06/10/2025
Vrasja në ambientet e gjykatës e gjyqtarit të Gjykatës së Apelit të Juridiksionit të Përgjithshëm, Astrit Kalaja, është një sulm i pastër kundër drejtësisë!
Ajo vë në rrezik këdo që, qoftë edhe sadopak, përpiqet të vendosë drejtësi e ti dal garant të drejtës.
Ky akt nuk është vetëm dështim i shtetit dhe pasojë e një fryme nxitëse kundër sistemit të drejtësisë dhe anëtarëve të tij përbërës, por edhe dështim i vetëdijes qytetare dhe mungesë civilizimi.
Kushdo që, qoftë edhe për një moment të vetëm, gjen ndonjë justifikim për këtë akt apo përpiqet ta relativizojë, duhet t’i bëjë një kontroll ndërgjegjes.
Veçanërisht si avokat, bashkohem me qëndrimin e Dhomës së Avokatisë se kjo ngjarje, për këdo, është një thirrje alarmi për sigurinë, së pari të jetës dhe shëndetit të kolegëve, gjyqtarëve dhe prokurorëve dhe njëkohësisht një thirrje veçanërisht për avokatët për thellimin e punës në ndërgjegjësimin e palëve në proceset penale, civile dhe administrative, për atë që atyre u takon ligjërisht dhe për pritshmëritë në proceset ku ata përfaqësojnë palët.
Çdo sulm kundër drejtësisë, gjyqtarve, prokurorëve dhe avokatëve, është sulm ndaj te drejtës dhe atij qe shpreson ta marr atë. Dhuna, sulmi dhe shantazhet e te fortit meritojnë vetëm ndëshkim.
Forcimi i besimit te drejtësia është rrugëzgjidhja, dhe jo sulmi kundër saj.
Ngushëllime për familjen e Gjyqtarit Astrit Kalaja!
