05/09/2026
إمبارح كان فية جنازة ، بعد الجنازة ما خلصت بليل الناس جابوا الخشبه الفاضيه وحطوها قدام باب المسجد ،
واحد من أهل المنطقة نزل المسجد الساعة 3 الفجر علشان يصلي ركعتين قيام ليل .
ملقاش عامل المسجد خالص
قعد مستني شوية ، لقي الجو برد وكان هو مخفف راح طالع فوق الخشبه وفتحها ودخل نام جواها .
متعرفش إزاي جاله قلب ينام جواها؟
عم عاطف عامل المسجد جه فتح المسجد وشغل إذاعة القرآن الكريم .
وبدأ يجر الخشبه لوحدة جوة المسجد مسافه قريبه جدا والارض سيراميك فسعدته على جرهه بسهوله وصاحبنا نايم فى ملكوت الله وعم عاطف اصلا سمعه تقيل
لغاية لما دخل الخشبه فى مكانها ناحية القبلة متطرفه أقصي اليمين .
عم عاطف أقام الصلاة حظي الإسود جه فى إني واقف قصاد الخشبه علي طول .
كنت واقف وجنبي راجل فوق الخمسين سنة ناحية اليمين ، وواحد شاب قدي فى العمر ناحية الشمال .
الإمام قرأ الفاتحة وأنا بأمن ، الواد اللي جنبي حس إن الخشبه بتتحرك ،
بصلي كدة وقلي : " الحق الخشبه بتتحرك " أنا مقدرتش امسك نفسي من الضحك .
قطعت الصلاة وقلت لية " أنت أهبل يالا ؟!!
كبرنا تكبيرة الإحرام وعمك الإمام بيقرأ فى سورة النجم . فجأة لقيت الخشبه بتتحرك وواحد بيرفع الغطا تخيل إنت بتصلي ولقيت واحد طالع لك من الخشبه وبيفرك فى عنية وبيتاوب وبيبصلك ويقولك " هو انتوا أقمتوا الصلاة يا بشمهندز؟"
الراجل اللي كان ناحية اليمين وقع علي الأرض من الرعب ، أنا جريت من المسجد حافي ، والواد اللي كان بيصلي جنبي ناحية الشمال بيجري ورايا حافي هوا كمان .
أنا وصلت بيتنا فى زمن قياسي وطول الطريق عمال أقرأ الشهادتين .
الواد كمل الطريق وهو علي لسانة " يا جدعان ... الراجل طلع من الخشبه ، ده انا اول مرة أصلي الفجر فى حياتي يا ولاد الكلب" وكمل جري وهو حافي
انا أول ما دخلت البيت قفلت جميع الشبابيك والابواب ونزلت تحت البطانية ومسكت المصحف .
المهم انا لغاية دلوقتي مجبتش الشبشب حد يجبلى الشبشب 😂😂😂😂
شايفك يلي بتضحك 😂😂😂😂 وانا بقراها كنت هافطس م الضحك نقلتهالكم عشان تضحكوا أنتم كمان
