09/09/2025
Թեև չարդարացվեց, բայց ազատությունն ապահովված է
Սույն քրեական գործով փաստաբան Արտուշ Հակոբյանի վստահորդը մեղադրվում էր պաշտոնատար անձի կողմից իր պաշտոնեական դիրքը չարաշահելուն դրդելու դրդիչի դրդչության մեջ: Մեղադրյալը արարք կատարել էր ծանր հանցագործության կատարման համար պատիժը պայմանականորեն չկիրառելու փորձաշրջանի ընթացքում: Գործի քննության դատաքննության ընթացքում պաշտպանական կողմը վիճարկման ենթարկեց և՛ քրեական վարույթ նախաձեռնելու, և՛ հանցակազմի պարտադիր հատկանիշների՝ տարրերի միաժամանկյա առկայության, ինչպես նաև կրկին անգամ նշանակված պատիժը պայմանականորեն չկիրառելու հարցերը, սակայն առաջին ատյանի դատարանը անտեսելով պաշտպանական կողմի ներկայացված փաստարկները՝ կայացրել է մեղադրական դատավճիռ՝ վերացնելով մեղադրյալի նկատմամբ նախկինում պատիժը պայմանականորեն չկիրառելու փորձաշրջանը և նրա նկատմամբ պատիժ նշանակել ազատազրկում 4 (չորս) տարի 1 (մեկ) ամիս ժամկետով:
Փաստաբան Արտուշ Հակոբյանի կողմից ներկայացվել է վերաքննիչ բողոք դատավճռի դեմ, վերաքննիչ դատարանը բողոք բավարարել է մասնակի՝ դատավճիռը պատժի մասով բեկանել և փոփոխել է, ազատազրկում պատիժը պայմանականորեն չի կիրառել և սահմանել է փորձաշրջան:
Պաշտպանական կողմը համակարծիք չլինելով վերաքննիչ դատարանի որոշման հետ վճռաբեկ բողոք է ներկայացրել քրեական վարույթի նախաձեռնման կարգի քրեադատավարական խախտման և արարքում հանցակազմի բացակայության հիմքերով, սակայն վճռաբեկ դատարանը վճռաբեկ բողոքը վարույթ ընդունելը մերժել է:
Հ.Գ
Պաշտպանության կողմն արեց հնարին ու անհնարինը առավելագույն արդյունքին հասնելու համար, այն է՝ արդարացման, մինչդեռ դատարանը որոշեց չարիքի փոքրագույնը՝ մեղադրյալը մնաց ազատության մեջ:
