محامي بين اديك

18/02/2023

31/01/2023

https://igli.me/Alexlawyers

:سيارة الشهر العقاري المتنقلة 0155555987515999:شكاوي الشهر العقاريالقاهرة: 01555887711الاسكندرية: 01555887722باقى المحافظات: 01555887733الاستعلام عن نقض بالخط الساخن 19681 مقابل 20جنيه

25/01/2023

*التمكين من منزل الزوجية*
والتمكين من مسكن الزوجية هو بمثابة أمر وقتى يصدر من المحامى العام بناء على محضر شرطة تحرره الزوجة أو وكيلها وذلك بغرض تمكينها من مسكن الزوجية😌
________
ما هى الاوراق والمستندات المطلوبة لإصدار قرار التمكين من مسكن الزوجية ؟
١-وثيقة الزواج
٢- صورة الرقم القومى للزوجة
٣-محضر شرطة تطلب فيه الزوجة التمكين من مسكن الزوجية
٤- شهادة ميلاد الصغار
_____________________
ما هى إجراءات استصدار قرار التمكين من مسكن الزوجية ؟
١- كتابة طلب يتم تقديمه لرئيس النيابة تطلب فيه الزوجة تحرير محضر لتمكينها من مسكن الزوجية
٢- عقب التأشير على الطلب يتم التوجه إلى قسم الشرطة لاتخاذ اللازم قانونا
٣- يتم تحرير محضر شرطة مرفق فيه صورة وثيقة الزواج والرقم القومى
٤- بعد ذلك يتم عرض المحضر للنيابة العامة للتحقيق
*فى الغالب يصدر قرار من النيابة العامة بحفظ المحضر*
*فى حالة حفظ المحضر يقوم وكيل الزوجة أو الزوجة نفسها بالتظلم من قرار الحفظ وإعادة التحقيق فيه*
*فى حالة استخراج المحضر من الحفظ تسمع النيابة اقوال الزوجة بعد أن يتم استدعائها لاستيفاء النيابة*
* تقوم النيابة بعمل التحريات اللازمة لمعرفة إذا كانت الزوجة تقيم بالفعل فى مسكن الزوجية المطلوب تمكينها منه ام لا*
*يتم بعد ذلك صدور قرار التمكين إذا كانت العلاقة الزوجية قائمة يصدر القرار لتمكين الزوجين معا أما في حالة لو مطلقة يتم تمكينها لوحدها*👌
_______________________
هل هناك شروط للتمكين من مسكن الزوجية ؟
١-الاقامة بشكل فعلى ودائم في مسكن الزوجية
٢- صدور قرار من النيابة العامة بالتمكين
٣- صدور اعلان قرار التمكين من خلال المحضرين خلال ٣ ايام من صدوره
___________________
ما هى خطوات تنفيذ قرار الصادر بتمكين الزوجة من مسكن الزوجية ؟
١- عقب صدور قرار التمكين من مسكن الزوجية للزوجة وإعلانه يتم الذهاب الى الموظف المختص بقرار التمكين وتصوير الصيغة التنفيذية والقرار الصادر بالتمكين ومحضر الاعلان
٢-يتم تسليم الصور الى ادارة تنفيذ الأحكام
٣- يتم تحديد معاد لحضور الزوجة الصادر لصالحها قرار التمكين وتنفيذ القرار
٤-الذهاب فى الميعاد المحدد وتنفيذ قرار التمكين من مسكن الزوجية
______________
"يجوز للزوج أن يتظلم من قرار التمكين"
الميعاد القانونى للتظلم وهو ميعاد محدد أقصاه(١٥ يوم) بدعوى ترفع أمام قاضى الأمور المستعجلة

والآثار المترتبة على ذلك :
[صدور قرار اما بالالغاء / التعديل/ التأييد]
وهذا لا يعنى وقف تنفيذ قرار التمكين من مسكن الزوجية الا إذا طلب الزوج المتظلم ذلك واستجاب لهذا الطلب قاضى الأمور المستعجلة
___________________
* يحق للزوجة أن تطلب اجر مسكن بدلا من التمكين من مسكن الزوجية فقد أعطى لها قانون الاحوال الشخصيه الحق في ذلك*😌😉
_________________

19/01/2023

قال القاضى مخاطبا محاميا ساخرا
نحن سلطة وانتم مهنة فلا وجه للمقارنة !!
فأجابه المحامى قائلا :
فهم خاطىء ايها السيد
الجليل الجالس على منصة القضاء
فلايغرنك جلوسك وانا واقفا
فالمعلم يقف والتلميذ جالسا فهل التلميذ افضل من معلمه ؟
فليس كل جالس بسلطان وليس كل واقف بمهان ..
ونحن ايها القاضى الجليل نجمع بين المهنة والسلطة بقوه القانون ..
فأذا كانت النيابة تملك سلطه الاتهام
فالمحاماة تملك سلطة الدفاع وهى سلطه اقرها الدستور والقانون والمواثيق الدولية .
ايها القاضى كما تقدر للنيابة دورها فى الاتهام يستوجب ان تقدر للمحاماة دورها فى الدفاع على قدم المساواة !!
القاضي يحتاج الي 2 مستشارين بجواره لكى يكون حكمه سديدا امام المحامي الذى يتولى الدفاع بنفسة فقط ،،،،
المحاماة رسالة سامية ورفيعة
محام حر ولى كل الفخر ⚖️⚖️⚖️⚖️

18/01/2023

قبل شراء شقة تمليك
خد بالك..
1- متشتريش شقة متشطبة بالكامل من مقاول اشتريها نص تشطيب .. لو من شخص عادي اشتريها متشطبة بالكامل
2- متشتريش شقة ناقصها نموذج 3 تصالح لو مباني بعد 2008
3- متشتريش شقة ناقصها المقايسات
4- متشتريش شقة فوق دور تالت لو مفيهاش اسانسير
5- متشتريش شقة فوق دور تامن لو مفيهاش ((2 اسانسير))
6- متشتريش شقة ناقصها عقد في تسلسل ملكية
(لازم معاك محامي )
7- متشتريش شقة فيها شبكة الموبايل ضعيفة
8- متشتريش شقة بالتقسيط مكتوب في العقد الاقساط لوحدها و ايصالات امانة لوحدها (لازم ربط بين القسط و الإيصال)
9- متشتريش شقة فيها عدادات إلا لو لا
زم يكون معاك اخر ايصال حديث لكل العدادات عشان تتأكد مفيش مديونيات
(لو مفيش ايصالات روح الشركة اسال بنفسك)
10- اياك اياك اياك تكتب عقد شقة شاريه من المكتبة (لازم محامي متخصص يكتب العقد بنفسه )
11- متشتريش شقة الا لما تسال الجيران في نفس البرج عن عيوب السكن فيه زي انقطاع المياة و الكهرباء و غيره
12- متشتريش شقة الا لما تتأكد انك واخد بسعر أقل من سعر المنطقة عشان لما تبيع متخسرش (لازم معاك وكيل عقاري متخصص) ولازم يكون ليك حصة في الارض
13- متشتريش شقة الا لما تعمل صحة توقيع ليها في أسرع وقت
(ولو شاري شقة في برج مرخص او العقد اللي قبلك كان متسجل شهر عقاري تقدر تسجل شهر عقاري بدون الانتظار مرور 5 سنوات)
14- متشتريش شقة مكتوب في عقدك بند انك تتحمل دفع الضرايب و العوايد لان دا قانونا بيكون علي البائع حتي وانت ساكن في الشقة
15- متشتريش شقة الا لما تتفق مع البايع مين عليه تكاليف المرافق زي الاسانسير و الكهربا و موتور الماية ويتكتب بند حسب الاتفاق
16- متشتريش شقة مكتوب فيها شرط جزائي كبير عشان تقدر ترجع عن الشراء بدون خسارة كبيرة (يعني بالكتير اوي 10 الاف جنيه)
17- متشتريش شقة بدون توقيعات البائع في كل ورقة من أوراق العقد و بصمته و اذا كان متزوج تمضي الزوجة شاهدة علي العقد
18- متشتريش شقة من وريث بدون وجود إعلام وراثة ولازم محامي معاك طبعا
19- متشتريش شقة من وكيل بدون وجود توكيل رسمي عام ولازم طبعا متخصص يكشف صحته من عدمه
20- متشتريش شقة بدون وجود محامي معاك لانه هيكشف تزوير أي ورقة في ملف الشقة و هيلاحظ أي خطأ مطبعي او خطأ في التواريخ ممكن يبطل عقدك و هيقوي موقفك جدا و يضمن حقك بنسبة 100%

(خد بالك) توقيع زوجة البائع كشاهد على العقد:
حيث أن هناك مشاكل كثيرة تحدث بسبب قرارات التمكين من مسكن الزوجية على الشقق بعد بيعها بفترة وهذا يفتح الباب لإبتزاز المشترى للتنازل عن تلك القرارات التى لا يصلح معها اى اجراء قانونى للأسف الشديد وبالتالي يلزم توقيع الزوجة (شاهد اول) قبل دفع تمن الشقة و إتمام العقد .

اكتب العقد و ادفع تمن الشقة وتاني يوم هركبلك عداد الكهربا والماية باسمك هتتفاجيء ان الشركة رافضة تركيب العداد لسبب من الأسباب دي :
1- فيه مخالفة قديمة ضد العمارة او الشقة
2- فيه محضر مخالفة بناء و المالك لم يقدم طلب تصالح او العقار غير مرخص
3- المنطقة اللي فيها العمارة مينفعش يتركبلها عدادات في الفترة دي
4- فيه مديونية قديمة لعداد الكهرباء الممارسة ولم يتم سدادها
5- عدم الإلتزام في مرحلة البناء بالمسافات الآمنة بين العقار و خطوط الكهرباء وهي 25 متر للخطوط ذات الجهد الفائق
الحل :
متشتريش شقة إلا لو فيها عداد كهرباء و مياة أما الغاز الطبيعي فتركيبه سهل
ولو الشقة مفيهاش عداد كهرباء او مياة هتلاقي المالك يقولك اكتب العقد عشان اركبلك العداد بإسمك
قوله لاء ركبه انت بإسمك و بعد تركيب العداد نكتب العقد و أعمل ليا توكيل خاص مرافق و انا هسدد الإيصالات بإسمك.

كلام مهم عن (عداد الممارسه)
عداد الكهرباء الممارسة اقرأ للآخر خصوصا السؤال رقم 4
1- ما هو عداد الممارسة! ؟
عداد الممارسة هو أفضل حل للمباني المخالفة اللي سارقة تيار كهرباء و اتعملها محضر سرقة تيار و المحضر دا بيعمله شركة الكهرباء أو الضبطية القضائية

2- ما هو نظام الدفع ؟!
حضرتك بيتحددلك غرامة شهرية بتدفعها و بتتظلم فيها لأنك مش بتتحاسب علي اد استهلاكك فبتدفع ما بين 500 ل 1000ج شهريا و دا تقدير عشوائي لا يعبر عن الإستهلاك الفعلي للمواطن و تقدر بآخر ايصال حديث تحول العداد و تخليه كارت بدل ممارسة وتقدم في المنصة الموحدة لخدمات الكهرباء الإلكترونية

3- ما هي الأسباب تخلي طلبك بتحويل العداد من ممارسة لكارت يترفض ؟!
(انك تكون مش بتسدد كل شهر اول باول)
(ان المبني يكون مخالف وبدون تصالح)
(ان المبني يكون بيخالف شروط الطيران المدني او المناطق الأثرية)
( عدم الإلتزام بالمسافات الآمنة لخطوط الكهرباء وهي 25 مترًا في حالة الخطوط الهوائية للجهود الفائقة، و13 متراً في حالة الخطوط الهوائية للجهود العالية، و5 أمتار للخطوط الهوائية للجهود المتوسطة، و2 متر في حالة كابلات)
(انك متكونش قدمت اصلا في المنصة)

4- اية اللي ممكن يحصل لو تراكم عليك شهرين من غير ماتدفع الممارسة ؟
هيتعملك قضية و غرامة ممكن تكون 10000 ج او 20000 ج انت و نصيبك

5- طيب أعمل اية لو هشتري شقة عجباني جدااا بس فيها عداد ممارسة ؟!
- لازم تستلم من البائع أصل ايصال حديث لنفس الشهر اللي هتشتري فيه
- وقبل كتابة العقد لازم تاخد صورة الايصال و تسأل في شركة الكهرباء إذا كان في قضية سارية ولا لاء
- لازم تتأكد ان المبني مش مخالف عن طريق محامي متخصص عقارات

خلي بالك الكلام اللي جاي دا مش هيعجب اصحاب الشقق بس الحق يتقال
شقة في برج مباني بعد عام ١٩٩٢ و مفيش رخصة ولا تصالح ولا عداد كهرباء قديم او كارت باسم مالك الشقة يبقا الشقة متساويش مليم
يعني لو شقة بمليون لقيتها ب٧٠٠ او ٥٠٠ او ٣٠٠ الف متفرحش بيها دي اصلا ملهاش تمن ولا مليم لان ملهاش ورق ومعرضة لخطر الازالة
غالبا المالك أو السمسار يقولك العدادات كاملة وموجودة (ويضللك) قوله عداد الكهربا ممارسة ولا كارت وخد منه رد واضح لو عداد ممارسة انهي المكالمة او المقابلة

أولا: لأن الممارسة يعني سرقة تيار و دفع غرامة مالية شهرية للشركة و لو تراكم عليك شهرين يبقا يوم أسود وفيها قضية وغرامة ممكن ١٠ الاف جنيه
علي عكس العداد الكودي بيحاسبك علي استهلاكك الفعلي بالظبط

ثانيا لأن عداد الممارسة مش باسم حد و ميمنعش قرار ازالة ولا بينقل ملكية العداد ليك و ملزم تحوله لعداد كودي و دا مش بسهولة خصوصا لو الشقة ملهاش ورق رخصة ولا تصالح طلبك في عداد كهرباء كارت هيترفض .
هذا ل العلم والاحاطة تحياتي لكم