Sirius Vəkil Bürosu, Nəsimi rayonu, Həsən Əliyev küçəsi 5 a, Baku (2026)

Q: What is the address?

Nəsimi Rayonu, Həsən Əliyev Küçəsi 5 A

10/02/2026

“Sirius” Vəkil Bürosunun təsisçisi və müdiri, hüquq elmləri doktoru, BDU Hüquq fakültəsinin Konstitusiya hüququ kafedrasının professoru, konstitusiya hüququ üzrə tanınmış alim Sübhan Əliyev və Büromuzun vəkili, Dövlət Gömrük Komitəsinin Akademiyasının müəllimi və BDU-nun doktorantı Lalə Məmmədli tərəfindən birgə müəllifliklə hazırlanmış “İnzibati aktın anlayışı və xüsusiyyətləri” adlı elmi məqalə dərc edilmişdir.

Məqalə Azərbaycan Respublikası Ali Məhkəməsinin yanaşmaları, eləcə də Almaniya və Türkiyə hüquq təcrübəsi fonunda geniş təhlil edilərək inzibati hüququn nəzəri və praktiki aspektlərini birləşdirir.

Qeyd etməliyik ki, bu elmi iş inzibati hüquq sahəsində çalışan hüquqşünaslar, hakimlər, dövlət qulluqçuları və tədqiqatçılar üçün mühüm elmi-praktik əhəmiyyət daşıyır.

“Sirius” Vəkil Bürosu öz fəaliyyətində müasir hüquq doktrinasına və məhkəmə təcrübəsinə söykənən peşəkar yanaşmanı əsas prinsip kimi qəbul edir və hüquq elminin inkişafına töhfə verməyi davam etdirir.

📚 Məqalə ilə daha ətraflı tanış olmaq üçün: https://www.e-huquq.az/az/news/maariflendirme/115333.html

19/01/2026

“Sirius” Vəkil Büromuz adından Səudiyyə Ərəbistanın Azərbaycandakı səfiri cənab İssam bin Saleh Al-Cuteylinin hədiyyələrinə görə təşəkkür edirik.

10/01/2026

“Hüquqda 90 Dəqiqə” layihəsi çərçivəsində ilk təlim uğurla keçirilmişdir.

Bu gün – 10 yanvar 2026-cı il tarixində Sirius Vəkil Bürosunda “Hüquqda 90 Dəqiqə” layihəsi çərçivəsində ilk təlim təşkil olunmuşdur. Təlim inzibati hüququn fundamental mövzularından biri olan inzibati akt anlayışı və onun hüquqi ünsürlərinə həsr edilmiş, Ali Məhkəmənin 4 ulduzlu qərarı əsasında ətraflı elmi və praktik təhlil aparılmışdır.

Tədbirdə inzibati aktın anlayışı, hüquqi mahiyyəti və elementləri, məhkəmə təcrübəsində tətbiqi nəzəri biliklərlə yanaşı, real hüquqi yanaşmalar kontekstində müzakirə olunmuşdur.

🎓 Təlimin əsas məqsədi hüquq sahəsində çalışan və təhsil alan şəxslər üçün nəzəri biliklə praktiki yanaşmanı bir araya gətirən müzakirə platforması yaratmaqdır.

“Hüquqda 90 Dəqiqə” layihəsi çərçivəsində bu kimi maarifləndirici və elmi-praktik təlimlərin davam etdirilməsi nəzərdə tutulur.

📌 Təlimdə iştirak edən hər kəsə təşəkkür edir, növbəti görüşlərdə yenidən bir araya gəlməyi arzulayırıq.

08/09/2025

Sirius” Vəkil Bürosunun vəkilləri – Nuridə İbrahimova və Lalə Məmmədli 6 sentyabr tarixində Vəkillər Kollegiyası Tədris Mərkəzinin təşkilatçılığı ilə həyata keçirilən “Vəkildən gənc hüquqşünasa” layihəsi çərçivəsində keçirilən təlimdə çıxış ediblər.

Tədbirdə həmçinin Büromuzun vəkili, hüquq üzrə fəlsəfə doktoru, dosent Fərhad Mehdiyev də iştirak edərək gənc hüquqşünaslarla praktiki bilik və təcrübəsini bölüşüb.

Vəkillərimizə gələcək fəaliyyətlərində uğurlar arzulayırıq.

22/06/2025

Azərbaycan Respublikasının Ailə Məcəlləsinə əsasən, nikah davam etdiyi halda da bir valideyn digərindən uşağın saxlanılması üçün aliment tələb edə bilər.

Belə ki, Ailə Məcəlləsinin 75.5-ci maddəsinə əsasən aliment ödənilməsi barədə valideynlər arasında saziş olmadıqda, valideynlər (onlardan biri) uşaqları saxlamadıqda və məhkəməyə bu barədə iddia verilmədikdə müvafiq icra hakimiyyəti orqanı yetkinlik yaşına çatmayan uşaqlar üçün aliment tutulması barədə valideynlərə (onlardan birinə) qarşı iddia qaldırmaq hüququna malikdir.

Tərəflər arasında nikah münasibətlərinə rəsmi olaraq xitam verilmədən də uşağı himayəsində saxlayan tərəf yetkinlik yaşına çatmayan uşağın saxlanması üçün aliment almaq hüququna malikdir. Həmçinin həmin Məcəllənin 84.1-ci maddəsinə əsasən ər və arvad bir-birinə maddi cəhətdən kömək etməlidirlər.

Bu köməyin göstərilməsindən imtina edildikdə və ər-arvad arasında alimentin ödənilməsi barədə saziş olmadıqda aşağıdakılar buna zəruri vəsaitə malik olan digər tərəfin aliment ödəməsini məhkəmə qaydasında tələb etmək hüququna malikdirlər:
1. əmək qabiliyyəti olmayan və maddi yardıma ehtiyacı olan ər və ya arvad;
2. hamiləliyi dövründə və ümumi uşaqlarının doğulduğu gündən üç il ərzində arvad;
3. əlilliyi olan ümumi uşağa və ya orqanizmin funksiyalarının 81-100 faiz pozulmasına görə əlilliyi müəyyən edilmiş 18 yaşından yuxarı ümumi övlada qulluq edən və ehtiyacı olan ər və ya arvad.

“Sirius” Vəkil Bürosu olaraq ailə hüququ sahəsində peşəkar hüquqi dəstək göstəririk. Alimentin təyin edilməsi, məhkəmə müraciətlərinin hazırlanması və hüquqlarınızın qorunması üçün bizə müraciət edə bilərsiniz.

21/06/2025

Kredit müqaviləsi - borcverənin müəyyən edilmiş məbləğdə pul vəsaitini borcalana, müqavilədə göstərilən şərtlərlə və müddətə verməsi, borcalanın isə həmin vəsaiti faiz və digər ödənişlərlə birlikdə geri qaytarması barədə hüquqi öhdəlik daşıyan sənəddir.

Kredit müqaviləsi üzrə borcverən yalnız normativ hüquqi aktlara uyğun olaraq kreditlərin verilməsi fəaliyyətinin həyata keçirilməsi hüququna malik şəxs ola bilər.

Bəs bu müqavilə üzrə borcalanların tez-tez qarşılaşdığı hüquqi problemlər nələrdir?

1. Vaxtı keçmiş kreditin aqibəti – Bank icraata başlaya, əmlaka və ya gəlirlərə yönəlik tədbirlər görə bilər.
2. ⁠Təminatsız kreditlərin ödənilməməsi – Təminatın olmaması məsuliyyəti aradan qaldırmır, məhkəmə icraatına səbəb ola bilər.
3. ⁠Artıq hesablanmış faizlər – qanunazidd hesablamalar məhkəmə qaydasında azaldıla və ya ləğv edilə bilər.
4. ⁠İcra qeydi ilə banklar məhkəməsiz icra tədbirlərinin həyata keçirilməsini təmin edə bilər. Onun icrasını dayandırmaq üçün hüquqi müdafiə mümkündür və s.

“Sirius” Vəkil Bürosu olaraq təminatsız borclardan tutmuş, artıq hesablanmış faizlərə qədər kredit müqavilələri üzrə hüquqlarınızın qorunması üçün sizə dəstək olmağa hazırıq!

20/06/2025

“Sirius” Vəkil Bürosunun vəkili Zinyət Ağamalıyevanın “Həbs qətimkan tədbiri seçilərkən azyaşlı uşaqların hüquqlarının qorunması. Alternativ qətimkan tədbirlərinin əhəmiyyəti” mövzularında elmi məqaləsi “Azərbaycan Vəkili” elmi-praktiki jurnalında dərc olunmuşdur.

Bu məqalədə azyaşlıların müdafiəsi kontekstində Azərbaycanın qanunvericilik sistemində mövcud olan hüquqi yanaşmalar təhlil edilmiş, eyni zamanda Avropa İnsan Hüquqları Məhkəməsinin presedent hüququ və BMT-nin Uşaq Hüquqları Konvensiyasının müddəaları əsasında insan hüquqlarının, xüsusilə də uşağın ali mənafeyinin qorunması baxımından alternativ tədbirlərin tətbiqinin zəruriliyi elmi-praktik əsaslarla göstərilmişdir.

20/06/2025

”Sirius” Vəkil Bürosunun təşkilatçılığı ilə “İnzibati hüquq: inzibati icraat” təliminə qeydiyyat başladı!

Siz də inzibati orqanlar qarşısında az bilinən hüquqlarınızı öyrənmək, həmçinin dövlət işçisi kimi daha mükəmməl fəaliyyət göstərmək istəyirsinizsə, bu təlimi qaçırmayın!

👤Təlimçi - Bakı Dövlət Universitetinin Konstitusiya hüququ kafedrasının doktorantı, Mülki və inzibati hüquq sahəsi üzrə hüquqşünas Röya Mirtalıbova

▪️Qoşulan hər kəs sertifikat əldə edəcək;
▪️Qoşula bilməyənlərə video-rekording və sertifikat göndəriləcək;
▪️Təlim interaktiv müzakirələr, sual-cavab, diskussiya formasında keçirilir;

Bu təlimdə öyrənəcəksiniz:

🔷”İnzibati icraat haqqında” Qanunun şərhi;
🔹İnzibati icraat və publik hüquq münasibətləri;
🔹İnzibati aktın anlayışı və növləri;
🔹Vətəndaşlarla inzibati orqanlar arasındakı münasibətlərin praktiki aspektləri;
🔹İnzibati orqanın anlayışı, təsnifatı və inzibati məhkəmə prosesində yeri;
🔹Real praktiki keyslər və sual-cavab üzərindən nəzəri-praktiki misallar;

💰 QİYMƏT: 20 AZN

☎️Qeydiyyat üçün +994 70 224 17 77 nömrəsilə WhatsAppla əlaqə saxlayın.

19/06/2025

Hörmətli Anar müəllim,

Sizi doğum gününüz münasibətilə “Sirius” Vəkil Bürosu adından səmimi qəlbdən təbrik edirik.

Azərbaycan vəkilliyinin inkişafı və peşəkar hüquqi xidmətlərin təşəkkül tapması istiqamətində uzun illər ərzində göstərdiyiniz səmərəli fəaliyyət, yüksək peşəkarlığınız və prinsipial mövqeyiniz hüquq ictimaiyyəti tərəfindən daim yüksək dəyərləndirilmişdir.

Sizin rəhbərliyinizlə Vəkillər Kollegiyasının son illərdə keçdiyi inkişaf yolu və həyata keçirilmiş islahatlar ölkəmizdə hüquqi dövlət və insan hüquqlarının müdafiəsi prinsiplərinin möhkəmlənməsinə ciddi töhfələr vermişdir.

Bu əlamətdar gündə Sizə möhkəm can sağlığı, uzun ömür, ailə səadəti və məsuliyyətli fəaliyyətinizdə yeni nailiyyətlər arzu edirik.

Foto: Arxiv, Bakı, 10.02.2022

18/06/2025

Bu gün – 18 iyun, ölkəmizdə İnsan Hüquqları Günü kimi qeyd olunur.

Azərbaycan Respublikasının Ümummilli Lideri Heydər Əliyevin 1998-ci il 18 iyun tarixli Sərəncamı ilə bu gün “İnsan hüquqları günü” elan olunmuşdur və həmin gün eyni zamanda Azərbaycan Respublikasında İnsan Hüquqlarının Müdafiəsi üzrə Milli Fəaliyyət Planının təsdiq olunduğu gündür.

“Sirius” Vəkil Bürosu olaraq, insan hüquq və azadlıqlarının qorunmasını cəmiyyətin davamlı inkişafının və hüquqi dövlətin əsas dayağı hesab edir, bu prinsiplərin təşviqinə və müdafiəsinə daim töhfə verməyə çalışırıq.

17/06/2025

Nikah müqaviləsi nikaha daxil olan şəxslər arasında bağlanan, nikah dövründə və (və ya) nikah pozulduqda ər-arvadın əmlak hüquqlarını və vəzifələrini müəyyən edən sazişdir. Bu müqavilə ilə ər-arvad birgə mülkiyyətin qanunla müəyyən olunmuş rejimini dəyişərək, ümumi əmlaka, onun ayrı-ayrı növlərinə və ya ər-arvadın hər birinin əmlakına birgə, paylı və ya ayrıca mülkiyyət rejimi tətbiq edə bilərlər.

Ailə qanunvericilyinə görə, nikah müqaviləsi ər-arvadın mövcud olan və gələcəkdə əldə edəcəkləri əmlaka dair bağlana bilər.

Nikah müqaviləsi yazılı formada bağlanır və notariat qaydasında təsdiq olunur. İstənilən vaxt dəyişdirilə və yaxud da pozula bilər.

Müqavilənin dəyişdirilməsi və yaxud da pozulması üçün bunu ər-arvadın qarşılıqlı razılığına bağlayır. Belə razılıq olduqda istənilən vaxt müavilə dəyişdirilə və ya pozula bilər. Razılıq olmadıqda isə tərəflərdən birinin iddiasına əsasən məhkəmənin qətnaməsi ilə nikah müqaviləsi dəyişdirilə və ya pozula bilər.

Müqavilənin şərtləri əri (arvadı) çox əlverişsiz vəziyyətə saldıqda nikah müqaviləsi onun tərəfindən mübahisələndirilə bilər. Nikah müqaviləsində nikah pozulduqdan sonrakı dövr üçün nəzərdə tutulan vəzifələr istisna olmaqla, nikaha xitam verilməsi anından nikah müqaviləsinə də xitam verilir.

15/06/2025

🇦🇿 15 İyun – Milli Qurtuluş Günü münasibətilə xalqımızı təbrik edirik!

Bu əlamətdar tarix Azərbaycan dövlətçiliyinin möhkəmlənməsində, hüquqi və siyasi sabitliyin təmin olunmasında dönüş nöqtəsi olmuşdur.

1993-cü ilin 15 iyununda ümummilli lider Heydər Əliyevin xalqın təkidli tələbi ilə hakimiyyətə qayıdışı ölkəmizin taleyini dəyişdi, milli birliyimizin və hüquqi dövlətin bünövrəsini qoydu.

“Sirius” Vəkil Bürosu olaraq bu günün tarixini dərin ehtiramla xatırlayır, xalqımızın azadlıq və sabitlik uğrunda birləşdiyi iradəni qürurla yad edirik.

Sirius Vəkil Bürosu

10/02/2026

19/01/2026

10/01/2026

08/09/2025

22/06/2025

21/06/2025

20/06/2025

20/06/2025

19/06/2025

18/06/2025

17/06/2025

15/06/2025

Address

Telephone

Website

Alerts

Contact The Practice

Shortcuts

Share

Category