عوض سلامه المحامي

20/06/2025

إحنا بنشتغل شغلانة ...
من أصعب أنواع الشغل على وجه الأرض ...

شغلانة بتاكل من روح المحامي وصحته وشبابه

شغلانة بتخلي قلبك على طول حاسس بالخوف واليأس والتعب

شغلانة الرزق فيها واقف على النتيجة ... اتحققت .. رزقت .. لم تتحقق .. ممكن تكون صرفت من جيبك

شغلانة بتمس أموال الناس وأعمارهم وحياتهم وهو شيء لو تعلمون عظيم

شغلانة بتخليك بعيد ...
عن أولادك .. أهلك .. أصحابك .. حبايبك

شغلانة بتخلي العشم فيك كبير قوي قوي ... ولا كأنك رئيس جمهورية

شغلانة بتخلي الأمل اللي محطوط عليك ... يشعرك بالحمل والثقل والوجع وقبضة القلب

شغلانة بتخلي الناس تخاف منك .. وتخاف تتعامل معاك .. بتخاف تأجرلك .. بتخاف تقسطلك .. بتخاف أصلا من مجرد وجودك

شغلانة كل أطرافها ... بيعتبروك عدوهم ... وبيحاربوا مجهودك بكل ما أوتيت من قوة

في القسم ... بيعتبروك من الأعداء
في النيابة ... بيعتبروك من الأعداء
في المحكمة ... بيعتبروك من الأعداء
في دواوين الحكومة ... بيعتبروك من الأعداء

في كل مكان بتدخله أو بتتعامل معاه ...
بيعتبروك كذاب وأفاق ومدلس ومزور حتى يثبت العكس

حاجة تخلي الروح في الحنجرة

أصعب حاجة ممكن يعملها إنسان في الدنيا ... إنه يمثل المتهم في المحاكمة الجنائية

دور ... قاتل
دور ... صعب جدا
دور ... حساس جدا
دور ... مؤلم جدا

شغلانة ... بتجيب
القلب
والسكر
والضغط

كفاية بس ....
إحساسك بالألم والجزع والخذلان واليأس والعجز وقلة الحيلة

لما متهم ياخد حكم ...
وانت متأكد زي اسمك ...
إنه بريء

وربك هو العالم بخفايا الصدور

أنا تعبت ... والله المستعان
😔
#عوض سلامه

05/04/2025

05/11/2024

نصت 15 مكرر من قانون الإجراءات الجنائية على أنه، تنقضي الدعوى الجنائيه في مواد الجنايات بمضى عشر سنين من يوم وقوع الجريمة، وفى مواد الجنح بمضي 3 سنوات وفى مواد المخالفات بمضى سنة مالم ينص القانون على خلاف ذلك، أما في الجرائم المنصوص عليها في المواد 117، 126، 127، 282، 309 مكرر أ، والجرائم المنصوص عليها في القسم الأول من الباب الثانى من الكتاب الثانى من قانون العقوبات والتي تقع بعد تاريخ العمل بهذا القانون فلا تنقضي الدعوى عنها بمضي المدة".

"ومع عدم الإخلال بأحكام الفقرتين السابقتين لا تبدأ المدة المسقطة للدعوى الجنائية في الجرائم المنصوص عليها في الباب الرابع من الكتاب الثانى من قانون العقوبات والتي تقع من موظف عام إلا من تاريخ انتهاء الخدمة أو زوال الصفة ما لم يبدأ التحقيق فيها قبل ذلك".

كما أن سقوط العقوبة تختلف سواء أكان الحكم حضوريا أو غيابيًا وتكون حسب آخر درجات التقاضى بعد صدور حكم المحكمة سواء فى درجته الأولى أو الاستئناف أو النقض، وذلك بعد آخر إجراء قانونى بالدعوى صدر فيه حكم وعقوبة للمتهم ويستلزم ألا يكون خارج البلاد.

وبالنسبة لمواد القانون التى تنص على مدة سقوط العقوبة فهى المادة 528 من قانون الإجراءات الجنائية، وتنص على: "تسقط العقوبة المحكوم بها فى جناية بمضى عشرين سنة ميلادية إلا عقوبة الإعدام فإنها تسقط بمضى ثلاثين سنة، وتسقط العقوبة المحكوم بها فى جنحة بمضى خمس سنين، وتسقط العقوبة المحكوم بها فى مخالفة بمضى سنتين"، أى أن مدة سقوط العقوبة فى الجنايات هى 20 سنة إلا عقوبة الإعدام فهى 30 سنة، وفى الجنح 5 سنوات، وفى المخالفات 2 سنتين.

28/10/2024

▪️قواعد قانونية عامة ⚖️

- لا جريمة ولا عقوبة الا بنص.
- لاوصية لوارث.
- الدليل إذا تطرق إليه الإحتمال فسد به الإستدلال.
- لا تنتقل الملكية الا بالتسجيل.
- الحق الذى لا دليل له ، هو والعدم سواء.
- الشك يفسر لصالح المتهم.
- لا تركه الا بعد سداد الدين.
- البينة على من ادعى.
- التحريات المكتبية لا تدل الا علي رأي مجريها.
- الاستثناء لايجوز القياس عليه أو التوسع في مجال تطبيقه.
- الأصل العام في التعاقد أن الشخص يتعاقد بإسمه. ولحساب نفسه.
- الأصل في الانسان البراءة.
- ما بنى على باطل فهو باطل.
- الحيازة في المنقول سند الملكية.
- الحكم يبني على الجزم واليقين لا على الظن والتخمين.
- لاضرر ولا ضرار.
- لا يضار الطاعن بطعنه.
- العقد شريعة المتعاقدين.
- الجنائي يوقف المدني.
- لايجوز اثبات مايخالف الكتابة الا بالكتابة.
- كل فعل سبب ضرر للغير يلزم مرتكبه التعويض.

كل قاعدة من دول ممكن تستخدمها فى شرح دفع من دفوعك وتبني عليها دفاعك لو ملائم للقاعدة

11/10/2024

🤔 🤔

#ســـــؤال بيتسال ⁉️من اى #موكــــل او #موكـــلة ❗️❕

الاجـــــــابـــــة :👇👇

👈مفيــــش #مواعيـــد🕚 فى #المحكمة تقدر تحسبها فى #اجراءت✍️ تخلص معها تنتهى #القضيـــــــة

👈يعنى مثلا ✍️ تخلص وقت ما و فى الجلسة التانية وعرض #الصلــــح و #التحــــرى .

✡️طيب نفترض مجبتش #التحــــرى🤔 طبيعى القاضى مش #هيحكـــم #وهياجلها لحد ما تجيبـــة😊

✡️طيب افرض معرفتش #اجيبة🤔

👈هتتحال #الدعـــــوى #للتحقيــــق ومنها ترجع #مرافعـــة وبعد كدة #يحكم .

هنا بقى تقدر تقول #المـــدة🕚 قد اية🤔 🤔

اكيد #لا فكل قضية ليها #ظروفها .

✡️ممكن تكــــــون #قضيتـــــك ✍️وقت فهتتاجل كتير ممكن تكون قدام #دايـــرة بتدى #حكم فى نفس يوم #الجلسة فمتاخدش #وقت🕚 اصلا .

-------------------------------------

07/10/2024

🍁🍁🍁الطفلة لميس محمد الصياد🍁🍁🍁
ذات ال4 سنوات _ ضحية جديدة من ضحايا الغدر والخِسة وغياب الضمير والتجرد من الإنسانية
🦋طفلة لا حول لها ولا قوة _ غدرت بها زوجة العم حيث قامت زوجة عمها باستدراجها لشقتها وقامت بتجريدها من الحلق الذهب الذي لا يتعدى قيمته ال4000جنيه ، وإنقضت عليها لتقتلها بلا رحمة وتفضي روحها لتسقط جثة هامدة .
⚰قتلت برائة الطفلة لميس
⚰قتلت كل شيئ جميل حولنا
⚰قتلتنا جميعا وروعتنا وقسمت ظهورنا
🧟القاتلة إسمها رحمة ، إسماً على غير مسمى ، فهي وضميرها لا يعرفون للرحمة طريق.
◇والسبب : أن والد القاتلة يمر بأزمة مالية وقام بالحصول على قرض لتسديد ديونه وجعل إبنته القاتلة توقع بأنها الضامن _ ولم يقم الأب بالسداد ومن ثم تم القبض على ابنته الضامنة لتبيت ليلتين وتخرج لتبحث هي ووالدها عن سبيل للسداد ولم تجد أمامها سوى الطفلة البريئة لميس إبنة شقيق زوجها
فقامت بالتخطيط لجريمتها وأستعانت بأختها الطفلة هانم التي إستدرجت لميس حتى دخلت بيت عمها ، لتقوم زوجة عمها بتنفيذ جريمتها النكراء وبعد التأكد من قتلها قامت بخلع الحلق الذهب من أُذنيها على أمل بيعه فيما بعد وسداد جزء من الأقساط المتأخرة.
●رحمة المنزوع من قلبها الرحمة هي وأختها الصغيرة قاموا بتنفيذ جريمة يندى لها جبين الإنسانية ولا تقرها جميع الأديان السماوية وخصوصا عندما تأكدت من أن الطفلة لميس فارقت الحياة قامت بلفها بملاية ووضعها في كرتونة بالبلكونة الخاصة بها وتخرج لتشارك أهل الدار والقرية في البحث عن الطفلة المتغيبة إلى أن أتت المباحث لتكتشف مكان الطفلة المتغيبة من الساعة 11 صباحاً ويتم فك طلاسم الجريمة الشيطانية في عزبة إبراهيم الشربيني _ التابعة لمركز بلقاس بمحافظة الدقهلية.
وتم القبض على القاتلة ومباشرة النيابة التحقيقات في الواقعة في ظل حالة فزع وصدمة وإحباط لأهالي القرية وكل القرى المجاورة.


☝☝☝حسبنا الله ونعم الوكيل☝☝☝
القاتلة/رحمة محمد غنيم _ زوجة المكافح /سمير الصياد
الطفلة البريئة القتلة: لميس محمد الصياد
وإنا لله وإنا إليه راجعون _ أسأل الله العظيم أن يرحمها وأن يربط على قلوب والديها وقلوب كل الناس بالقرية وأجوارها.
@متابعين @إشارة

27/09/2024

تسجيل المكالمات >>>>>>>>>>خيانة
تصوير الناس بدون علم>>>>>>خيانة
فتح الاسبيكر >>>>>>>>>>> خيانة
استدراج الاطفال في الحديث>>خيانة
تتبع اسرار الناس>>>>>>>> خيانه
دعوة لحفظ أمانة المجالس
قال رسول الله ﷺ وهو يَصِف أيام الهرج والفتن بقوله:
"حين لا يأمَن الجليسُ جليسَه"
وقال الحسن البصري - رحمه الله -: " إنما تُجالسوننا بالأمانة، كأنَّكم تظنُّون أنَّ الخِيانة ليست إلاَّ في الدِّينار والدِّرهم،
إنَّ الخيانة أشدَّ الخيانة أنْ يُجالسنا الرجل، فنطمئن إلى جانبه، ثم ينطلق فيسعي بنا، فصونوا أمانة وأسرار المجالس قبل أن تنفض المجالس!...
جعلنا الله وإياكم من المحافظين عليها .

13/09/2024

ساعات والزوجين بيخلصوا اجراءات الطلاق الزوج يمضى📜 الزوجه على تنازل📰 عن جميع حقوقها وحقوق اطفالها والتنازل دا باطل قانونا لانه لو كان ينفع ان الزوجه او المطلقه تتنازل عن حقوقها فمينفعش تتنازل عن حق هيا اصلا مش ملكها زى نفقه الاطفال دى ملك ليهم
فبالتالى لو الزوجه كانت اتنازلت عن حق من حقوق الاطفال فاحنا بنقولها #متقلقيش،التنازل دا باطل ومن حق حضرتك تروحى اى وقت ترفعى قضيه وتاخدى حقوق اولادك كلها وحتى ولو الزوج تمسك بالتنازل دا القاضى ولا هيعبروا وهيتعامل معاه كانه شخص جاهل وهيدى الاطفال حقها
ونصيحه متضيعيش حق اطفالك لو حضرتك اتنازلتى عن حقوقك الشخصيه لازم تفرقى بينها وبين حقوق الاطفال لان دى امانه مع حضرتك
ولو الزوج مش راضى يطلق الا بالتنازلات دى وبيتحكم فى قرار الطلاق بطريقه مستبده انصحك متتحايليش عليه وروحى ارفعى قضيه وخدى حقوقك افضل ماتقدمى تنازلات ودا رأي شخصى ليا

وتابعينا كل يوم ومعلومة جديدة عن حقوقك وحقوق اطفالك ولو عجبتك المعلومة لايك وشير عشان غيرك يستفيد

02/09/2024

انت محاااااااامى 😀😀💪💜💜💛
- علي فكرة المحامين فلوسهم كلها حرام
= انت متاكد انه فلوسهم كلها
- ايوة متاااكد طبعا
= طيب انا هسالك سؤال ؟
لو حد طلب مني اعمله اعلام وراثه اتعابي هنا حرام ولا حلال
- لا حلال طبعا
= طيب لو عملت لحد صحه توقيع او تعاقد اتعابي حرام ولا حلال
- لا حلال طبعا
= طيب لو رفعت لزوجه قضية نفقه او حضانه اتعابي حرام ولا حلال
- لا حلال طبعا
= طيب لو رجل اعمال طلب مني اعمله اجراءات تسجيل شركه اتعابي حرام ولا حلال
- لا حلال طبعا
= طيب لو احد الموظفين وقع عليه جزاء ظلم
وطلب مني ارفع دعوي في مجلس الدوله اتعابى حرام ولا حلال
- لا طبعا حلال
= شوفت كام مره انت قولت حلال ازاي بقي بتقول إن كل فلوس المحامين حرام
وممكن نقول امثلة كثيرة جداا
- لا انا مكنتش اقصد الفلوس كلها انما اقصد مثلا نوع معين
=لا انت قولت فلوسهم كلها وعامه نوع ايه اللي انت تقصده طيب
- اقصد فلوس قضايا الجنايات زي القتل او او الضرب او السلاح او المخدرات
= انت متاكد انك تقصد النوع ده ؟
- ايوة متاكد جدااا انه فلوسهم حرام
= اولا لازم تبقى عارف إن المحامي مش وظيفته إن يطلع الناس براءة
انما هو مجرد ضمانه قضائية لمراقبة مدي تطبيق القانون والموازنة بين ادلة الاتهام او البراءة
وتوضيح الواقعه ذى القاضى ايضا هدفه انه يحكم ويطبق القانون فالمحامي ملزم ببذل عناية وليس تحقيق غاية
= بالنسبة للقتل لازم تبقي عارف انه ايضا انواع وكل نوع ليه شروط واحكام
- لا انا اقصد إن لو جالك حد وقالك انا قتلت
= مش معنى ان الشخص ده قتل فعلا او معترف يبقى كده مدافعش عنه
مثال : طيب لو حد قتل شخص بعربيته وانا دافعت عنه حرام حلال
- لا طبعا حلال
طيب لو حد قتل شخص دفاع عن النفس او واحده كانت بتتعرض للاغتصاب فقتلت المغتصب حرام ولا حلال
- لا حلال طبعا
= طيب لو عندكم ثأر مثلا واتقتل حد وانت اتهمت فيه ظلم
لانك من الاشخاص الكويسه في عيلتك وعلى الورق انت متهم لكن الحقيقة انت برئ
وانا دافعت عنك وقدرت اثبت الحقيقة هل هنا اتعابى حرام
- لا طبعا حلال
= شوفت بقي انك قولت انه حلال مع ان الجريمة قتل فلازم تفهم الاول
= حاجه كمان فى السلاح مثلا
طيب لو انت ماشى فى الشارع وشديت في الكلام مع ضابط مثلا
فلبسك قضية حيازة سلاح ودافعت انا عنك وطلعتك براءة هل اتعابي هنا حرام
- لا طبعا حلال ده انت انقذت واحد برئ من الظلم
= طيب لو انت مثلا حصل وانك غلطت واتمسكت مثلا بسيجارة مخدر
بس الضابط عملها ليك اتجار وممكن علشان سيجارة تاخد مؤبد
فانا دفعت عنك واثبت انه غرضها كان التعاطي فقط فخففت الحكم هل كده اتعابي حرام
- لا طبعا حلال لان مش معقول علشان سيجارة تاخد مؤبد بس انا اقصد لو كان تاجر مخدرات
= وانت عرفت منين انه تاجر مش لازم يبقي فيه ادلة وقرائن
ماهو مينفعش نحكم علشان التحريات بتقول كده اللي ماهي اللي اقوال مرسله
او علشان شهادة الضابط اللي ممكن تكون كيدية او غير صحيحه وفي حاجات كتير ممكن تتقال بس يطول شرحها
= طيب لو انت مثلا عملت خناقه وانت والشخص ده ضربتوا بعض بعصا
وجاء بقى الشخص ده فبرك تقرير طبي بانك شرحت بطنه وضربته بمطوة وكسرت دراعه
فانا دافعت عنك واثبت التناقض بتاع التقرير وكيدية الاتهامات هل اتعابي هنا حرام انى أثبت الحقيقة
- لا طبعا مش حرام
= اؤمال اذاى انت بتقول انه اتعابنا حرام ؟؟؟!!!
- لا يا عم مش حرام انا اللي كنت فاهم غلط
وده موضوع يطول شرحه ولكن ده رد باختصار

09/08/2024