https://www.facebook.com/108078155091296/

الاستاذ / احمد الغباشي _ Ahmed Elghobashy, Alexandria (2026)

27/09/2022

حكم " طلاق لإستحكام الخلاف " اثناء نظر دعوى اعتراض علي انذار طاعة
لصالح مكتبي ❤️ الحمدلله

05/05/2022

⬅️لما تلاقي الضابط كاتب في محضره:- وتوجهنا نحو المتهم وهو ( معلوم لدينا ). #فالجملة دي بيترتب عليها بالتبعية - إن الضابط أيضاً معلوم لدى المتهم .
#النتيجه دي حاول تستفيد بيها وتوظفها حسب ظروف القضية.
⬅️ يعني مثلا:- لما الضابط يقول إنه شاهد المتهم يبيع المخدرات فتظاهر بالشراء ، وقام بضبطه متلبساً . يبقى أقوال الضابط غير منطقية ، لأن الضابط معلوم لدى شخص المتهم ، فأكيد مجرد ما المتهم هيشوفه كان هيسرع بالهرب .
⬅️ نفس الوضع أيضاً لو الضابط كتب ، أنه قام بمراقبة المتهم ( مراقبة شخصية ) ، ورجع في محضره و ذكر أنه أستعان لإرشاده على شخص المتهم أثناء ضبطه ، حيث أشار له ( اي للضابط ) على المتهم ، فقام الضابط بضبط المتهم متلبساً.
⬅️ فأيضاً الكلام هنا غير منطقي ، لان مراقبة الضابط للمتهم ( مراقبة شخصية ) ، ليها دلالة أن المتهم معلوم لدى الضابط ، يعني يعرف اسمه وشكله وعنوانه .. الخ.)) #فيصبح من غير المقبول - «منطقياً» - أن يستعين الضابط بمرشده السري لتحديد
شخصيه المتهم

11/02/2022

🔴 أكيد السؤال ده جه في دماغك!!
هي أحراز المخدرات بتروح فين ؟ |

🔴 بالنسبة لما يتم ضبطه من مواد مخدرة يتم حفظه بمخزن أحراز النيابة العامة إذا كانت الكمية صغيرة، أما إذا كانت كمية كبيرة، فيتم أخذ عينة منه وإرسالها للطب الشرعي لفحصها، وحفظ باقي الكمية في مخازن الأحراز بأقسام الشرطة تحت تصرف النيابة وتحت حراسة أمنية مشددة، وبعد الفصل في القضايا يكون الحكم في أي قضية سواء الإدانة أو البراءة يشمل المصادرة أي مصادرة المواد المخدرة المضبوطة، وبعد انتهاء القضايا الخاصة بهذه الأحراز بصدور حكم نهائي وبات بعدها تصدر النيابة العامة قرارا بإعدام المواد المخدرة الخاصة بتلك القضايا.

🔴 ويتم تشكيل لجنة للإعدام تضم رئيس نيابة ولواء شرطة ومسؤولا عن مخازن الأحراز بعد ذلك تنقل إلى المخزن العام في ميناء الإسكندرية، حيث يتم إعدامها حرقا في أفران خاصة بعيدة عن الكتلة السكنية بعد جردها والتأكد من مطابقتها للبيانات المثبتة في محاضر التسليم والتسلم سواء كانت "بانجو أو حشيش"

🔴 أما الأفيون فإنه يرسل إلى وزارة الصحة لاستخراج بعض المشتقات منه وإدخالها في صناعة الأدوية، خصوصا مسكنات الألم، ونفس الشيء بالنسبة للأدوية والعقاقير المدرجة في جداول المخدرات بعد التأكد من صلاحيتها، وذلك طبقا لنصوص المواد 481 و 487 من قانون مكافحة المخدرات .

11/02/2022

... علشان بس فى ناس كتير مش فاهمه الموضوع صح

#اولا .. مش شرط علشان الزوج يرفع قضيه زنا يكون شاف مراته فى حالة تلبس مع حد ده مفهوم خاطيء تمام حالة التلبس دى أحد مصادر الإثبات مش اكتر .. ؟؟ يعنى ايه مش فاهمين .. ؟؟ افهمك يعنى لو الزوج قدم اى دليل من شأنه يدل على أن هناك علاقه بين الزوجه واحد الأشخاص يتفهم منها بوقوع علاقه محرمه أو غير شرعيه تعتبر جريمة الزنا قائمه .. زى ايه مثلا .. ؟؟ أقولك زى مثلا مراسلات صور فديوهات شهود أو أو أو كل ده لو توافر واتفهم منه أن هناك علاقه بين الزوجه واحد الأشخاص يحق له أقامة دعوى الزنا

#ثانيا .. شروط قضيه الزنا ايه .. ؟؟

1 - أن الزوجه تكون مازالت فى عصمت زوجها .. يعنى ماتكنش مطلقه طلقه بائنه أو رجعيه وانتهت عدتها ولو لسه مانتهتش تبقى لسه مراته

2 - أن يكون الزواج صحيح وليس فاسد يجوز تحريك الجنحه حتي لو كان الزواج عرفي

3 - الزوج له ثلاث شهور لتحريك قضيه الزنا من تاريخ علمه بالجريمة أو اكتشافه الادله الداله على ذلك غير كده القضيه تسقط وماينفعش يرفعها ولو رفعها تترفض

4 - لازم القضيه علشان تترفع يكون بناء على توكيل خاص أو الزوج بشخصه غير كده تاخد عدم قبول

5 - يجوز التنازل عن القضيه دى فى أى مرحله كانت عليه الدعوى حتى ولو كان الحكم نهائى

#الخلاصه ... مش شرط الزوجه تكون ملتبسه فى قضيه الزنا وفى شهود علشان القضيه تترفع ولازم التأكد من تلك الشرط علشان القضيه ماتترفضش ....

20/01/2022

هاااااااااااااااااام بقضاء النقض
الأشياء الفاقدة المعثور عليها . الأصل ردها إلى صاحبها . تعذر ذلك . مؤداه . تسليمها للشرطة أو جهة الإدارة المختصة خلال ثلاثة أيام من تاريخ العثور. التسليم . أثره . حصول من عثر عليها على مكافأة بنسبة ١٠ % من قيمتها يدفعها صاحبها أو تخصم من ثمن بيعها بمعرفة جهة الإدارة

18/01/2022

🇪🇬😉⚖️
وأنت بتكتب أي عقد
سواء كان العقد ده بيع أو ايجار أو مشاركه أو اتفاق ..

📌١ - العقد مش بيبقى باطل لو من غير شهود موقعين عليه المهم توقيع الشخص البائع مش الشهود لكن طبعاً الشهود بتدعم موقفك وتقدر تستعين بيهم عند نشوء اي منازعه من البائع.

📌٢ - العقد لازم يتكتب فيه تاريخ مينفعش يكون فاضى وحضرتك تقول نبقى نكتب التاريخ بعدين

📌٣ - لازم تكتب ثمن الشئ المبيع، مفيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

📌٤ -التوقيع على كل صفحات العقد مش على اخر صفحه بس سواء بائع أو مشترى تمضى على كل ورقة ياريت ماتستسهلش وتكسل

📌٥ - قولنا مليون مرة فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى اتسجل

📌٦ - مافيش حاجه اسمها تنازل على ظهر العقد ويبقى كده اشتريت ... اشتريت يعنى اعمل عقد بيع وشراء

📌٧ - ياريت لما حضرتك تشترى شقة
أو تأجر تاخد آخر إيصالات مياه وكهرباء وغاز علشان لو المشترى باعلك مش حتشوف وشه تانى وغصب عنك هتدفعهم

📌٨ - صحه التوقيع مهمة وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماتندمش بعد كده
وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

📌٩ - لو حضرتك اشتريت شقه تمليك ومالكش حصة فى الارض والبيت وقع كده حضرتك مالكش اى حاجه يعنى حضرتك اشتريت حيطان بس. ودي نقطه مهمه جدا

📌١٠ - لو اشتريت شقه من واحد والشخص ده اتوفى بعد ماباع لك من حقك ترفع صحة توقيع على ورثته عادى تقدر تختصمهم في الدعوى والحكم يصدر في مواجهتهم.

📌١١ - عقد الإيجار ممكن يتعمل عليه صحه توقيع لو مدة الإيجار اكتر من ٩ سنوات ولو أقل من كده يبقى إثبات تاريخ في الشهر العقارى.

📌١٢ - ياريت قبل ماتشترى شقه تسأل هل صدرلها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض وهتدخل في دوامه انت في غنى عنها.

📌١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحه توقيع للعقد المحكمه لازم يكون قدامها أصل العقد وطبعا المحامى مش حيقدر يسحب الأصل غير لما القضيه تخلص ...

📌١٤ - على فكره عادى جدا انك ترفع دعوى صحه توقيع على عقد ابتدائى أو عقد لسه عليه أقساط مافيهاش مشكله.

📌١٥- ارجع المحامي بتاع حضرتك للاطلاع على تسلسل الملكية ( الايلوله) وخالي المحامي بتاعك هو اللي يكتب لك العقد ده شغله 😉❤️

18/01/2022

تختص دعوى الفرز والتجنيب بمشكلة محددة هي وجود مال شائع بين عدة أفراد أيا كان مصدر أو سبب هذا الشيوع .. ميراث - بيع - وصيـة - هبة - تقادم المكسب للملكية والهدف منها إنهاء هذه الحالة واستئثار كل مالك علي الشيوع بنصيبه مفرز.

ويعتبر السبب الأساسي لظهور الملكية الشائعة هو الميراث إذ تنتقل ملكية أموال التركة الي الورثة علي الشيوع وكثيراً ما يستمر الورثة في هذا الشيوع ولمدد طويلة، وهذه المدد الطويلة تسمح بتزايد عدد الشركاء بسبب موت بعضهم وحلول ورثتهم محلهم.

14/01/2022

1- وفاة المتهم:- إذا توفي المتهم سواء كان فاعلاً أصلياً أم شريكاً في الجريمة فإنه يترتب على وفاته انقضاء الدعوى الجنائية بالنسبة له ولا أثر لوفاته على بقية المساهمين الآخرين معه في ارتكاب الجريمة. ولا أثر لوفاة المتهم على الدعوى المدنية المترتبة على الجريمة وتظل قائمة وحدها أمام القضاء المدني مادامت قد رفعت مع الدعوى الجنائية
--------------------------------------
2- العفو عن العقوبة:- وهي صلاحية مخولة لرئيس الجمهورية يكون له بمقتضاها حق إسقاط العقوبة كلها أو بعضها أو إبدالها بعقوبة أخف منها مقررة قانونا ولا تسقط العقوبة التبعية ولا الآثار الجنائية الأخرى المترتبة على الحكم بالإدانة ما لم ينص في أمر العفو على خلاف ذلك.
--------------------------------------
3- العفو عن الجريمة:- يعنى تجريد الفعل من الصفة الإجرامية فيصبح كما لو كان فعلاً مباحاً وهو لا يكون إلا بموجب قانون.
--------------------------------------
4- مضي المدة " التقادم ":- يرتب القانون على مضي مدة معينة على ارتكاب الجريمة دون اتخاذ إجراءات فيها سقوط الدعوى الجنائية بالتقادم.
تنقضي الدعوى الجنائية بالتقادم في مواد الجنايات بمضي عشر سنين وفي مواد الجنح بمضي ثلاث سنين وفي مواد المخالفات بمضي سنة واحدة وذلك من تاريخ أخر إجراء تم في الدعوى.
وانقطاع مدة التقادم تُعني سقوط المدة التي انقضت منه وبدء سريان مدة جديدة وذلك نتيجة إجراء من إجراءات الدعوى الجنائية التي حددها القانون على سبيل الحصر.
ويترتب على انقطاع مدة التقادم سقوط المدة التي تكون قد مضت من يوم وقوع الجريمة إلي يوم الانقطاع ووجوب احتساب مدة جديدة كاملة من اليوم التالي لهذا الإجراء وإذا تعدد المتهمون فإن انقطاع المدة بالنسبة لأحدهم يترتب عليه انقطاعها بالنسبة للباقين.
--------------------------------------
5- الحكم البات:- هو السبب الطبيعي لانقضاء الدعوى الجنائية فتنقضي الدعوى الجنائية بالنسبة للمتهم المرفوعة عليه بصدور حكم نهائي فيها بالبراءة أو الإدانة.

10/01/2022

مكتب الأستاذ/ احمد الغباشي
🇪🇬⚖️
_ _ _ _ _ _ _ _ _ _ _ _ _ _ _ _ _ _ _ _ _
نقدم لكم كافة الاستشارات القانونية وأعمال المحاماة من خلال عمل مميز متخصص فى:-
———————————————————
قضايا الأسرة بكافة أنواعها.
المحاكم الجنائية، المحاكم العسكرية.
المحاكم المدنية ، تأسيس الشركات ، وعمل كافة انواع الاعمال الادارية ، استخراج البطاقات الضربية والسجل التجارى
===========================
لو عندك أي استفسار أو مشكلة تواصل معنا عبر رسائل الصفحة أو على أرقام مكتبنا أو الواتساب
📞 ٠١٢٠١٩٠٤٥٩٠
===========================
أو زورنا في مقر مكتبنا :-
🏠 الإسكندرية : ش السعداء - من ش ابوسليمان - ثاني الرمل

10/01/2022

ُطلقة_طلاق_للضرر

️عندما يقع ضرر مادي أو نفسي ويتم إثباته وتُطلق الزوجة طلقة بائنة للضرر يحق لها في هذه الحالة ما يلي:-

نفقة العدة:- هي في حقيقتها نفقة زوجية لأن المطلقة تعد في حكم الزوجة وهي تشمل المأكل والملبس والمسكن وتبدأ نفقة العدة من تاريخ وقوع الطلاق وتسقط نفقة العدة في حالة نشوز الزوجة أو ارتدادها عن الإسلام أو وفاة المطلقة بعد القضاء بها.

نفقة المتعة:- هي في حقيقتها تعويض وجبر ضرر لخاطر المطلقة، وتعويض عن آلامها النفسية التي لحقت بها من طلاقها ولا تُعطى المتعة لمطلقة في طلاق رجعى، لكنها تستحق نفقة المتعة عند التطليق بحكم نهائي وتستحق المطلقة نفقة متعة بحد أدني سنتين.

مؤخر الصداق:- تستحق المطلقة للضرر الحصول على مؤخر الصداق المكتوب في قسيمه الزواج ، وان لم يذكر تأخذ بالمثل.

قائمة المنقولات:- قائمة المنقولات هي ملك للزوجة تُسلم للزوج بموجب أحد عقود الأمانة ويحق للزوجة الحصول عليها عند الطلاق للضرر وإذا امتنع الزوج عن ردها فهنا يعرض نفسه لعقوبة الحبس.

07/01/2022

الجمعه الاولى من العام ❤️
اللهم نسالك التوفيق ورزق الخير
واجعلنا عون للمظلومين ⚖️

الاستاذ / احمد الغباشي _ Ahmed Elghobashy

27/09/2022

05/05/2022

11/02/2022

11/02/2022

20/01/2022

18/01/2022

18/01/2022

14/01/2022

10/01/2022

10/01/2022

07/01/2022

Address

Telephone

Website

Alerts

Shortcuts

Share

Category