18/10/2025
💔 والله يا خوتي... كي نتفكر قصر الدنيا وأبدية الآخرة، ونتفكر أنو العمر هذا ماشي إلا ومضة، لحظة وتنطفئ… نحسّ بخوف يهز القلب.
كل صباح نسمع بخبر وفاة شاب من خيرة شبابنا، البارح كانوا يضحكوا ويخططوا للمستقبل، واليوم تحت التراب لا يملكون سوى عملهم...
فنسأل رواحنا: واش رانا نديرو؟ على واش راه وقتنا يضيع؟ كيفاش نرتاحو وحياتنا ماشية بلا صلاة، بلا توبة، بلا نية صافية لله؟
يا خوتي، الموت ما يستناش سن معين، ولا حالة معينة، ولا نهار معين.
كلنا في طابور، وما نعرفوش وقت النداء.
ارجعوا لربي قبل ما يجي اليوم اللي ما تلقاو فيه رجعة.
الجامع راه منوّر، والقلوب محتاجة نور.
ما تخلوش الدنيا تخطفكم، راهي فانية، لكن الآخرة ما فيهاش رجوع ولا تعويض.
اللهم تب علينا قبل الموت، وارزقنا حسن الختام 🤲
