18/05/2026
🚨دفعت #عربون أو جزء من ثمن #عقار… وبعدها اكتشفت إنو عليه منع من البيع أو الموافقة الأمنية مرفوضة؟ شو بتعمل؟
كتير ناس بتوقع بهالمشكلة بسبب الثقة الزايدة أو الاستعجال بالشراء…
وبيكون المشتري دافع مبلغ كبير، وبعدها يتفاجأ إنو نقل الملكية مستحيل.
احد الاصدقاء يسأل:
"أستاذ أنا اشتريت عقار ودفعت نص المبلغ… وبعدها طلع عليه منع من البيع لأن الموافقة الأمنية إجت بالرفض، والبائع هلق رافض يرجع المصاري!"
_الجواب:
بهالحالة فيك تبدأ بإجراءات قانونية واضحة لحماية حقك، وأهمها:
✅ إرسال إنذار رسمي عن طريق الكاتب بالعدل للبائع، يتضمن مطالبته بإعادة المبلغ خلال مهلة قانونية محددة.
✅ إذا انتهت المهلة وما رجّع المبلغ، بيتم إقامة دعوى فسخ بيع بسبب تعذر تنفيذ العقد واستحالة إتمام نقل الملكية.
✅ ومن حقك أيضاً تطلب الحجز الاحتياطي على أموال البائع لضمان استرداد المبلغ المدفوع.
والأهم من كل هاد…
لا تعتمد فقط على الثقة مهما كانت العلاقة قوية.
قبل ما تدفع أي مبلغ بأي عقار أو سيارة أو وكالة:
1_ تأكد إنو ما عليه منع من التصرف أو البيع.
2_ تأكد إنو الموافقات المطلوبة ممكنة وليست مرفوضة.
3_ دقق بصحة الوكالات القانونية.
4_ تأكد إنو الوكالة غير معزولة.
5_ افحص كل الوثائق قبل الدفع، لأن المشاكل بهالمواضيع كتيرة واحتمالات الاحتيال ما بتنتهي.
_______________________________
