Legal Assets law firm - الأصول القانونية للمحاماة

15/08/2025

12/08/2025

09/08/2025

كل ما تحتاج معرفته عن قانون الإيجارات الجديد فى 12 سؤال وإجابة فقط
- القانون رقم 164 لسنة 2025م
- القانون رقم 165 لسنة 2025م
* س ١ / ما هي العقود التي شملتها التعديلات القانون الإيجارات الجديد
ج / التعديلات المذكورة تنطبق فقط على العقود المبرمة قَبل ٣١ يناير ١٩٩٦
* س ٢ / هل يعني هذا ان اي عقد حرر في ٣١ يناير ١٩٩٦ وما بعده حتي تاريخه مش سيطبق عليه قانون الايجار الجديد ؟
ج / قولا واحدا اه
* س ٣ / ما هي مدة انتهاء العقود طبقا للقانون 164لسنة2025م ؟
ج / في حالة عدم التراضي علي الايجار الجديد بين المالك والمستأجر أو انهاء العلاقة بالطريق الودي بينهما ؛
تنتهي العقود وفقا لما يلي :-
1- الأماكن المؤجرة لغرض سكني تنتهي مدة إيجارها بعد ٧ سنوات من تاريخ اليوم.. اي تنتهي بتاريخ 2032/8/3م
2- والأماكن المؤجرة لغرض تجاري تنتهي مدة إيجارها بعد ٥ سنوات من تاريخ اليوم.. اي تنتهى بتاريخ 2030/8/3م
* س ٤ / متي سيتم دفع الايجار وفقا للقانون الجديد ؟
ج / بداية من شهر 9 "الشهر القادم" يلتزم المستأجر بدفع قيمة إيجارية قدرها (٢٥٠ جنية) ودي أجرة مؤقتة لحين ما يتم تشكيل لجان حصر لتقسيم المناطق ، وكل منطقه سيكون لها ايجار خاص بها ؛ ثم بعد قرار اللجنة سيكون عليه سداد الفروق المالية المستحقة للمالك تباعا علي اقساط متساوية مع ما قدرته اللجنة ويتبع ذلك زيادة سنوية قدرها 15% تتجدد كل عام .
* س ٥ / ماهيه تقسيم المناطق ؟
ج / تقسم المناطق سيكون وفقا لما يلي (متميزة- متوسطة- اقتصادية)
- *بالنسبة للمناطق المتميزة ستكون قيمة الإيجار بها "عشرين مثل قيمة الإيجار اللي المستأجر يدفعه" بحد أدني ١٠٠٠ جنية.
- *المناطق المتوسطة والاقتصادية ستكون قيمة الإيجار بها " عشرة أمثال قيمة الإيجار اللي المستأجر بدفعه" بحد أدنى ٤٠٠ جنية للمناطق المتوسطة،
و ٢٥٠ جنية للمناطق الاقتصادية.
* س ٦ / وماذا بعد تقسيم المناطق ؟
ج / بعد ما يتم تشكيل لجان حصر ويتم تقسيم المناطق وتحديد القيمة الإيجارية، اذا كان في فلوس زيادة مستحقه علي المستأجر فسيدفعها للمالك على شكل أقساط شهرية متتابعة مع ما قررته اللجنة حتى انتهاء المدة المقررة للإخلاء.
* س ٧ / كم قدر الزيادة السنوية علي القيمة الإيجارية ؟
ج / القيمة الإيجارية التي ستحددها لجان الحصر والتقسيم، ستزيد سنويًا زيادة متتابعة "مركبة" بنسبة ١٥٪؜ تضاف سنويا للقيمة الإيجارية حتي انتهاء المدة المقررة للإخلاء .
* س ٨ / متي يحق للمالك طرد المستأجر ؟
ج / اذا كان المستأجر قد أغلق العين المؤجرة له لمدة تزيد عن سنة بدون مبرر أو عنده وحدة سكنية تانية يمكنه السكن بها، سيكون ملتزم بإخلاء العين وتسليمها للمؤجر، وإذا رفض الإخلاء يكون للمؤجر الحق في اتخاذ الإجراءات التي حددها القانون 165 لسنة 2025م لطرده .
* س 9 / هل هناك اخلاء قبل مرور(7) سنوات بالنسبة للاماكن المؤجرة لغرض السكنى و(5) سنوات لغير غرض السكنى "
ج - هذا مرجعه لطرفيّ العلاقة :
(أ) إذا اراد طرفيها إنهاءها بالطريق الودي بينهما .
(ب) إذا وجد سبب قانوني للإخلاء وتقدم به المالك للمحكمة وقضي بالإخلاء.
(ج)خلافا لما تقدم لا إخلاء الا اإذا تمت المدة المحددة في القانون بإنقضاء (7) سنوات بالنسبة للاماكن المؤجرة لغرض السكنى و(5) سنوات لغير غرض السكنى "
* س10 / هل هناك امتيازات حددها القانون لمن أخلي العين المؤجرة له خلال هذه المدة او بعد انقضائها ؟
ج - يكون لكل مستأجر أو من امتد إليه عقد الإيجار وقبل انقضاء المدة المحددة لانتهاء العقود أحقية في تخصيص وحدة سكنية أو غير سكنية ، إيجارًا أو تمليكًا ، من الوحدات المتاحة لدى الدولة،
وذلك بطلب يقدمه المستأجر أو من امتد إليه عقد الإيجار مرفقا به إقرار باخلاء وتسليم العين المؤجرة فور صدور قرار التخصيص واستلام الوحدة
* س 11 / هل هناك إخلاء قبل مرور(7) سنوات بالنسبة للاماكن المؤجرة لغرض السكنى؟
ج - يحق للمالك طلب الإخلاء الفوري (عن طريق قاضي الأمور الوقتية) إذا كانت الوحدة مغلقة أكثر من سنة أو إذا امتلك المستأجر وحدة أخرى مناسبة .
* س 12 / هل للمستأجر ان يمتنع عن دفع الزيادة المقررة وفقا للقانون الجديد ١٦٤ لسنة ٢٠٢٥ ؟
ج / إذا امتنع المستأجر عن سداد الاجرة المستحقة طبقا للقانون أو احدي ملحقاتها يكون للمالك إنذاره بتكليفه بدفع الزيادة على يد محضر ؛ فان لم يمتثل فيحق للمالك اتخاذ الاجراءات القانونية الكفيلة بطرده من العين مع الزامه بهذه الاجرة والتعويض متي رأت المحكة وجها لذلك التعويض .

لو عندك اى استفسار ؟ اسال مستشارك القانونى ابراهيم سعد المحامى ⚖️
جاهز دائما لجميع الاستفسارات والاستشارات القانونية

04/08/2025

🚨 #ايجار قديم| عاجل: أجرة شهر 9.. وأجرة شهر 10.. وحساب الزيادة 15% – سكني فقط

📌 تم نشر قانون الإيجارات الجديد برقم (164) لسنة 2025

⏪ الأجرة اللي هتدفع في 1/9/2025 هي 250 جنيه لأي مكان بيدفع أقل من كده... كل اللي بيدفع أكتر من كده هيفضل زي ما هو.

⏪ لو اللجان اتأخرت في تصنيف منطقتك؛ هتفضل تدفع 250 جنيه زي ماهيا في 1/10 لحد ما اللجنة تعلن التصنيف.. ومن أول الشهر اللي بعد التصنيف؛ الأجرة هتبقى كالتالي:

⭕ المنطقة المميزة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 20 ضعف..
مثال: لو بتدفع 65 جنيه كأجرة قانونية،
يبقى الحسبة كده: 65×20= 1300 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×20= 300 جنيه
الـ300 جنيه أقل من الحد الأدنى اللي لازم تدفعه اللي هو 1000:
يبقى هتدفع 1000 جنيه.

⭕ المنطقة المتوسطة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 75 جنيه كأجرة قانونية،
يبقى الحسبة كده: 75×10= 750 جنيه.

2️⃣ الفرض التاني: أجرتك القانونية مثلا 35 جنيه؛
تبقى الحسبة كده: 35×10= 350 جنيه
الـ350 جنيه أقل من الحد الأدنى اللي لازم تدفعه اللي هو 400:
يبقى هتدفع 400 جنيه.

⭕ المنطقة الاقتصادية (الشعبيات)
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 150 جنيه كأجرة قانونية،
يبقى الحسبة كده: 150×10= 1500 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×10= 150 جنيه
الـ150 جنيه أقل من الحد الأدنى اللي لازم تدفعه اللي هو 250:
يبقى هتدفع 250 جنيه.

⭕ الزيادة السنوية 15%
- اعتبارا من 1/9/2026 تبدأ زيادة 15% على الأجرة؛ بمعنى لو بتدفع 1000 جنيه،
هتبقى الأجرة بعد الزيادة 1150 أول سنة،
والسنة التانية هتتحسب على 1150 مش على 1000؛
بمعنى (1150×15) / 100 = 172.5 + 1150 =1322.5 جنيه
- ولما نيجي نحسب زيادة السنة التالته هتتحسب على آخر أجرة اللي هي 1322.5 جنيه
- وهكذا...

⛔ ملحوظة: الأجرة القانونية هي أجرة لجان تحديد الأجرة المؤشر بها على العقد من لجان تحديد الأجرة في زمن تحرير العقد القديم أو الثابتة في دفاتر الضرائب العقارية (العوايد).. أو الأجرة اللي حددتها المحكمة بموجب حكم قضائي..

⛔ توضيح أكثر: متدفعش الأجرة اللي مكتوبة في العقد ولا الاتفاقية اللي بينك وبين المالك.. لكن ادفع الأجرة القانونية بعد ما تضربها في المضاعفات زي ما شرحنا فوق..

⛔ نصيحة: عند الاختلاف؛ لازم تسأل محامي متخصص في الايجار القديم على وجه السرعة.

04/08/2025

تم التصديق علي قانون الايجارات القديمه
ونشره في الجريدة الرسمية برقم ١٦٤ لسنة ٢٠٢٥

20/07/2025

المستندات المطلوبه لطلب محو القضايا
يذكر ان الطلبات تقدم في كليه الشرطة بالعباسية

02/07/2025

أهم نقاط قانون الإيجار القديم

▪️ فترة انتقالية:
7 سنوات للسكني – 5 سنوات لغير السكني، وبعدها تُنهى عقود الإيجار القديم.

▪️ بعد الفترة الانتقالية:
العلاقة الإيجارية تخضع للقانون المدني (عقد جديد بإرادة الطرفين).

▪️ زيادات الإيجار:
• 20 ضعف القيمة الإيجارية بالمناطق المتميزة (حد أدنى 1000 جنيه).
• 10 أضعاف بالمتوسطة (حد أدنى 400 جنيه).
• 10 أضعاف بالاقتصادية (حد أدنى 250 جنيه).
• 5 أضعاف لغير السكني.
• زيادة سنوية 15% خلال الفترة الانتقالية.

▪️ حالات جديدة للإخلاء:
• ترك العين مغلقة أكثر من سنة.
• امتلاك وحدة صالحة لنفس الغرض.

▪️ وحدات بديلة من الدولة:
للمستأجرين بنظام الإيجار أو التمليك بأولوية في التخصيص مقابل إقرار بالإخلاء.

📍 القانون يسري بعد نشره في الجريدة الرسمية

02/07/2025

النص الكامل لقانون الإيجار الجديد عقب إقراره من مجلس النواب

12/02/2025

الاستعلام عن حسابات الشخص المتوفى فى البنوك

20/08/2024

بيان بأسماء البنوك المسجلة لدى البنك المركزي المصرى و عنوان المركز الرئيسى لهم .