02/06/2026
🔥بریکنگ نیوز 🔥شوہر سے ملنے عمان جانے والی خاتون سے دو نکاح نامے برآمد، ایف آئی اے نے تحقیقات شروع کر دی۔ ذرائع
خاتون اپنے خاوند سے ملنے عمان جا رہی تھی۔ کاغذات چانچ پڑتال کرنے پر مشکوک سمجھتے ہوئے آف لوڈ کرکے ایف آئی اے نے تحقیقات شروع کردیں اسلام آباد ایئرپورٹ پر ایف آئی اے نے خاتون کا فراڈ اسلام آباد انٹرنیشنل ایئرپورٹ پر ایف آئی اے امیگریشن نے ہوشیاری کی وہ مثال قائم کر دی جس نے انسانی سمگلنگ کے نیٹ ورک کو ہلا کر رکھ دیا۔
عمان جانے کی خواہشمند مسافر خاتون شابانہ بی بی کا جھوٹ اس وقت پکڑا گیا جب اس نے Relative Joining Visa لہرا کر امیگریشن افسران کو چکمہ دینے کی کوشش کی۔خاتون کا دعویٰ تھا کہ وہ اپنے شوہر سے ملنے عمان جا رہی ہے،
مگر کاغذ بول اٹھے اور سچ اگل دیا۔ جانچ کے دوران پیش کیا گیا میرج رجسٹریشن سرٹیفکیٹ پہلی ہی نظر میں جعلی نکلا۔ ایف آئی اے کے تربیت یافتہ افسران وہیں نہیں رکے۔ خاتون کے موبائل فون کی تلاشی لی گئی تو اس میں سے ایک اور نکاح نامہ برآمد ہو گیا۔
دو نکاح نامے، دو کہانیاں اور ایک ہی عورت۔ ازدواجی حیثیت کا یہ تضاد پوری گیم بے نقاب کرنے کے لیے کافی تھا۔ابتدائی تفتیش نے ثابت کر دیا کہ ویزا اور دونوں دستاویزات جعلی اور مشکوک طریقے سے بنوائے گئے تھے۔
یہ سیدھا سیدھا ویزا فراڈ اور انسانی سمگلنگ کی کوشش تھی جسے ایف آئی اے امیگریشن نے بروقت ناکام بنا دیا۔
ایف آئی اے نے فوری کارروائی کرتے ہوئے ملزمہ شابانہ بی بی کو آف لوڈ کر دیا اور مزید قانونی شکنجہ کسنے کے لیے اے ایچ ٹی سی اسلام آباد کے حوالے کر دیا۔ موبائل فون، پاسپورٹ، جعلی ویزا اور تمام مشکوک دستاویزات قبضے میں لے کر تحقیقات کا دائرہ وسیع کر دیا گیا ہے۔
حکام اب اس نیٹ ورک کی جڑ تک پہنچنے کے لیے تفتیش کر رہے ہیں جو معصوم لوگوں کو جعلی کاغذوں پر باہر بھیج کر ملک کی بدنامی کا باعث بنتا ہے۔
