10/07/2026
"/Ci̱ Ruacdä bi̱ Ruaal ce̱tkɛ Jiath"
`------------------------|------------------------´
Ci̱ Ŋundɛŋ wee i̱, "/Ka̱n ni̱ riaw, ɣän /ci̱ ruacdä bi̱ ruaal ce̱tkɛ jiath. Mi̱ wia ɣä woth ce̱tkɛ këëy, biaa ruac jiääkdä nɛn bä, ɣän ŋa̱cä rami̱ caanyä(dhɔɔt) ɣä"
Jicnyääl 109:1-2
Ri̱w Nuääri̱ ti̱ ŋuan ci̱ lo̱ckiɛn baath. Ɛ kɛn dɔ̱ŋ i̱ /ci̱ ruaacni̱ Dɛ̈ɛ̈ŋ ŋot guäthni̱kiɛn kɛ ɣöö ca ri̱w wi̱i̱ni̱ Nuääri̱ ti̱ ŋuan ti̱ bum kɛ ko̱r däk! Duŋni̱ ɣöö ɛn däk wi̱i̱ni̱ Nuäärä ɛmɔ /cɛ jakni̱ ruaacni̱ Dɛ̈ɛ̈ŋ kä thiɛl gua̱a̱th, ɛ pɛndiɛn guäthni̱kiɛn!
"Ci̱ Ŋundɛŋ wee, 'Mi̱ ci̱ yiɛn ruaacni̱ kä lo̱k, bä yiɛ we luäk ɛ cia ro̱ŋni̱ tetdä kɛl'.
Jicnyääl 55:1-2.
Ɛn "Tet kɛl", lotɛ ni̱ tet Dɛ̈ɛ̈ŋ. Mi̱ lotni̱ ɣöö bi̱ naath kɔn luny kä Dɛŋ kɛ pal! Thiecni̱ ɣöö kɛn nɛy tɛ /ca wi̱i̱kiɛn dee däk tɔ̱, ci̱ kɛ be̱n tetä Dɛ̈ɛ̈ŋ kɛn diaal, kɛ ɣöö /ca wi̱i̱kiɛn bi̱lɛ däk? Luɔcdɛ ni̱ ɣöö kɛ nɛy ti̱ tɔt ci̱ be̱n kä Dɛŋɔ! Ɛ kuɛ la ŋu bël kɛ Dɛŋɔ kä lo̱kɛ ɣöö we naath tetkä dɛ?
Kɛ ɣöö ca ruac Dɛ̈ɛ̈ŋ lo̱k, cɛ naath jiök i̱, "Bä yiɛ nyuɔ̱th pal mi̱ /ka̱nɛ me̱t nën, bä göök marɔ̱a̱a̱li̱(Kuth juri̱) luɔ̱ny yɛ, tiɛmɛ guurun ɛ jɛn bia te̱e̱ kuɛ̱̈ɛ̱̈ ɔ, ka̱mä Cuk tëk kä kɔaŋ kɛni̱ lia̱" Jicnyääl 53: 1-2.
Cäŋni̱ min ci̱ Dɛŋ naath luɔ̱ny kuth juri̱ kɛ ɣöö ca ruacdɛ lo̱k, cɛ naath jiök i̱ "Tiɛmɛ guurun ɛjɛn bia te̱e̱ kuɛ̈ɛ̈ ɔ". 'Tiëm Gua̱ndan', lotɛ ni̱ ɣöö ba kuth juri̱ ba̱ny piny kä be naath kä Dɛŋ. Ɛ ku kɛ lɛl a nɛy da̱ŋdi̱ nhɔk ɣöö tiim gua̱ndiɛnɔ! Nhɔk ri̱wdani̱ ɣöö banɛ röt i̱ ci̱ "gaat(kuay) thuuk, duŋni̱ ɣöö ŋotɛ kɔŋ ri̱wdan ni̱ lia̱a̱ kɛ ɣöö ŋotɛ ri̱w nath bum wäthkiɛn ɛtet!
Ci̱ Dɛŋtääth ɛ lari̱,
"Kɛ run tin bia jääkdun guɔ̱ɔ̱r, bi̱ nyin kun diaal be̱n ɛ thia̱k" Jicnyääl 101:2. "Kä yiɛn biaa guɔ̱ɔ̱rɛ Kuoth, bi̱ malun te̱ thi̱n ni̱ ciaŋ gaat Dɛ̈ɛ̈ŋ" Jicnyääl 17:4
