06/04/2026
صحه التوقيع لا تنقل الملكيه⚖️
معلومه قانونيه علشان نفهم صح⚖️ 👌
لو حضرتك اشتريت شقه او ارض و عملت صحة توقيع هى كدا خلاص ملكك ولا لا ؟
كتيير من الناس لما بتشترى عقار سواء ارض او شقة بيروح المشترى للمحامى و يقوله ارفعلى دعوى صحة توقيع و بيكون فاكر أن دعوى صحة التوقيع بتنقل الملكيه
الكلام دا للأسف مش مظبووط لأن البائع ممكن يبيع لمليون مشترى اخر عادي جدا .
عشان كدا لازم نعرف الفرق بين دعوى " صحة التوقيع " و " التسجيل بالشهر العقارى " و دعوى " صحة ونفاذ "
أولاً : دعوى صحة التوقيع :
من اسمها " دعوى هدفها ان البائع مينكرش التوقيع " هى مجرد دعوى الهدف منها اثبات صحة توقيع البائع فقط على عقد البيع لكن لا تحكم بصحة العقد نفسه و نقل الملكية !! يعني القاضى لا ينظر الا للتوقيع فقط .
الفائده منها ايه بحيث ان البائع بعد كدا لا ينكر توقيعه أو يطعن عليه بالتزوير هو أو ورثته .
ثانياً :التسجيل في الشهر العقارى هو اللى بينقل الملكيه من البائع للمشترى فى حالة أن البائع و المشترى موافقين يروحوا مع بعض الشهر العقاري يسجلو عقد البيع و يحولوه من " ابتدائى " لعقد " نهائى " و بالتالى تنتقل الملكيه من البائع للمشترى
ثالثاً : " دعوى الصحه و النفاذ "
و الهدف منها اثبات صحه العقد باكمله من البدايه الي النهايه و هي الدعوى الناقله للملكيه لأنها بتحكم ان العقد صحيح و ان الملكيه انتقلت من البائع للمشترى و يتم تسجيل الحكم فى الشهر العقارى عشان اي حد يسال ع الشقة يلاقيها ملك المشترى
#مصر #المحامي #القانون #عاجل
