28/04/2018
مشكلة واردة :
لو سمحت تعرض مشكلتى انا ابونا وامى منفصلين وحبيت واحد واتقدملى واهلى مفوقوش بيه قعدت سنين مش قادره احب غيره لحد ما اتقدملى جوزى لقيته كويس بس معندوش شقه قالى هنتجوز مع امى وابويا مكنش موافق لكنى وافقت عشان امه كانت كويسه معايا بعد الجواز اتغيرت وكرهتنى فى حياتى وظلمتنى كتير غير انها كرهته فيا وكان يعرف بنات كتير ولما اعرف واشتكيلها كانت تقولى راجل يعمل اللى هو عايزه لحد ما عرف واحده وحبها وقرر ببنه وبين نفسه انه يطلقنى مع انى كنت مستحملهاهم عشان ابنى بس هو عشان بتجوز لازم بفضى الشقه لدرجه انى قولتله اجرلى شقه واقعد فيها انا وابنى واتجوز مع امك وانا هشتغل واصرف على ابنى مرداش وطلقنى وعاوز يتجوز على حاجتى مش راضى يدينى حقوقى اهلى قالولى احنا مش بتوع محاكم ومش عايزين منه حاجه واديله ابنه وانا اتظلمت اوووى وعاوزه اعرفه ان بنات الناس مش لعبه ومش عايزه اتنازل عن حقى هو دلوقتى حتى ابنه مش بيبعتله فلوس عاوز كل فتره يشوفه ويجبله بسكوت وشيبسى وخلاص اعمل ايه معاه
