30/04/2024
#الصدفية
نقدروا نقولوا عليها
لا شفاء تام منه لكن كاين علاجات تخفف منها
سواء كانت للشعر او الجلد
بالنسبة للجلد اذا كانت جافة مع حكة خفيفة او قوية نديرو مزيج متساوي من زيت الضرو و زيت القطران ندهنوا المكان الافضل تغطيه مشي تغمه تماما و يعرق الجلد مجرد غطاء على جال الهوا و يبقى الجلد يتشرب براحته و يغسل بصابون الطرف وفقط مكان حتى غاسول اخر
افضل النتائج نشوفوها بالاستعمال اليومي و المداومة مشي مرة فالشهر
اما اذا كانت الصدفية متقرحة و تسيل هنا نستخدموا العسل الحر و الشب نطلو بالعسل الحر و نحطو مسحوق الشب فوقه حتى يجف هذاك التقرح تماما عاد نرجعو نحطو مزيج الزيوت
بالنسبة للشعر اول شي شامبو بدون سولفات والافضل تع البيبي ولا تاع القطران
الثانية زيت القطران وحده ولا مخلط بزيت الضرو نفس النتيجة نديرو بيه حمام زيتي قبل الدوش حوالي 4 ساعات و تغسل ولي يقدر يستحمل الريحة يبات بيه النتيجة اسرع مرة ولا مرتين فالاسبوع حسب درجة الانتشار بالفروة
لبنات حاولو تبعدو على تنشاف الشعر بالسيشوار تتهلك الفروة و تهيج بالسخانة تاعه على الاقل في فترة العلاج
وربي يشافي الجميع 🤲
