20/05/2026
توضيح للناس يلي مافهمت طبيعة الرسوم الجمركية الجديدة🔻
من قبل كانت السيارة سواء حقها بأرضها 1000$ والا 100.000 (بأعلى كرت) جمركها 2500. هلق صارت اللي حقها 10000 بالفاتورة (بأرضها) جمركها %20 يعني 2000. يعني رخص 500 لل 1000 شو ماكن كرتها. والسيارات الرخيصة الزيرو يلي عبت البلد مثل الكيا kx1 وسيلتوس وبيغاس و وو و ..لسا جمركها اقل (يوصل لحدود الـ 1600-1800) حسب المصدر. والشي الثاني الايجابي السيارات الكهربا مثل الـ byd مثلا السيغال كان جمركها 2500 هلق صار 10 % يعني جمركها 960 دولار على اعتبار سعرها بالفاتورة 9600.
الامر الثالث السيارة الغالية مثل التاهو حقها 68 الف دولار بدال ما يكون جمركها بس 2500 غلي وصار 13600.. يعني ماعاد جمرك المورنينغ قد لاند كروزر.
منجي بقى للسيارات (المستعملة) تبع حقبة الاسد ريو سيراتو افنتي النترا و وو هي كلا من الان فصاعداً انقص عن قيمتا 2000 ل3000$ حسب النوع والوصف وسنة الصنع والحالة وووو.. لانو مامعقول بفارق 2000$ فوقا تاخد زيرو.
الخلاصة لا تخلو التجار تضحك عليكن واعرفو القرار صح وانه لصالح المستهلك والطبقة الاقتصادية
واعرفو انو السمسار ووسيط السيارات (الشقيع) همه يرفع السعر وياخد عمولته و فرق السعر ويمشي.. لاتسمعوله لانو مصلحته واضحة وضوح الشمس شو مابرر وحكى
