Elm və Təhsil İşçiləri Həmkarlar İttifaqı Quba rayon komitəsi

20/03/2026

təravəti və mənəvi dərinliyi ilə zənginləşən bu mübarək günlər hər bir evə ümid, bərəkət və sevinc gətirsin. Bu əziz bayramlar münasibətilə hər birinizə möhkəm can sağlığı, süfrələrinizə bolluq, ailələrinizə xoş ovqat arzulayıram. Birliyimiz və həmrəyliyimiz daha da möhkəmlənsin, hər ocaq sevinc və ruzi-bərəkətlə dolsun.

20/03/2026

20/03/2026

Baharın gəlişini müjdələyən Novruz bayramı və mənəvi saflaşmanı tərənnüm edən Ramazan ayı xalqımızın milli-mənəvi irsinin parlaq ifadəsidir. Elm və Təhsil İşçiləri Həmkarlar İttifaqı olaraq bu əziz günlər münasibətilə bütün üzvlərimizi, təhsil ictimaiyyətini ürəkdən təbrik edir, hər bir ocağa sevinc, ruzi-bərəkət, möhkəm sağlamlıq və uğurlar arzulayırıq. 🌸

20/03/2026

11 ayın Sultanı müqəddəs Ramazan bayramınız mübarək! 🌙

20/03/2026

20/03/2026

🤝 “İnci balalar” uşaq bağçasında həmkarlar ittifaqı təsis olunub.

“İnci balalar” uşaq bağçasında həmkarlar ittifaqı komitəsinin təsis yığıncağı keçirilib. Təsis iclasında bağçanın həmkarlar ittifaqı komitəsinin yaradılması ilə bağlı təşkilati məsələlər müzakirə olunub.

Tədbirdə “İnci balalar” uşaq bağçasının əməkdaşları, həmçinin Elm və Təhsil İşçiləri Həmkarlar İttifaqı Respublika Komitəsi sədrinin müşaviri Renata Mansurova iştirak edib.

Təsis iclasında həmkarlar ittifaqı komitəsinin və təftiş komissiyasının üzvləri, eləcə də komitənin sədri seçilib, yaradılan qurumun ETİHİ Respublika Komitəsinin xidmətinə qəbul edilməsi barədə qərar qəbul olunub.

Elm və Təhsil İşçiləri Həmkarlar İttifaqı Respublika Komitəsi yeni üzvləri ilə birgə həmrəyliyə əsaslanan fəaliyyət istiqamətini davam etdirməkdədir.

20/03/2026

Ulu Öndər Heydər Əliyevin 103-cü ildönümünə həsr olunmuş şahmat turnirinin Quba rayon mərhələsi keçirilib.

ETİHİ Respublika Komitəsinin qərarına əsasən Quba rayonunun ümumtəhsil məktəblərində çalışan təhsil işçiləri arasında Ulu Öndər Heydər Əliyevin anadan olmasının 103-cü ildönümünə həsr olunmuş şahmat turnirinin rayon mərhələsi keçirilmişdir. Yarışı giriş sözü ilə açan ETİHİ Quba rayon komitəsinin sədri Vüsalə Kərimova bu cür yarışların təhsil işçiləri arasında keçirilməsinin onların motivasiyasının artırılmasına, sağlam rəqabət mühitinin formalaşmasına mühüm töhfə verdiyini vurğulamışdır. Turnir boyunca iştirakçılar arasında gərgin və maraqlı mübarizə müşahidə olunmuşdur. Yarışın yekun nəticələrinə əsasən Alekseyevka kənd tam orta ümumtəhsil məktəbinin müəllimi Osman Sultanov məğlubiyyətsiz çıxış edərək I yerə layiq görülmüşdür.
Sonda ETİHİ Quba rayon komitəsi tərəfindən I, II və III yerləri tutan qaliblərə hədiyyələr və təşəkkürnamələr təqdim edilmiş, digər iştirakçılar da təşəkkürnamələrlə təltif olunmuşdur. Qeyd edək ki, I yerin qalibi şahmat turnirinin respublika mərhələsində iştirak etmək hüququ qazanmışdır.

https://guba.etihi.org/xeberler/ulu-onder-heyder-eliyevin-103-cu-ildonumune-hesr-olunmus-sahmat-turnirinin-quba-rayon-merhelesi-kecirilib

20/03/2026

Təhsil müəssisəsinə bayram ərəfəsində növbəti dəstək göstərilib.

18 mart 2026-cı il tarixində ETİHİ Quba rayon komitəsinin sədri V. Kərimova Zərdabi qəsəbəsində yerləşən B. Şıxəmirov adına tam orta ümumtəhsil məktəbində görüş keçirmişdir. Görüş məktəb rəhbərliyinin və kollektivinin həmkarlar təşkilatına müraciəti əsasında təşkil olunmuş və əsas məqsəd təhsil müəssisəsinin ehtiyac duyduğu səs gücləndirici avadanlığın təqdim edilməsi olmuşdur. Qeyd edək ki, bayram ərəfəsində göstərilən bu diqqət və qayğı məktəbin rəhbərliyi və pedaqoji kollektivi tərəfindən yüksək dəyərləndirilmiş, böyük məmnunluqla qarşılanmışdır. Tədbir zamanı çıxış edənlər tərəfindən vurğulanmışdır ki, həmkarlar təşkilatlarında həyata keçirilən islahatlar respublikamızın bütün bölgələrində hiss olunmaqdadır, və bu dəyişikliklər təhsil işçilərinin sosial rifahının yaxşılaşdırılmasına və onların fəaliyyətinə dəstəyin gücləndirilməsinə xidmət edir. Görüşün sonunda məktəbin rəhbərliyi və kollektivi tərəfindən göstərilən diqqət və dəstəyə görə AHİK-na və ETİHİ Respublika Komitəsinə dərin minnətdarlıqlar ifadə olunmuşdur.

https://guba.etihi.org/xeberler/tehsil-muessisesine-bayram-erefesinde-novbeti-destek-gosterilib

20/03/2026

Novruz sevinci və yubiley təbrikləri!

Müqəddəs Novruz bayramı münasibətilə ETİHİ Quba rayon komitəsi Quba rayonu Rəhman Məmmədov adına Alekseyevka kənd tam orta məktəbi təhsil işçiləri ilə səmimi görüş keçirib. Görüşdə məktəbin direltoru Sevil Allahverdiyeva və ETİHİ Quba rayon komitəsi sədri Vüsalə Kərimova məktəbin kollektivinə öz səmimi təbriklərini çatdırmışlar. Məktəbin istedadlı şagirdləri öz əl işlərini təqdim edərək tədbirə rəng qatdılar. Yubiley yaşını qeyd edən müəllimlər xüsusi təbrik olundular.Uzun illər ərzində göstərdikləri əməklər üçün təşəkkürnamə, gül buketləri və pul mükafatı təqdim edildi. İştirakçılar səmimi ab-havaya görə minnətdarlıqlarını ifadə edərək, həm Novruz sevincini, həm də yubiley sevincini birlikdə paylaşdılar.

https://guba.etihi.org/xeberler/novruz-sevinci-ve-yubiley-tebrikleri

20/03/2026

Quba rayonunda təhsil işçiləri üçün Ramazan iftarı keçirilib

Müqəddəs Ramazan ayı münasibətilə ETİHİ Quba rayon komitəsi tərəfindən təhsil işçiləri üçün Nazlı Bulaq istirahət mərkəzində iftar süfrəsi təşkil edilib. İftar məclisində birlik və həmrəylik ruhu xüsusi hiss olunub, milli-mənəvi dəyərlərin əhəmiyyəti vurğulanıb. Tədbir iştirakçılarına zəngin süfrə təqdim olunub və Ramazanın fəzilətləri ilə bağlı dualar səsləndirilib. Səmimi mühitdə keçən görüş iştirakçılar tərəfindən yüksək qiymətləndirilib. İftar süfrələrində 150-yə yaxın təhsil işçisi iştirak edib. Sonda qonaqlar təşkilatçılara göstərilən diqqət və qayğıya görə təşəkkürlərini ifadə ediblər.

https://guba.etihi.org/xeberler/quba-rayonunda-tehsil-iscileri-ucun-ramazan-iftari-kecirilib

20/03/2026

Təhsil işçilərinin yubileyləri qeyd edildi

Fevral və mart aylarında yubiley yaşlarını qeyd edən bir sıra təhsil işçiləri ETİHİ Quba rayon komitəsi tərəfindən təbrik olunublar.
Onların təhsil sahəsində uzunillik səmərəli fəaliyyəti və gənc nəslin yetişdirilməsindəki xidmətləri yüksək qiymətləndirilib.
Yubilyarlara möhkəm cansağlığı, uzun ömür və gələcək işlərində yeni nailiyyətlər arzulanıb.
Eyni zamanda, yubilyarlar həmkarlar təşkilatı tərəfindən təşəkkürnamə, gül buketləri və pul mükafatı ilə təltif olunublar.
Öz növbəsində yubilyarlar onlara göstərilən diqqət və qayğıya görə AHİK-na və ETİHİ Respublika Komitəsi-nə minnətdarlıqlarını bildiriblər.

https://guba.etihi.org/xeberler/tehsil-iscilerinin-yubileyleri-qeyd-edildi