24/08/2025
ايه أهم المعايير اللي مفروض حضرتك تتبعها وانت بتشتري شقة ؟!
اولا : اهم معيار حضرتك لازم تفكر فيه وانت بتشتري شقة ان ورقها يكون كامل وسليم بداية من سند ملكية الأرض وتسلسل عقود الأرض والرخصة والتوكيلات الخاصة بالشقة ونماذج التصالح والعقود المشهرة إن وجدت .
ثانيا : مكان الشقة سبب جوهري للشراء ودايما النصيحة لو حضرتك بتشتري وفي شقتين بتفاضل بينهم فالأولى للمكان الأفضل مش المساحة ولا السعر لو متقارب . مثلا بحري السكة من فيكتوريا للمندرة افضل من قبلي لكن في أماكن في قبلي افضل من بعض أماكن بحري وبالتالي لازم تنزل المكان والشارع تحديدا اكتر من مرة قبل الشراء ويكون صباحا جدا ومساءا وخلافه .
ثالثا : المعيار الثالث الثمن ، كل ما ثمن الشقة يوصل لرقم معين لازم يكون في ضمانات معقولة يعني شقة تحت ٥٠٠ ألف وبناء جديد غالبا مش هتلاقي رخصة فحاول تختار حاجة معمول لها تصالح ولو رينج السعر تخطى مليون فحاول تختار حاجة ليها رخصة ومش شرط تشتري في دور الرخصة المهم يكون اساس العقار صادر له رخصة ولو رينج السعر أعلى فلازم ضمانات اكتر زي وجود عقود مسجلة او مشهرة او وجود رسم مساحي للشقة وغيره .
رابعا : المعيار الرابع والمهم وجود العدادات ، دايما الشقة كاملة العدادات وضعها افضل من ناقصة العدادات ، احيانا وانت بتشتري يقال لك المياه مجمع وسهل تدخل عداد وأحيانا بيكون الموضوع أصعب من ثمن عداد فممكن يكون على العمارة مديونية مجمع مياه او مقايسة لسه متدفعتش وبالتالي وجود ثلاث عدادات امر مهم جدا وطبعا لا ننصح بالشراء في حالة عدم وجود عداد كهرباء إلا إذا تعهد البائع بإدخاله قبل الشراء .
خامسا : العقار الجديد والقديم الأفضل دايما تشتري في عقار جديد وجديد هنا مش معناه يكون من سنتين مثلا ، جديد يعني عقار حالته سليمة وواضحة بناء التسعينات وما بعد ذلك افضل خيارات الشراء ونقطة جوهرية، العقارات القديمة سعرها بيزيد بشكل بطيء جدا عكس العقارات الجديدة سعرها بيتضاعف بشكل أسرع .
سادسا : ابعد عن مناطق التوسعات والازالات والقريبة من الكباري والطرق السريعة لان غالبا هتكون عرضة الفترة الجاية للازالات للنفع العام . واخيرا مش معنى انك بتشتري من شركة ان وضعك هيكون آمن ١٠٠% بالعكس (ممكن السعر يزيد عليك مضاعف - ممكن متستلمش في الميعاد المتفق عليه - ممكن الشركة تقفل وانت معكش اي ضمانة استرداد - ممكن الشركة متلتزمش بالمرافق والخدمات وورقها يكون ناقص او فيه مشاكل)
وأثناء كل ده لازم يكون مع حضرتك محامي متخصص في الشئون العقارية من حيث فحص سندات الملكية وتسلسل العقود والتوكيلات والكشف عن العقار والشقة في الجهات الرسمية والحكومية للتأكد من وضع الشقة وكتابة العقد بأهم ضمانات وبنود حماية الحق واتباع النظام السليم في دفع العربون ثم الثمن واتمام توكيل التنازل وتحرير محضر استلام الشقة واخيرا البدأ في خطوات تسجيلها .
⚖️⭐ الأستاذ كريم قاسم محامٍ لدي المحاكم الجنائية و المدنية و محاكم الاسرة والمحاكم العسكرية
القاسم للمحاماة محامون و مستشارون
مؤسسة - قانونية - مُتكاملة تضم صفوة من المستشارين والمحامين تشمل كافة التخصصات
- القضايا الجنائية(جنايات وجنح)
- القضايا العسكرية
- القضايا المدنية بكافة أنواعها(ايجارات -مساكن - وكافة النزاعات المدنية)
- كتابة و تسجيل كافة العقود.
- جميع قضايا الأحوال الشخصية وقانون الأسرة
- تأسيس الشركات وزواج وشئون الأجانب
العنوان ٣٦ شارع العنبري باكوس خلف الإسعاف اعلي محلات القاسم بجامتي- الإسكندرية
المواعيد من ٧ م : ١١ م
هاتف : واتساب ٠١٢٠٨٠٨٠٥٢٥ /٠١٢٢١٣١٣٧٣٦
أمانة - ثقة - خبرة - مهارة - إنجاز - أقصي مجهود
تسعدنا_خدمتكم
