Gəncə Regional Vəkil Bürosu

20/03/2026

Gəncə Regional Vəkil Bürosunun kollektivi adından xalqımızı dünya müsəlmanlarının müqəddəs Ramazan bayramı və Novruz bayramı münasibətilə təbrik edir, bu əziz bayram günlərində bahar əhval-ruhiyyəsi, əmin-amanlıq, möhkəm can sağlığı və səadət arzulayırıq. Evinizə - ailənizə - ocağınıza bayram ovqatı və sevinc, bol ruzi-bərəkət arzu edirik. Bayramlarınız mübarək olsun!

08/03/2026

Azərbaycan Respublikası Vəkillər Kollegiyası 8 Mart – Beynəlxalq Qadınlar Günü münasibətilə bütün Azərbaycan xanımlarını səmimi-qəlbdən təbrik edir, onlara möhkəm cansağlığı, xoşbəxtlik, ailə səadəti və işlərində müvəffəqiyyətlər arzulayır.

06/03/2026

Gəncə Regional Vəkil Bürosunun kollektivi adından Azərbaycan xanımlarını, o cümlədən xanım həmkarlarımızı 8 Mart - Beynəlxalq Qadınlar Günü münasibətilə ürəkdən təbrik edir, cansağlığı, səadət, xoşbəxtlik arzulayırıq!

25/02/2026

Xocalı soyqırımı qurbanlarının əziz xatirəsini dərin hüzn və ehtiramla yad edirik!

20/02/2026

19/02/2026

Vəkillər Kollegiyası Rəyasət Heyətinin növbəti iclası keçirilib

2026-cı il fevralın 18-də Azərbaycan Respublikası Vəkillər Kollegiyasının (VK) Rəyasət Heyətinin növbəti iclası keçirilib.

İclası giriş sözü ilə açan Kollegiyanın sədri Anar Bağırov Rəyasət Heyətinin cari fəaliyyəti, son dövrdə həyata keçirilmiş tədbirlər və qarşıda duran vəzifələr barədə ətraflı məlumat verib.

Gündəliyə uyğun olaraq bir vəkilin dövlət qulluğunun xüsusi növünə xidmətə qəbul edilməsi ilə əlaqədar vəkillik fəaliyyətinin dayandırılması məsələsinə baxılıb. Həmçinin bəzi vəkillərin vəkil kabineti yaratmaları, Vəkil bürolarının fəaliyyət göstərdikləri ünvanların dəyişdirilməsi, eləcə də digər vəkil qurumlarına keçməsi ilə bağlı müraciətləri müzakirə olunaraq müvafiq qərarlar qəbul edilib.

Bundan əlavə, iclasda “Dövlət hesabına göstərilən hüquqi yardıma görə haqqın Azərbaycan Respublikasının Vəkillər Kollegiyası tərəfindən vəkillərə ödənilməsi prosedurları üzrə sənədləşmə işlərinin aparılması barədə” Təlimata dəyişiklik edilməsi məsələsinə baxılıb, habelə Vəkil büroları və fərdi qaydada fəaliyyət göstərən vəkillər tərəfindən 2025-ci ildə hüquqi yardım göstərilməsi ilə əlaqədar fəaliyyətlərinin illik statistik hesabatı təhlil olunub. Aparılan müzakirələr və təqdim edilən məlumatlar əsasında Rəyasət Heyəti tərəfindən müvafiq qərarlar qəbul edilib.

İclasın davamında Vəkillərin İntizam Komissiyasının rəylərinə baxılıb. Rəyasət Heyətinin müvafiq qərarları ilə yol verdikləri intizam pozuntularına görə 1 vəkilin fəaliyyəti müəyyən müddətə dayandırılıb, 1 vəkilə xəbərdarlıq tətbiq edilib, 1 vəkil isə cərimələnib.

Ətraflı: https://barassociation.az/news/1921

11/02/2026

E L A N !
14 fevral 2026-cı il tarixində saat 11.00-dan 16.00-dək Gəncə Regional Vəkil Bürosunun vəkilləri tərəfindən Gəncə şəhərində və ətraf rayonlarda yaşayan aztəminatlı əhaliyə, həmçinin şəhid ailələrinə və Vətən müharibəsi iştirakçılarına ödənişsiz hüquqi yardım göstəriləcəkdir.
Hüquqi yardım Büronun inzibati binasında təşkil olunacaq.
Ünvan: Gəncə şəhəri, Həsən Əliyev küçəsi, 49

20/01/2026

Bütün şəhidlərimizin xatirəsini dərin hörmət və ehtiramla yad edirik. Allah rəhmət eləsin!