Moamen Mamdouh مؤمن ممدوح

07/09/2026

07/09/2026

مينفعش تربط مدى حبك لبلدك بمستوى المعيشة بتاعتك
#مصر #ترند

07/09/2026

الطاقه بتفنى يا أينشتاين يا لئيم .

03/09/2026

مش هتعرف تعمل منه صيني 😉🇪🇬
#مصر #الصين

03/09/2026

صباح الخير
الموضوع ده مهم جداً
معتز مطر بيهبد

أنا مختلف مع كلام معتز مطر عن إن وجود Huawei والـCloud والـAI Data Centers في مصر معناه إننا "سلمنا البلد للصين" أو فتحنا الباب للتجسس.

خلينا نفصل السياسة شوية ونتكلم Technology.

الـData Center مش معناه إنك بتدي بياناتك للشركة اللي صنعت الـInfrastructure.

النهاردة تقريباً كل الدول اللي عايزة تدخل عصر الـAI بتحاول تبني Compute Infrastructure وData Centers على أراضيها.

ليه؟

لأن بياناتك بدل ما تسافر وتتخزن في Data Centers خارج بلدك، يبقى عندك Infrastructure جوة مصر.

وده مهم جداً للـData Residency والـLatency والـCloud والـAI، وكمان لجذب الشركات والإستثمارات وبناء صناعة تكنولوجية حقيقية.

"سواء كنت بتتفق أو بتختلف مع الحكومة، الموضوع دولة"

Huawei بالفعل أفتتحتCloud Region في القاهرة سنة 2024، وأعلنت إستثمار 300 مليون دولار على 5 سنين، ودعم شركات Software مصرية وتدريب آلاف المطورين والمتخصصين.

والأهم إن مصر مش بتتعامل مع Huawei بس.

يوم 1 سبتمبر 2026 مثلًا، الحكومة أعلنت تعاون مع Cisco لدعم إستراتيجية مصر للذكاء الأصطناعي، وفي نفس اليوم كان فيه إجتماع مع تحالف أمريكي لإنشاء مشروع Data Center عالمي في مصر.

يعني الموضوع مش ببساطة "مصر اختارت الصين وسلمتها بياناتها".

وفيه فعلاً تقارير إن Huawei قدمت عرض لمصر لبناء AI Data Centers بإستخدام Ascend AI chips، لكن تقديم عرض شيء، والقول إن مصر سلمت بيانات الحكومة أو أسرار الدولة للصين شيء تاني تماماً ويحتاج دليل.

مصر تملك الـData.
مصر تتحكم في Encryption Keys.
مصر تتحكم في Privileged Access.
الـSensitive Data ما تخرجش خارج مصر.
يكون فيه Security Auditing وNetwork Segmentation.
وما نعتمدش على Vendor واحد سواء كان صيني أو أمريكي.

لأن السؤال الحقيقي مش:

Huawei صيني ولا أمريكي؟

السؤال الحقيقي:

مين مالك الـData؟
مين ماسك الـEncryption Keys؟
مين عنده Admin Access؟
والـData بتخرج فين؟

بالعكس، لو مصر عايزة تبقى لاعب حقيقي في الـAI في أفريقيا والشرق الأوسط، فهي محتاجة Data Centers وCloud Regions وAI Compute جوه مصر، مش أقل.

ننتقد الاأفاقيات ونراجع الأمن القومي؟ 100%.

لكن نقول Data Center = تجسس = تسليم البلد؟ أنت بتهبد يامعتز كل الدول عندها تعاقد مع شركات زي دي كتير وبتجيب الداتا سنتر علي أراضيها دي حاجة جامدة جداً

#مصر #الصين #ترند #مصر

02/09/2026

خذوا دائماً ما يليق بكم ويوازي أرواحكم، من حلم، وأشخاص، وحتى كلمات
#شتاء #مصر

02/09/2026

🇪🇬🇪🇬🇪🇬🇪🇬

24/08/2026

فِي إنتظار ديسمبر
وليالي الشتاء الجميلة🌧️♥️...



#مصر #شتاء

23/08/2026

تعالى أقولك مرتب 50,000 جنيه يعملك إيه في مصر لو متجوز...

أول حاجة نبدأ بالأساسيات، باقة نت محترمة ليك وللمدام، ومعاها شوية رصيد ومكالمات، قول 1,500 جنيه.

فاضل معانا 48,500 جنيه.

كهرباء وماية وغاز على فردين، ومعاهم شوية مصاريف خدمات، قول 2,000 جنيه.

فاضل معانا 46,500 جنيه.

طلبات أكل، خضار وفاكهة، لحوم وفراخ، منظفات، مستلزمات البيت، وحاجات المدام اللي بتظهر فجأة في السوبر ماركت، قول 9,000 جنيه.

فاضل 37,500 جنيه.

نيجي للمواصلات والبنزين أو المواصلات العامة، ومشاوير الشغل والبيت، قول 4,000 جنيه.

فاضل 33,500 جنيه.

وطبعًا لازم يبقى فيه بند للهدوم والعناية الشخصية، حلاقة، برفان، جزمة، تيشيرت، قول 3,000 جنيه.

فاضل 30,500 جنيه.

قول كمان خروجة محترمة كل أسبوع، قهوة وأكل وسينما ولا أي فسحة تخرجوا بيها من جو البيت، 7,000 جنيه في الشهر.

فاضل 23,500 جنيه.

وطبعًا بما إنك متجوز، لازم يبقى فيه مبلغ للطوارئ والحاجات اللي بتطلعلك من حيث لا تدري... كشف، دواء، تصليح حاجة في البيت، هدية، مناسبة، أي مصيبة صغيرة كده. قول 4,500 جنيه.

فاضل 19,000 جنيه.

نيجي بقى للحركة الذكية...

حط 14,000 جنيه في جمعية لمدة 10 شهور، هتقبض في الآخر 140,000 جنيه، وتكون عامل لنفسك مبلغ محترم بدل ما الفلوس تتبخر منك.

كده فاضلك 5,000 جنيه في الشهر مصروف حر ليك.

يعني بعد ما دفعت نت وكهربا وماية وغاز، وأكل وشرب، ونضفت بيتك، وروحت شغلك، واتفسحت مع مراتك، واشتريت هدوم، وحاطط للطوارئ، وكمان داخل جمعية...

لسه معاك 5,000 جنيه.

فبلاش حد يقعد يقولك:
"أنا بقبض 50 ألف ومش عارف أتجوز."

يا حبيبي أنت مش محتاج تبقى مليونير عشان تبدأ بيت، أنت محتاج تعرف ترتب أولوياتك وتعيش على قد دخلك.

وطبعًا كل واحد ظروفه مختلفة، والأسعار بتختلف من بيت لبيت، بس الفكرة إنك توازن أمورك بدل ما كل مرتبك يختفي في أول أسبوع.

ولو مرتبك 50 ألف ومخطط صح، تقدر تعيش، وتستمتع، وتحوش، وتعمل لنفسك مستقبل كمان.

إنت مش متأخر ولا حاجة...
إنت بس محتاج تمسك ورقة وقلم وتحسبها صح ❤️
#مصر #الجواز