Law for All

15/08/2023

12/08/2023

2 dostun dialoqundan:
“- Ürəyinin dərinliklərində olan gizli arzularını qeyd etdiyin yer necə adlanır?
- Cinayət Məcəlləsi 😈”
Allah sizi belə dostlardan qorusun 😁

28/07/2023

Güzəştli şərtlərlə mənzillərin əldə edilməsi məsələsi ilə bağlı sizə sözümüz var idi. Hazırda yazacağım informasiyanı yaddaşda saxlayın. Suallarınızı bu postun altında verə bilərsiniz.

❗️Deməli Ölkə başçısının 22.06.2016-cı il tarixli 940 nömrəli Fərmanı ilə təsdiq edilmiş “Azərbaycan Respublikası İpoteka və Kredit Zəmanət Fondunun vəsaiti hesabına ipoteka kreditinin, o cümlədən güzəştli ipoteka kreditinin verilməsi Qaydası”nın 3.2-ci bəndinə əsasən mənzilləri güzəştli şərtlərlə əldə etmək hüququ olan şəxslərdir:

❗️Gənc ailənin üzvü olan aşağıdakı şəxslər:
- şəhidin, Vətən Müharibəsi Qəhrəmanın, Milli Qəhrəmanın övladları;
- məcburi köçkün və ya ona bərabər tutulan şəxs;
- ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;
- ən azı 3 il dövlət ümumi təhsil müəssisəsində müəllim işləyən şəxs;
- fəlsəfə doktoru elmi dərəcəsi olan şəxs;
- idman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı (I, II və ya III yer);
ən azı 5 il jurnalist işləyən və Media Reyestrinə daxil edilmiş şəxs;
📌elmlər doktoru elmi dərəcəsi olan şəxs;
📌 ən azı 15 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;
📌ən azı 3 il hərbi xidmətdə olan (müddətli həqiqi hərbi xidmətdə olan hərbi qulluqçulardan başqa), həmçinin ehtiyata və istefaya buraxılmış Azərbaycan Respublikasının hərbi qulluqçuları (“Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçular istisna olmaqla);
📌ən azı 3 il daxili işlər orqanlarında xidmət keçən xüsusi rütbəsi olan şəxs;
📌ən azı 3 il elmi vəzifədə işləyən elmi işçilər;
Ardı ⬇️

05/07/2023

Məncə hamınıza artıq məlumdur ki, hər kəsin qeyri-şərtsiz 21 günlük haqqı ödənilən məzuniyyətdən istifadə etmək hüququ var. Biz bunu deməkdən yorulduq, inşallah siz də eşitməkdən yorulmusuz.. 😁

📌Bu gün söz verdiyimiz kimi məzuniyyət vaxtı üçün əmək haqqının ödənilməsi qaydalarından danışacağıq.
❗️Əmək Məcəlləsinin 140-cı maddəsinə əsasən məzuniyyət vaxtı üçün ödənilən orta əmək haqqı onun hansı iş ili üçün verilməsindən asılı olmayaraq məzuniyyətin verildiyi aydan əvvəlki 12 təqvim ayının orta əmək haqqına əsasən müəyyən edilir. Yəni 12 aylıq əmək haqqınız cəmlənilir bölünür 12-yə. Bununla orta aylıq əmək haqqının məbləği tapılır və alınan məbləği 30,4-ə bölmək yolu ilə bir günlük əmək haqqının məbləği müəyyən edilir. Bu qayda ilə müəyyən edilmiş bir günlük əmək haqqının məbləği, məzuniyyətin müddətinin təqvim günlərinin sayına vurulur.

❗️12 təqvim ayından az işləyib məzuniyyətə çıxan işçinin orta aylıq əmək haqqı onun faktik işlədiyi tam təqvim aylarına əsasən hesablanır.

❗️Məzuniyyət vaxtı üçün sizə verilən orta əmək haqqı məzuniyyətin başlanmasına ən geci 3 gün qalmış ödənilməlidir. Əgər bu məbləğ sizə daha gec ödənilərsə onda hüququnuz var ki, məzuniyyətin başlanma vaxtını əmək haqqının faktiki olaraq verildiyi gündən hesablanılmasını tələb edəsiniz.

Məncə bu postumuzda da qızıl xırdalamışıq. Yaddaşda saxlayın😉

03/07/2023

Vicdanlı hüquqşünaslar və UFO-ların ortaq cəhətləri nədir?
Həmişə onlar haqqında eşidirsən, amma heç vaxt görmürsən.

01/07/2023

Səhifəmizdə boşanma ilə bağlı bir neçə postumuz var. Lakin bu gün 1 yaşı tamam olmamış uşaqlı ailələrin boşanma prosesindən və uşağın kimdə qalmasından yazacam..

📌Onu qeyd edim ki, Ailə Məcəlləsinin 15-ci maddəsinə əsasən qadının hamiləliyi dövründə və ya uşağın doğulmasından sonra 1 il müddətində arvadın razılığı olmadan ər nikaha xitam verilməsi barədə iddia qaldıra bilməz. Yalnız ananın razı olduğu halda bu növ iddialar məhkəmə tərəfindən qəbul olunur.
❗️Ümumilikdə isə uşağın valideynlərdən hansında qalmasına gəldikdə bu zaman üstünlük anaya verilir adətən.. Bunu həm məhkəmə təcrübəsi göstərir, həm də BMT-nin Uşaq Hüquqları Bəyannaməsinin 6-cı prinsipinə görə azyaşlı uşaq müstəsna hallardan (ananın uşağın tərbiyəsi və inkişafı ilə məşğul olmaq imkanından məhrum olması) başqa, anasından alına bilməz. Məsələn, ananın psixi xəstəliyi, narkomaniya, alkoqolizm və ağır xəstəlikdən əziyyət çəkməsi, uşaqla qəddar rəftara yol verməsi, onlara qarşı psixi və fiziki zor tətbiq etməsi, valideynlik hüquqlarından sui-istifadə etməsi və s.
❗️Onu da qeyd edim ki, valideynlərdən birinin maddi-məişət şəraitinin digərinə nisbətdə yaxşı olması uşağın həmin valideynin yanında qalması üçün mütləq (həlledici) əsas ola bilməz.
❗️Son olaraq bir daha qeyd edim ki, ailə mübahisələri ilk olaraq mediasiyada həll olunmalı əgər heç bir razılıq əldə etməsəniz bu halda məhkəməyə müraciət etmək hüququnuz əmələ gəlir.

07/04/2023

Nəhayət ki, sizin üçün maximum sadə dildə bu mövzunun izahını hazırlamağa çalışdıq.
📌Deməli, əgər “pensiya”nızı erkən yaşlarda əldə etmək istəyirsizsə bu halda sığortadan istifadə etməlisiz. Bir sıra sığorta şirkətləri var ki, həyatın yaşam sığortası ilə sizə bu məbləği daha tez verə bilər. Yəni siz həyatın yaşam sığortasından istifadə edərək hazırki maaşınızın neçəsə faizini (bu sizin seçimdən asılıdı ancaq 50%-dən çox olmamamaq şərtilə) sığorta şirkətinə ödəməyi öhdənizə götürürsüz.
📌Bu növ sığorta müqaviləsi minimum 3 il müddətində bağlanılmalıdır. Və sizə verilən ödənişlər ən tezi 3 ildən sonra veriləcək. Müqavilənin qüvvədə olduğu müddətdə sığorta olunanın ölümü və yaxud sığorta müqaviləsində müəyyən edilmiş yaşa, müddətə qədər yaşadığı halda sığorta şirkəti müqavilə ilə razılaşdırılmış sığorta məbləğini birdəfəlik və ya vaxtaşırı ödənişlər şəklində sizə ödəməyi öhdəsinə götürür. Üstünlükləri nədir?

📌Sizin əmək haqqınızdan sığortaya ödənilən məbləğ vergi və sosial sığorta haqqından azaddır;
📌Bu güzəştlərdən faydalandıqda faktiki əlavə gəlir əldə edirsiz;
📌Bir növ indidən pul yığırsız;
📌Yığdığınız məbləğə əlavə olaraq yüksək investisiya gəliri hesablanır;
📌Əgər sığortalanan ölərsə bu müddət ərzində həmin məbləğ onun vərəsələrinə ödənilir.

Sizə misal halında bunu izah edək. Tutaq ki, maaşınız 300 manatını bu növ sığortaya ödəmək qərarına gəlirsiz. Bu halda 300 manatdan vergi və sığorta haqqı tutulmur. 3 il ərzində aylıq 300 manat sığorta ödənişi verdikdə nəticədə sizə qaytarılmalı olan məbləğ 10 800 manat edir. Yəni biz sizə minimal müddəti hesablayaraq bildirdik.
📌Onu da deyək ki, hazırda özəl şirkətlərin çoxu hətta bir neçə publik hüquqi şəxs bu növ sığortaya qoşulmuşdur.
📌Suallarınız olmadan olmaz. Buyurun😊

Hüquqlarınızın sadə dildə izahını veririk.
11 illik hüquqşünas təcrübəsi..
Onlayn konsultasiya

10/02/2023

Bu günlərdə çoxlarınız kimi bizim də xəbərləri izləməkdən, cüzi yardımda iştirak etməkdən başqa əlimizdən başqa bir şey gəlmədi.. Elə bir insanlıq dərsi oldu ki, hamımız üçün toparlanması çətin..İçimizə dərin hüzün, çarəsizlik və böyük bir boşluq buraxdı. Bəzən insanın öz başına gələn fəlakətdən çox yaxınına üzülər. Məncə millət olaraq bu gün bu hissləri yaşayırıq.. “Dərdiniz dərdimizdir” ifadəsini bu günlərdə iliklərimizə qədər hiss etdik..

Çox yaxşı bir millətik əslində.. Mərhəmətli, sevgi dolu, mərd.. Ancaq çox demirəm bir az da içimizdə vicdan və ədalət hisslərinə yer açsaq..

İnsan həyatı heç bir mənada oyuncaq deyil.. Allahdan bizə verilən bu həyatın, canın dəyərini bilərək zamanında haqsızlıqlara, qanun pozuntularına göz yummasaq dünya daha gözəl olar. Bir çoxlarımızın içində “Əşii nəyimə lazımdı.. özü bilər.. Mənim başıma gəlməyib ki..” deyən “biveclər” yaşayır. Əmin olun başıma gəlməz dediyiniz, susduğunuz hər bir haqsızlıqla qarşılarsız.. Geci və tezi var sadəcə..İçinizdəki ədalət və vicdan hissini oyadın.. Hüquqlarınızı bilin.. Bilin ki, tələb edə biləsiz, lazım gələndə özünüzü qoruya biləsiz.. Daim maariflənin..

Bundan böyük bir dərsi gözləməyin.. Başqalarının səhvləri üzərində öyrənmədikdə həyat bunu ən acınaqlı formada öyrədir.. Ölənlərmi ya qalanlarmı?! Hansı daha şanslı oldu...

Başın sağ olun Türkiyə! Başın sağ olsun Türk Dünyası!

03/02/2023

Piyada keçidində iki nəfər şəxsi maşınla vuran dövlət məmuru hakimdən soruşur:
- Indi bu hadisənin nə kimi nəticələri olacaq?
- Hmm.. 1-ci şəxs hansı ki, başıyla avtomobilin şüşəsinə dəymişdi ona hardasa 5 il azadlıqdan məhrumetmə tətbiq olunacaq - vəzifəli şəxsə qarşı terror aktı törətməsinə görə.. 2-ci hansı ki, kolluqlara tərəf tullanmışdı ona da hardasa 8 il və ya daha çox azadlıqdan məhrumetmə tətbiq olunacaq.. Çünki əlavə olaraq hadisə yerindən qaçmağa cəhd edib..
🤪

01/02/2023

Bəzən elə olur ki, şəxs vəsiyyətnamə yazır və elə zənn edir ki, bununla da gələcək varislərini dəqiq müəyyənləşdirir. Lakin bəzi kateqoriya şəxslərin mirasda məcburi pay hüququ var.
📌Yəni vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi pay hüququ vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil edir və bütün mirasdan müəyyənləşdirilir.

📌Əgər məcburi pay almaq hüququ olan şəxsə onun qanun üzrə vərəsəlik zamanı ala biləcəyi payın yarısından az əmlak vəsiyyət edilmişdirsə, o, vəsiyyət üzrə aldığı payın qanun üzrə vərəsəlik zamanı ala biləcəyi payın yarısından az olduğu hissəni tələb edə bilər.

📌Məcburi pay almaq hüququ olan vərəsə onu qəbul etməkdən imtina edə bilər, lakin bu imtina digər vərəsələrin məcburi payının artmasına səbəb olmur. Onun payı vəsiyyət üzrə vərəsələrə keçir.

📌Məcburi pay almaq hüququndan məhrumetmə yalnız məhkəmə qaydasında mümkündür. Bunun üçün miras qoyan öz sağlığında məhkəməyə müraciət etməlidir.

📌Məcburi pay almaq hüququndan məhrumetmə barəsində məhkəmənin çıxardığı qərar mirasın açıldığı andan qüvvədə olur. Əgər həmin qərar miras qoyanın ölümündən sonra qəbul edilərsə bu halda eyni nəticə baş verir.

30/12/2022

Yeni ildə bütün diləklərinizin gerçəkləşməsi ümidi ilə.. 😊