07/10/2026
യുഎഇയിലെ കർശനമായ ലഹരി വിരുദ്ധ നിയമങ്ങളെക്കുറിച്ചും യാത്രക്കാരും താമസക്കാരും സ്വീകരിക്കേണ്ട മുൻകരുതലുകളും
# # # # # # # # # # # # # # # # # # # # # # # # # # # # # # # # # # # # # # # # # # # # # # #
അഡ്വ:നജുമുദീൻ ദുബായ്, മൊബൈൽ 050 8687 983
# # # # # # # # # # # # # # # # # # # # # # # # # # # # # # # # # # # # # # # # # # # # # # #
1. മരുന്നുകളുടെ നിയമസാധുത പരിശോധിക്കുക (Check Legality) :- സാധാരണയായി മറ്റു രാജ്യങ്ങളിൽ എളുപ്പത്തിൽ ലഭിക്കുന്ന പല മരുന്നുകളും (വേദനസംഹാരികൾ, ചുമയ്ക്കുള്ള സിറപ്പുകൾ, വിഷാദരോഗത്തിനുള്ള മരുന്നുകൾ മുതലായവ) യു എ ഇ യിൽ നിയന്ത്രിത വസ്തുക്കളുടെ (Controlled Medicines) പട്ടികയിലായിരിക്കാം. യാത്ര തിരിക്കുന്നതിന് മുൻപ് നിങ്ങളുടെ കൈവശമുള്ള മരുന്നുകൾ യു എ ഇ യിൽ അനുവദനീയമാണോ എന്ന് ഔദ്യോഗിക വെബ്‌സൈറ്റുകൾ വഴി ഉറപ്പാക്കുക.
2. അനുമതിപത്രം നേടുക (Pre-Travel Approval) :- യു എ ഇ ആരോഗ്യ മന്ത്രാലയത്തിന്റെ (MoHAP) വെബ്‌സൈറ്റ് അല്ലെങ്കിൽ സ്മാർട്ട് ആപ്പ് വഴി നിയന്ത്രിത മരുന്നുകൾ രാജ്യത്തേക്ക് കൊണ്ടുവരുന്നതിനുള്ള മുൻകൂർ അനുമതി (Import Permit) ഓൺലൈനായി അപേക്ഷിച്ചു വാങ്ങാവുന്നതാണ്.
3. കൃത്യമായ മെഡിക്കൽ രേഖകൾ കരുതുക (Medical Documentation) :- നിങ്ങൾ കഴിക്കുന്ന മരുന്നിന്റെ കൃത്യമായ ഡോക്ടറുടെ കുറിപ്പടി (Prescription) കൈവശം ഉണ്ടായിരിക്കണം.
രോഗവിവരങ്ങളും മരുന്നിന്റെ ആവശ്യകതയും വ്യക്തമാക്കുന്ന, അംഗീകൃത ഡോക്ടർ സാക്ഷ്യപ്പെടുത്തിയ മെഡിക്കൽ റിപ്പോർട്ടും കൂടെ കരുതുന്നത് നിർബന്ധമാണ്.
സാധാരണയായി പരമാവധി 3 മാസത്തെ ഉപയോഗത്തിനുള്ള മരുന്നുകൾ മാത്രമേ (താമസക്കാർക്ക്) ഇങ്ങനെ കൊണ്ടുവരാൻ അനുവാദമുള്ളൂ. സന്ദർശകർക്ക് ഇത് 1 മാസത്തേക്ക് മാത്രമായിരിക്കും.
നിയമലംഘനം നടത്തിയാൽ കനത്ത പിഴ, തടവുശിക്ഷ, നാടുകടത്തൽ (Deportation), യുഎഇയിലേക്ക് വീണ്ടും പ്രവേശിക്കുന്നതിPre-Travel Approvalൽ വിലക്ക് എന്നീ നിയമപരമായ പ്രത്യാഘാതങ്ങൾ (Legal Consequences) നേരിടേണ്ടി വരും. ഇത് ഭാവിയിലെ തൊഴിലവസരങ്ങളെയും വിസ നടപടികളെയും ആഗോളതലത്തിലുള്ള യാത്രകളെയും ദോഷകരമായി ബാധിക്കും.
