Bakı 10 saylı Mediasiya Təşkilatı

20/03/2026

14/03/2026

Bakı şəhəri 10 saylı Mediasiya Təşkilatının kollektivinə yeni mediator Elnur Camalxanov fəaliyyətə başlayıb.Ona mediasiya sahəsində uğurlar arzulayır, gələcək fəaliyyətində səmərəli və uğurlu nəticələr diləyirik.

14/03/2026

Bakı şəhərində fəaliyyət göstərən 10 saylı Mediasiya Təşkilatında mediatorlarla Novruz bayramı ərəfəsində səmimi və işgüzar görüş keçirildi. Görüş zamanı mediasiya fəaliyyətinin inkişafı, qarşıda duran planlar və əməkdaşlıq imkanları ətrafında məhsuldar fikir mübadiləsi aparıldı.

Səmimi mühitdə keçən bu görüş həm peşəkar təcrübənin paylaşılması, həm də mediatorlar arasında əlaqələrin daha da möhkəmlənməsi baxımından əhəmiyyətli oldu. Novruz öncəsi baş tutan bu görüş birlik, yenilənmə və yeni təşəbbüslər üçün gözəl bir başlanğıc kimi yadda qaldı.

10/03/2026

Yel çərşənbəsi təbiətin nəfəsi kimidir — külək sanki qışın ağırlığını aparır, baharın təravətini gətirir. Qoy bu çərşənbə hər evə yenilənmə, ümid və xoş enerji gətirsin.

04/03/2026

📌 Türk Dünyası Mediatorlar Birliyinin nümayəndə heyəti Kipr Aydın Universitetinin tələbələri ilə görüşüb

Şimali Kipr Türk Cümhuriyyətində səfərdə olan Türk Dünyası Arabulucular Birliği nümayəndələri Kipr Aydın Universitetinin Hüquq fakültəsi tələbələrinin fəal iştirakı ilə “Universitetli Gənclərlə Görüş və Mediasiya Söyləşisi” adlı tədbir keçirilib. Qonaqları Kipr Aydın Universitetinin rektoru Yadigar İzmirli qarşılayıb.

Türk Dünyası Mediatorlar Birliyi ilə əməkdaşlıq çərçivəsində baş tutan görüşün əsas məqsədi gənclərin mediasiya sahəsində biliklərinin artırılması və beynəlxalq təcrübə ilə tanışlığının təmin edilməsi olub.

Tədbir zamanı çıxış edən Mediasiya Şurası İdarə Heyətinin üzvü Sima Yaqubova gənclərin peşəkar inkişafında mediasiya biliklərinin önəmini vurğulamış, hüquq tələbələrinin bu sahəyə erkən mərhələdə yönləndirilməsinin gələcəkdə peşəkar mediatorların formalaşmasına mühüm töhfə verdiyini qeyd edib.

Tədbirdə sahə üzrə ixtisaslaşmış mütəxəssislər mediasiyanın hüquq sistemində rolu, alternativ mübahisə həll mexanizmlərinin əhəmiyyəti və müxtəlif ölkələrin təcrübəsi barədə çıxış edib, tələbələrin suallarını cavablandırıblar.

04/03/2026

Nərimanov Rayon Məhkəməsində məhkəmənin sədri və hakim heyəti ilə işgüzar görüş baş tutdu. Görüşdə 10 saylı Mediasiya Təşkilatının rəhbəri Rauf Əzimov təşkilatın fəaliyyəti, mediasiya prosesinin effektivliyi və məhkəmə–mediasiya əməkdaşlığının əhəmiyyəti barədə çıxış etdi.

Müzakirələr zamanı mediasiyanın mübahisələrin daha operativ, konstruktiv və tərəflərin mənafeyinə uyğun həllində rolu xüsusi vurğulandı, qarşılıqlı əməkdaşlıq imkanları ətrafında fikir mübadiləsi aparıldı.

Hüquqi sistemdə dialoq və əməkdaşlığın gücləndirilməsi istiqamətində atılan bu addımı yüksək qiymətləndiririk.

03/03/2026

Borcla bağlı mübahisələrin mediasiyada həlli.

26/02/2026

Unutmadıq. Unutdurmayacağıq. 1992-ci ilin fevralında Xocalıda baş verən faciə təkcə bir xalqın deyil, bütün bəşəriyyətin yaddaşına yazılmış ağrıdır. Biz bu günü yalnız hüznlə deyil, həm də insanlıq dəyərlərinə sədaqət andı kimi xatırlayırıq.

23/02/2026

Borc mübahisəsinin mediasiyada həlli.
Mediator Emin Hacıyev