25/10/2023
📌 شويه حجات تخلي بالك منها وانت بتكتب عقد سواء بيع أو ايجار أو مشاركه أو اتفاق.📄🖊 ⚖️
● العقد لازم يتكتب فيه تاريخ ماينفعش يكون فاضى .
● مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن ده عقد وله بنود وشروط .
● لو انت بائع أو مشتري ياريت تمضي علي كل ورقه من العقد .
● فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل .
● لو حضرتك بتشترى شقه أو بتأجر تاخد آخر إيصالات للمرافق(مياه - كهرباء - غاز) .
● صحة التوقيع مهمه بتثبت تاريخ البيع وتوقيع البائع والمشترى بس ملهاش دعوه بالموضوع بتثبت بس انه توقيعك او لا فاينفع المشترى يرفع صحة توقيع على البائع وكمان ينفع البائع يرفع صحة توقيع على المشترى .
● لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس .
● لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى .
● قبل ماتشترى شقه أسأل هل صدر لها قرار تمكين ولا لا .
● ياريت وانت بتكتب اي عقد متنساش بند اختصاص المحكمة عشان لاقدر الله لو حصل اي خلافات بين الطرفين .
