية
Egyptian Public Prosecution النيابة العامة المصرية
الصفحة الرسمية لوزارة الداخلية

23/03/2026

الأزهر الشريف عامل خدمة إسمها "لم الشمل"
الهدف منها هو إنهاء الخلافات سواء خلافات بين زوج وزوجه ، قطيعة رحم، خلافات المواريث.
إللي بيحصل إن طرف من الطرفين أو حد قريبهم بيسجل الاستمارة دي على موقع الازهر
https://azhar.eg/reunion
أو عن طريق التليفون 19906
وبعدها بيتم التواصل مع كل طرف من أطراف المشكلة عن طريق شيخ من شيوخ الأزهر وبيحدد معاهم معاد وبيتقابلوا سواء في مقر مشيخة الأزهر أو في بيت حد من الطرفين.
الموضوع بيتم بسرية تامة وبمشاركة الطرفين فقط

18/03/2026

7 مزايا في قانون العمل الجديد (2025) قفلت حنفية الاستعباد على الشركات... 👏

الـ HR كان بيلعب بينا الكورة زمان في ثغرات القانون، بس قانون العمل المصري الجديد (رقم 14 لسنة 2025) نزل بشوية تعديلات قلبت الترابيزة وادت الموظف درع حماية محترم.

لو أنت مش عارف حقوقك، دي 7 مزايا قانونية لازم تحطها في عين الاعتبار. 👇👇

1️⃣ إلغاء أسطورة استمارة 6 🚫

زمان كان أول ما تتعين يخليك تمضي استمارة 6 (استقالة مسبقة) عشان يمشيك وقت ما يحب. القانون الجديد حظر ده تماماً، ومبقاش يعترف بالاستمارة دي كأداة للفصل، يعني محدش يقدر يمشيك بالحب وتوقيعك تحت التهديد مبقاش ليه لازمة.

2️⃣ العقد المؤقت آخره 4 سنين بس ⏳

الشركات كانت بتفضل تجددلك عقدك سنة بسنة لمدة 10 سنين عشان تفضل تحت رحمتهم ومتتثبتش!
دلوقتي القانون ألزمهم إن العقد المؤقت بيتحول أوتوماتيك لعقد دائم بعد 4 سنين خدمة متصلة...

3️⃣ تسعيرة الفصل التعسفي غليت 💸

مديرك صحي الصبح مزاجه وحش وقرر يمشيك من غير سبب قانوني؟ مفيش مشكلة، بس الإدارة هتدفع الثمن غالي. القانون أقر تعويض للموظف شهرين عن كل سنة خدمة قضاها في الشركة في حالة الفصل التعسفي، غير مكافأة نهاية الخدمة.

4️⃣ إجازة الوضع زادت لـ 4 شهور 👶

بالنسبة للسيدات، دي أكبر ضربة لبيئة العمل التوكسيك. إجازة الوضع زادت لـ 4 شهور (بدل 3)، والأهم من كده: ممنوع منعاً باتاً فصل الموظفة أثناء إجازة الوضع أو بعدها مباشرة... يعني مقعدك محفوظ ومحدش يقدر يقربله.

5️⃣ الزيادة السنوية إجبارية مش إكرامية 📈

مديرك ملوش حجة يقولك مفيش بادجت للزيادة السنة دي. القانون أقر علاوة سنوية دورية إجبارية متقلش عن 3% من أجرك التأميني. الرقم ممكن يبان صغير، بس الفكرة إنها بقت فرض ولازم تزيد مش منحة من جيب الحاج.

6️⃣ الاعتراف القانوني بالـ Remote Work 💻

عشان المديرين اللي كانوا بيعتبروا الشغل من البيت أجازة، القانون الجديد أضاف فصل كامل بيعترف بأنماط العمل الحديثة زي العمل عن بُعد، والعمل المرن. يعني حقوقك وتأمينك محفوظين وأنت شغال من أوضتك بالبيجاما.

7️⃣ الإجازات السنوية بقت أوضح وأكتر 🏖️

أول ما تكمل 6 شهور في الشركة ليك 15 يوم، ومن السنة التانية ليك 21 يوم إجازة مدفوعة الأجر. ولو قعدت معاهم 10 سنين (أو عديت سن الـ 50) إجازتك بتبقى 30 يوم. وصاحب العمل مُلزم يسويلك رصيد إجازاتك أو يدفعلك تمنها كل 3 سنين بحد أقصى.

اعرف قانونك، عشان اللي مبيعرفش حقوقه في بيئة العمل... بيدفع تمن جهله من أعصابه ومرتبه! 👋

#ابعتلنا دلوقتي
010 17631783


#رجّع_حقك_بقانون

10/03/2026

بصدور القانون و نشره بالجريدة الرسمية و تحديد ميعاده العمل به لا يجوز الاعتذار بالجهل به و اصبح حجه على كافة .
و لهذا ننوه الى ضرورة مراجعة محاميك حتى يطلعك على موقفك القانونى لانك سوف تسئل عن احكام القانون و تعديلاته .
ابعتلنا دلوقتي
01017631783

#رجّع_حقك_بقانون

03/03/2026

التوكيل الصادر من البائع للمشترى لا يغنى عن تحريره عقد منه للمشترى يذكر به ما يفيد استلام الثمن و إبراء ذمة المشترى منه و تسلسل الملكية و عدم البيع من قبل و ضمان التعرض المادى و القانونى .
للتواصل معنا و الإستفسار
01017631783 - 01005739393


#رجّع_حقك_بقانون

20/02/2026

18/02/2026

رمضان كريم 🌙
كل سنة وأنتم طيبين، ربنا يتقبل منا ومنكم.