Զինծառայողի պաշտպան

Զինծառայողի պաշտպան Զինծառայողների իրավական պաշտպանություն

"Զինծառայողի պաշտպան" իրավապաշտպանական կազմակերպությունը ստեղծվել է ՀՀ պետականության հիմնասյունը հանդիսացող և, այդուհանդերձ, խոցելի կարգավիճակում գտնվող զինված ուժերի ներկայացուցիչների իրավական պաշտպանությունն ու աջակցությունը ստանձնելու նպատակով։

Կազմակերպության ակունքում կանգնած հիմնադիրները, հանդիսանալով ՀՀ զինված ուժերի պահեստազորի սպա-իրավաբաններ, անցնելով զորային օղակի ծառայության բոլոր փու

լերով, առավել համակարգված և անմիջականորեն ուսումնասիրելով զինծառայողներին առնչվող հիմնախնդիրները, սոցիալական և իրավական երաշխիքների ոչ լիարժեք ապահովումը, կատարելապես տիրապետելով ոլորտային օրենսդրությանը և քաջատեղյակ լինելով զինվորական ծառայության առկա մարտահրավերներին, հանձն են առել իրենց մասնագիտական գիտելիքները, ներուժը, փորձն ու հմտությունները ծառայեցնել ՀՀ ԶՈւ զինծառայողների իրավունքների պաշտպանությանը։

06/09/2021

ԶՈՐԱՎԱՐԺՈՒԹՅՈՒՆՆԵՐԻ ԵՎ ՎԱՐԺԱԿԱՆ ՀԱՎԱՔՆԵՐԻ ՆԵՐԳՐԱՎՎԱԾ ԱՆՁԱՆՑ ՏՐԱՄԱԴՐՎՈՒՄ Է ԴՐԱՄԱԿԱՆ ԱՊԱՀՈՎՈՒԹՅՈՒՆ, ԻՆՉՊԵՍ ՆԱԵՎ ՆՐԱՆՑ ԵՎ ՆՐԱՆՑ ԸՆՏԱՆԻՔԻ ԱՆԴԱՄՆԵՐԻՆ ՏՐԱՄԱԴՐՎՈՒՄ Է ԱՆՎՃԱՐ ԲՈՒԺՕԳՆՈՒԹՅՈՒՆ

Տեղեկացնում ենք, որ «Զինվորական ծառայության և զինծառայողի կարգավիճակի մասին» ՀՀ օրենքի 61-րդ հոդվածի 4-րդ մասի համաձայն՝ պահեստազորում գրանցված և զորավարժությունների ու վարժական հավաքների կանչված անձինք նշված միջոցառումների ողջ ժամանակահատվածում վարձատրվում են պայմանագրային զինծառայողների համար սահմանված վարձատրության պայմաններին համապատասխան։
Միևնույն ժամանակ «Զինվորական ծառայության և զինծառայողի կարգավիճակի մասին» ՀՀ օրենքի 64-րդ հոդվածի համաձայն՝ զորավարժությունների և վարժական հավաքների ընդգրկված անձինք և նրանց ընտանիքի անդամները (ամուսինը կամ կինը, երեխաները և ծնողները) օգտվում են պետական բյուջեի միջոցների հաշվին անվճար բուժօգնություն ստանալու իրավունքից։

16/04/2021

Ամփոփելով մեր աշխատանքային փորձը՝ անհրաժեշտ ենք համարում անդրադառնալ զինծառայողներին հանգստյան և տոնական օրերին ծառայության ներգրավելու հարցերին։
Զինծառայողներին հանգստյան և տոնական օրերին, այդ թվում՝ շաբաթական ծառայության ժամանակի սահմանված տևողությունից դուրս, ծառայողական պարտականությունների կատարմանը ներգրավելու դեպքում ծառայության մեջ անցկացրած ժամանակին հավասար տևողությամբ զինծառայողին տրամադրվում է հանգիստ՝ հետևյալ հաջորդականությամբ շարադրված տարբերակներից որևէ մեկով՝
- Հանգիստը տրամադրվում է շաբաթվա մյուս օրերին,
- Հանգիստը տրամադրվում է հանգստի լրացուցիչ օրերի ձևով,
- Հանգիստը տրամադրվում է՝ միացվելով հիմնական արձակուրդի օրերին։

Շուտով կանդրադառնանք նաև հանգստյան և տոնական օրերին կատարված աշխատանքի վարձատրության հարցին։

30/03/2021

ԱԶԳԱՅԻՆ ԺՈՂՈՎԸ ՄԵՐԺԵՑ ԶԻՆԾԱՌԱՅՈՂՆԵՐԻՆ ՉՕԳՏԱԳՈՐԾՎԱԾ ԱՐՁԱԿՈւՐԴՆԵՐԻ ԴԻՄԱՑ ՓՈԽՀԱՏՈւՑՈւՄ ՏԱԼՈւ ՆԱԽԱԳԻԾԸ

Ազգային ժողովը հերթական նստաշրջանում մերժեց «Զինվորական ծառայության և զինծառայողի կարգավիճակի մասին» օրենքում փոփոխություն և լրացում կատարելու մասին» ՀՀ օրենքի նախագիծը (http://parliament.am/drafts.php?sel=showdraft&DraftID=12227&Reading=0), որով առաջարկվում էր անկախ զինվորական ծառայությունից արձակման տարեթվից՝ զինվորական ծառայության ընթացքում չօգտագործված արձակուրդ ունեցող զինծառայողներին տալ փոխհատուցում` չօգտագործված արձակուրդների բոլոր օրերի դիմաց՝ դրանով իսկ զինծառայողներին ազատելով դատական քաշքշուկներից: Փաստացի, օրենսդիր մարմինն անտարբեր գտնվեց զինծառայողների կենսական կարիքների հանդեպ, իսկ ՀՀ պաշտպանության նախարարությունը բավարար ջանքեր չգործադրեց զինծառայողների շահերը պաշտպանելու ուղղությամբ։

Հիշեցնենք, որ «Զինվորական ծառայության և զինծառայողի կարգավիճակի մասին» ՀՀ օրենքի գործող խմբագրությամբ 61-րդ հոդվածի 16-րդ մասը, որով զինվորական ծառայությունից արձակվող և զինվորական ծառայության ընթացքում չօգտագործված արձակուրդ ունեցող զինծառայողներին տրվում էր փոխհատուցում` ոչ ավելի, քան զինվորական ծառայությունից արձակվելու և դրան նախորդող երկու տարվա չօգտագործված արձակուրդի օրերի դիմաց, ՀՀ Սահմանադրական դատարանի՝ 2018թ. հուլիսի 10-ի ՍԴՈ-1424 որոշմամբ ճանաչվել էր հակասահմանադրական՝ զինծառայողի՝ չօգտագործված արձակուրդի օրերի դիմաց փոխհատուցում ստանալու հնարավորությունը զինվորական ծառայությունից արձակվելու և դրան նախորդող երկու տարվա ժամանակահատվածով սահմանափակելու մասով։

Ցանկանում ենք ձեր ուշադրությունը հրավիրել այն հանգամանքին, որ «Սահմանադրական դատարանի մասին» ՀՀ սահմանադրական օրենքի 68-րդ հոդվածի 11-ին մասի համաձայն՝ օրենսդրական նորմի՝ Սահմանադրությանը հակասող և անվավեր ճանաչվելու դեպքում այդ նորմը կորցնում է իրավական ուժը, այսինքն՝ դադարում է գոյություն ունենալուց։ Հետևաբար՝ անկախ որոշ շրջանակներում տիրող իրավական տրամաբանությունից դուրս մեկնաբանություններից՝ զինծառայողների՝ զինվորական ծառայության ողջ ընթացքում չօգտագործված արձակուրդի գումարը ենթակա է փոխհատուցման՝ հիմք ընդունելով ՀՀ աշխատանքային օրենսգրքի 170-րդ հոդվածի 2-րդ մասը։

Հ.Գ. Կից հղմամբ կարոք եք ծանոթանալ պատգամավորների ցանկին, որոնք դեմ են քվեարկել նախագծին (http://www.parliament.am/register.php?do=bulletin&ID=9334

16/03/2021

"Զինծառայողի պաշտպան" իրավապաշտպանական կազմակերպությունը ստեղծվել է ՀՀ պետականության հիմնասյունը հանդիսացող և, այդուհանդերձ, խոցելի կարգավիճակում գտնվող զինված ուժերի ներկայացուցիչների իրավական պաշտպանությունն ու աջակցությունը ստանձնելու նպատակով։

Կազմակերպության ակունքում կանգնած հիմնադիրները, հանդիսանալով ՀՀ զինված ուժերի պահեստազորի սպա-իրավաբաններ, անցնելով զորային օղակի ծառայության բոլոը փուլերով, առավել համակարգված և անմիջականորեն ուսումնասիրելով զինծառայողներին առնչվող հիմնախնդիրները, սոցիալական և իրավական երաշխիքների ոչ լիարժեք ապահովումը, կատարելապես տիրապետելով ոլորտային օրենսդրությունը և քաջատեղյակ լինելով զինվորական ծառայության առկա մարտահրավերներին, հանձն են առել իրենց մասնագիտական գիտելիքները, ներուժը, փորձն ու հմտությունները ծառայեցնել ՀՀ ԶՈւ զինծառայողների իրավունքների պաշտպանությանը։

Address

Yerevan

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Friday 09:00 - 19:00

Website

Alerts

Be the first to know and let us send you an email when Զինծառայողի պաշտպան posts news and promotions. Your email address will not be used for any other purpose, and you can unsubscribe at any time.

Shortcuts

Share

Category