What are the opening hours?

Monday 10:00 - 18:00 Tuesday 10:00 - 18:00 Wednesday 10:00 - 18:00 Thursday 10:00 - 18:00 Friday 10:00 - 18:00

ELL Partnership Law Firm

Home
Armenia
Yerevan
ELL Partnership Law Firm

Our Law Firm unified lawyers with diverse legal backgrounds ranging from international law and human.

Our philosophy effuses from the maxim – “Expanding the borders of freedom” or “Expendus Limites Libero”, as our active and professional work helps the clients not to waste time and energy to perceive the whole legislation in the expense of development of own business strategy. The Partnership cooperates with state bodies, NGOs, natural persons and commercial entities. The Partnership has capacity to cooperate through its high-rate professionals in the following fields:
• Legal consulting:
International Public Law;
International Private Law;
EU Public Law;
EU Private Law;
Constitutional Law;
Investment Law;
Administrative Law;
Administrative Procedure;
Civil Law;
Civil Procedure;
Labor Law;
Intellectual Property Law;
Tax Legislation;
Custom Legislation;
Banking Law;
Competitive Law;
Land and Environmental Legislation;
Mining Legislation. Etc.
• Analyze:
Research and analyze of legal acts of the RA and foreign countries;
Research of the international experience in different fields of legal relations.
• Documentation:
Contracts (labor, purchase and sale, rent, lease, work, service providing, delegation, agency, storage, loan, factoring, franchising etc.);
Applications, Appeals and other documents.
• Representation before state bodies and municipalities;
• Advocacy:
Litigation in the Courts of Armenia;
Litigation in the European Court of Human rights;
Arbitration.
• Legal Due Diligence;
• Negotiation and mediation;
• Management of companies and separated subdivisions.

08/09/2026

Հերթական կարևոր հաղթանակը ապրանքային նշանի իրավական պահպանության գործով🏆

🏛️«Ի Էլ Էլ Գործընկերություն» իրավաբանական գրասենյակը հերթական հաջողությունն է գրանցել մտավոր սեփականության իրավունքի պաշտպանության ոլորտում։ ՀՀ վարչական դատարանը բավարարել է մեր վստահորդի հայցը՝ անվավեր ճանաչելով Մտավոր սեփականության գրասենյակի որոշումը և պարտավորեցնելով վերջինիս «ArtGallery» ապրանքային նշանին տրամադրել իրավական պահպանություն բոլոր խնդրարկված ապրանքների համար։

Այսպես, «Ի Էլ Էլ Գործընկերություն» իրավաբանական գրասենյակի բաժնետեր, տնօրեն Gohar Gevorgyan-ը թիվ ՎԴ/1248/05/25 վարչական գործով ՀՀ վարչական դատարանում ներկայացրել է «Սիստեմ Էլեկտրիկ» բաժնետիրական ընկերության շահերը՝ ընդդեմ ՀՀ Էկոնոմիկայի նախարարության մտավոր սեփականության գրասենյակի։

Վեճը ծագել էր «ArtGallery» բառային ապրանքային նշանին Հայաստանի Հանրապետությունում իրավական պահպանություն տրամադրելու մերժման կապակցությամբ։ Մտավոր սեփականության գրասենյակը գտել էր, որ «ArtGallery»՝ «արվեստի պատկերասրահ» իմաստն արտահայտող նշանը ԱԾՄԴ 9-րդ դասի ապրանքների համար կարող է սպառողներին մոլորության մեջ գցել և այդ հիմքով մերժել էր նշանի իրավական պահպանությունը։

Գործի քննության արդյունքում Դատարանը, համաձայնելով մեր դիրքորոշման հետ, հաստատել է, նման վեճերով ապրանքային նշանի միայն բառացի իմաստը բավարար չէ այն սպառողին մոլորեցնող համարելու համար։ Պետք է գնահատել նաև կոնկրետ ապրանքը, դրա վաճառքի միջավայրը և այն, ինչ ապրանքների համար է խնդրարկվում իրավական պահպանությունը, որտեղ են դրանք վաճառվում և ինչ է տվյալ պայմաններում իրականում ակնկալում սպառողը։ Նման պայմաններում «ArtGallery» նշանին հանդիպող սպառողը չի ակնկալի, որ իրեն առաջարկվում է արվեստի գործ կամ արվեստի պատկերասրահի հետ կապված ծառայություն։ Հետևաբար միայն «ArtGallery» բառի նշանակությունը չէր կարող բավարար հիմք լինել նշանը սպառողին մոլորեցնող համարելու համար։

✅Արդյունքում ՀՀ վարչական դատարանը 2026 թվականի հուլիսի 23-ի վճռով Ակցիոներնոյե օբշեստվո «Սիստեմ Էլեկտրիկ» բաժնետիրական ընկերության հայցն ընդդեմ ՀՀ Էկոնոմիկայի նախարարության մտավոր սեփականության գրասենյակի բավարարել է, և պարտավորեցրել է ՀՀ Էկոնոմիկայի նախարարության մտավոր սեփականության գրասենյակին թիվ 1742111 միջազգային գրանցմամբ «ArtGallery» ապրանքային նշանին տրամադրել իրավական պահպանություն բոլոր խնդրարկված ապրանքների համար և անվավեր ճանաչել ՀՀ Էկոնոմիկայի նախարարության մտավոր սեփականության գրասենյակի «Հայտարկված ապրանքային նշանի կրկնական փորձաքննության մասին» 02.12.2024 թվականի որոշումը։

👏Շնորհավորում ենք Գոհար Գևորգյանին և մեր վստահորդին՝ գրանցված կարևոր հաղթանակի կապակցությամբ, և շնորհակալություն ենք հայտնում «Սիստեմ Էլեկտրիկ» ընկերությանը՝ իր իրավունքների և օրինական շահերի պաշտպանությունը «Ի Էլ Էլ Գործընկերություն» իրավաբանական գրասենյակին վստահելու համար։

⚖️Մեր թիմը շարունակելու է հետևողականորեն օգտագործել իրավական պաշտպանության ամբողջ գործիքակազմը՝ վստահորդների իրավունքների և օրինական շահերի արդյունավետ պաշտպանությունն ապահովելու նպատակով։

🔗Գործի ավելի մանրամասն վերլուծությունը կարող եք տեսնել հետևյալ հաղմամբ՝ https://ell.am/en/Content/Article/1144

31/08/2026

Ամառը եզրափակենք կարևոր հաղթանակով...

«Ամուսինների՝ համատեղ կյանքի ընթացքում ձեռքբերված գույքը համատեղ սեփականություն է»:

Իսկ ի՞նչ, եթե ձեզ ասենք, որ իրավական պրակտիկային հայտնի այս բանաձևը այնքան էլ միանշանակ չէ, և որ գույքը կարող է ճանաչվել ամուսիններից մեկի սեփականությունը, եթե վերջինս ապացուցի և հիմնավորի, որ գույքը սեփական դրամական միջոցների փոխակերպումն է միայն։

Սրա վառ ապացույցն է վերջերս «Ի ԷԼ ԷԼ գործընկերություն» իրավաբանական ընկերության ավագ իրավաբան, փաստաբան Գոհար Ավագյանի հաղթանակը առաջին ատյանի ընդհանուր իրավասության քաղաքացիական դատարանում թիվ ՏԴ/0113/02/26 քաղաքացիական գործով։

Այսպես, հիմնվելով Վճռաբեկ դատարանի կողմից թիվ ԵԴ/36794/02/19 քաղաքացիական գործով վերջին տարիներին ձևավորած պրակտիկայի վրա՝ մեր փաստաբանական թիմը կարողացել է ապացուցել, որ չնայած գույքը ձեռք է բերվել համատեղ կյանքի ընթացքում, դրա 100 տոկոսի նկատմամբ սեփականության իրավունքը պատկանում է ամուսիններից մեկին՝ հիմնավորելով ներքոնշյալ՝ գործի լուծման համար էական նշանակություն ունեցող հանգամանքները․

1) ամուսիններից ու՞մ կողմից և ե՞րբ է ձեռք բերվել այն գույքը, որի օտարման արդյունքում ստացված միջոցների հաշվին ձեռք է բերվել այլ գույք,
2) ինչպիսի՞ հիմքով է ձեռք բերվել այն գույքը, որի օտարման արդյունքում ստացված միջոցների հաշվին ձեռք է բերվել այլ գույք,
3) ե՞րբ է օտարվել ամուսնու անձնական գույքը և ինչպիսի՞ հատուցում է կատարվել այդ գույքի օտարման գործարքով (որքա՞ն գումար է վճարվել, ինչպիսի՞ գույք է տրամադրվել),
4) օտարումից հետո ե՞րբ է ձեռք բերվել նոր գույքը,
5) արդյո՞ք ամուսնության ընթացքում նոր գույքը ձեռք է բերվել հենց այն միջոցների հաշվին, որոնք ստացվել են անձնական գույքի օտարման արդյունքում,
6) ամուսինների միջև առկա՞ է արդյոք ամուսիններից մեկի անձնական գույքի իրացման արդյունքում ստացված միջոցները խնայելու, օգտագործելու կամ տնօրինելու, կամ այդ միջոցների կամ նաև այդ միջոցների հաշվին ձեռք բերված այլ գույքի իրավական ռեժիմը որոշելու մասին կամ որևէ այլ վերաբերելի համաձայնություն:

Ըստ այդմ, մեր կողմից վերը բարձրացված հարցի պատասխանը թաքնված է հենց վերոնշյալ հանգամանքների գնահատման վրա, դե իսկ դուք կարող եք իմանալ, որ ձեր սեփականության իրավունքը կարող եք պաշտպանել անգամ համատեղ կյանքի ընթացքում ձեռքբերված գույքի առնչությամբ։

Կարևոր է հիշել միայն, որ անձնական դրամական միջոցի՝ այլ գույքի վերածվելու պարագայում իրավունքի փոխակերպված օբյեկտի (համապատասխանաբար՝ դրամական միջոցների և դրանց հաշվին ձեռք բերված այլ գույքի) նկատմամբ ևս ծագում է անձնական, այլ ոչ՝ ընդհանուր համատեղ սեփականության իրավունք՝ անկախ նշված փաստն ամուսնության ընթացքում տեղի ունեցած լինելու իրողությունից, քանի որ անձնական գույքի (դրամական միջոցի) հարկադիր փոխակերպումը համատեղ գույքի համաչափ չէ սեփականության իրավունքի սահմանափակման ողջամիտ հիմքերին։

24/07/2026

🇦🇲↘️The Legal 500 միջազգային հեղինակավոր հարթակում հրապարակվել է մեր ընկերության բաժնետեր Նորայր Բալայանի «Ռեդոմիցիլիացիան Հայաստանում. իրավասության փոփոխություն առանց ընկերության լուծարման» համապարփակ հոդվածը։

Հոդվածում հեղինակը խորապես անդրադարձ է կատարել 2016 թվականից Հայաստանում գործող ռեդոմիցիլիացիայի ինստիտուտին՝ ներկայացնելով ինչպես օտարերկրյա ընկերության՝ Հայաստան տեղափոխման, այնպես էլ հայաստանյան իրավաբանական անձի՝ արտերկիր տեղափոխման ամբողջ ընթացակարգը՝ նախնական և վերջնական գրանցումից մինչև պարտատերերի պաշտպանություն, պետական տուրք և հարկային հետևանքներ։

Սույն հոդվածը ցույց է տալիս մեխանիզմի հիմնական առավելությունը՝ իրավաբանական անձի ինքնության, հիմնադրման ամսաթվի, պայմանագրերի և լիցենզիաների շարունակականությունը՝ առանց լուծարման և նոր ընկերության հիմնադրման, ինչպես նաև բացահայտում է այն գործնական ռիսկերը, որոնք հաճախ մնում են ստվերում՝ սկզբնական իրավասությունից դուրս գալու հնարավորությունը, փաստաթղթերի վավերացումն ու բանկային սպասարկման ընդունումը։

Ըստ այդմ, հոդվածն անհրաժեշտ աղբյուր է այն գործարարների, ներդրողների և իրավաբանների համար, որոնք դիտարկում են բիզնեսի իրավասության փոփոխությունը՝ պահպանելով ընկերության պատմությունն ու գործարար հարաբերությունները։

Հոդվածը կարող եք կարդալ ստորև տեղադրված հղումներով։

https://ell.am/am/Content/Article/1143

https://www.legal500.com/firms/17421-ell-partnership-law-firm/c-armenia/news-and-developments/redomiciliation-to-armenia-changing-jurisdiction-without-liquidating-the-company

🇬🇧↘️ The Legal 500, the authoritative international platform, has published a comprehensive article by our firm's partner Norayr Balayan, "Redomiciliation to Armenia: Changing Jurisdiction Without Liquidating the Company".

In the article, the author examines in depth the institution of redomiciliation, which has been in force in Armenia since 2016, setting out the full procedure for both the transfer of a foreign company to Armenia and the transfer of an Armenian legal entity abroad — from preliminary and final registration through to creditor protection, state duty and tax consequences.

This comprehensive article demonstrates the principal advantage of the mechanism — continuity of the legal entity's identity, incorporation date, contracts and licences, without liquidation and the incorporation of a new company — while also addressing the practical risks that often remain overlooked: the availability of an exit route in the original jurisdiction, the authentication of documents, and bank onboarding.

Accordingly, the article is an essential resource for business owners, investors and lawyers considering a change of jurisdiction while preserving their company's track record and commercial relationships.

21/07/2026

2026 թվականի հուլիսի 1-ին ՀՀ փաստաբանների պալատում տեղի է ունեցել փաստաբանական ակադեմիայի շրջանավարտների արտոնագրման հանդիսավոր արարողությունը։

Արարողության շրջանակում «Ի ԷԼ ԷԼ Գործընկերություն» իրավաբանական գրասենյակի իրավաբան, արտոնագրված հավատարմատար Alvina Vardanyanին շնորհվել է փաստաբանական գործունեության արտոնագիր։

«Ի ԷԼ ԷԼ Գործընկերություն» իրավաբանական գրասենյակի թիմը շնորհավորում է Ալվինա Վարդանյանին այս նշանակալի ձեռքբերման կապակցությամբ և մաղթում արդյունավետ գործունեություն, մասնագիտական նոր բարձունքներ:

Վստահ ենք, որ իր մասնագիտական կարողություններով, սկզբունքայնությամբ և գործին նվիրվածությամբ նա շարունակելու է արժանի ներդրում ունենալ մեր վստահորդների իրավունքների ու օրինական շահերի պաշտպանության գործում։

Ուրախ ենք մեր գործընկերոջ հաջողությամբ և հպարտ՝ նրա մասնագիտական առաջընթացով։

https://ell.am/am/Content/Article/1142

14/07/2026

Հուլիսի 6-ին տեղի ունեցավ «Ի ԷԼ ԷԼ գործընկերություն» իրավաբանական գրասենյակի հիմնադրման 15-ամյակին նվիրված հանդիսավոր միջոցառումը, որը համախմբեց մեր գործընկերներին, թիմի անդամներին, վստահորդներին, ընկերներին և բոլոր նրանց, ովքեր տարիների ընթացքում դարձել են մեր պատմության մի մասը։

Անցած տասնհինգ տարիները պատասխանատու աշխատանքի, շարունակական զարգացման, մասնագիտական ձեռքբերումների և կարևոր հաղթանակների ճանապարհ են։ Այդ ճանապարհի հիմքում մշտապես եղել են վստահությունը, սկզբունքայնությունը, թիմային աշխատանքը և յուրաքանչյուր վստահորդի շահերի նկատմամբ առանձնահատուկ պատասխանատվությունը։

Միջոցառման ամենահիշարժան պահերից էր ՀՀ փաստաբանների պալատի և ՀՀ փաստաբանական ակադեմիայի կողմից գրասենյակին 15-ամյակի կապակցությամբ շնորհակալագրերի հանձնումը։ Մասնագիտական համայնքի կարևորագույն կառույցների կողմից ստացած այս գնահատանքը մեզ համար մեծ պատիվ, պատասխանատվություն և նոր եռանդով առաջ շարժվելու կարևոր խթան է։

Շնորհակալություն ենք հայտնում մեր հիմնադիրներին, գործընկերներին, թիմի յուրաքանչյուր անդամին, վստահորդներին և գործընկեր կազմակերպություններին՝ տեսլականի, նվիրումի, երկարամյա վստահության և արդյունավետ համագործակցության համար։

Հպարտությամբ ամփոփում ենք անցած ճանապարհը և վստահությամբ բացում մեր գործունեության նոր փուլը։

Շարունակում ենք ընդարձակել ազատության սահմանները։ ⚖️

Ամբողջական անդրադարձը՝ մեր կայքում։ https://ell.am/am/Content/Article/1141

10/07/2026

«Ի ԷԼ ԷԼ գործընկերություն» իրավաբանական գրասենյակի ավագ իրավաբան, փաստաբան Գոհար Ավագյանը որպես բանախոս մասնակցել է Հայաստանի արբիտրների ասոցիացիայի և Հայաստանի ամերիկյան համալսարանի համատեղ նախաձեռնությամբ կազմակերպված Արբիտրաժի ամառային դպրոցին։

Հունիսի 22–25-ը Հայաստանի ամերիկյան համալսարանում անցկացված ինտենսիվ կրթական ծրագիրը համախմբել էր արբիտրաժի ոլորտով հետաքրքրված ուսանողների։ Դասախոսությունների, մասնագիտական քննարկումների և դերախաղերի միջոցով մասնակիցները հնարավորություն են ունեցել զարգացնելու իրենց գործնական հմտություններն ու խորացնելու մասնագիտական գիտելիքները։

Գոհար Ավագյանն իր դասախոսության շրջանակում խորությամբ վերլուծել է օտարերկրյա և ներդրումային արբիտրաժային վճիռների վիճարկման, ճանաչման ու հարկադիր կատարման առանձնահատկությունները՝ հիմնվելով Նյու Յորքի կոնվենցիայի և միջազգային առաջավոր փորձի վրա։

Որպես Արբիտրաժի ամառային դպրոցի հովանավոր-գործընկեր՝ «Ի ԷԼ ԷԼ գործընկերություն» իրավաբանական գրասենյակը կարևորում է նման կրթական նախաձեռնությունները և հետևողականորեն աջակցում է Հայաստանում արբիտրաժային մշակույթի զարգացմանն ու մասնագիտական կարողությունների ամրապնդմանը։

10/06/2026

Այսօր «Ի Էլ Էլ գործընկերություն» իրավաբանական գրասենյակը նշում է իր հիմնադրման 15-րդ տարեդարձը: ⚖️✨

Այս տարիների ընթացքում մեր թիմը ցուցաբերել է նվիրվածություն և բարձր պրոֆեսիոնալիզմ՝ ընդարձակելով ազատության սահմաններն ու հավատարիմ մնալով ստանձնած առաքելությանը՝ նպաստելու իրավական պրակտիկայի զարգացմանն ու առավելագույնս պաշտպանելու մեր վստահորդների շահերը։ 🤝

Շնորհակալ ենք մեր բոլոր գործընկերներին և վստահորդներին այս տարիների ընթացքում մեզ վստահելու, մեզ հետ ճանապարհ անցնելու և մեր նվաճումների մասը լինելու համար։

Շարունակելու ենք մեր մասնագիտական ուղին նույն նվիրվածությամբ, պատասխանատվությամբ և սկզբունքայնությամբ՝ նպաստելով իրավական մշակույթի զարգացմանը Հայաստանում և Հայաստանի սահմաններից դուրս:

01/06/2026

🇬🇧⚖️The founding partner of our Law Firm, Taron Simonyan, and attorney Martun Panosyan, who oversees cooperation with Francophone countries, attended an event in Marseille on May 28–29, 2026, marking the 10th anniversary of SRDB LAW FIRM — a network bringing together law firms across three dozen countries.

🌍🤝 Members of the network exchanged experience in corporate law, investment law, and arbitration, and charted new directions for collaboration.
_______________________________________________________________________

🇦🇲⚖️Մեր գրասենյակի հիմնադիր Տարոն Սիմոնյանը և ֆրանկոֆոն երկրների հետ համագործակցության պատասխանատու, փաստաբան Մարտուն Փանոսյանը 2026թ-ի մայիսի 28-29ը Մարսելում մասնակցեցին երեք տասնյակ երկրներում իրավաբանական գրասենյակներ միավորող SRDB ընկերության հիմնադրման 10 ամյակին նվիրված միջոցառմանը։

🌍🤝Միավորման անդամները կիսվեցին կորպորատիվ, ներդրումային իրավունքի և արբիտրաժի բնագավառում իրենց փորձով և հաստատեցին նոր համագործակցության ուղենիշեր։

https://ell.am/en/Content/Article/1139

25/05/2026

🇦🇲🇪🇺 Սույն թվականի մայիսի 13-ից 15-ը Հայաստանի Հանրապետության էկոնոմիկայի նախարարության մտավոր սեփականության գրասենյակի և Եվրոպական միության մտավոր սեփականության գրասենյակի (EUIPO) համատեղ նախաձեռնությամբ անցկացվել է մտավոր սեփականության իրավունքների գրանցման և փորձաքննության հմտությունների կատարելագործմանը նվիրված եռօրյա աշխատաժողով՝ աշխարհագրական նշումների և ապրանքային նշանների թեմայով։

🤝 Աշխատաժողովին մասնակցել են նաև «Ի ԷԼ ԷԼ ԳՈՐԾԸՆԿԵՐՈՒԹՅՈՒՆ» իրավաբանական գրասենյակի բաժնետեր, տնօրեն Գոհար Գևորգյանը և իրավաբան, արտոնագրված հավատարմատար Ալվինա Վարդանյանը։

➡️ Աշխատաժողովի շրջանակում քննարկվել են Հայաստանում աշխարհագրական նշումների և ապրանքային նշանների պաշտպանության ոլորտում առկա արդի հարցերը, գործնական խնդիրներն ու զարգացման ուղղությունները, ինչպես նաև ներկայացվել է եվրոպական առաջատար փորձն ու դրա կիրառման հնարավորությունները Հայաստանում։

💡 Աշխատաժողովը կարևոր մասնագիտական հարթակ էր ոլորտի ներկայացուցիչների համար՝ փորձի փոխանակման, մասնագիտական գիտելիքների խորացման և մտավոր սեփականության իրավունքների պաշտպանության ոլորտում ժամանակակից մոտեցումների քննարկման համար։

«Ի ԷԼ ԷԼ ԳՈՐԾԸՆԿԵՐՈՒԹՅՈՒՆ» իրավաբանական գրասենյակը կարևորում է նման նախաձեռնություններին մասնակցությունը՝ որպես մասնագիտական շարունակական զարգացման, միջազգային փորձի ուսումնասիրության և մատուցվող իրավաբանական ծառայությունների որակի հետևողական բարձրացման հնարավորություն։

#ՄտավորՍեփականություն #ԱպրանքայինՆշաններ #ԱշխարհագրականՆշումներ #ԻրավաբանականԾառայություններ #Հայաստան

Address

80 Arami Str. , 2nd Floor
Yerevan
0002

Opening Hours

Monday	10:00 - 18:00
Tuesday	10:00 - 18:00
Wednesday	10:00 - 18:00
Thursday	10:00 - 18:00
Friday	10:00 - 18:00

Telephone

+37441581158

Website

http://www.ell.am/

Alerts

Be the first to know and let us send you an email when ELL Partnership Law Firm posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ELL Partnership Law Firm:

Want your practice to be the top-listed Law Practice in Yerevan?