د/ ريم عبد الجليل - المحامية

د/ ريم عبد الجليل - المحامية ريم عبد الجليل
المحامية بالاستئناف العالي ومجلس الدولة بالاسكندرية
ماجستير في القانون
دبلوم قانون عام
دبلوم علوم جنائية
هاتف وواتس اب 01283655487

28/07/2026

عايز تعرف عليك حكم و لا لا ؟
النيابة العامة تطلق خدمة إلكترونية جديدة.

الآن يمكنك معرفة موقفك القانوني وأنت في مكانك، دون الحاجة للذهاب إلى أي جهة.

بضغطة زر تستطيع الاستعلام عن وجود أحكام جنائية مسجلة على الرقم القومي، ومعرفة نتيجة الاستعلام إلكترونيًا بكل سهولة.

https://www.ppo.gov.eg/ppo/r/ppoportal/ppoportal/home

خطوة جديدة نحو التحول الرقمي وتيسير الخدمات القضائية للمواطنين.

تابعونا، وسنوضح كيفية استخدام الخدمة، وما هي أهميتها القانونية، وما الذي يجب الانتباه إليه عند ظهور أي نتيجة

26/07/2026

#قانوني

دعوي المتعه لكي تُقبل لابد من امضاء محامي ع صحيفه الدعوي مقيد ع الاقل بالمحاكم الابتدائيه

لو ممضاش محامي عليها هتاخد عدم قبول مثلها مثل( دعاوي الطلاق واثبات النسب)

دعوي المتعه مش بتصرف من بنك ناصر

دعوي المتعه مفهاش دعوي حبس وانما دعوي حجز

دعوي المتعه لا تعد من دعاوي النفقات

فى إطار كشف ملابسات منشورات تم تداولها بمواقع التواصل الإجتماعى تضمنت العثور على أشلاء جثمان إحدى السيدات داخل شقة سكنية...
23/07/2026

فى إطار كشف ملابسات منشورات تم تداولها بمواقع التواصل الإجتماعى تضمنت العثور على أشلاء جثمان إحدى السيدات داخل شقة سكنية بالإسكندرية.

بالفحص تبين أنه بتاريخ 20 / الجارى تبلغ لقسم شرطة أول المنتزة بالإسكندرية بالعثور على أجزاء من جثمان إحدى السيدات المسنات
( 70 عام) داخل إحدى الشقق السكنية بدائرة القسم.

بإجراء التحريات تبين أن مرتكبة الواقعة ( كريمة المجنى عليها - مقيمة بذات الشقة محل البلاغ) ، وبمواجهتها أقرت بإرتكابها الواقعة لوجود خلافات سابقة بينها ووالدتها لسوء معاملتها لها ، وبتاريخ 17/ الجارى حدثت مشادة كلامية بينهما أثناء تواجدهما بالشقة محل سكنهما تطورت إلى تعديها عليها بالضرب وخنقها حتى فارقت الحياة، وعقب ذلك قامت بتقطيع جثمانها على مدار يومين بواسطة سلاح أبيض " تم التحفظ عليه" ولاذت بالهرب خشية إفتضاح أمرها (تم ضبطها بمكان إختبائها).

تم إتخاذ الإجراءات القانونية.

عاجل | القبض على محامية الإسكندرية سالي الجباس، بعد العثور على جثـ ـة والدتها داخل شقتها، وذلك أثناء وجودها بمدينة الشيخ...
23/07/2026

عاجل | القبض على محامية الإسكندرية سالي الجباس، بعد العثور على جثـ ـة والدتها داخل شقتها، وذلك أثناء وجودها بمدينة الشيخ زايد بمحافظة الجيزة، حيث جرى اصطحابها للتحقيق لكشف ملابسات الواقعة.

21/07/2026

- هات اللي نفسك فيه مع أسهل أنظمة تقسيط وبصورة بطاقتك بس..

بصورة بطاقتي بس؟

= اه ماهي دي اللي هينزل عليها الأحكام

21/07/2026

ولا ألف قانون يُغني عن تطبيق الدستور الإلهي..

إمساكٌ بمعروف
أو
تسريحٌ بإحسان

مهما حصل من تشريعات، وتعديلات، وإصلاحات..
مش هيكون ليها الدور القوي والمؤثر،
لو مكنتش تابعة للتشريع الأساسي في الآية الكريمة.

لأن ببساطة اي تشريع بشري مهما بلغت درجة إتقانه فهو قاصر..
بالتالي التحايل عليه مش هيكون صعب!

المشكلة في النفوس مش في النصوص.

ــــــــــــــــــــــــــــــــــــــــــــــــــــــــــــــــــــــ

20/07/2026

*يعني ايه طلاق للضرر؟*
يعني ترفعي قضية وتطلبي الطلاق من المحكمة بسبب ضرر واقع عليكي ومش قادرة تكملي معاه

والقاضي هو اللي بيحكم بالطلاق + بتاخدي كل حقوقك

*ايه هي أسباب "الضرر" اللي المحكمة بتقبلها؟*

*1. الضرر الجسدي*
الضرب والإهانة. بتثبتيه بتقارير طبية ومحاضر

*2. الضرر النفسي والمعنوي*
السب، الشتيمة، الإهمال، الحرمان من أبسط حقوقك

*3. الهجر*
ساب البيت ومقاطعك أكتر من 6 شهور من غير سبب

*4. عدم الإنفاق*
مش بيصرف عليكي وعلى الولاد وهو مقتدر

*5. الزواج بأخرى بدون علمك*
واتسببلك في ضرر مادي أو نفسي

*6. العيوب اللي تمنع المعاشرة*
مرض معدي أو عجز

*بتاخدي ايه لو كسبتي القضية؟*
1. *كل حقوقك*: مؤخر الصداق + نفقة عدة + نفقة متعة سنتين
2. *نفقة الولاد*: مأكل وملبس وتعليم ومسكن
3. *قايمة المنقولات* بتاعتك كاملة
4. *حضانة الأولاد* بتفضل معاكي

*أهم 3 أخطاء بتضيع القضية:*
1. *مفيش إثبات*: لازم ورق. محضر، شهود، رسائل، تقارير
2. *التنازل عن حقك* عشان "نخلص" وتتصالحي وترجعي
3. *تأخري*: الضرر لازم يكون مستمر وحالي مش من 10 سنين

---

17/07/2026

⚠️اوعى تبيع عربيتك بتوكيل بس! 🚧
😱 العربية لسه بإسمك في المرور 🚘🚨

📌 كارثة بكل المقاييس:
ممكن تتفاجئ بأحكام غيابية بإسمك وانت متعرفش عنها حاجة 🤦

أقلهم ضرر:
👈 تبديد لوحات + مخالفات

المشكلة الكبيرة؟
لو اللي اشتراها عمل حادثة أو قتل حد 😬
إسمك انت اللي هينور في القضية 🧑‍⚖️

ليه؟
لأن "استعلام المرور" هيروح النيابة وهيثبت إنك المالك "الفعلي على الورق"
من واقع ملف العربية 🗂️
وتنزل جلسة على إنك المتهم..... ❗
وخد وقتك بقى لغاية ما تثبت براءتك 🤝

⚖️ التوكيل بالبيع للنفس وللغير
مش دليل على البيع إطلاقاً ❌
ولا ينفع تنقل بيه الملكية 🫣
هو مجرد تفويض بس 👌

✅طيب الصح ايه؟
👈 المرور بيقولك لازم عقد مسجل
عشان الملكية تتنقل بإسم المشتري ✍️

وزيادة أمان إقرار بالاستلام 🚧📜

ملحوظة 📌
يبقى عقد مسجل + إقرار باستلام العربية في تاريخه
= حماية ليك انت كبائع من أي إشكالية ممكن تحصل ⚖️
خاصة في حالة إن المشتري كسل ينقلها بإسمه في المرور

15/07/2026

يا متر.. العقد جاهز، إحنا بس عايزينك تبص نظرة سريعة تبارك لنا!"
دي الجملة اللي جالي بيها عميل وهو متحمس جداً.. كان رايح يدفع 2 مليون جنيه عشان يدخل شريك في مصنع قائم، وجايب معاه عقد صياغته القانونية تبان مفيش فيها غلطة.

أول ما مسكت الورق، لقيت اللي هيوقع على العقد شريك معاه "توكيل رسمي عام بالبيع والإدارة" من صاحب المصنع الأساسي (اللي مسافر برة مصر).

المحامي التقليدي هيقول: "التوكيل سليم امضوا على بركة الله."

لكن المحاماة مش مجرد قراءة ورق.. المحاماة هي "البحث وراء الكواليس".
طلبت من المستشار القانوني للشركة طلب بسيط جداً:

"نعمل استعلام حديث عن سريان التوكيل من الشهر العقاري."
بدأ يتهرب ويقولي: "يا أستاذنا إحنا شركة كبيرة والتوكيل سليم ولسا بايعين بيه من شهرين!"
أصريت على موقفي.. ولما عملنا الاستعلام، كانت الصدمة: التوكيل ملغي تماماً من شهرين بسبب خلافات بين الشركاء!

يعني لو العميل مضى ودفع الفلوس:
العقد بتاعه هيكون باطل بطلان مطلق (لأن الموقع معندوش أي صفة قانونية).
يدخل في قضايا "نصب وتبديد" تقعد سنين في المحاكم عشان يحاول يرجع
شقا عمره.

قانونًا لا يجوز أن تقل النفقة سواء زوجية أو صغار عن ١٤٩٠ جنيهًا للفرد الواحد .كافة أحكام النفقات الخاصة بنفقة المأكل وال...
15/07/2026

قانونًا لا يجوز أن تقل النفقة سواء زوجية أو صغار عن ١٤٩٠ جنيهًا للفرد الواحد .
كافة أحكام النفقات الخاصة بنفقة المأكل والملبس الصادرة بفرض نفقة أقل من ١٤٩٠ جنيهًا هي أحكام مخالفة للقانون والدستور والشريعة.
هناك نصوص في القانون المصري جرى العرف القضائي على إهمالها، ومنها النصوص الخاصة بتقدير قيمة

Address

Alexandria

Opening Hours

Monday 6pm - 9pm
Tuesday 6pm - 9pm
Wednesday 6pm - 9pm
Thursday 6pm - 9pm
Saturday 6pm - 9pm
Sunday 6pm - 9pm

Telephone

+201283655487

Website

Alerts

Be the first to know and let us send you an email when د/ ريم عبد الجليل - المحامية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category