¿Cuál es el sitio web?

https://www.facebook.com/1195111040348537/

بلدیاتی الیکشن میڈیا سیل یونین کونسل سرموں-7 ٹیم ایڈووکیٹ

Inicio
Ecuador
Quito
بلدیاتی الیکشن میڈیا سیل یونین کونسل سرموں-7 ٹیم ایڈووکیٹ

Cómo llegar

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de بلدیاتی الیکشن میڈیا سیل یونین کونسل سرموں-7 ٹیم ایڈووکیٹ, Abogado y bufete de abogados, Quito.

▶️Advocate High Court
▶️President of Falahi Tanzem Khar(FTK)
▶️Proud son of Former Chairman of District Council
▶️Participating Local Government Election (GB) as a District Councillor from UC-7 Surmo
▶️Dedicated to public service

14/08/2026

ڈی۔سی آفس خپلو میں administrative office محترم جبار صاحب کے ساتھ صدر علی محمد صاحب، غلام محمد شاہین صاحب اور ایڈووکیٹ مظفر علی آخوند امیدوار برائے ڈسٹرکٹ کونسلر نے ملاقات کی۔
ملاقات میں غازی تھنگ اسکول کا ایشو جلد حل کرانے کی اپیل کی گئی۔

14/08/2026

نائب تحصیلدار سے آج DC آفس میں ملاقات کی۔

14/08/2026

ڈپٹی ڈائریکٹر محکمہ ایجوکیشن حمیداللہ باقری صاحب کے ساتھ آج ایڈیشنل ڈائریکٹر نیپرا غلام محمد شاہین اور مظفر علی آخوند ایڈووکیٹ امیدوار برائے ڈسٹرکٹ کونسلر کی ملاقات ہوئی۔
ملاقات میں غازی تھنگ اسکول کا معاملہ جلد حل کرنے اور پرائمری اسکول کھر میں ایک لیڈی ٹیچر کی تعیناتی کا مطالبہ کیا۔
ڈی۔ڈی۔ای صاحب نے دونوں معاملہ جلد حل کرانے کی یقین دہانی کرائی گئی۔
#ایڈمن Muzaffar Ali Akhond

14/08/2026

بلدیاتی الیکشن کے سلسلے میں سرموں کے عمائدین و سرکردگان سے ملاقات۔
باہمی دلچسپی کے امور اور بلدیاتی الیشن میں تعاون کی اپیل۔
#ایڈمن Muzaffar Ali Akhond Muhammad Hasnain Muhammad Faisal Balti

11/08/2026

معروف کاروباری شخصیت اور سٹی ان ہوٹل کا مالک نثار علی چنگپہ اور نوجوانان سرموں کے ساتھ مظفر علی آخوند ایڈووکیٹ امیدوار برائے ڈسٹرکٹ کونسلر کی اسکردو میں ملاقات۔
آمدہ بلدیاتی الیکشن میں مکمل تعاون، ووٹ اور سپورٹ کا اعلان کیا۔
#ایڈمن Muzaffar Ali Akhond Muhammad Faisal Balti Muhammad Hasnain

11/08/2026

راولپنڈی اسلام آباد میں مرکزی انجمن سرموں اور علاقائی تنظیموں کے عہدیداران کے اعزاز میں عشائیہ، سرموں کی ترقی، اتحاد اور بلدیاتی انتخابات پر اہم مشاورت
اپنے حالیہ دورۂ پاکستان، بالخصوص بلتستان کے موقع پر فلاحی تنظیم کھر امریکہ کے صدر جناب علی موسیٰ خان نے راولپنڈی اسلام آباد میں مقیم مرکزی انجمن سرموں، مختلف علاقائی انجمنوں کے صدور، جنرل سیکرٹری صاحبان اور دیگر معزز شخصیات کے اعزاز میں جناب جی ایم شاہین کی رہائش گاہ پر ایک پُروقار عشائیے کا اہتمام کیا۔ اس موقع پر شرکاء سے ملاقات، باہمی مشاورت اور سرموں کے اہم اجتماعی و ترقیاتی امور پر تفصیلی تبادلۂ خیال کیا گیا۔
تقریب میں مرکزی انجمن سرموں کے صدر جناب عبدالحلیم، جنرل سیکرٹری جناب اخوند غلام حسین، چھوغوگرونگ انجمن کے صدر جناب غلام مہدی، ترکری گوند انجمن کے صدر جناب افضل علی اور جناب محمد آصف، تشری انجمن کے صدر جناب محمد بشیر، کھر تنظیم کے صدر جناب اشرف حسین، جناب ظفر علی اخوند، لاہور سے جناب اخوند کریم چیئرمین تقسیم کار کمیٹی، جناب دلاور علی، امریکہ سے جناب علی ابراہیم، اسلام آباد سے جناب ذوالفقار علی، جناب افتخار علی، جناب اخوند سجاد حسین، مولانا حافظ ذاکر علی، جناب ثاقب علی، جناب محمد تحسین سمیت سرموں سے تعلق رکھنے والی متعدد ممتاز سماجی، علمی اور کاروباری شخصیات نے شرکت کی۔
اپنے استقبالیہ خطاب میں جناب علی موسیٰ خان نے تمام مہمانوں کا خیرمقدم کرتے ہوئے شرکت پر دلی شکریہ ادا کیا۔ انہوں نے اپنے حالیہ دورۂ بلتستان، خصوصاً سرموں کے دوران ہونے والی ملاقاتوں، ترقیاتی سرگرمیوں اور عوامی مسائل کے حوالے سے شرکاء کو تفصیلی بریفنگ دی۔
انہوں نے سرموں بروق میں جاری فوجی مشقوں کے باعث مقامی آبادی کو درپیش مشکلات کے حوالے سے ڈپٹی کمشنر گانچھے سے ہونے والی ملاقات کی تفصیلات بھی بیان کیں اور اس امید کا اظہار کیا کہ متعلقہ حکام عوامی مشکلات کے مستقل اور مؤثر حل کے لیے عملی اقدامات کریں گے۔
اجلاس میں چھوغوزگل کے پلاٹوں کی قرعہ اندازی میں ہونے والی تاخیر، اپر سرموں میں پلاٹوں کی تقسیم سے متعلق درپیش رکاوٹوں اور دیگر اہم عوامی مسائل پر بھی تفصیلی غور کیا گیا۔ جناب علی موسیٰ خان نے اپر سرموں میں پلاٹوں کی تقسیم میں مسلسل تاخیر پر گہری تشویش اور افسوس کا اظہار کرتے ہوئے کہا کہ اگر یہ عمل مزید مؤخر ہوا تو سرکاری اراضی پر غیر قانونی قبضوں کے خدشات بڑھ سکتے ہیں، جس سے علاقے کے عوام کو ناقابلِ تلافی نقصان پہنچنے کا اندیشہ ہے۔ انہوں نے تقسیم کار کمیٹی کو فوری طور پر دوبارہ فعال کرنے اور پلاٹوں کی شفاف، منصفانہ اور جلد از جلد تقسیم کو یقینی بنانے پر زور دیا۔
انہوں نے اپنے خطاب میں سرموں کے اتحاد، بھائی چارے، باہمی اعتماد اور اجتماعی ترقی کی اہمیت پر بھی روشنی ڈالی۔ ان کا کہنا تھا کہ موجودہ حالات اس امر کے متقاضی ہیں کہ تمام برادری ذاتی اختلافات سے بالاتر ہو کر ایک پلیٹ فارم پر متحد ہو اور علاقے کے اجتماعی مفاد کو مقدم رکھا جائے۔
جناب علی موسیٰ خان نے کہا کہ بلتستان میں متوقع بلدیاتی انتخابات سرموں کے لیے ایک اہم اور فیصلہ کن موقع ہیں۔ اگر ہم اتحاد و اتفاق کا مظاہرہ کریں تو نہ صرف اپنی مؤثر نمائندگی یقینی بنا سکتے ہیں بلکہ علاقے کی ترقی، بنیادی سہولیات اور عوامی مسائل کے حل میں بھی نمایاں کردار ادا کر سکتے ہیں۔
اسی تناظر میں انہوں نے جناب ایڈووکیٹ مظفر علی اخوند کا ذکر کرتے ہوئے کہا کہ وسیع مشاورت، غور و فکر اور سرموں کے اجتماعی مفاد کو مدنظر رکھتے ہوئے انہیں بلدیاتی انتخابات میں ایک موزوں، باصلاحیت، تعلیم یافتہ، دیانت دار اور عوام دوست امیدوار کے طور پر سامنے لانے کا فیصلہ کیا گیا ہے۔ انہوں نے بتایا کہ اس حوالے سے مرکزی انجمن اور تمام علاقائی برانچوں کو باقاعدہ تحریری طور پر بھی آگاہ کیا جا چکا ہے، تاکہ انجمن کی سطح پر اتفاقِ رائے پیدا کرتے ہوئے انہیں مشترکہ امیدوار کی حیثیت سے بھرپور حمایت فراہم کی جا سکے۔
شرکائے محفل نے بھی ایڈووکیٹ مظفر علی اخوند کی ممکنہ امیدوار کے طور پر نامزدگی کو خوش آئند قرار دیتے ہوئے اسے سرموں کی ترقی، بہتر نمائندگی اور عوامی خدمت کی جانب ایک مثبت پیش رفت قرار دیا۔ انہوں نے اس عزم کا اظہار کیا کہ وہ ہر ممکن تعاون، انتخابی معاونت اور عوامی رابطہ مہم کے ذریعے ان کی کامیابی کے لیے بھرپور کردار ادا کریں گے اور حتیٰ الامکان انہیں بلا مقابلہ کامیاب کرانے کی کوشش کریں گے۔
اجلاس کے شرکاء نے جناب علی موسیٰ خان کی سرموں کی ترقی، عوامی خدمت، اتحاد اور اجتماعی مفاد کے لیے مسلسل کاوشوں، خلوص اور عملی جدوجہد کو سراہتے ہوئے انہیں خراجِ تحسین پیش کیا۔ انہوں نے اس شاندار عشائیے کے انعقاد پر جناب علی موسیٰ خان اور میزبان جناب جی ایم شاہین کا خصوصی شکریہ ادا کیا۔
ملاقات کے اختتام پر تمام شرکاء نے اس عزم کا اعادہ کیا کہ سرموں کے اتحاد، ترقی، خوشحالی اور بہتر مستقبل کے لیے باہمی مشاورت، اتفاقِ رائے اور اجتماعی جدوجہد کو مزید مضبوط بنایا جائے گا، تاکہ آنے والی نسلوں کے لیے ایک متحد، ترقی یافتہ اور خوشحال سرموں کی بنیاد رکھی جا سکے۔

11/08/2026

کھر سرموں کی ترقی، تنظیمی امور اور مسجد اویس قرنی کی تعمیر پر تفصیلی تبادلۂ خیال
فلاحی تنظیم کھر امرکہ کے صدر جناب علی موسیٰ خان اور فلاحی تنظیم راولپنڈی اسلام آباد کے صدر جناب اشرف حسین کے درمیان ایک اہم تنظیمی ملاقات منعقد ہوئی، جس میں باہمی دلچسپی کے مختلف امور پر تفصیلی گفتگو کی گئی۔
ملاقات کے دوران جناب علی موسیٰ خان نے اپنے حالیہ دورۂ بلتستان، بالخصوص کھر سرموں کے حالات، تنظیمی سرگرمیوں، ترقیاتی منصوبوں اور زیرِ تعمیر مسجد اویس قرنی کھر سرموں کی تعمیراتی پیش رفت سے متعلق تفصیلی آگاہ کیا۔ اس کے علاوہ بلتستان قانون ساز اسمبلی کے حالیہ انتخابات اور آئندہ بلدیاتی انتخابات کے حوالے سے بھی اہم تبادلۂ خیال کیا گیا۔ اس موقع پر شرکاء نے جناب ایڈووکیٹ مظفر علی اخوند کی یونین کونسل اور ڈسٹرکٹ کونسل کے بلدیاتی انتخابات میں حصہ لینے کو خوش آئند قرار دیتے ہوئے اس عزم کا اظہار کیا کہ انہیں ہر ممکن تعاون، بھرپور انتخابی مہم اور مؤثر رابطہ عوام کے ذریعے کامیاب بنانے کے لیے مشترکہ کوششیں کی جائیں گی۔
اس موقع پر جناب اشرف حسین نے جناب علی موسیٰ خان کو ان کے کامیاب اور بامقصد دورۂ بلتستان پر مبارک باد پیش کی۔ انہوں نے علاقے کی فلاح و بہبود، ترقی، خوشحالی اور عوامی خدمت کے لیے جناب علی موسیٰ خان کی مسلسل جدوجہد، انتھک محنت اور مخلصانہ خدمات کو سراہتے ہوئے نیک تمناؤں کا اظہار کیا۔
جناب علی موسیٰ خان نے بتایا کہ زیرِ تعمیر مسجد اویس قرنی کھر سرموں میں بجلی کی غیر مسلسل فراہمی اور کم وولٹیج کے باعث دوسری منزل کی تعمیراتی سرگرمیوں میں تاخیر کا سامنا ہے۔ اس مسئلے کے فوری حل کے لیے انہوں نے خپلو کے ٹیکنیشن ذاہد بھائی سے رابطہ کیا۔ چیئرمین ذالی ہاؤس میں ہونے والی ملاقات کے دوران ذاہد بھائی نے مسجد کی تعمیر کے لیے مناسب مشین نصب کرنے کا عہد کیا، جس سے نہ صرف کم لاگت میں بجلی کا مسئلہ حل ہوگا بلکہ تعمیراتی کام کی رفتار بھی مزید بہتر ہوگی۔ اس کے علاوہ انہوں نے تعمیراتی معیار اور رفتار میں بہتری کے لیے مفید تجاویز بھی پیش کیں۔
اس اہم ملاقات میں جناب جی ایم شاہین اور جناب ظفر علی آخوند بھی شریک تھے، جنہوں نے مختلف تنظیمی اور ترقیاتی معاملات پر اپنی آرا اور تجاویز پیش کیں۔ شرکاء نے اس عزم کا اعادہ کیا کہ باہمی تعاون، مشاورت اور مؤثر منصوبہ بندی کے ذریعے علاقے کی فلاح و ترقی اور عوامی خدمت کے مشن کو مزید مؤثر انداز میں آگے بڑھایا جائے گا۔

03/08/2026

جناب غلام محمد خواجہ صاحب نے علی موسٰی خان صاحب کی گاؤں آمد کے موقع پر ان کی رہائش گاہ پر جا کر خیریت دریافت کی۔
اس موقع پر گاؤں کی تعمیر و ترقی، عوامی مسائل اور آئندہ کے لائحۂ عمل پر تفصیلی گفتگو ہوئی۔ ملاقات کے دوران جناب غلام محمد خواجہ صاحب نے آئندہ بلدیاتی انتخابات میں ایڈووکیٹ مظفر علی آخوند صاحب کی بھرپور حمایت اور ہر ممکن تعاون کی یقین دہانی کراتے ہوئے ان کے لیے نیک تمناؤں کا اظہار کیا۔
علی موسٰی خان صاحب نے غلام محمد خواجہ صاحب کی محبت، اعتماد اور تعاون پر دلی شکریہ ادا کیا اور باہمی اتفاق و اتحاد کے ساتھ علاقے کی خدمت کے عزم کا اعادہ کیا۔
#ایڈمن

03/08/2026

سر سید چلڈرن اکیڈمی یوچنگ کے بانی اور ممتاز ماہرِ تعلیم جناب غلام مرتضیٰ صاحب سے ایڈووکیٹ مظفر علی آخوند امیدوار برائے ڈسڑکٹ کونسل گانچھے یونین کونسل سرمو 7 اور جناب علی موسیٰ خان مقیم امریکہ کی خصوصی ملاقات۔
ملاقات کے دوران یونین کونسل سرمو کے بچوں کی معیاری تعلیم، بہترین تربیت، تعلیمی مواقع اور روشن مستقبل کے حوالے سے تفصیلی تبادلۂ خیال کیا گیا۔ اس موقع پر غلام مرتضیٰ صاحب نے ایڈووکیٹ مظفر علی آخوند کی عوامی خدمت کے جذبے اور بلدیاتی انتخابات میں حصہ لینے کے فیصلے کو خوش آئند قرار دیتے ہوئے ہر ممکن تعاون اور نیک خواہشات کا اظہار کیا۔
تعلیم یافتہ، باشعور اور ترقی یافتہ سرمو ہماری مشترکہ منزل ہے۔

Muzaffar Ali Akhond Muhammad Hasnain

Dirección

Quito

Página web

facebook.com

Notificaciones

Sea el primero en enterarse: le enviaremos un correo electrónico cuando بلدیاتی الیکشن میڈیا سیل یونین کونسل سرموں-7 ٹیم ایڈووکیٹ publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.