29/07/2025
Waxaa sharaf iyo qaddarin weyn ii ah in aan ka mid ahaa marti-sharafta si rasmi ah loogu casuumay una ka qeybgalay munaasabad si heer sare ah loo soo agaasimay oo lagu soo dhaweynayey Agaasimaha Guud ee Agaasinka Waxbarashada Gobolka Banaadir, Mudane Cabdiraxmaan Cali Maxamed, oo si rasmi ah loo magacaabay Guddoomiyaha Gobolka Banaadir, Dr. Maxamed Xuseen (Muungaab).
Munaasabaddan qiimaha leh oo lagu qabtay jawi ay ka muuqatay farxad, niyad-wanaag iyo isu-tanaasul bulsho, waxay ahayd mid si cad u muujisay taageerada shacabka iyo masβuuliyiinta heer gobol iyo qaran u hayaan horumarinta waxbarashada caasimadda.
Intii aan hadalka hayay, waxaan diiradda saaray:
β’ Muhiimadda ay leedahay tayeynta adeegyada waxbarasho,
β’ Kobcinta xirfadaha dhalinyarada Soomaaliyeed si ay u noqdaan kuwo beddela baahida loo qabo ajaanibta aan xirfadda iyo waayo-aragnimada ku filnayn,
β’ Iyo ka qaybqaadashada Agaasinka Waxbarashada ee kobcinta jiil aqoonyahan ah oo dalka hagi kara.
Waxaa sidoo kale kasoo qeybgalay munaasabadda:
β’ Madaxweyne ku-xigeenka Dowlad Goboleedka Hirshabelle, Mudane Yuusuf Axmed Dabageed,
β’ Wasiirro h**e, oo ay ka mid yihiin Wasiirkii h**e ee Waxbarashada, Hiddaha iyo Tacliinta Sare, iyo Wasiirka Batroolka iyo Macdanta,
β’ Xildhibaanno, masβuuliyiin sare, iyo bahda waxbarashada dalka,
β’ Wakiillo matalaya dadka naafada ah,
β’ Guddoomiyaha Dhalinyarada Gobolka Banaadir,
β’ Guddoomiyaha Haweenka Gobolka Banaadir,
β’ Iyo marti-sharaf kale oo tiro badan.
Gabagabadii, waxaan hoosta ka xariiqayaa in magacaabista Mudane Cabdiraxmaan Cali Maxamed ay tahay tallaabo sharciyeysan oo waafaqsan awoodaha uu xeerku siiyay Guddoomiyaha Gobolka Banaadir, iyadoo laga rajeynayo in Agaasimaha cusub uu noqon doono haldoor horumar u horseeda waxbarashada gobolka, isla markaana uu si dhab ah uga jawaabi doono baahiyaha shacabka iyo hiigsiga dowladda hoose ee horumarinta adeegyada bulshada.
Ifiye law Firm
