عمرو منصور. Amr Mansour

14/05/2026

📌 بيان هام 👇
اعلن انا /عمرو منصور المحامي وبناء علي توكيل رسمي بتولي الدفاع القانوني عن رسام الكاريكاتير الشهير والفنان التشكيلي عمرو أمين صاحب صفحة Amr Amin في الواقعة المتداولة إعلاميا بشأن الرسمة الخاصة ببسنت رحمة الله عليها ..
مع مباشرة كافة الإجراءات القانونية اللازمة للدفاع عن حقوق موكلنا وكشف الحقيقة كاملة أمام جهات التحقيق المختصة...

ونؤكد أن الفصل في أي ادعاءات يكون عبر الجهات القضائية المختصة وحدها استنادا إلى القانون والأدلة بعيدا عن الأحكام المسبقة أو التداول غير المسؤول عبر المنصات المختلفة.

14/05/2026

لما الموكل يقولي ارفع القضية يا استاذ واصرف انت ولما تكسب القضية هدفعلك مصاريفك واتعابك والحلاوة والطحينة 😂

10/05/2026

وجهة نظر أو / من الأمور اللي بتضحكني جدا او/من الأمور العجيبة اللي بنشوفها اليومين دول .... :
يعني ايه مهنة استشاري وخبير علاقات اسرية وتربوية ؟!! لان مفيش اي مهنة اسمها كده اساسا حتي ايام الكلية في قسم علم النفس مكنش فيه حاجة اسمها كده ومفيش كلية اسمها “كلية العلاقات الأسرية” بتخرج “خبراء علاقات .ولو جينا للحق وكله يعرف ده سواء رجال او نساء ان اللى بتنسب لنفسها كده غالبا بتكون مطلقة او خالعة جوزها او المصطلح المعاصر (سينجل مازر) والمهنة دي زي ما قولت هي مهنة المطـ.ـلقات واتباع محكمة الأسرة ..

ومن الأمور العجيبة اللي بقينا نشوفها اليومين دول… إن أي حد يعمل كام فيديو على السوشيال ميديا أو يكتب بوستين عن العلاقات يطلع يقولك: “أنا استشاري وخبير علاقات أسرية وتربوية”!
طيب استشاري بناءا على إيه؟! فين الدراسة الأكاديمية الواضحة؟ فين الجهة المعتمدة؟ فين الترخيص أو التخصص العلمي المحدد اللي بيمنح اللقب ده أصلا؟!

وده لا يمنع إن فيه متخصصين حقيقيين في علم النفس أو الإرشاد النفسي أو الخدمة الاجتماعية أو الصحة النفسية… لكن الفرق كبير بين متخصص أكاديمي معتمد وبين شخص قرر يمنح نفسه لقب جذاب على السوشيال ميديا.
والأعجب… إن بعض الناس اللي بتصدر نفسها كمرجع في العلاقات الأسرية تكون حياتها الشخصية نفسها مليانة أزمات وفشل وتجارب غير مستقرة ثم تتحول فجأة لنموذج بيصدر النصائح للناس وكأنه وصل للحقيقة المطلقة!

لأن للأسف… بعض المحتوى الحالي بقى قائم على المتاجرة بمشاكل البيوت وشحن النساء ضد الرجال أو العكس بهدف التريند والمشاهدات فقط والنتيجة بيوت بتخرب أكتر بدل ما تتصلح..
ولازم الناس تعرف إن استخدام ألقاب مهنية أو علمية بشكل قد يوهم الجمهور بوجود صفة تخصصية أو اعتماد مهني ممكن يفتح باب للمساءلة القانونية إذا ترتب عليه تضليل للناس أو تحقيق مكاسب من خلال صفة غير حقيقية أو غير مرخصة
والله المستعان.

سيبك انت.. القهوة طعمها تحفه ☕ 😋

#القيصر
#الحكايةـواسرارها

16/04/2026

اوعي تعمل فيها ناصح عشان هتتحبس فيها⚖️
#التحريض⚖️
#عمرو منصور⚖️
#المحامي المتميز

15/04/2026

حصل بالفعل ..اوعي تستغرب 👇
من أخطر أسباب انتشار الطلاق في الزمن ده إن في ستات بتستغنى عن راجل محترم بيكافح علشانها وعلشان عياله وبيتحمل كل ضغوط الحياة .. بس علشان هي دائما مش راضيه بعيشتها ولا بحالها بتقع في شباك أفعى من البشر!🧟

بتبدأ تتعرف علي واحد عن طريق النت او عن طريق شغلها وتخليه يدخل حياتها يخبب عليها يسمعها كلام ناعم ويبيع لها أحلام وردية... يوعدها بالجواز بعد الطلاق من جوزها ويخليها تشوف زوجها الحقيقي كأنه عدوها!

وتبدأ الست الحرباية تفتعل مشاكل من لا شيء وتخلق أزمات عشان تخرب البيت بإيديها…بتحاول تخلق لنفسها اسباب للطلاق عشان تبرأ ساحتها أمام اهلها والمجتمع وتخليهم يتعاطفوا معاها .. والراجل الطيب مش فاهم عمل إيه غلط بس كل اللي بيحاول يعمله إنه بيصير علي زوجته المؤذية عشان يحافظ على بيته وعياله .

لكن للأسف بعد فترة صراع كبيرة الطلاق بيقع والمخطط بينجح .

وبمجرد ما تتحرر السنيورة سندريلة عصرها تجري على "حبيب القلب" اللي وعدها بجنة بعد الخراب… وتتصدم لما تلاقيه بيقولها:
"أمك في العش ولا طارت؟"

سيبك انت .. المهم القهوة طعمها تحفة ☕😋

#الخلع
#الطلاق

15/04/2026

15/04/2026

فرق كبير بين الحيازة والتجارة....

14/04/2026

استعمل مسدس صوت في فرح ومكنش يعرف أن فيها عقوبه ؟؟ فهل العذر بجهل القانون يعفي من العقاب

#القانون

14/04/2026

المحامي المتميز…
مش بيضيع وقته في سماع كلام الناس عنه ....
ولا بيجري ورا إرضاء حد 👌
لأنه ببساطة…
مشغول بحاجة أهم بكتير:
تطوير نفسه.. تقوية أدواته.. وصناعة اسمه بإيده.
سيب الناس تقول اللي تقوله…
وخلي شغلك هو اللي يرد ⚖️

#القيصر

13/04/2026

ازاي اعتراف كاذب يدمر حياة إنسانة؟ | قصة ياسمين المؤلمة اللي اعترفت على نفسها ظلم



#قضايا

13/04/2026

انا بشتغل اي قضية وانا مطمئن بهذه الآيه
{إِنِ الْحُكْمُ إِلَّا لِلَّـهِ ۚ أَمَرَ أَلَّا تَعْبُدُوا إِلَّا إِيَّاهُ ۚ ذَٰلِكَ الدِّينُ الْقَيِّمُ وَلَـٰكِنَّ أَكْثَرَ النَّاسِ لَا يَعْلَمُونَ} [يوسف:40].