01/23/2021
احيانا لما بنقرأ عباره على الفيس بوك بتتكلم عن علاقتنا بالاخرين زي مثلا:
"ماتنتقدشي غيرك علشان عنده عيب مش موجود في قائمة
عيوبك، كلنا ماشيين بالستر"
لما بتعجبنا عبارة زي دي بنبتدي نفكر في الغير ده على انه ممكن يكون صديقي او قريبي او جاري .
ونبتدي نقول انا لازم اغمض عيني على اخطاءه وعيوبه.
بس غالبا مش بنفكر في الغير ده على انه ممكن يكون شريك حياتك وبالتالي هايكون قرارك انك تغمض عينك على عيوبه.
صدقوني لو مشينا بالمبدأ ده، مش هاقول ان كل مشاكلنا الزوجية هاتتحل، بس هاقول ان معظمها هاتزول.
افتكر انك معيوب قبل ما تاخد اي قرار.
