طاهر إبراهيم - Taher Ibrahim

05/01/2023

25/07/2022

موبايلك اتسرق و بتتصل بيه مغلق؟

تمام اوي، سيبك من اي ابليكيشن ولا find my device ولا الهري ده كله، كل ده هيتمسح لان اللي خده هيعمله ضبط مصنع، علشان تجيب موبايلك ركز في الموضوع ده، و ان شاء الله تليفونك هيرجع بنسبة 95% ..

اتسرق مني هونر 8 ورجعته في شهر و نص .. ودي خلاصة تجربتي، اولا متكلمش اي حد متعرفوش يرجعهولك علشان دول نصابين و عاوزين اي سبوبة و خلاص و هياخد منك نسبة وممكن اصلاً بعد ما يرجع يقولك للاسف مفيش و يكون خده هو، وكدة كدة مش هيعمل اكتر من اللي انت هتعمله، انا رجعت الموبايل بدون ما ادفع مليم وبدون اي واسطة (مش هتفيد في شي لان الموضوع روتيني جدا طالما دخل النيابة خلاص هيمشي زيه زي غيره) ..

ثانياً متعملش محضر في القسم مباشرة .. الموضوع ببساطة هتتوجه لـ (مباحث التليفونات) اللي حضرتك تابع ليها و بتعرف ده بأنك تتصل بيهم و هما هيدلوك و ممكن تكلم الشرطة او ١٤٠ هيدلك على انهي مباحث تليفونات تتوجهلها و مواعيدها ايه، انا في حالتي اتوجهت لمباحث شرق القاهرة فوق سنترال الماظة طلعت الدور الرابع لقيت مكتب قاعد فيه واحد و كان فيه طابور صغير ٣ اشخاص قدامي ضايع منهم تليفوناتهم (ابتديت احس بالامان لما لقيت اللي قدامي بيقول دي تاني مرة موبايلي يتسرق و اجيبه) لما جه الدور عليا الراجل طلب مني الآتي (بطاقتي، و صورة منها، و علبة التليفون الاصلية ومحتوياتها الاصلية اللي فاضلة معايا، و صورة من العلبة من الناحية اللي فيها السيريال وارقام الشرائح اللي كانت في التليفون قبل ما يتسرق) و هو اللي بيعملك المحضر بنفسه نيابة عن القسم وبتحتفظ برقم المحضر ده عندك (مهم جدا)، (اتأكد كويس من الارقام رقم رقم وارقام شرائح التليفون اللي كانت فيه علشان يتأكدوا انك انت صاحبه فعلا) المهم تتعامل مع الموظف ده باحترام و توصيه باسلوب طيب و محدش طلب مني اي بقشيش او فلوس نهائي رغم اني بصراحة عرضت عليه فلوس في ايده و رفض ..

بس كدة انت خلصت، اول ما الموبايل هيتفتح ويتحط فيه شريحة تانية هيوصلهم اشارة برقم الشريحة اللي فيه و هما بنفسهم اللي هيكلمولك صاحبها علشان يخوفوه بالذوق و يقولوله التليفون ده متبلغ عنه و مطلوب فورا يا اما فيها حبس و معاهم اسمه بالكامل و رقم بطاقته في اغلب الاحوال بشكل ودي جداً الي واخد الموبايل سواء هو السارق او حد غلبان اشتراه من الحرامي و ميعرفش في الحالتين بيجيبه فوراً مبيترددش و ساعتها هتلاقي امين شرطة بيكلمك تروح تستلم بعد حوالي شهرين لـ ٣ مثلا انت و حظك، اما لو حضرتك حابب تتابع بتتوجه لقسم الشرطة تاخد منهم الرقم السري لرقم المحضر و بيدلوك تتابع مع انهي نيابة بتروح للنيابة دي تديهم الرقم يقولولك حالة الكشف ايه (مثلا فودافون ردت رد سلبي اتصالات سلبي اورانج و وي لسة ، لحد ما حد فيهم يرد ايجابي).. ساعتها هتلاقيهم لوحدهم بيكلموك ويضبطوا معاك معاد ومكان تروح تستلم موبايلك بتروح و بتقابل الشخص اللي معاه التليفون في المكتب عند أمين الشرطة في النيابة و بتعامله بأدب و احترام (اهم حاجة عندك تليفونك يرجع مش رايحين نتخانق ولا نشمت في حد جايز ميكونش هو اللي سرقه و يكون مظلوم زيك اشتراه من واحد نصاب) و لو مش عاجبك حالته حقك ترخم عاللي شايل التليفون وتطلب تعويض عن استهلاكه (بس انا حمدت ربنا بصراحة واكتفيت بالتليفون زي ما هو) و بس بتمضي استلام و اغلاق محضر و بعد كدة الأمين بياخدك انت و اللي كان معاه التليفون و يدخلكم لوكيل النيابة لتأكيد عملية الاستلام والوكيل ساعتها بيتأكد انك حقك رجعلك و بيحذر اللي كان معاه التليفون يشتري موبايل بدون علبه او مجهول المصدر .. الموبايل رجع الحمد لله وبدون مدفع ولا مليم ولا اي وسايط .. متسيبش حقك ومتتعصبش ولا تستسلم و اعمل اللي عليك و ارضا بنصيبك في كل الاحوال و ان شاء الله خير..

نصيحة مهمة بقي، لما يرجع الموبايل ان شاء الله ما تنساش تعمله ضبط مصنع وانت واقف و تفتح جوجل أكاونت بحسابك لان لما عملتله ضبط طلع عيني علشان كان متسجل بحساب اللي كان شايله قبلي،

و أهم نصيحة انك متكسلش و متستسلمش و اي حد تعرفه موبايله ضايع تشجعه يرجعه لأن لو كل واحد فينا نفذ الاجراءات دي و رجع تليفونه هنقضي على فكرة سرقة التليفون نهائي واي حد هيفكر يسرق تليفون هيكون عارف انها ملهاش لازمة و هيسيبه مكانه ..

كل التوفيق ليكم 😊💪💪

أرقام مباحث التليفونات العامة:
25771755 / 25798166

رقم مباحث تليفونات شرق القاهرة: 22904224

عنوان مباحث تليفونات شرق القاهرة: في مبنى سنترال الماظة الدور الرابع، قدام كوبري النزهة
منقول
الكلام ده هيساعدك ان شاء الله افهمه كويس

09/01/2022

ودعا وائل الابراشي
ودعا تهاني الجبالي

19/11/2021

المحامي لازم يكون بيتكلم 6 لغات

مش عربي وانجليزي وفرنساوي مش كدا

انا اقصد لغات حوار.

1- لغه مع المتهم في محبسه. والمواقف هتحكم تتكلم معاه ازاي. امتي تكون سياسي. وامتي تكون صريح. وامتي تكون شديد. وغيرو . زي اللي اول مره يتحبس يختلف تماما عن ذو السوابق القضائية . زي اللي في جنايات الاموال العامه والاهمال الطبي يختلف تماما عن المتلبس بالاتجار في المخدرات.

2-لغه مع اهل المتهم. في فرق كبير بين المتهم واهله .؟ طبعا. هو بيبقي قلقان وهو داخل محبسه ولكن اول ما يتحبس احتياطي بتجيله حاله زي اللاه مبالاه واهله هم اكثر قلق منه ف الظروف والمعلومه اللي هتوصلها مختلفه ع حسب الظروف زي هياخد سنه في الجنح لكن الاستئناف براءه والمسأله مسأله وقت. ويختلف الموكلين ارباب القضايا الجنائيه عن ارباب التقاضي المدني والاسره والتجاري. كله يختلف عن غيرو.

3- لغه مع الشرطه. ودي بتختلف علي حسب رتبته. يعني الناس اللي بتقول انت محام وهو حتة امين شرطه او دا مجرد ضابط. دا من وجهه نظري كلام فارغ. لان احيانا كتير بنحتاج رجال القسم عشان نعرف رقم محضر من الحرس وحرس المحكمه بل انهم يمدونا بمعلومات ولو من غير صفه. زي ميعاد تجديد في جنايه جديده ومش عارف ميعاد تجديدها ولا حتي رقم القضيه ‘ ممكن بأسم المتهم تعرف رقم القضيه والاتهام . مقلتش نقلل من قيمتنا بس امشي بمبدء من تواضع لله رفع . بل احيانا ممكن تصورها من غير صفه.

4 - لغه مع موظفين المحكمه. السياسه ثم السياسه ثم السياسه والناس دي في ظروف كتير بيساعدونا من غير ما يعرفو نتيجه المساعده دي بالنسبه لنا اي.. ؟ . من اول الحاجب لحد رئيس القلم . زي حاجب قدام قاضي مش بيعيد الرول والجلسه فاتتني. فضل معايا لحد ما القاضي اعاد لي فقط الرول بعد معاناه لولا مساعده الحاجب لكان حصل كارثه لاني كنت هقدم اعادة اعلان بتقديم اصل الايصال واخد براءه من غير مرافعه ولا طعن بالتزوير ولا استئناف إلخ . زي حاجب اوزع عليه جلسه لاني عندي الاهم. زي الحرس اللي يجيب القرار من المداوله او يبلغك بالتليفون من غير ما تستني اخر اليوم . حرفيا اكتسبت وقت وريحت دماغي ورحت اشوف امور تانيه ورايا

5 - لغه مع رجال النيابة العامة. ودول غالبا لازم تكون اكثر منهم علما بالقانون لان هيقولك تعليمات النيابه . وهيكلمك قانون . زي وكيل نيابه رفض اصور محضر بصفتي وكيل وكيل المحامي الحاضر مع المتهم التحقيقات. بدءت سياسه ثم قانون لما سألني فين توكيل المتهم للمحامي الحاضر التحقيق "متتفاجئش حصل "وهنا قلت طالما المحامي حضر اصبحت ليه صفه تقديم الطلبات والاطلاع والتصوير وانا وكيل وكيل. رد قالي فين الدمغة قلت نسددها. قالي اذكر القانون اللي بينص علي الدمغه قلت "المحاماه "لكن اي ماده معرفش لاني مطالب بفهم القانون لكن حفظه ف دا ف الكتب . وبعد النقاش صورت

6 - لغه مع القضاه. لازم تدرس القاضي اللي داخل تترافع قدامه. اسأل محامين الدائره عن اتجاهه في القضيه اللي معاك .حتي لو هتأجل بيأجل ولا لا وبيأجل مده اي . شوف الاجنده لدي السكرتير وشوف اتجاهه واسأل السكرتير عن اتجاهه. ودايما عليه مقاما. زي " اود ان اسأل الهيئه الموقره والهيئه لا تُسأل ولكنه سؤال تقريري. وبعض الكلمات زي نتعلم من احكامكم اللي هي تكاد تكون نماذج مطبوعه 😂
ودول الست لغات للمحامي
منقول

18/11/2021

14/11/2021

الليلة الساعه ١١ مساءا برنامج الحكاية مع الاعلامى عمرو أديب
لمناقشة قانون

05/11/2021

حقوق المرأة بعد الطلاق والخلع

03/11/2021

10 طرق للتواصل مع رئيس الجمهورية مباشرة🇪🇬

"ارفع سماعة التليفون وكلم رئيس الرقابة الإدارية، أو كلمني أنا شخصيًا، كل مخطئ سوف يحاسب، أنا لا اتدخل ولا احمي احد ، كله يتحاسب، بما فيهم انا شخصيا ، بهذه الكلمات الواضحة التي أدلى به الرئيس عبد الفتاح السيسي خلال افتتاحه لاحد المشروعات الانتاجية فتح الرئيس لكل المصريين باب التواصل معه شخصيا مؤكدا علي سعيه الدؤوب لمحاربة الفساد بمصر ورفع المظالم عن كافة المواطنين .

* البريد الإلكتروني

أعلن المكتب الإعلامي الخاص برئاسة الجمهورية والتابع للرئيس عبدالفتاح السيسى مباشرة، عن تخصيص بريد إلكتروني لاستقبال شكاوى المواطنين ألا وهو ( [email protected] )على أن يتم استقبال جميع الأسئلة والشكاوى والاستفسارات من خلاله ليقوم الرئيس بالإجابة عليها.

حرص الرئيس عبدالفتاح السيسي منذ توليه رئاسة الجمهورية، أن يقوم بالتواصل المُستمر مع الشباب باستخدام مواقع التواصل الاجتماعي لمُواكبة أفكارهم التكنولوجية الحديثة، فقام بتدشين صفحة رسمية تحمل اسمه على الـ"Face book و twitter"، والتي يمكن للمواطنين التواصل معه من خلالهما، وإليكم تلك الروابط:

https://www.facebook.com/AlSisiofficial/?fref=ts

https://twitter.com/alsisiofficial?lang=ar

فاكس الرئاسة

23901998/02 رقم ديوان المظالم برئاسة الجمهورية، وهو الديوان المعني بتلقي مشكلات المواطنين وإحالتها للجهات المختصة، من أجل دراستها والعمل على حلها.

مقر الشكاوى بالرئاسة

يمكن أن يقوم المواطن، بإرسال خطاب لرئيس الجمهورية عن طريق البريد المسجل بعلم الوصول إلى مقر الرئاسة بعابدين ، فيتم إرساله إلى مقر رئاسة الجمهورية المتواجد بمنطقة مصر الجديدة.

الرقابة الادارية

يمكن لاي مواطن ان يتصل بالرقم الموحد لهيئة الرقابة الادارية لتقديم معلوماته او شكواه من احدي الجهات الحكومية خاصة الفساد والرشاوي ، وسوف يتم الاطلاع علي صحة بيانات المتصل بالرقم القومي لضمان الجدية وهذا رقم الرقابة الادارية لجميع المحافظات ( 16100 )

النيابة الادارية

تتيح لكافة المواطنين تقديم الشكاوي من المعاملات الحكومية وتتخذ اجراءاتها علي الفور لمحاسبة كافة المسئولين حتي درجة وكيل وزارة ونجحت النيابة الادارية في عهدها الجديد من حل كثير من المشاكل الخاصة بالمواطنين خاصة في مجالات نقص الادوية والمدارس والمرور وغيرها وهذا رقم التواصل ( 16117 )

الحرس الخاص

يمكن التواصل المُباشر مع الرئيس عبدالفتاح السيسي في أحد المؤتمرات أو الزيارات التي يعقدها بشكل دوري بتوجيه الإذن للحرس الخاص به، وبلا شك لم يمنع الحرس من لقاءك بالرئيس، مثلما حدث مع السيدة كريمة جاد الرب، والتي استغاثت بالرئيس خلال خروجه من مجلس النواب عقب إلقاء كلمته في البرلمان بدورة الانعقاد الأولى لعلاج نجلها، وبالفعل أمر السيسى باستقبالها في مقر الرئاسة، وتم علاج ابنها في أحد مستشفيات القوات المسلحة.

السوشيال ميديا

تعتبر "السوشيال ميديا" سلاح تكنولوجي مُتطور بشكل دائم ويغير الأحوال، مثلما حدث مع "منى السيد" بعدما فجرت مواقع التواصل الاجتماعي المُختلفة صورة فتاة "جر البضائع" في شوارع محافظة الإسكندرية، إلى أن أصبحت حديث المواقع الإخبارية لتفانيها في عملها لأكثر من 20 عامًا في جر الكراتين وتوزيعها على متاجر الملابس يوميًا، وانتهى الأمر بمقابلتها للرئيس.

مداخلة هاتفية

يمكن إجراء مداخلة هاتفية في أحد البرامج على الفضائيات، وهناك أشخاص من مكتب الرئيس يتابعون استغاثات المواطنين عبر الإعلام، ويتم التواصل معهم على الفور، مثلما حدث مع المواطنة سلوى عزت حين عرضت شكواها للإعلامي جابر القرموطي في مداخلة هاتفية عبر برنامجه السابق "مانشيت"، بأنها تم فصلها تعسفيا من مصلحة الضرائب بعد تعيينها بحوالي 3 شهور بحجة عدم اكتمال أوراق التعيين، على الرغم من حصولها على راتبها لمدة شهرين، وتوقيعها في دفاتر الحضور والانصراف حسب اللوائح الحكومية، وناشدت الرئيس عبد الفتاح السيسي بالتدخل لحل مشكلتها وعلى الفور وصلت المناشدة وقام الرئيس بالرد على شكواها بسرعة التدخل لحل أزمتها على لسان المُتحدث باسم رئاسة الجمهورية السفير إيهاب بدوي.

الصحف

يمكنك كتابة الشكوى المُراد إرسالها للرئيس، وتتجه نحو إحدى الصحف وتقوم بعرض الأزمة التي تمر بها لرئيس التحرير، وهو سيقوم بإبلاغ الجهات المعنية التي تقوم بإرسال الشكوى للرئيس مباشرة.

#شيىرررر

10/10/2021

صنع في مصر 😍🥰

12/09/2021

الداخليه بتبيعنا ب ٨٠ جنيه يا رجاله🤦‍♂️

12/09/2021

😂😂😂